Dagur - 12.06.1990, Blaðsíða 5
Þriðjudagur 12. júní 1990 - DAGUR - 5
88. aðalfundur Sambandsins markar þáttaskil í sögu samvinnustarfs hér á landi. Mynd: Ámí Bjama
„VD ekkert vera að spá í
mína stöðu á þessu stigi“
- segir Guðjón B. Ólafsson, forstjóri Sambandsins
Guðjón B. Ólafsson: „Ég hef aldrei farið dult með þá skoðun mína að ég
hefði gjarnan viljað sjá Sambandið í einu félagi svo lengi sem kaupfélögin
starfa sem blönduð félög.“
88. aðalfundur Sambandsins
var tímamótafundur. Tillaga
stjórnar Sambandsins um að
breyta deildum þess í hlutafé-
lög og gera Sambandið sjálft
að eignarhaldsfélagi sem fáist
ekki við rekstur, var samþykkt
með þorra atkvæða aðalfund-
arfulltrúa gegn einu. Þessi
ákvörðun markar þáttaskil í
sögu samvinnustarfs hér á
landi og mun hafa miklar
breytingar í för með sér innan
Sambandsins þegar hún kemur
til framkvæmda. Að fundinum
loknum náði Dagur tali af
Guðjóni B. Ólafssyni, for-
stjóra Sambandsins og innti
hann eftir því hvað honum
fyndist um þessar skipulags-
breytingar.
Langur aðdragandi
„Ég held að það sé mjög gott út
af fyrir sig að það virtist vera
alger samstaða um það á aðal-
fundinum að ganga til þeirra
mestu breytinga sem gerðar hafa
verið á Sambandinu og sam-
vinnustarfi frá upphafi. Það hefur
legið í loftinu í nokkuð langan
tíma, ég vil segja eina tvo eða
þrjá áratugi, að hugsanlega gæti
einhvern tíma komið til þess að
þeir mismunandi hagsmunahóp-
ar, sem Sambandið vinnur fyrir,
kæmust að þeirri niðurstöðu að
þeir ættu ekki nægilega mikla
samleið til þess að starfa alfarið í
einu félagi. Þetta var t.d. til
umræðu á árunum 1966-1968,
þegar vandamál voru hér mikil í
sambandi við sjávarafurðasölu.
Fyrsti vísirinn að aðgreindu starfi
var ef til vill þegar samtök frysti-
húsanna voru stofnuð og urðu
þar með aðilar að rekstri sjávar-
afurðadeildar og meðeigendur í
erlendu sölufélögunum. Það var
kannski fyrsta skrefið sem tekið
var í þessa átt.
Afleiðing langvarandi
rekstrarhalla
Ég vil ennfremur segja að það
sem nú hefur verið ákveðið er
kannski fyrst og fremst tilkomið
vegna þess að Sambandið hefur
lent í miklum vanda á undanförn-
um árum vegna skuldsetningar
og mikils fjármagnskostnaðar,
sem aftur hefur leitt af sér mikinn
hallarekstur. Ég hef hins vegar
aldrei farið dult með þá skoðun
mína að ég hefði gjarnan viljað
sjá Sambandið í einu félagi svo
lengi sem kaupfélögin starfa sem
blönduð félög. Það er á hinn bóg-
inn sjálfgefið að úr því að það er
vilji hágsmunaaðiíanna að leiðir
skilji að þessu leyti, hljóta starfs-
menn allir í Sambandinu, fram-
kvæmdastjórar og forstjóri eins
og aðrir, að fylgja þeirri leið.“
Mismunandi
hagsmunahópar
- Það hefur stundum verið
haft á orði að skorturinn á nýju
fjármagni, nýju eigin fé, hafi
lengi staðið Sambandinu fyrir
þrifum. Telúr þú að nýtt fjár-
magn skili sér inn í reksturinn
þegar breytingarnar yfir í hluta-
félög koma til framkvæmda?
