Dagblaðið Vísir - DV - 13.10.1999, Blaðsíða 12

12
MIÐVIKUDAGUR 13. OKTÓBER 1999
Útgáfufélag: FRJÁLS FJÖLMIÐLUN HF.
Stiórnarformaöur og útgáfustjóri: SVEINN R. EYJÓLFSSON
Framkvæmdastjóri og útgáfustjóri: EYJÓLFUR SVEINSSON
Ritstjórar: JÓNAS KRISTJÁNSSON og ÓLI BJÖRN KÁRASON
Aöstoöarritstjóri: JÓNAS HARALDSSON
Auglýsingastjóri: PÁLL ÞORSTEINSSON
Ritstjórn, skrifstofur, auglýsingar, smáauglýsingar, blaöaafgreiðsla, áskrift: ÞVERHOLTI11, 105 RVÍK,
SlMI: 550 5000
FAX: Auglýsingar: 550 5727 - RITSTJÓRN: 550 5020 - Aðrar deildir: 550 5999
GRÆN númer: Auglýsingar: 800 5550. Áskrift: 800 5777
Stafræn útgáfa: Heimasíða: http://wvw.skyrr.is/dv/
Vtsir, netútgáfa Frjálsrar fjölmiðlunar: http://www.visir.is
Ritstjórn: dvritst@ff.is - Auglýsingar: auglysingar@ff.is. - Dreifing: dvdreif@ff.is
AKUREYRI: Strandgata 25, sími: 462 5013, blaðam.: 462 6613, fax: 4611605
Setning og umbrot: FRJÁLS FJÖLMIÐLUN HF.
Filmu- og plötugerð: ÍSAFOLDARPRENTSMIÐJA HF. - Prentun: ÁRVAKUR HF.
Áskriftarverð á mánuði 1950 kr. m. vsk. Lausasöluverð 180 kr. m. vsk., Helgarblaö 250 kr. m. vsk.
DV áskilur sér rétt til að birta aðsent efni blaösins í stafrænu formi og í gagnabönkum án endurgjalds.
DV greiðir ekki viðmælendum fyrir viötöl við þá eða fyrir myndbirtingar af þeim.
Og hvað með það?
Árni Þór Sigurðsson, varaborgarfulltrúi og varaþing-
maður, sagði skilið við félaga sína í Alþýðubandalag-
inu á fundi miðstjórnar flokksins um liðna helgi. Þar
með hefur Árni Þór, sem lagði mikið á sig til að ná ör-
uggu þingsæti í prófkjöri Samfylkingarinnar í byrjun
árs, sagt skilið við samfylkingu „félagshyggju, jafnaðar
og kvenfrelsis“ eins og hann vildi á hátíðarstundu kalla
sambræðing vinstrimanna.
Úrsögn Árna Þórs Sigurðssonar úr Alþýðubandalag-
inu kemur engum sem fylgst hefur með stjórnmálum
síðustu vikur á óvart. Varaborgarfulltrúinn og
varaþingmaðurinn hefur undirbúið brottför sína frá
því úrslit þingkosninga í vor lágu fyrir. Draumurinn
um þingmennsku varð ekki að veruleika.
Undir lok september skrifaði Árni Þór Sigurðsson
grein í Morgunblaðið sem var tilraun til að setja úr-
sögnina í pólitískan búning réttlætingarinnar: „Sam-
fylkingin getur ekki orðið samnefnari vinstrimanna
um stefnuna í utanríkismálum“ var réttlæting eitt.
„Samfylkingin getur ekki orðið samnefnari vinstri-
manna í umhverfismálum“ var réttlæting tvö. „Sam-
fylkingin getur ekki orðið samnefnari vinstrimanna
varðandi afstöðuna til einkavæðingar opinberrar þjón-
ustu og fyrirtækja“ var þriðja réttlætingin.
Minni stjórnmálamanna er yfirleitt ekki lengra en
hentar hverju sinni og þar er Árni Þór ekki undantekn-
ing. Fyrr á árinu taldi alþýðubandalagsmaðurinn fyrr-
verandi það ekki náttúrulögmál að íslenskir vinstri-
menn berðust meira innbyrðis en við andstæðinga
sína. Fullur bjartsýni skrifaði Árni Þór í lok janúar
blaðagrein og sagði meðal annars: „Undanfarna mán-
uði hefur verið unnið ötullega að því að ná saman í
eina fylkingu þeim sem aðhyllast félagsleg gildi í
stjórnmálum en hafa á undanfornum árum skipt sér í
3-4 stjórnmálahreyfingar. Vissulega hefur það ekki ver-
ið þrautalaus fæðing, enda trauðla hægt að ætlast til
þess. Engu að síður er samfylking félagshyggju, jafnað-
ar og kvenfrelsis nú að verða að veruleika. Það er mik-
ið fagnaðarefni og vekur vonir um að með nýrri öld
taki ný stjórnmálaöfl forystu í landsmálum okkar þar
sem hagur almennings verður hafður að leiðarljósi og
félagslegt öryggi og jafnrétti tryggt.“
Árni Þór hélt því fram í umræddri grein að rúm
væri fyrir þær hugsjónir sem hann stendur fyrir í um-
hverfismálum og utanríkismálum, „og meira en það,
Samfylkingin byggist m.a. á þessum viðhorfum og bar-
áttumálum. Þess vegna á Alþýðubandalagið erindi í
Samfylkinguna.“ En vonir bresta.
