Þjóðviljinn - 16.12.1983, Blaðsíða 14

14 SÍÐA — ÞJÓÐVILJINN Föstudagur 16. desember 1983
Nýjar barnabækur
Um Sval
og félaga
Iðunn hefur gefið út þrjár nýjar
teiknimyndasögur um Sval og fé-
laga eftir belgísku teiknarann Fra-
nquin. Bjarni Fr. Karlsson þýddi
textann. - Sú fyrsta þessara bóka
heitir Með kveðju frá Z og fjallar
um Zorglúbb en hann er hinn mesti
þrjótur og fjölkunnugur mjög.
Seinni tvær bækurnar gerast neð-
ansjávar, nánar til tekið á 200
metra dýpi. Þar heldur sig hin
hættulega múrena, sem í þessu til-
viki er að vísu maður en ekki síður
hættulegur en fiskurinn múrena.
Segir frá því í Svamlað í söltum sjó.
Síðasta bókin heitir svo Sjávar-
borgin og er beint framhald á neð-
ansjávarævintýrum félaganna.
Aldraðir
æringjar
Iðunn hefur gefið út nýja teikni-
myndasögu um félagana Samma og
Kobba. Nefnist hún Aldraðir ær-
ingjar og er fjórða bókin um þá
félaga sem út kemur á íslensku.
Höfundur bókanna eru Berck og
Cauvin. Efni sögunnar er svo
kynnt: „Hvernig á að fara að ef
húsið er fullt af glæpamönnum á
eftirlaunum? Sammi og Kobbi taka
að sér gæslu á elliheimiii þar sem
enginn gæslumaður hafði haldist
við stundinni lengur. Bjarni Fr.
Karlsson þýddi texta bókarinnar.
Elías
Iðunn gefur út söguna Elías eftir
Auði Haralds og Valdísi Óskars-
dóttur. Myndir í bókina gerði Bri-
an Pilkington. - Elías er kunnur úr
Stundinni okkar í sjónvarpinu.
Hann er fyrirmynd annarra barna í
góðum siðum (eða hitt þó heldur),
er á förum til Kanada þegar sagan
hefst. Þar er pabbi hans, brú-
arsmiðurinn, búinn að fá vinnu og
mamma hans, tannsmiðurinn, fær
að smíða indíánatennur. En Magga
móða (fullu nafni Magga móður-
systir mömmu) er ekki á því að
sleppa fjölskyldunni úr landi...
*
Ida er
einmana
Iðunn hefur gefið út barnabók-
ina Ida er einmana eftir sænska
höfundinn Maud Reuterswárd.
Myndir í bókinni eru eftirTord Ny-
gren, en Jóhanna Sveinsdóttir
þýddi. Þetta er sjálfstætt framhald
bókarinnar Svona er hún Ida sem
út kom í íslenskri þýðingu í fyrra.
Sagan er ætluð börnum og er efni
hennar kynnt svo á kápubaki: „ída
er einmana. Nú er hún orðin sjö
ára og gengur auðvitað í skóla. Þar
eru margir krakkar og þau hafa
skemmtilegan kennara sem finnur
upp á ýmsu“.
ASTRiD LINDCREN
Karl Blómkvlst
í hættu staddur
Karl Blómkvist
í hættu staddur
Hjá Máli og menningu er komin
út önnur bókin um leynilögreglu-
manninn Karl Blómkvist eftir Ast-
rid Lindgren: Karl Blómkvist í
hættu staddur. Þorleifur Hauksson
þýddi þessa bók sem nú kemur út í
fyrsta sinn á íslensku.
Sagan segir frá spennandi at-
burðum í lífi krakka í smábæ eitt
sumar. Þegar sumarleyfið er byrj-
að getur Rósastríðið hafist líka.
Riddarar hvítu rósarinnar eru þrír:
Andri, Kalli og Eva Lotta, og ridd-
arar rauðu rósarinnar eru líka þrír,
Palli, Jói og Beggi, tilbúnir að berj-
ast til síðasta manns.
Bókin er 183 bls.