„Maður verður auðvitað að
vonast eftir því. Þó verður að
hafa í huga að séreinkenni Sam-
bandsins umfram flest önnur
fyrirtæki hefur alltaf verið að
Sambandið er að vinna fyrir mis-
munandi hagsmunahópa og að
því leyti er Sambandið gerólíkt
flestum öðrum fyrirtækjum sem
eiga sér eitt markmið. Sem dæmi
má taka að markmið hlutafélaga
er yfir höfuð að skapa eigendum
hlutafélaganna arð. Markmið
hinna ýmsu hópa sem Sambandið
starfar fyrir er að fá hámarks
þjónustu fyrir lágmarks tilkostn-
að en ekki það að skapa Sam-
bandinu hagnað. Þetta hefur ver-
ið gegnumgangandi hluti af
vandamáli Sambandsins og hins
vegar það að Sambandið hefur
jafnan tekið til sín allt of mikinn
hluta af vandamálum fyrirtækja,
bæði á vegum Sambandsins og
tengdum samvinnustarfi út um
allt land. Þetta er að mínu mati
höfuðvandamálið."
Guðjón telur að ástæðan fyrir
því að til þessa „uppgjörs" innan
Sambandsins komi nú, sé fyrst og
fremst kollsteypa íslensks efna-
hagslífs undanfarin þrjú til fjögur
ár og þeir erfiðleikar sem yfir
Sambandið hafa dunið í kjölfar-
ið. „Ég held að það séu líkur á
því að ákvörðunin sem tekin var
á þessum fundi um að breyta
deildum Sambandsins í hlutafé-
lög, hefði ekki verið tekin ef hér
hefði allt leikið í lyndi.“
Annarra að dæma
- Því hefur verið haldið fram að
undanförnu að staða þín sem for-
stjóri Sambandins sé ótraust og
þá sérstaklega nú, eftir að þessi
ákvörðun var samþykkt. Hvernig
metur þú þína stöðu að afloknum
aðalfundinum?
„Ég vil ekkert um hana segja
að svo stöddu. Það eina sem ég
get sagt er að ég tel mig hafa með
góðri samvisku unnið hér nánast
nætur og daga í þrjú og hálft ár
eins og ég hef best getað. Það
verða aðrir að dæma um hvernig
þeim hefur þótt til takast. Það er
ekki mitt að gera það. Hvernig
verður í framtíðinni er algerlega
undir því komið hvaða ráðstafan-
ir verða gerðar hér þegar málin
fara að mótast. Ég á ekki von á
því að það komi í ljós fyrr en eftir
einhverjar vikur eða jafnvel mán-
uði. Þess vegna vil ég ekkert vera
að spá í mína stöðu á þessu
stigi,“ sagði Guðjón B. Ólafsson.
Til sölu:
Heiðarlundur: 5 herbergja raðhúsíbúð ásamt
bílskúr, stærð samtals 176 fm.
Ástand mjög gott.
Opið frá kl. 10-1:
Fasteignasalan hf
Gránufélagsgötu 4,
efri hæð, sími 21878.
Hermann R. Jónsson, sölumaður
og
heimasími utan skrifstofutíma er 25025.
Hreinn Pálsson, lögfræðingur.
Guðmundur Kr. Jóhannsson, viðskiptafræðingur.
MENNTASKÓLINN Á AKUREYRI
Hátíðardansleikur
í íþróttahöllinni á Akureyri
laugardaginn 16. júní
Hátíðarmatseðill, hátíðarhljómsveitir og skemmti-
atriði að hætti MA allra ára.
OpiÖ öllum \iA.-stúdentum
og gestum þeirra
Húsið verður opnað kl. 18 með lúðraþyt og sveiflu.
Verð miða kr. 3500. Miðar afgreiddir í setustofu
heimavistar MA 14. og 15. júní kl. 16-19 og laugar-
daginn 16. júní kl. 10-14. (Kreditkortaþjónusta.)
Uppl.sími 25499, aðeins á opnunartíma miðasölu.
Engin miðasala við innganginn.
MA 90
Hafnarstræti 98 • Akureyri ■ Sími (96) 22214
Við bjóðum ykkur
aðeins það besta.
Frjálslecf föt með
fullkomið notacfilcli.
Kjólar, dragtir, pils, blússur og buxnapils,
í öllum stærðum, fyrir konur á öllum aldri.
Fylcfihlutir í úrvali.
~llil.iH/ei*Luin ^íelnunnat