Dagblaðið Vísir - DV - 20.11.2003, Blaðsíða 16
76 FIMMTUDAGUR20. NÚVEMBER2003
Fréttir DV
Spenna eykst
milli Kína og
Tævan
Kínverskir ráðamenn
vöruðu í dag Chen Shui-
bian, forseta Tævan, við
öllum tilraunum til þess að
afla landinu sjálfstæðis.
Háttsettur embættismaður
kínversku stjórnarinnar
sagði að ef Tævanir myndu
fara fram á sjálfstæði
myndi það þýða stríð við
Kína. Þetta er ekki í fyrsta
sinn sem að kínversk
stjórnvöld hafa í hótunum
við stjórnvöld í Tævan en
það sem vekur athygli nú er
hversu berorðar hótanirnar
eru. Eru þær til marks um
aukna spennu í samskipt-
um Kína og Tævan.
Fjórir mánuðir eru til
kosninga í Tævan og hefur
fylgi Shui-bian verið að
aukast undanfarið. Sú þró-
un skýtur kínverskum
stjórnvöldum skelk í bringu
þar sem að forsetinn og
flokkur hans eru hlynntir
því að Tævan lýsi yfir form-
legu sjálfstæði. Frá því að
hann lýsti yfir að hann byði
sig fram til endurkjörs hef-
ur hann gefið í skyn að
hann vilji gera sjálfstæðis-
spurninguna að kosninga-
máfi. í kjölfar aukins stuðn-
ings í skoðanakönnunum
hefur hann lagt enn meiri
áherslu að landið taki upp
nýja stjórnarskrá og að
haldin verði þjóðarat-
kvæðagreiðsla um hver
framtíðarskipan mála verði
í Tævan.
Allt slíkt tal er eitur í
beinum stjórnvalda í Pek-
ing. Þau telja að Tævan til-
heyri Ki'na þrátt fyrir að eyj-
an hafi lotið eigin stjórn
síðan að Chang kai shek
flúði með lið sitt undan
kommúnistum þangað
1949.1 dag viðurkenna að-
eins þrjátíu ríki sjálfstæði
Tævan.
Ungmenna-
félag kærir
Ungmennafélag íslands
(UMFI) hefur lagt fram
stjórnsýslukæru vegna
þeirrar ákvörðunar lög-
regluyfirvalda að innheimta
löggæslukostnað vegna
landsmóts ungmennafélag-
anna á ísafirði í sumar.
Hefur sýslumaðurinn á
ísafirði innheimt 467 þús-
und krónur vegna þessa
þar sem tryggingar sem
lagðar voru fram til greiðslu
á sínum tíma höfðu runnið
út.
Niðurstöðu er að vænta
innan tíðar.
Michael Jackson ber af sér sakirum kynferðislega misnotkun. Húsleit var gerð
í ævintýralandi hans vegna ásakana tólf ára pilts.
Tíu ár eru síðan Jackson
sætti rannsókn vegna gruns
um kynferðisofbeldi. Þá
ásakaði fjórtán ára piltur
hann um kynferðisiega mis-
notkun.
Lögmenn Michaels Jacksons áttu í
samningaviðræðum við lögregluyfirvöld í Santa
Barbara í gærkvöld vegna yfirvofandi handtöku
poppstjörnunnar. Tólf ára piltur hefur ásakað
Jackson um að hafa beitt sig kynferðislegu ofbeldi
á búgarðinum, Neverland. Jackson hafði þó ekki
verið handtekinn þegar DV fór í prentun í
gærkvöld.
Umfangsmikil húsleit stóð yfir á búgarði
Jacksons, Neverland, í gær og fýrradag. Brian
Oxfam, sem er lögmaður Jacksons, staðfesti í gær
að húsleitin stæði í sambandi við ásakanir piltsins
á hendur poppstjörnunni.
Tim Gracey, rannsóknarlögreglumaður í Santa
Barbara, sagði um miðjan dag í gær að yfirvöld
leituðu Jacksons svo hægt væri að hneppa hann í
varðhald. Jackson var sem kunnugt er ekki á bú-
garði sínum þegar fjölmennt lið lögreglumanna
bar að garði. Hann hefur dvalið síðustu vikur í
Las Vegas þar sem hann hefur unnið að
myndbandi og í gær sendi hans frá sér safn-
plötu.
Talsmaður Jacksons sagðist í gær ekki vita
um hvað rannsókn lögreglu snerist en sagði að
Jackson yrði samvinnufús.
Sendi frá sér yfirlýsingu
Michael Jackson, sem er 45 ára og þriggja
barna faðir, sagði ásakanirnar á hendur sér
hræðilegar. Hann sendi frá sér yfirlýsingu í gær
þar sem hann sagði að lögfræðingar og talsmenn
ýmiss konar ættu það til að dúkka upp þegar hann
væri að gefa út nýja plötu eða myndband. Þetta
fólk bæri ávallt á sig Ijótar sakir.
Tíu ár eru síðan Jackson sætti rannsókn vegna
gruns um kynferðisofbeldi. Þá ásakaði fjórtán ára
piltur hann um kynferðislega misnotkun. Jackson
hélt fram sakleysi sínu í málinu. Honum tókst að
leysa málið utan dómskerfisins og mun að sögn
hafa greitt piltinum og foreldrum hans himinháar
upphæðir fýrir að falla frá málsókn.
arndis@dv.is
Hjónin á Seljalandi munu flytja
Veturseta í hættuhúsi
„Ég er sallarólegur á mínum
þrettánda vetri hérna," segir Magni
Guðmundsson, netagerðarmað.ur
frá Seljalandi á ísafirði, sem virðist
vera nauðbeygður til að selja hús
sitt. Bæjarráð ísafjarðar hefur
ákveðið að leita til Ofanflóðasjóðs
um uppkaup á Seljalandi, þar sem
eina leiðin til að tryggja öryggi íbú-
anna er að mati umhverfisráðu-
neytisins að leggja af byggð.
Seljaland er á miklu snjóflóða-
hættusvæði og hefur hættan aukist
til muna eftir að farið var að reisa
varnargarða ofan við Seljalands-
hverfi. Varnirnar verja ekki hús
Magna og eiginkonu hans, Svan-
hildar Þórðardóttur, eiganda
barnafataverslunar í bænum, held-
ur eru þær hannaðar til að beina
snjóflóðunum að húsinu. Þau hafa
barist gegn kerfinu í fimm ár til að
fá fyrirkomulaginu breytt og vildu
búa áfram á Seljalandi. Ólíklegt má
telja að það verði leyft og hefur
Magni ákveðið að íhuga það tilboð
sem bærinn færir fram á næstunni.
Magni kveðst ætla að hafa vetur-
setu á Seljalandi ásamt konu sinni,
þrátt fyrir að nýbyggðar snjóflóða-
varnir beini ofanflóðum að húsi
þeirra. „Stórflóðið kemur ekki í vet-
ur og við höfum engar áhyggjur. Við
látum hverjum degi nægja sína
þjáningu og bíðum eftir formlegu
bréfi frá bænum."
Svanhildur og Magni
Hjónin i áhættuhúsinu á Seljalandi hafa
ákveðið að halda kyrru fyrir i vetur, en munu
á næstunni hefja leit að nýju heimili.