Eniga
meniga
Hjá Máli og menningu er komin
út bókin Eniga meniga með tuttugu
og tveim sönglögum eftir Ólaf
Hauk Símonarson. Ríkharður Örn
Pálsson hefur valið lögin og útsett
og hann teiknaði einnig nóturnar
Sönglög Ólafs Hauks hafa löngu
unnið sér sess meðal íslenskra
barna, og má meðal laga í bókinni
nefna Það vantar spýtur, Ryksugu-
. ENIGA .
MENIGA
Eníga meníga
Tuttugu sönglög og tveímur betur
eftír
Clat Hauk Slmonarson
lag, Það er munur að vera hvalur,
Allir hafa eitthvað til að ganga á og
Hattur og Fattur. Flest er lögin að
finna á hljómplötum Eniga men-
inga og Hattur og Fattur, en fáein
hafa ekki birst áður.
'i°rJ"»»Einnr

Hvað varð um
Einar ærslabelg?
Út er komin hjá Máli og menn-
ingu barnabókin Hvað varð um
Einar ærslabelg? eftir Gunillu
Bergström, í þýðingu Sigrúnar
Árnadóttur. Áður hafa komið út
sjö bækur um sama strák.
í nýju bókinni um Einar Áskel
segir frá því þegar hann hætti að
ærslast og óhlýðnast allt í einu og
pabbi hans vissi ekki hvað til stóð.
Hugsanleg skýring var sú að nú átti
drengurinn að byrja í skóla og
kannski var hann kvíðinn.
Bókin er 31 bls. að stærð með
mörgum myndum eftir höfundinn.
Gægjubækur
Almenna bókafélagið hefur sent
frá sér þrjár bækur fyrir unga les-
endur í flokki svonefndra gægju-
bóka, en þær eru þannig að á ann-
arri hverri blaðsíðu er spurning
viðkomandi því efni, sem bókin
fjallar um, en á síðunni á móti er
mynd sem snertir spurninguna og
lítið spjald sem fletta má upp og
undir spjaldinu er svar við spurn-
ingunni. Þessar bækur eru eftir
Bretann Eric Hill.
Gægjubækurnar eru þessar:
Dýrin. Spurningar í henni fjalla
eingöngu um dýr. Dæmi um spurn-
ingu: Hvað er stórt, hvítt og loðið
og á heima í heimskautalöndum?
Myndin á móti er af hafísjaka undir
fullu tungli. Fletti maður upp
spjaldinu kemur í ljós mynd af ís-
birni og nafnið ísbjörninn.
Hver gerir hvað. Hún fjallar um
nöfn á ýmsum starfshópum.
Þriðja gægjubókin nefnist And-
heiti, og sést af nafninu um hvað
hún fjallar. Dæmi: Hvert er and-
heitið við digur? Svarið undir
spjaldinu er vitaskuld mjór, og á
opnunni eru myndir af nflhesti, en
undir spjaldinu mynd af slöngu.
barnabækur
Almenna bókafélagið hefur gef-
ið út þrjár bækur fyrir yngstu les-
endurna eftir Beatrix Potter, fræg-
an breskan barnabókahöfund.
Þýðandi er Sigrún Davíðsdóttir.
Þessar bækur eru:
Sagan um Pétur kanínu. Hún
fjallar um ærslabelginn Pétur kan-
ínu, nánasta umhverfi hans og
hættuleg ævintýri sem hann lendir
í.
Sagan um Tuma kettling. Þessi
Tumi kettlingur er hálfgerður
óþekktarangi en ansi skemmti-
legur.
Sagan um Jemínu pollaönd.
Jemína vildi fremur unga út eggj-
unum sínum sjálf en láta einhverja
hænu gera það. En hún setti sig í
mikla hættu, því að rebbi sat á svik-
ráðum.
Litmyndir eru á annarri hverri
síðu í þessum bókum af þeim at-
burðum sem verið er að segja frá á
síðunni á móti.
ÍÍ3RN tKtaiiNQBM VtVIAN ÍZAHt ÖLSEN
FrúPigalopp
cgjólapósturinn
l'&Sörrf.O ;v. ’í- Y'trv-fWs
ÆSKAN
Frú Pigalopp
og jólapósturinn
Höfundur er Björn Rönningen
en Guðni Kolbeinsson þýddi.
