Dagblaðið Vísir - DV - 07.02.2002, Blaðsíða 16
28
FIMMTUDAGUR 7. FEBRÚAR 2002
Skoöun PV
Hver er besta bók sem
þú hefur lesið?
Iðunn Aðalsteinsdóttir nemi:
Falskur fugl eftir Mikael Torfason.
Allt eftir hann er gott.
Hrund Jóhannsdóttir nemi:
Viö Urðarbrunn, hún er mjög vel
skrifuð og góð.
Elísa Ólafsdóttir nemi:
Eyðimerkurblómið, hún er spennandi
en jafn ótrúlega skemmtileg.
Kristín Kristjánsdóttir nemi:
Satka Valka, hún er skemmtileg.
Hrafnhildur Hlín Hjartardóttir nemi:
Hann var kallaður þetta, raunveruleg
og hræðileg.
Sigurbjörg Sigurpálsdóttir nemi:
Bridget Jones ’s Diary, hún er
bara fyndin.
Rangar umferðartölur samgönguáætlunar:
Misskilningur að mati
aðstoðarvegamálast j óra
Stúrframkvæmd á Reykjanesbraut
Tölur í samgönguáættun samgönguráðherra gætu skekkt
forsendur allrar forgangsröðunar í vegagerð á íslandi.
HJón Rögnvalds-
son aðstoðarvega-
málastjóri vill
gera athugasemd
vegna fréttar DV
um nýja sam-
gönguáætlun í
DV fóstudaginn 1.
Jón febrúar 2002 þar
Rögnvaldsson sem því er haldið
skrifar: fram umferð í
þéttbýli sé stór-
lega vanreiknuð í tillögu stýrihóps
um samgönguáætlun fyrir árin
2003-2014. Jón Rögnvaldsson telur
um misskilning að ræða og vill að
eftirfarandi komi fram:
„í greininni er vitnað orðrétt í
lið 1.2.2. í tillögunni þar sem fjall-
að er um grunnnet samgangna. í
lið 9.2. kemur fram að lagt er til að
innifalið í þessu grunnneti séu 10
flugvellir, 33 hafnir og 5.200 km
vega. Þeir vegir sem teljast til
grunnnetsins eru eingöngu þjóð-
vegir og eins og sjá má af lið 9.1.3.
aðeins um 40% af þjóðvegakerfi
landsins. Utan grunnkerflsins eru
einnig allar götur í þéttbýli sem
ekki eru þjóðvegir. Þrátt fyrir þetta
teljast allir mikilvægustu og umferð-
armestu þjóðvegir landsins til grunn-
netsins. Umferð á vegum sem til-
heyra grunnnetinu er nokkuð vel
þekkt, sjálfvirkir umferðarteljarar
eru dreifðir á þjóðvegum um land allt
og hefur á sumum stöðum jafnvel
verið talið áratugum saman. Á þjóð-
vegum inni í þéttbýli liggur einnig
fyrir mikið af talningum þannig að
telja verður að umferð á þeim sé bet-
ur þekkt en á öðrum götum.
Tillögur stýrihópsins um sam-
gönguáætlun fjalla um framkvæmdir
við grunnnetið. Ekkert er fjallað um
Utan grunnkerfisins eru
einnig allar götur í þéttbýli
sem ekki eru þjóðvegir.
framkvæmdir við götur í þéttbýli sem
ekki eru þjóðvegir og teljast þvf ekki
til grunnnetsins. Af því leiðir að
skipting heildarumferðar milli um-
ferðar á vegum i dreifbýli og umferð-
ar á götum í þéttbýli skiptir ekki máli
í þessu samhengi. Umferð á vegum í
grunnnetinu er hins vegar þekkt.“
Athugasemd blaðamanns
„Það hlýtur að teljast harla ein-
kennilegt að sjálfur sam-
gönguráðherra landsins
skuli senda frá sér jafn
viðamikla skýrslu og er f
umræddri samgönguáætl-
un 2003-2014 ef lykiltölur
þar eiga hreinlega ekki
að skipta neinu máli. Jón
Rögnvaldsson aðstoðar-
vegamálastjóri gerir enga
tilraun til að hrekja tölur
sem fram komu í DV,
nema að þar sé um ein-
hvern misskilning að
ræða. Þá segir hann að
lykiltölur samgönguáætl-
unar um skiptingu um-
ferðar eftir vegum, sem
forgangsröðun verkefna f
vegagerð byggir allt sitt
á, skipti bara engu máli!
