Þjóðviljinn - 01.07.1986, Blaðsíða 14

HEIMUMNN
Margir
Demókratar í
Bandaríkjunum
segjanúað 100
dollara aðstoðin
við
gagnbyltingaröfl
í Nicaragua sé
ekki ávísun á
lýðrœði heldur
blóðbað
Contra menn fara nú að vígbúast af kappi.
Bandaríkjaþing/ Contra
Bein leið til blóðbaðs
Washington — Reagan hefur
fengið sitt fram varðandi
„frelsissveitir" sínar í Nicarag-
ua, eins og hann nefnir hin
hægrisinnuðu gagnbyltingar-
samtök sem nefna sig Contra,
100 milljónir dollara í
hernaðar- og almenna efna-
hagslega aðstoð. Nú óttast
margir Demokratar á banda-
ríska þinginu að þessi niður-
staða leiði til þess að Banda-
rikjamenn flækist enn meira í
það stríðsástand sem þegar
ríkir í Nicaragua.
Það var aðfaranótt fimmtudags
í síðustu viku sem Fulltrúadeildin
samþykkti í atkvæðagreiðslu að
veita Contra samtökunum að-
stoðina sem Reagan hafði „lagt
heiður sinn að veði fyrir“, eins og
einn þingmanna Demókrata orð-
aði það. Enn er eftir að leggja
aðstoðina undir atkvæði í
Öldungadeildinni en ólíklegt er
talið að þar verði hún ekki sam-
þykkt þar eð Repúblikanar,
flokkur forsetans, eru þar í meiri-
hluta.
„Víetnamisering"
Demókratinn Thomas O N-
eill, forseti Fulltrúadeildarinnar
sem barist hefur einna mest gegn
áætlunum forsetans, er einn
þeirra sem hefur varað við því að
nú stefni Bandaríkjamenn í að
„víetnamisera" ekki aðeins Nic-
aragua heldur einnig alla Mið-
Ameríku. „Éggetómögulega séð
hvernig hægt er að gefa 100 milj-
ónir dollara án þess að úr verði
blóðbað þarna suður frá“, segir
hann. Hann spáir því að þessi
upphæð sé aðeins forsmekkurinn
að því sem koma skal.
í framhaldi af þessum orðum
O Neill sem hann lét falla eftir
atkvæðagreiðsluna í síðustu viku,
er forvitnileg frétt sem banda-
ríska vikuritið Newsweek er með
í nýjasta hefti sínu. Þar segir að
CIA ætli að veita Contra sam-
tökunum 400 miljóna dollara að-
stoð á næstunni. Newsweek getur
ekki heimildarmanna en segir að
aðstoðin sé ekki vopnasending
heldur varði hún innra skipulag,
þjálfun, fjarskipti og annað slíkt.
Pá segir tímaritið að CIA muni
verða milliliður fyrir ýmiss konar
aðstoð annars staðar frá, á al-
þjóðlegum vettvangi. Ekki var
getið um það í fréttinni hvenær
þessi aðstoð muni hefjast.
Söguleg
vanþekking
Um þá aðstoð sem samþykkt
var í þinginu segir Demókratinn
Bestu þakkirtil þeirra, sem glöddu mig á einn eöa
annan hátt á sjötugsafmæli mínu 19. júní sl.
Ingólfur Árnason,
Krossgerði, Berufirði.
Gerry Studds:„Aðstoð sem þessi
er stuðningur við stefnu sem er
ólögleg, grimm, áhrifalítil, óvin-
sæl innanlands sem utan, og ber
vitni um mikla sögulega van-
þekkingu. Auk þessa aukast nú
bein ítök Bandaríkjanna í stríði
sem við megum ekki, heiðurs
okkar vegna, taka þátt í. Þetta er
stríð sem við getum ekki unnið.“
En það eru hins vegar ekki allir
Demókratar samþykkir þessum
harðorðu ummælum. „Þetta var
svo sannarlega atkvæðagreiðsla
ársins ef ekki áratugarins", segir
Ike Skelton fulltrúi Missouri fylk-
is í Fulltrúadeildinni. Skelton
vann hörðum höndum að sam-
þykkt aðstoðarinnar ásamt Rep-
úblikönum og starfsmönnum
Hvíta hússins. „Ef við hefðum
tapað þessari atkvæðagreiðslu,
hefðum við séð afskipti Banda-
ríkjanna í Mið-Ameríku hrynja,"
bætir hann við.
