Dagblaðið - 31.03.1976, Blaðsíða 1
RITSTJÓRN SÍÐUMtJLA 12, SÍMI 83322, AUGLÝSINGAR OG AFGREIÐSLA ÞVERHOLTI 2, SÍMI 27022.
Hvernig yrði verkfall opinberra starfsmanna?
SUMIR LOGREGLUÞJONAR
MUNDU FARA í VERKFALL,
AÐRIR EKKI
„Það er mín skoðun, að kæmi
til verkfalls, mundu sumir lög-
regluþjónar til dæmis fara í
verkfall en aðrir hafðir áfram
við störf,” sagði Kristján
Thorlacíus, formaður Banda-
lags starfsmanna ríkis og bæja,
í morgun.
Svipuðu gegnir um
hjúkrunarfólk og fleira. Níu
manna nefnd á, í verkfalli, að
úrskurða hvaða einstaklingar
skuli vinna áfram til að halda
uppi nauðsynlegri öryggis-
þjónustu og heilsugæzlu. í
nefndinni verða 3 fulltrúar frá
BSRB 3 kosnir af fjármála-
ráðherra, 2 kosnir af Alþingi
og 1 af Hæstarétti. Þá eru for-
stjórar og staðgenglar þeirra,
svo og dómarar og nokkrir
fleiri einstaklingar undanþegn-
ir í verkfalli.
Kristján sagði, að opinberir
starfsmenn hefðu náð miklum
árangri með því að fá verkfalls-
rétt viðurkenndan. Það hefði
fyrst og fremst náðst fram
vegna samstöðu opinberræ
starfsmanna að þessu sinni.
Opinberir starfsmenn geta
beitt verkfallsrétti í fyrsta sinn
1. júlí 1977. í samkomulagi fjár-
málaráðherra og BSRB segir,
að verkfallsréttur sé bundinn
við gerð aðalkjarasamnings,
sem heildarsamtökin geri. Ein-
stök aðildarfélög BSRB hafa
ekki heimild til verkfalls hvert
fyrir sig. Komi til verkfalls,
verður sáttanefnd að leggja
fram sáttatillögu. Verkfall
verður því aðeins að sáttatill-
aga hafi verið felld í allsherjar-
atkvæðagreiðslu sem 50%
félagsmanna hafi tekið þátt í og
'til að fella hana þarf 50% at-
kvæða þeirra, sem þátt taka í
atkvæðagreiðslu. -hh.
Erfitt er aö etja kappi viA kalda sjávardrífu á Islandsmiðum. Arekstrar viö skuttogara eins og
Konnski stœrsta tjónið? Baldur gera illt verra, — þá eyðileggst barinn og myndir af höf Aingjum renna í sjó fram.
BARINN SKEMMDIST, 0G MYND
AF FILIPPUSI FÓR í SJÓINN
Arinn og bar brezku
freigátunnar Diomede
skemmdust í ásiglingunni á,
Baldur, að sögn skipstjóra frei-
gátunnar í gær. Diomede er
komin til Rosyth í Skotlandi til
viðgerða.
Robert Queen skipstjóri
sagði að sveit hjúkrunarmanna,
sem hefðu verið viðbúnir, ef
slys yrðu, hefði hafzt við í
þessu herbergi. Þeir hefðu séð
arininn lyftast og ,,koma í átt til
sín.” „Okkur tókst að bjargá
mynd af hennar hátign,
drottningunni, en mynd af
Filippusi prinsi eyðilagðist,”
sagði skipstjórinn.
Sautján ára bryti, Paul King,
segist hafa stungið sér inn um
litla lúgu inn í eldhús, þegar
bresturinn varð.
Freigátan Bacchante fór í
gær inn fyrir 4ra mílna land-
helgi, sem er brot á alþjóða-
lögum, hvað sem öllu líður um
annan ágreining í
landhelgismálinu. -HH.