Samt er þetta væntanlega
forsenda útdeilingar
vegafjár.
Reyndar staðfestir opið
bréf frá Erni Sigurðssyni
til vegamálastjóra í DV f
gær að frétt blaðsins var
rétt.
Það er vitað að um 60% af ökutækj-
um landsins eru á höfuðborgarsvæð-
inu. Að halda því fram, eins og gert
er í skýrslunni, að fleiri ökutæki fari
um þjóðvegi utan þéttbýlis en fara
um þjóðvegi innan þéttbýlis getur þvf
ekki átt við rök að styðjast. Nefna má
sem dæmi að tugþúsundir bíla fara
daglega um flesta skilgreinda stofn-
vegi Vegagerðarinnar (samkvæmt
samgönguáætlun) á höfuðborgar-
svæðinu á hverjum einasta degi. Að
meiri umferð sé á þjóðvegum eða
stofnbrautum utan þéttbýlis á land-
inu en innan getur því ekki verið
annað en flarstæða. -HKr.
Drekkingarhylur hinn hroðalegi
J.M.G.
skrifar:
Atburðimir við Drekkingarhyl
eru einhverjir þeir hroðalegustu f
íslenskri sögu. Nú hefur það gerst
að tveir alþingismenn hafa flutt
þingsályktunartillögu um að endur-
heimta Drekkingarhyl eins og þeir
kalla það. Sérstaklega sjá þeir eftir
klettasnösinni þar sem dauðadæmd-
um konum var hrint fram af. Er öll
greinargerðin með tillögunni afar
sérkennileg lesning.
Þar segir t.d. „Konur sem fundn-
ar voru brotlegar við ákvæði Stóra-
dóms um óhæfu og fordæðuskap
voru settar í hærusekk og drekkt í
hylnum ...“. Orðin „óhæfa“ og „for-
dæðuskapur" eru notuð í fornum
ritum. En hvað er átt við með þeim?
„Svo stendur í greinargerð-
inni „sá svelgurinn um það
með iðuköstum sínum að
dauðastríð þeirra tœki fljótt
af“. - Ekki er annað að skilja
en flutningsmenn telji að
dauðastundin hafi verið bara
„hugguleg“, takk!“
Það sem þessar konur voru dæmdar
fyrir og er kallað „óhæfa" og „for-
dæðuskapur" var hórdómur og
siflaspell!
Svo stendur í greinargerðinni „sá
svelgurinn um það með iðuköstum
sínum að dauðastríð þeirra tæki
fljótt af‘. - Ekki er annað að skilja en
flutningsmenn telji að dauðastundin
hafi verið bara „hugguleg", takk!
Það var ekki takmark á þeim
tíma að dauðastundin tæki fljótt af.
Vafasamt er að stoð hafl verið í lög-
um um að drekkja þessum konum,
heldur átti að hálshöggva þær. En
þeirra tíma siðapostular hafa sjálf-
sagt talið drekkinguna maklegri því
hún tæki ekki eins fljótt af.
Halldór Laxness segir í íslands-
klukkunni: „Á einum stað í Al-
mannagjá snýr Öxará við í farvegi
sínum eins og henni hafi ofboðið, og
brýst þversútúr gjánni. Þar verður
hylur kvennanna hinn mikli,
Drekkingarhylur." - Já, skáldinu of-
bauð og ánni líka. Þjóðin er þó ekki
að komast upp á kant við skáldið
sitt eina ferðina enn?