í fyrstu tókst Demókrötum í
Fulltrúadeildinni að takmarka
aðstoð við Contra skæruliða, að-
stoð sem reynt var að fela m.a. í
fjárlagabeiðni landvarnaráðu-
neytisins. Þá náði deildin því
fram að aðstoð CIA var bönnuð
eftir að það var kunngjört að
stofnunin hefði staðið á bak við
staðsetningu sprengjudufla í
höfnum í Nicaragua. Sú aðgerð
var auðvitað í andstöðu við al-
þjóðalög, eins og Alþjóðadóm-
stóllinn í Haag úrskurðaði á dög-
unum. Það var svo aftur á síðasta
ári að margir Demókratar í Full-
trúadeildinni lögðust á sveif með
Reagan eftir að hann hafði ham-
rað á því í nokkurn tíma að Sand-
inistar væru að koma upp miklu
kommúnistahreiðri í Mið-
Ameríku. Deildin samþykkti þá
27 miljóna dollara efnahagsað-
stoð við Contra. Nýlega hafa hins
vegar komið fram ásakanir um að
Contra skæruliðar hafi ekki not-
að það fé sem þeir fengu í það
sem þeir áttu að nota það. Þeir
hafi jafnvel notað féð í verslun
með eiturlyf.
Tveggja manna tal
í mars síðastliðnum kom þessi
beiðni fyrir Fulltrúadeildina og
þá var henni hafnað með örugg-
um meirihluta. Þá var búist við að
forsetinn kæmi með einhverja
málamiðlunartillögu en svo var
ekki. Hann vék í engu frá fyrri
hugmyndum sínum um 100 milj-‘
ónir dollara og hafði samt sitt
fram. Fréttaskýrendur segja að
fyrir þessu séu nokkrar ástæður.
Þar má nefna tvegja manna tal
Reagans og þingmanna sem voru
óráðnir og sú geysilega áróðurs-
herferð sem Reagan hefur staðið
í varðandi þetta mál, allt frá því í
febrúar á þessu ári. Óljóst var til
síðustu stundar hvernig atkvæði
myndu falla. Daginn sem at-
kvæðagreiðslan fór fram, var
ljóst að aðeins munaði sex at-
kvæðum og Reagan gerði allt sem
hann gat til að hafa áhrif á menn
sem voru óráðnir. Hann frestaði
fríi sínu í Kaliforníu um einn dag
til þess að halda sjónvarpsræðu
og til að þrýsta á þingmenn.
Hann bauð nokkrum þeirra í
Hvíta húsið á tveggja manna tal
og hringdi persónulega í aðra,
jafnvel úr einkaflugvélinni á leið í
fríið í Kaliforníu.
Reagan mun vera mjög
sannfærandi og ýtinn á slíkum
funduni, sérstaklega þegar hann
gerir eins og sagt er að hann hafi
gert fyrir atkæðagreiðsluna í
mars. Þá mun hann hafa boðið
þingmönnum aukin fjárútlát
ríkisins í heimafylkjum þeirra ef
þeir fylgdu honum að málum.
Thomas Foley, einn af leið-
togum Demókrata segir að í þing-
inu hneigist menn til að fylgja
þeirri utanríkisstefnu sem forset-
inn fylgir og það telur hann eðli-
legt. „Þetta er ein ástæðan fyrir
því að forsetinn fær ætíð fulla at-
hygli þingmanna," segir Foley,
jafnvel um þetta mál. Slíkt telja
menn þeim mun einkennilegra
þegar kannanir sýna hvað eftir
annað að um það bil 60 % Banda-
ríkjamanna eru mótfallnir slíkri
aðstoð við skæruliða í Nicaragua.
Það má finna aðra þætti í þessu
sambandi. Fulltrúadeildin hefur
að minnsta kosti níu sinnum
greitt atkvæði um Contra aðstoð-
ina frá árinu 1982. Foley segir að
það sé komin ákveðin þreyta í
menn varðandi þetta mál. Þá litu
margir þingmenn á friðarum-
leitanir Contadora samtakanna
sem eins konar valkost við stefnu
Reagans. Sú friðarviðleitni virð-
ist hins vegar hafa mistekist að
sinni.
Það sem réði úrslitum hjá
mörgum varðandi stuðning
þeirra við Reagan var að hann
bætti við 300 miljónum dollara í
efnahagsaðstoð við Costa Rica,
Hondúras, E1 Salvador og
Guatemala. Reagan krafðistþess
einnig að meira eftirlit yrði með
því í hvað aðstoðinni yrði varið
og meiri einingar meðal leiðtoga
Contra samtakanna. Ekki er þó
ólíklegt að niðurstaðan á banda-
ríska þinginu verði til að þjappa
almenningi enn meira saman um
Sandinista og niðurstaðan verði
niðurlæging fyrir Bandaríkja-
menn.
—IH
18 SÍÐA - ÞJÖÐVILJINN Þriðjudagur 1. júli 1986