Þjóðviljinn - 01.07.1986, Blaðsíða 3

FRETTBR
Skattrannsóknir
Árangurinn
áttfaldast
Garðar Valdimarsson:
Gera má enn betur.
Erfitt að fá hœfa starfsmenn
sökum launakjara
Arangur embættis skatt-
rannsóknarstjóra hefur
aukist verulega s.l. 2 ár. A fyrstu
5 mánuðum þessa árs hefur starf-
semi embættisins leitt til hækkana
opinberra gjalda að upphæð
rúmlega 83 milljómim króna.
Sambærileg tala fyrir allt árið
1984 nam tæpum 23 milljónum.
Miðað við 12 mánuði er hér því
um áttföldun að ræða.
Garðar Valdimarsson skatt-
rannsóknarstjóri kvaðst þakka
þennan árangur þeim skipulags-
breytingum sem gerðar voru í
árslok 1984, en þá var starfse-
minni skipt niður í 3 deildir, tölv-
ur keyptar og starfsmönnum fjöl-
gað úr 18 í 27. Sagði hann að þrátt
fyrir aukinn rekstrarkostnað væri
hlutfall hans af heildarárangri
mun lægra en áður var. Nú næmi
rekstrarkostnaður einungis 9%
af heildarárangri, en hefði fyrir
aðeins 2 árum numið 27%.
Skattrannsóknarstjóri benti á
að hér væri þó aðeins um hin
beinu og mælanlegu áhrif að
ræða. Gera mætti ráð fyrir að hin
óbeinu áhrif væru mun meiri en
framangreindar upphæðir segðu
til um. Almennt eftirlit og heim-
sóknir í fyrirtæki væru líkleg til að
skapa víðtæk varnaráhrif sem
kæmu á sinn hátt í veg fyrir
skattsvik.
Aðspurður kvaðst skatt-
rannsóknarstjóri þess fullviss að
gera mætti enn betur. Hins vegar
væri launamálum þannig háttað
að erfitt væri að fá hæfa starfs-
menn og halda þeim í starfi.
G.Sv.
Verðlaunahafarnir: Frá v. Tómas Einarsson, Helgi Skúli Kjartansson og Karvel Ögmundsson. Mynd — Ari
Námsgagnastofnun
Verðlaun fyrir bamabækur
Námsgagnastofnun afhcnti í
gær verðlaun fyrir handrit í
samkeppni sem stofnunin efndi til
um ritun bóka fyrir börn um ýmis
fræðandi efni, einkum íslands-
sögu og náttúru landsins. Miðað
var við að þessar bækur væru við
hæfí skólabarna á aldrinum 9-13
ára.
Alls bárust 24 handrit í sam-
keppnina og var dómnefnd sam-
mála um að veita Helga Skúla
Kjartanssyni 1. verðlaun fyrir
handritið Vesturfarar. 2. verð-
laun hlaut Karvel Ögmundsson
fyrr. útgerðarmaður fyrir hand-
ritið Refir og 3. verðlaun Tómas
Einarsson fyrir handritið Undir
Jökli.
Þá veitti dómnefndin einnig
nokkrum öðrum viðurkenningu
fyrir handrit sín en það eru þau
Ingibjörg MöIIer sem skrifaði um
Friðlandið Hornstrandir fyrr og
nú, Rut Magnúsdóttir sem skrif-
aði um Mýrarárið, Einari
Pálssyni fyrir Goðaveli og Baug-
urinn helgi, Ara Trausta Guð-
mundssyni fyrir Hvað er Jökull?
Jöklar á íslandi, Hallgerði Gísla-
dóttur fyrir Eldhúsdaga, og
Rögnvaldi Erlingssyni fyrir
Draumferðir og liðnir æsku-
leikar.
í dómnefndinni áttu sæti þau
Sigríður Jóhannesdóttir form.
Erla Kristjánsdóttir og Örnólfur
Thorlacius. - lg-
Hafskip/Albert
Óþolandi tvískinnungsháttur
Guðmundur Einarsson: Forsætisráðhera skýlir sér á bak við
Sjálfstœðisflokkinn
Ef forsætisráðherra heldur
áfram að víkja sér svona
undan ábyrgð þá hlýtur málið að
koma til kasta Alþingis, sagði
Guðmundur Einarsson þingmað-
ur Bandalags jafnaðarmanna í
tilefni af svarbréfi því er honum
hefur nú borist frá forsætisráð-
herra, en á dögunum ritaði Guð-
mundur honum bréf þar sem
hann krafðist tafarlausrar af-
sagnar Alberts Guðmundssonar.
I svarbréfi sínu kveðst forsætis-
ráðherra hafa komist að þeirri
niðurstöðu að ekki sé lagalegur
grundvöllur til að krefjast afsagn-
ar iðnaðarráðherra. Ennfremur
vísar hann til þeirrar staðreyndar
að Albert Guðmundsson sé til-
nefndur til stjórnarsetu af þing-
flokki Sjálfstæðisflokksins.
