Dagblaðið Vísir - DV - 21.12.2002, Blaðsíða 37
LAUGARDAGUR 21. DESEMBER 2002
Helgct rblaö 1ÖV
37
DV-myndir E.Ól.
Guðjón lætur sykurinn bráðiia
á pönnunni áður en hann bætir
smjörlíkinu út í og síðan kart-
öflunum. Hann segir best að
kartöflurnar séu nýsoðnar og
heitar í gegn og mælir jafnvel
með því að þær séu bleyttar
aðeins áður en þeim er skellt
út í karamelluna á pönnuni.
Þá er komið að því að skera
steikina og hún bregst ekki
vonum. Hryggurinn er fullur af
safa enda var suðan látin koma
hægt upp, suðutíminn var
stuttur og síðan var bitinn lát-
inn bíða í pottinum áður en
hann var gljáður við góðan hita
í ofni.
„Það er óþarfi að hafa hlutina
flókna," segir Guðjón og býr
til eplasalat af einföldustu
gerð. Bragðið er frískandi og
fer vel með reyktu kjötinu.
Hvítvín og rauðvín £rá
Alta Vista í Argentínu
- er val Ómars S. Gíslasonar, víndeild Rafkóps-Samvirkis
Hamborgarhryggur er vinsælasti jólamatur íslend-
inga og er hann yfirleitt eldaður á hefðbundnum nót-
um. Hins vegar er ekki alltaf hlaupið að því að velja
vín með hamborgarhrygg sem orsakast bæði af reyk-
bragðinu og saltinu. Ómar S. Gíslason hjá víndeild
Rafkóps-Samvirkis var ekki í vandræðum með að
leysa þetta verkefni og mælir hér með tveimur fyrir-
taks vínum frá Alta Vista í Argentínu, ekki síst
hvítvininu.
Alta Vista víngerðin í Argentínu á sér langa sögu
en hefur ekki hafist til vegs og virðingar fyrr en á
allra síðustu árum. Sagt er að fyrsta vínvið Argent-
ínu hafi verið plantað af evrópskum innflytjanda um
1557. Síðan hefur mikið vatn runnið til sjávar og get-
ur Argentína nú státað af að vera fjórða stærsta vin-
framleiðsluþjóð heims. Andstæður í náttúru lands-
ins eru með þeim mikilfenglegustu sem getur að líta
hjá nokkurri vinþjóð, snævi þaktir tindar í suðri og
frumskógar í norð-austri.
í yfir 850 m hæð yfir sjávarmáli hefur franska vín-
gerðarfyrirtækið Gam Audy komið sér fyrir með
Jean-Michel Arcaute í broddi fylkingar. Jean Michel
Arcaute sá snemma möguleikana á að framleiða vin
af miklum gæðum í Argentínu. Hafist var handa við
framleiðsluna 1997 þegar keyptir voru um 60 hektar-
ar á besta stað í Mendoza-héraðinu, Lujan de Cuyo.
Gam Audy vínfyrirtækið á rætur að rekja til Bor-
deaux í Frakklandi þar sem það framleiðir gæða Bor-
deaux-vín. Hefur meistarinn sjáifur, Jean-Michel
Arcaute, í tvígang verið valinn víngerðarmaður árs-
ins í Frakklandi. í Alta Vista vínunum upphefja
frönsk víngerðarlist og frábær ræktunarskilyrði í
Argentínu hvort annað í æðra veldi.
Með jólamatnum nú urðu hvítvinið Alta Vista
Torrontés Premium og rauðvínið Alta Vista Mal-
bec fyrir valinu.
Alta Vista Torrontés Premium er hreint
torrentés vín. Af því leggur mikinn og góð-
an blómailm með vott af rósum. Víniö er
bjart og ferskt þar sem kryddkeimur full-
komnar bragðsinfóníu þá sem verður í
munni neytandans. Alta Vista Torrentés
hentar vel með reyktum mat eins og ham-
borgarhrygg, bæði kjöti og fiski. Það hentar
einnig vel með humri og gengur ágætlega með
austurlenskri matreiðslu og fuision-mat-
reiðslu.
Alta Vista Malbec er alfarið gert úr Malbec-
þrúgunni og hefur legið í amerískum eik-
artunnum i sex mánuði. Liturinn er rúbin-
rauður, ilmurinn vel opinn, þéttur og þrosk-
aður. Þetta er meðalbragðmikið vín með góða
fyllingu, mjúkt tannín og langa endingu í
bragði. Vottar fyrir sætum krækiberjum,
heitum og bökuðum ávöxtum, kryddi og kaffi.
Hér nýtur Malbec-þrúgan sín vel. Alta Vista
Malbec nýtur sín vel með öllu kjöti, ekki síst
rauðu kjöti, lambi og villibráð.
Umsjón
Haukur Lárus
Hauksson