Nú stendur lítið eftir af líflegum yfirlýsingum vara-
borgarfulltrúans og varaþingmannsins. Úrsögn Árna
Þórs Sigurðsson úr Alþýðubandalaginu og hugsanleg
innganga hans í græningjahreyfingu Ögmundar og
Steingríms J. hefur hins vegar lítil áhrif á pólitíska
þróun hér á landi. Fyrir Samfylkinguna er betra að
maður sem berst fyrir málstaðnum af hálfum huga leiti
á náðir annarra, jafnvel keppinauta. Brotthvarf Árna
Þórs gerir ekki annað en undirstrika enn og aftur þann
vandræðagang sem einkennt hefur vinstri bræðinginn
á sama tíma og græningar stunda alvörustjórnarand-
stöðu.
Óli Björn Kárason
Ánægjulegt var til þess að vita að
Samfylkingin kom baráttuglöð og
einhuga til þings núna í haust, sam-
einuð um sitt helsta hugsjónamál;
baráttuna fyrir stærra þingflokks-
herbergi í Álþingishúsinu. Þar var
þó um að ræða mál þar sem fylking-
in talaði einni röddu og enginn
þurfti að velkjast í vafa um skoðun-
ina. Guð láti gott á vita. Þerapí-með-
ferðin í Munaðarnesi hefur greini-
lega skilað einhverjum áþreifanleg-
um árangri.
Að þessu frátöldu finnast fáar
hreinar línur varðandi stefnumál
fylkingarinnar. Hæfdeikinn til þess
að sjá dægurmál í stærra samhengi
er þeim gjörsneyddur. Þess vegna
líst almenningi ekkert á þetta sköp-
unarverk, eins og skoðanakannanir
leiða í ljós. Þess vegna eru jafnvel
innstu kopparnir í Samfylkingar-
búrinu farnir að sproksetja fyrir-
brigðið. Og þess vegna hyggja sífellt
fleiri gamlir alþýðubandalagsmenn
á pólitisk vistaskipti. Þeim líst ein-
faldlega ekki lengur á að hafa vetur-
setu, hvað þá varanlega búsetu í
ranni Samfylkingarinnar.
Ofan í fyrsta
lýðskrumspyttinn
Eins og frægt er lagði Samfylking-
in til umhverfisskatta, til þess að
afla ríkissjóði tekna og draga úr
mengun. Slík skattheimta er vissu-
„í Ijósi allra mótsagnanna í starfi og stefnu Samfylkingarinnar færi vel á
því að kalla Ragnar Reykás til verka í formannsstóli Samfylkingarinnar,"
segir Einar í lok greinar sinnar í dag.
Því ekki
Ragnar Reykás?
lega umdeilanleg. En
þarna glitti þó sannarlega
í virðingarverða pólitíska
stefnumótun. í vor og enn
frekar í sumar og haust
reyndi á pólitíska stefnu-
festu Samfylkingarinnar.
Hækkandi bensínverð,
sem færði ríkissjóði
auknar tekjur, var auð-
vitað dæmi um umhverf-
isskatta. Hækkandi gjöld
á bensíni draga skiljan-
lega úr notkun þess elds-
neytis, alveg i samræmi
við hugmyndafræði um-
hverfisgjaldheimtunnar.
Þess hefði þá mátt vænta
að Samfylkingin lýsti
stuðningi við þessa þróun
og hvetti til þess að tekju-
aukinn yrði notaður til
þess að styrkja stoðir vel-
ferðarkerfisins eða draga
úr einhverri gjaldtöku
ríkisins, sem talsmenn
fylkingarinnar hafa
gagnrýnt. En nei, ó nei.
Því var ekki að heilsa.
Samfylkingin datt ofan í
fyrsta lýðskrumspyttinn
sem á leið hennar varð.
Bensínhækkanir eru
óvinsælar hjá almenn- ________
ingi og því kusu tals-
menn Samfylkingarinnar að gleyma
hugsjónum sínum. - Skítt með um-
hverfisverndartalið, fylgjum í kjöl-
Kjallarinn
Einar K.
Guðfinnsson
1. þingmaður Vestfjarða
far gagnrýni almenn-
ings, var pólitíkin
þeirra.