Guðmundur Einarsson benti á
að f sjónvarpsfréttum s.I. föstu-
dag hefði forsætisráðherra sagst
mundu segja af sér í sporum Al-
berts og þar með vísað til sið-
ferðilegs grundvallar slíkrar af-
sagnar. Nú hins vegar geri hann
tilraun til að skýla sér á bak við
þingflokk Sjálfstæðisflokksins.
Þetta væri með öllu óþolandi tví-
skinnungsháttur af hálfu forsætis-
ráðherra.
Guðmundur bætti við: Tengsl
Alberts Guðmundsonar við Haf-
skipsmálið hafa stórlega rýrt
traust almennings á núverandi
ríkisstjórn. Þetta mál er ekki háð
lagalegri sekt eða sýknu. Fram-
ferði Alberts Guðmundssonar
samrýmist einfaldlega ekki stöðu
hans sem ráðherra. Af minni.
hálfu eru því á ferðinni siðferði-
legar kröfur sem ég tel að menn
verði að lúta án tillits til hugsan-
legrar niðurstöðu dómstóla.
í harðorðu bréfi sem Guð-
mundur Einarsson hefur nú sent
forsætisráðherra segir hann m.a.:
„f bréfi yðar gerið þér tilraun til
að skjóta yður á bak við þing-
flokk Sjálfstæðisflokksins. Yður
hlýtur þó að vera ljóst að þing-
flokkar bera enga stjórnskipu-
lega ábyrgð og fara ekki með
neitt vald í þessum efnum. Það er
forsætisráðherra sem fer með
þetta vald og ber því ábyrgð sem
hann hlýtur að axla.“
G.Sv.
Borgarstarfsmenn
Stórfelld kjarajöfnun
Alþýðubandalag, Kvennalisti og Alþýðu-
flokkur leggja til að lágmarkslaun verði 30
þúsund krónur frá l. september
B
orgarfulltrúar Alþýðubanda-
lags, Kvennalista og Alþýðu-
flokks munu flytja tillögu á borg-
arstjórnarfundi á fímmtudaginn
um að lágmarkslaun starfsmanna
borgarinnar verði 30 þúsund
krónur frá 1. september.
Að sögn Guðrúnar Ágústs-
dóttur Abl. verður lagt til að
greiddar verði launauppbætur til
starfsmanna þannig að enginn
hafi laun innan við 27 þúsund
krónur fyrir fulla dagvinnu frá 1.
júní og 1. september hafi enginn
laun undir 30 þúsund krónum.
Starfsmannafélag Reykjavík-
urborgar hefur nýlega skrifað
undir sérkjarasamning, sem felur
í sér flokkatilfærslur, en eftir sem
áður hefur stór hópur borgar-
starfsmanna laun undir 27 þús-
und krónum.
I tillögu flokkanna þriggja er
kveðið á um að borgarráð muni
sjá um nánari útfærslu í samráði
við þau stéttarfélög sem eru við-
semjendur borgarinnar. Gert er
ráð fyrir að þetta muni gilda þar
til nýir kjarasamningar verði
gerðir. - gg
Alþingishúsið
25 tillögur bárust
Itilefni af 100 ára afmæli Alþing-
ishússins samþykkti Alþingi að
efna til samkeppni um gerð og
skipulag nýbyggingar fyrir starf-
semi þingsins. AIls bárust 25 til-
lögur en rétt til þátttöku höfðu
allir félagar í Arkitektafélagi ís-
lands og þeir aðrir sem hafa leyíi
til að leggja aðalteikningar fyrir
byggingarnefnd Reykjavíkur.
Dómnefndin hefur þegar hafið
störf og áætlar að ljúka þeim í
júlílok. Verðlaunafé er samtals
tæpar 3 miljónir og verða 1. verð-
laun ekki lægri en 1375 þúsund
krónur.
í dómnefnd eiga sæti þau Þor-
valdur Garðar Kristjánsson, Ing-
var Gíslason, Salóme Þorkels-
dóttir, Þorvaldur S. Þorvaldsson,
Helgi Hjálmarsson, Hilmar Þór
Björnsson og Stefán Benedikts-
son.
-K.Ól.
AUGLÝSING
UMINNLAUSNARVEFE)
VEFÐTRYGGÐFIA
SPARISKlRTEINA RÍKISSJÓÐS
FLOKKUR INNLAUSNARTÍMABIL INNLAUSNARVERÐ* ÁKR. 100,00
1985-1. fl.C 10.júlí 1986 kr. 156,57
'lnnlausnarverð er höfuðstóll, vextir, vaxtavextir og verðbót.
Innlausn spariskírteina ríkissjóðs fer fram í afgreiðslu
Seðlabanka íslands, Hafnarstræti 10, og liggja þarjafnframtframmi
nánari upplýsingar um skírteinin.
Reykjavík, 26. júní 1986
SEÐLAB ANKIÍSLANDS