'"*> Jóhanna Sigurðardóttir hefur ekki verið kölluð
„heilög Jóhanna" að ástæðulausu. Garri heyrði í
henni á einhverri útvarpsstöðinni hundskamma
Vilhjálm Egilsson og olíufyrirtækin fyrir óttalegt
nöldur og væl undan Samkeppnisstofnun. Satt að
segja er langt síðan Garri hefur heyrt jafn kjarn-
yrta ræðu hjá stjómmálamanni - ef undan er
skilinn Sverrir Hermannsson sem er alltaf svo
kjarnyrtur að stóryrðin eru löngu orðin máttlaus
úr munni hans. Tilefni skamma Jóhönnu er um-
kvörtun Verslunarráðs fyrir hönd olíufélaganna
vegna framgöngu Samkeppnisstofnunar í húsleit-
armálunum í desember síðastliðnum. Þar hefur
Vilhjálmur gengið fremstur í flokki og borið
þungann af undirbúningi klögubréfsins sem sent
* var til Valgerðar viðskiptaráðherra. Jóhanna seg-
ir einfaldlega að Vilhjálmur sé ekki í neinni
krossferð fyrir réttlæti og bættum viðskiptahátt-
um, heldur sé hann að leita hefnda fyrir Sjálf-
stæðisflokkinn, olíufélögin og fyrirtækin í ldnd-
inu, sem sjái ofsjónum yfir heimildum Samkeppn-
isstofnunar til að fylgjast með og vilji helst að
peningaöflin geti farið sínu fram í einu og öllu án
v nokkurra afskipta frá almannavaldinu.
Þrír hattar
Jóhanna skammast m.a. út í hattasafn Vil-
hjálms, því ekki einasta sé hann með
sérstakan hatt sem dyggur þjónn og
liðsmaður flokkseigenda í Sjálfstæð-
isflokknum heldur sé hann líka for-
maður í efnahags- og viðskiptanefnd
og í þriðja lagi sé hann síðan fram-
kvæmdastjóri Verslunarráðsins. Síð-
an setji hann einfaldlega upp þann
hattinn sem best henti hverju sinni
og reyni að koma hagsmunamálum
sinna umbjóðenda á framfæri
þannig. Fyrst hafi hann verið sálu-
sorgarinn í flokknum þegar Sam-
keppnisstofnun óð á skítugum skón-
um inn á flölskyldurnar flórtán með
húsleit hjá sjálfum Skeljungi. Síðan
var hann formaður efnahags- og við-
skiptanefndar þegar Samtök atvinnu-
lífsins sendu nefndinni umkvörtun
um málið og þegar nefndin vildi ekki
sinna þessu kvabbi hafi hann sett upp Verslunar-
ráðshattinn og lagt fram umkvörtunina sjálfur.
Því ekki dómstólaleiöin?
Garri efast ekki um að Jóhanna er allt of vond
við Vilhjálm, því hann er jú góður drengur. Og
þegar umkvörtun Vilhjálms er skoðuð fer ekki
hjá því að hann hefur
heilmikið til síns máls
varðandi það að fram-
ganga Samkeppnisstofn-
unar var ansi harkaleg.
Hvort hún var hins veg-
ar óeðlileg er ekki eins
auðvelt um að dæma.'
Hinu verður þó ekki
neitað með Vilhjálm, að
óneitanlega gengur
gagnrýni Jóhönnu á hið
fiölbreytta hattasafn
Vilhjálms upp og það
lítur í það minnsta
þannig út að Vilhjálm-
ur hafi verið fenginn til
að keyra áfram málið
með öllum tiltækum
ráðum - og höttum. Því
það er náttúrlega ekki
hægt annað en taka
undir með Jóhönnu
þegar hún spyr: Úr því
olíufélögin töldu í raun og veru á sér brotið - af
hverju var málið ekki einfaldlega kært og dóm-
stólaleiðin farin í stað þess að mjálma þetta utan
í Valgerði? Það hefði satt að segja litið mun betur
út fyrir Vilhjálm og fækkað hjá honum höttunum
í þessari baráttu hans við
Samkeppnisstofnun!
Hattar Vilhjálms
Hagsmunir farþega
eöa flugmanna?