Frú Pigalopp er mikil kjarna-
kona sem á heima í Þúsunddyra-
húsinu uppi á hæðinni fyrir ofan
bæinn. í fyrra týndust öll jólakortin
hennar í póstinum svo að hún á-
kveður að vinna sem aukapóstur
fyrir þessi jól. Þá getur hún sjálf
séð um að jólapósturinn hennar
komist á áfangastað.
En margt fer öðruvísi en ætlað
er. Þótt frú Pigalopp sé
þaulreyndur póstur og eigi meira
að segja heimsmet í hraðpóstferð,
þá verður margt til að tefja hana.
Frú Pigaiopp telur nefnilega að
það sem mestu skipti í heimi hér sé
að hafa tíma fyrir aðra: Mega vera
að því að taka þátt í sorg og gleði
annarra og leggja þeim lið.
Frú Pigalopp og jólapósturinn er
jákvæð barnabók um síglaða konu
sem metur lífið meira en lífsgleði.
Æskan gaf út.
Helgar-
sportið
Körfubolti
Tíundu umferð úrvals-
deildarinnar lýkur í kvöld en þá
mætast ÍBK og ÍR í Keflavík kl.
20. Tapi ÍR-ingar í kvöld, eru
þeir næsta vonlitlir um að halda
sæti sínu í deildinni og ekki bæt-
ir úr skák fyrir þá að Viðar
Vignisson var væntanlegur frá
Bandaríkjunum í morgun og
verður hann með ÍBK í þessum
leik og tveimur næstu.
Þrír leikir eru á dagskrá í 1.
deild kvenna. ÍS og Snæfell
mætast í Hagaskólanum á
morgun kl. 15.30, UMFN og
Haukar í Njarðvík kl. 14 á
sunnudag og kl. 18.30 sama dag
leika KR og ÍR í Hagaskóla. í 1.
deild karla verða tveir leikir á
morgun og hefjast báðir kl. 14.
Þór og Grindavík leika á Akur-
eyri og Skallagrímur-Laug-
dælir í Borgarnesi.
Gylfl Þorkelsson og félagar í ÍR
mæta ÍBK í kvöld.
Handbolti
Leikmenn 1. deilarinnar
karla og kvenna eru komnir í
jólafrí nema landsliðsmennirnir
sem eru í Austur-Þýskalandi.
Einn leikur fer fram í 2.
deildarkeppni karla í kvöld. HK
og Grótta mætast í Digranesi í
Kópavogi kl. 19.30. A mánu-
dagskvöldið leika síðan IR og
Fylkir í Seljaskólanum kl. 20.
Blak
Jólafríið er byrjað hjá flest-
um í blakinu en þó verða þrír
leikir háðir í Digranesi í Kópa-
vogi á sunnudaginn. HK og Vík-
ingur leika í 1. deild karla kl.
14, Breiðablik og Samhygð í 2.
deild karla kl. 15.20 og leiks
Breiðablik-Víkingur í 1. deild
kvenna kl. 16.40.
Hlaup
Stjörnuhlaup FH fer fram á
morgun, laugardaginn 17. des-
ember, og hefst við Lækjar-
skólann í Hafnarfírði kl. 14.
Væntanlegir keppendur eru
beðnir að mæta uppúr 13.30 til
skráningar.
Keppt verður í flokki karla
fæddum 1965 og fyrr, kvenna
fæddum 1969 og fyrr, drengja
fæddum 1966-69, pilta fæddum
1970 og síðar, og telpna fædd-
um 1970 og síðar. Allir eru vel-
komnir í hlaupið og þátttakend-
ur fá verðlaunaskjal með ár-
angri sínum skráðum að hlaupi
loknu.
Karate
Karatefélag Reykjavíkur
gengst fyrir hátíðarmóti á
morgun, laugardag, í tilefni 10
ára afmælis félagsins og hefst
það kl. 15 í Laugardalshöllinni.
Keppt verður í kumite (bar-
dagi), bæði í 5 manna sveitum
og einstaklingar í þyngdar-
flokkum, og kata kvenna. Dag-
ana eftir mótið verður haldið
námskeið í karate fyrir karate-
iðkendur í Hlíðaskóla. Þjálfari
verður shihan Ingo de Jone, 4.
dan í goju-rye karatedo, en
hann verður einnig aðaldómari
á mótinu á morgun. Námskeið-
ið verður dagana 18.-22. des-
ember kl. 11-13.