Þjóðviljinn - 25.01.1985, Blaðsíða 17

FISKIMAL
Fréttir víösvegar að
Verð á bræðslufiski
í Danmörku á s.l. ári
Fiskimjölsverksmiðjurnar í
Esbjerg á Jótlandi tóku á móti
579,459 tonnum af hráefni til
fiskimjölsframleiðslu á s.l. ári og
greiddu fyrir það samtals 441,056
d.kr.
Þetta kom fram á aðalfundi
verksmiðjanna sem haldinn var
17. desember s.l.
Árið 1983 tóku verksmiðjurn-
ar á móti 593,794 tonnum og
greiddu fyrir það 390,908,962
d.kr. Þá hækkaði verðið til sjó-
manna og skipa við uppgjör úr
65,8 d.aurum í 76,2 d.aura á kg.
Metár í olíu
og gasframleiðslu
í Noregi
Á árinu 1984 varð olíufram-
leiðsla Norðmanna 60,2 miljón
tonn, á móti 55 miljón tonna
framleiðslu árið áður. Þetta er
átta til níu sinnum meiri olía held-
ur en Norðmenn nota sjálfir.
Tekjur norska ríkisins af olí-
uframleiðslunni þegar allt er með
reiknað, eru á árinu 1984 sagðar
vera 38,5 miljarðar norskar krón-
ur, sem er 8 miljörðum hærra en
árið 1983.
Verslunarsamningur
á milli Svíþjóðar
og Grænlands
Nýlega var gerður verslunar-
samningur á milli Svíþjóðar og
Grænlands. Svíar fá að flytja toll-
frítt til Grænlands iðnaðarvörur.
Grænlendingar flytja hinsvegar
til Svíþjóðar á sama hátt rækjur,
frosinn fisk og selskinn. Útflutn-
ingur Grænlendinga til Svíþjóðar
á síðustu árurn hefur verið á bil-
inu 55-80 miljónir d.kr. á ári.
Skreiðarbirgðir
í Noregi fyrir
Nígeríumarkað
Talið er að nú liggi í Noregi
skreið fyrir markað í Nígeríu að
verðmæti n.kr. 700 miljónir.
Norska veður-
athugunarskipið
Polarfront
Búist hafði verið við að verður-
athugunarskipið hætti starfsemi
sinni við árslok 1985, en þá rann
út sá samningur sem í gildi var á
milli 15 Evrópulanda sem standa
straum af útgerð skipsins. Nú
hefur hinsvegar þessi samningur
verið endurnýjaður og á hann að
gilda til ársloka 1988. Á skipinu
er 30 manna áhöfn.
Hátt verð á
saltfiski á Sunnmæri
í Noregi
Rétt fyrir síðustu jól barst á
land í Sunnmæri 1500 tonn af
saltfiski. Meðalverð á fiskinum
var n.kr. 16.25 fyrir kg. f desemb-
er 1983 var meðalverð hinsvegar
n.kr. 11.00 fyrir kg. Mörg skip
áttu að leggja út á veiðar í salt frá
Sunnmæri nú í janúarmánuði.
Saltfiskverðið sem skipin fengu
fyrir jólin leiddi til bjartsýni hjá
skipshöfnum sem þessar veiðar
stunda. Hér er eingöngu um fisk
veiddan á línu að ræða.
Syning a fiskafurðum
í Los Angeles
5.-7. febrúar
Sýning á fiskafurðum víðsveg-
ar úr heiminum verður haldin í
Los Angeles í Kaliforníu í Banda-
ríkjunumdagana5. til 7. febrúarí
ár. Sýnine þessi ber heitið Sea
Fare ’85. Búst er við að margt
nýtt komi fram á sýningunni.
Rækjuafli
Norðmanna
Á árunum 1977 til 1984 tvö-
faldaðist rækjuafli Norðmanna.
Árið 1983 unnu 130 rækjuverk-
smiðjur í NoregiJO þús. tonn af
rækju. Á árinu 1984 voru rækju-
vinnslustöðvarnar orðnar 180 og
var reiknað með að þær mundu fá
það ár 65 þús. tonn af rækju.
Fiskimjöl til
manneldis
Norðmenn hafa um nokkurra
ára skeið verið að þróa fram-
leiðslu á fiskimjöli til manneldis.
Á s.l. ári framleiddu þeir af þessu
mjöli 1100 tonn, en sú fram-
leiðsla var uppseld í nóvember-
mánuði þegar þeir ætluðu að
senda slíkt mjöl til Eþíópíu.
