Dagblaðið Vísir - DV - 09.08.2003, Blaðsíða 34

38 DV HELGARBLAÐ LAUGARDAGUR 9. ÁGÚST2003
Síðasta árið hafa Birta og Bárður í Stund-
inni okkar verið fyrirmyndir íslenskra
barna. Þau hafa leyst ófá vandamálin og
brallað ýmislegt saman. Ævintýri stráks-
ins úr geimnum og hinnar mennsku vin-
konu hans heldur áfram í vetur undir
stjórn þeirra Jóhanns G. Jóhannssonar
og Þóru Sigurðardóttur, en þau sjá
einnig um barnaþáttinn Morgunstund-
ina. Helgarblaðið heyrði í Þóru sem er
ekki minni skellibjalla í eigin lífi en
karakterinn sem hún leikur í Stundinni
okkar.
„Nei, ég myndi ekki segja að við Birta værum
mjög líkar. Birta ér t.d. ekki sérlega hæf í mann-
legum samskiptum en þar kemur Bárður inn í
og bjargar málunum. Við eigum samt nokkra
sameiginlega takta. Við erum t.d. báðar svolitl-
ar skellibjöllur," segir Þóra spurð hvort hún og
Birta, karakterinn sem hún leikur í Stundinni
okkar, séu líkar. „Ég er reyndar líka mjög fram-
kvæmdaglöð eins og Birta og læt oft plata mig
út í ýmsa vitleysu. Það hefur þó slaknað aðeins
á framkvæmdagleðinni eftir að ég byrjaði í
þessu starfi þar sem ég virðist fá góða útrás í
þáttunum." Þetta segir Þóra þar sem hún slak-
ar á í sólinni fyrir utan nýkeypta íbúð sína á
Framnesveginum. Þar hefur framkvæmdagleð-
in ekki síður fengið útrás þvf að síðustu mán-
uðina hefur Þóra unnið hörðum höndum við
að taka íbúðina í gegn og enn sér ekki fyrir end-
ann á þeim framkvæmdum.
„Ég hefhorft á gamla
Bryndísarþætti og það er allt
öðruvísi barnaefni sem er
verið að bjóða upp á þar en
hjá okkur í dag."
„Þessi íbúð er búin að kosta blóð, svita og
tár. Ég held að nágrannarnir haldi að ég sé ekki
með öllum mjalla. Þeir horfðu á með mikilli
skelfmgu þegar lætin byrjuðu hér í vor og
sjúkrabíll stóð svo fyrir utan stuttu seinna.
Framkvæmdirnar byrjuðu sem sagt ekkert sér-
lega vel. Ég var með smið með mér sem er góð-
ur kunningi minn en hann endaði á sjúkrahúsi
fyrsta daginn. Hann sleit vöðvafestingu í baki
og er óvinnufær í heilt ár,“ segir Þóra sem er þó
ekkert á þvf að gefast upp. „Þegar örvæntingin
hefur verið sem mest hef ég kveikt á videovéi-
inni og horft á myndimar sem ég tók áður en ég
hófst handa og þá líður mér alltaf mun betur að
sjá hverju ég hef nú þegar áorkað. En það getur
verið mjög pirrandi að fá pabba hingað í heim-
sókn og sjá hann gera á fjórum mínútum eitt-
hvað sem ég hef verið að bisast við allan daginn
þvf að svona lágvaxin stelpa eins og ég er bara
með takmarkaða Ifkamlega krafta.“
Splatterástand á Laugavegi
Það var í fyrrahaust sem Þóra sást fyrst á
skjánum sem hin fjöruga Birta. Verið var að
leita eftir nýjum umsjónarmönnum í Stundina
okkar og Þóra, sem þá starfaði sem skrifta á
fþróttadeild RÚV, og leikarinn Jóhann G. Jó-
hannsson sóttu um starfið sitt í hvoru lagi. Þau
voru bæði ráðin og samstarf þeirra fæddi af sér
karakterana Bárð og Birtu sem öll börn lands-
ins og foreldrar þeirra kannast nú við.
„Bárður er frá plánetunni Súper. Hann kem-
ur til jarðarinnar og kynnist Birtu sem er dugleg
við að útskýra hitt og þetta fyrir honum. f hverj-
um þætti er glímt við eitthvert ákveðið vanda-
mál sem er leyst og allir eru sáttir í lokin. Við
vonum að við séum að koma einhverjum boð-
skap og fræðslu til skila til krakkanna með
þessum móti," segir Þóra. Sjálf er hún einhleyp
og bamlaus en segist alla tíð hafa haft mjög
gaman af bömum og fúndist hún hafa átt er-
indi til þeirra. „Ég er t.d. mjög vinsæl í heim-
sóknum, krakkarnir em æstir í mig enda er ég
mjög lagin við að æsa þau upp," segir Þóra og
hlær: „Ég er líka mikið bam í mér. T.d. þegar ég
er að skrifa handritið að þáttunum þá er ég sjálf
að springa úr hlátri yfír þessari vitleysu."
ORKUBOLTI: „Ég er rosaleg öfgamanneskja, stundum hamast ég út [ eitt en að sama skapi get ég verið ein inni heila helgi og ekki talað við neinn," segir Þóra sem þessa dag-
ana er á kafi við að gera upp nýja íbúð, safna í sarpinn fyrir þætti vetrarins og gera sig klára fyrir stjórnmálafræði í Hl (haust.