Ágreiningur um róðningu bœjarstjóra i Eyjum:
TVEIR SJÁLFSTÆÐISMENN YFIR
TIL VINSTRIMANNA
Nú er í raun komin upp sú
staða í bæjarstjórn Vestmanna-
eyjabæjar að meirihluti fjög-
urra sjálfstæðismanna og eins
framsóknarmanns er brostinn
og nýr meirihluti orðinn til,
byggður upp af tveim sjálf-
stæðismönnum, einum fram-
sóknarmanni, tveim krötum,
einum frjálslyndum og einum
Alþýðubandalagsmanni. 1
minnihluta eru þá aðeins tveir
sjálfstæðismenn.
Forsaga málsins cr að vinstri
mennirnir og tvcir sjálfstæðis-
mannanna vildu Pál Zóphonías-
son bæjartæknifræðing sem
bæjarstjóra en hinir sjálf-
stæðismennirnir tveir voru á
móti því, og á fulltrúaráðsfundi
sjálfstæðismanna fyrir
skömmu gagnrýndi fulltrúa-
ráðið afstöðu þeirra tveggja
sem Pál studdu. Það leiddi af
sér að þeir lýstu yfir á fundin-
um að þeir myndu ekki framar
sækja fulltrúaráðsfundi flokks-
ins og gætu ekki tekið þátt í
óábyrgri stefnu flokksins í
bæjarmálum. Jafnframt sögðu
þeir af sér sem bæjarstjórnar-
fulltrúar, en bæjarstjórn ein
getur leyst þá frá störfum.
I gærkvöldi var svo haldinn
fundur á skrifstefu bæjar-
stjóra, og beið fjöldi manns
fyrir utan eftir úrslitum. Þar
voru greidd atkvæði um
lausnarbeiðnir sjálfstæðis-
mannanna tveggja og fóru þau
á þann veg að vinstri mennirnir
fimm greiddu atkvæði gegn af-
sögn þeirra, þeir sjálfir sátu hjá
og einnig hinir tveirsjálfstæðis-
mennirnir, sem nú eru raun-
verulegur minnihluti bæjar-
stjórnar eftir fundinn. Vinstri
menn gerðu bókun þar sem
m.a. segir að bæjarfulltrúar
beri fyrst og fremst ábyrgð
gagnvart kjósendum sínum og
séu því ekki skuldbundnir til
að hlíta fyrirmælum viðkom-
andi flokks, ef það stríði gegn
samvizku þeirra. Því telji þeir
það ólýðræðislegt og óþolandi
fyrir bæjarstjórn og bæjarbúa
almennt að kjörnir bæjarfull-
trúar séu hraktir úr starfi af
ábyrgðarlausum einstaklingum
og pölitískum klíkum. Hinir
sjálfstæðismennirnir tveir létu
bóka mótmæli við að verið væri
að hrekja mennina úr starfi.
Sigurður Jónsson, annar
sjálfstæðismannanna sem ekki
vildi dansa eftir nótum full-
trúaráðsins, sagði í viðtali við
DB í morgun að enn hefðu ekki
átt sér stað neinar formlegar
umræður um myndun nýs
meirihluta, enda var fundinum
lokið seint í gærkvöldi. Hann
sagði einnig að ekki væri i bí-
gerð að stofna nýjan flokk,
hann styddi áfram Sjálfstæðis-
flokkinn og stefnu hans í lands-
málum, ágreiningurinn væri
einungis um stefnu í bæjar-
málum Vestmannaevjabæjar.
—G.S.
Fékk 35
þúsund volt
gegnum
sig, lifði
— bls. 9
Kjördœmin keppa:
„Húrtoganir",
— segir Pétur
Gautur um
skýringar
Helga Skúla
Kjartanssonar
— bls. 8
BYGGT YFIR
„BLIKKBEUUNA"
— verður mörgum
ofviða, sem
eru að byggja
yfir sig og sína
- bls. 9
Hundalíf í
Hveragerði
— bls. 9