Ástæðan fyrir þessu er sögð sú,
að íþróttamenn frá Norðurlönd-
unum eru farnir að nota þetta
mjöl, segja að það auki bæði
kraft og úthald.
Flokkur dauðra
gráhvala
Á sl. hausti fannst stór flokkur
dauðra gráhvala í sundinu á milli
Vancovereyju á Kyrrahafsströnd
Kanada og lands. Þá fundust líka
dauðir gráhvalir á Georgiugrunn-
inu. Vísindamenn telja að eitur-
efni frá iðnaði sem sleppt hefur
verið í hafið sé orsökin fyrir
þessu.
Ostruskelframleiðsla
í Mexíkó í hættu
í Mexíkó hefur ársframleiðslan
af ostruskel verið 27 þús. tonn á
ári. Á s.l. ári bárust eiturefni frá
iðjuveri sem kastað var í fljót inn
á eldissvæði þar sem 8500 tonn af
ostruskel voru í ræktun. Talið er
að þetta óhapp leiði til þess að-
heildar ostruskelframleiðslan
minnki um 25%.
Rækjuafli Græn-
lendinga árið 1984
Þann 10. desember á s.l. ári var
rækjuafli Grænlendinga orðinn
29,972 tonn, en rækjuveiðarnar
voru stöðvaðar þann 14. desemb-
er þar sem búið var að veiða
meira en fyrirfram ákveðnum
ársafla nam, en hann var 28,620
tonn.
Fiskinnflutningur
til Bretlands
Á átta mánuðum s.l. árs eða til
1. september er talið að fiskinn-
flutningur til Bretlands hafi verið
468,042 tonn og að innkaupsverð
hafi verið 404 miljónir sterlings-
punda. Þetta er 8% aukning á
magni og 7% aukning á verði
miðað við sama tímabil á árinu
1983.
Færeyingar með
nýja fiskafurð
á markað
Nú um s.l. áramót voru frænd-
ur okkar Færeyingar byrjaðir að
framleiða nýja fiskafurð úr laxi,
rækjum og ýsu sem er hakkað og
blandað saman í dósir. Þegar
fréttin var gefin út þá var búið að
flytja á markað 50 dósir af þessari
nýju afurð.
Surimi framleiðsla
í Alaska
Japanir hófu fyrir nokkrum
árum að framleiða fiskafurð úr
Alaskaufsa sem er ódýrt hráefni.
Þetta nýja fiskmeti Japana er
með sama bragði og er af risa-
krabbanum sem veiðist í Bering-
sundi sem er eitt dýrasta sjávar-
dýr sem veiðist. Nú hefur fyrir-
tækið Pacifc Seafoods í Kodíak í
Alaska keypt framleiðsluleyfið á
þessari fiskafurð af Japönum og
vélar til framleiðslunnar og hófu
framleiðslu seint á s.l. ári. Þá
hafa einnig Færeyingar fengið
samskonar leyfi. Þessi fram-
leiðsla hefur selst fyrir hátt verð á
Bandaríkj amarkaði.
Tilraunir með
sjóbleikju
sem eldisfisk
í norður Noregi er verið að
gera tilraunir með sjóbleikju sem
eldisfisk. Laxeldið í norður Nor-
egi gengur vel þó sjór sé þar kald-
ari heldur en við suðvestur Noreg
þarsem laxeldið hófst. Hinsvegar
gengur eldið á regnbogasilungi
ekki eins vel í kaldari sjó. Fiski-
menn í norður Noregi eru því að
gera tilraunir með eldi á sjó-
bleikju sem kæmi í staðinn fyrir
regnbogasilunginn. Þessar til-
raunir eru sagðar spá góðu.
SKULDABRÉFAÚTBOÐ
Samband íslenskra samvlnnufélaga hefur gefiö út skuldabréfaflokk
hlutdeildarskuldabréfa að upphæö 10.000 kr. og 100.000 kr. til sölu á
almennum verðbréfamarkaði.
Markmið skuldabréfaútgáfunnar er þríþætt:
• Að fjármagna atvinnuuppbygg-
ingu með innlendu lánsfé.
• Aðgefasparifjáreigendumnýjan
kost á hagkvæmri ávöxtun sparifjár.
• Að fara nýja leið til að efla
íslenskan fjármagnsmarkað.
ZJ
öðmvísi frétti ir
Auglýsið í Þjóðviljan um |
Föstudagur 25. janúar 1985 ÞJÓÐVILJINN - SÍÐA 17
Kaupþing hf. hefur séð um skuldabréfaútboðið og eru bréfin til sölu þar og
í samvinnubanka íslands hf.
^ SAMBAND ÍSLENSKRA SAMVINNUFÉLAGA