Allt rekur sig
hvað á
annars horn
Sömu sögu er að
segja af ijárlagaum-
ræðunni. Þar eru
samfylkingarmenn
skyndilega farnir að
tala um skort á að-
haldi. Þeim ferst víst
sem hafa alla sína tíð
krafist aukinna út-
gjalda hér og þar og
alls staðar. Þeir hafa
tekið undir hverja
einustu ósk og hverja
einustu kröfu um
„Bensínhækkanir eru óvinsælar
hjá almenningi og því kusu tals-
menn Samfylkingarinnar að
gleyma hugsjónum sínum. - Skítt
með umhverfisverndartalið,
fylgjum í kjölfar gagnrýni almenn-
ings, var pólitíkin þeirra
aukin útgjöld á öllum sviðum. Þeir
tala jöfnum höndum um fjárskort til
velferðarmála og að meira aðhald
þurfi að vera í ríkissfjármálum.
Einnig að lífskjörin séu ekki nógu
góð í landinu, en hneykslast svo á
viðskiptahalla, sem að hluta stafar
af miklum vexti einkaneyslu. Ætli
einkaneyslan hafi ekki eitthvað með
það að gera að lífskjörin, ráðstöfun-
artekjurnar, hafa verið að vaxa? Það
rekur sig bara allt hvað á annars
horn.
Það jaðrar þess vegna hreinlega
við hótfyndni þegar tilteknir for-
ystumenn tala enn um söguleg tíð-
indi þegar Samfylkingin varð til.
Svona gaspur er annað hvort tO
marks um að forystumennirnir tala
þvert um hug sér eða eru gjörsam-
lega án pólitísks jarðsambands.
Ragnar Reykás
íformennskuna
Og eitt að lokum. Mikil leit
stendur nú yfir að nýjum for-
ystumanni fyrir Samfylking-
una. Sú leit hefur staðið úti
um öll lönd og álfur, bókstaf-
lega talað. Nú er jafnvel talað
um að ráða lögfræðing eða ráð-
gjafa úti í bæ til starfans. Má
ég ekki koma með uppástungu
þó mér sé sannarlega málið
ekki skylt. í Ijósi allra mót-
sagnanna í starfi og stefnu
Samfylkingarinnar færi vel á
því að kalla Ragnar Reykás til
verka í formannsstóli Samfylking-
arinnar. Spaugstofan er hvort sem
er hætt. Einar K. Guðfinnsson
Skoðanir annarra
Lítið aðhald stjórnvalda
„Hversu mikið þarf aðhald stjórnvalda að vera? Það
er lítið ef samkeppnisaðstöðu, markaðshlutdeild og arð-
semi íslenskra fyrirtækja er fórnað fyrir aukin rekstr-
arútgjöld ríkis og sveitarfélaga. Aðhaldið er ekki nægt
ef útþensla hins opinbera er á kostnað verðmætasköp-
unar í einkarekstri...Visbendingar um versnandi sam-
keppnisstöðu má sjá á því að framleiðslukostnaður og
útsöluverð innlendrar vöru og þjónustu hækkar um-
fram erlenda...Áfram er spáð sömu þróun. í áætlun
Þjóöhagsstofnunar fyrir næsta ár er gert ráð fyrir að
innlent verðlag hækki tvöfalt hraðar en í helstu við-
skiptalöndum okkar...Áfram mun því vegið að sam-
keppnisstöðu og markaðshlutdeild innlendra fyrir-
tækja.“ Ingólfur Bender í Mbl. 12. okt.
Réttmæt gagnrýni Bryndísar
„Bryndís Hlöðversdóttir þingmaður gagnrýndi í sjón-
varpsfréttum í gærkvöldi að ríkisstjórnin hefði lagt 60
milljónir af almannafé í ráðstefnuna Konur og lýðræði.
Vef-Þjóðviljinn tekur undir þessa gagnrýni með Bryn-
dísi og bendir jafnframt á að þessar 60 milljónir sem
komu beint frá ríkinu eru ekki eina'framlag skattgreið-
enda til ráðstefnunnar. Stór hópur opinberra starfs-
manna í ráðuneytum og stofnunum ríkisins vann að
undirbúningi hennar og Ríkissjónvarpið bar allt annað
skynbragð á fréttagildi ráðstefnunnar en aðrir ijölmiðl-
ar og kostaði miklu til útsendingar frá henni. Ríkis-
starfsmenn voru einnig þorri hinna 30 íslensku þátttak-
enda á ráðstefnunni." Úr Vef-Þjóðviljanum 12. okt.
Þjóðlífið og ferðaþjónustan
„Ferðaþjónustan styður aðrar atvinnugreinar.
Greiðar samgöngur og ferðatíðni innanlands og utan
byggjast á henni...Góð umgengni við náttúru lands-
ins og sitt nánasta umhverfi er nauðsynlegur þáttur
ferðaþjónustu. Sú bylting sem hefur orðið í veitinga-
mennsku síöari árin byggist einnig á henni. Ferða-
þjónustan eykur neysluna hér innanlands á matvæl-
um og það þarf ekki að hafa mörg orð um gildi þess
fyrir þá sem í matvælaframleiðslunni eru. Ferða-
þjónustunni á ekki að stilla upp á móti öðrum at-
vinnugreinum. Heppilegast er að hún sé einn öflugur
þáttur í íslensku atvinnulífi samofln við aðra þætti
atvinnulífsins." Jón Kristjánsson í Degi 12. okt.