Guðmundur Sveinsson skrifar:
Mörgum okkar
sem stöndum
álengdar og lesum
um skrípaleikinn
sem leikinn er í
samgönguráðuneyt-
inu gagnvart Flug-
málastjórn, trúnað-
arlækni hennar og
auðvitað flugmála-
stjóra, finnst vera
nóg komið af nefnd-
um og ljóslega
brengluðum „út-
tektum", t.d. á
störfum trúnaðarlæknis Flugmála-
stjórnar, sem hefur allt sitt á hreinu
og rækt starf sitt af trúmennsku og
ábyrgð sem fylgir því að vera trúnað-
arlæknir Flugöryggissamtaka Evr-
ópu um útgáfu flugskírteina. Ef flug-
maður (hvað þá flugstjóri) farþega-
flugvéla dæmist með þótt ekki sé
nema 1% líkur á endurteknum alvar-
legum sjúkdómseinkennum hlýtur
það að vera skylda trúnaðarlæknis
gagnvart hinum evrópsku flugörygg-
iskröfum að bregðast ekki hagsmun-
um og trausti farþega og skrá þær
takmarkanir í heilbrigðisvottorð sem
nauðsynlegar teljast. - Spyrja má og
hve langt sé hægt að ganga í því að
þrýsta á veika hlekki í stjórnkerfinu
svo og á ráðherra, sem virðist afar
veikur fyrir samþjöppuðu valdi
nefnda, lögmanna og flugmanna, sér-
staklega flugmanna Flugleiða.
Áskorun á Flugleiðir
Kristinn Sigurðsson skrifar:
Það voru vissulega mikil og góð tíð-
indi að okkar ágæta flugfélag, Flug-
leiðir, ætlar að stórauka flug til Kaup-
mannahafnar og London. Margir
munu fagna þeirri ákvörðun. Ég
skora á Flugleiðir að bjóða upp á næt-
urflug til Kaupmannahafnar sem væri
þá ódýrara en hið almenna flug. Það
yrði ekki síður vinsælt og þau flug
myndu fljótt fyllast. Komutími til
Kaupmannahafnar er þá einna bestur
að mínu mati. Margir sem hafa
kynnst þessari fyrrum höfuðborg okk-
ar vflja gjarnan koma þangað aftur og
aftur en það reynist mörgum erfitt
vegna alltof hárra flugfargjalda.
m
Framsókn og Sjálfstæðisflokkur
Sama mynstur hjé ríki og borg?
Ríkisstjórn og
borgarstjórn
Eiríkur Ólafsson skrifa_r:
Hvers vegna geta samstarfsflokk-
amir í ríkisstjóm ekki tekið höndum
saman í borgarstjórn Reykjavíkur og
stjórnað, líkt og þessir flokkar gera
svo víða í sveitarstjórnum á lands-
byggðinini? Mér fyndist eðlilegt að
sterka og samhæfa borgarstjórn væri
hægt að mynda úr þessum tveimur
flokkum. Það er ekkert eðlilegt og enn
síður sigurstranglegt fyrir Framsókn-
arflokknn að binda trúss sitt við þessa
vinstri flokka í borgarstjórn Reykja-
víkur. Framsóknarflokkurinn mun
tapa gífurlega á því á öllu þéttbýlis-
svæðinu hér í næstu alþingiskosning-
um að vera í slagtogi með Samfylking-
unni og Vinstri grænum. Að ekki sé
nú minnst á nýja framboðið, með
lækninum og þeim Sverrisdætrum,
verði af því. Það er enn nægur tími til
stefnu fyrir Framsóknarflokkinn að
lýsa yfir samstöðu með Sjálfstæðis-
flokki eftir kosnihgar og draga sig
jafnframt út úr samfloti með R-listan-
um. Sterkur leikur, jafnt fyrir fram-
sóknar- og sjálfstæðismenn.
IdV Lesendur
Lesendur geta hringt allan sólarhring-
inn í síma: 550 5035.
Eöa sent tölvupóst á netfangiö:
gra@dv.is
Eða sent bréf til: Lesendasíða DV,
Þverholti 11, 105 Reykjavík.
Lesendur eru hvattir til aö senda mynd
af sér til birtingar meö bréfunum á
sama póstfang.
Sturla
Böövarsson
Leiksoppur
öfganna?