Dagblaðið - 13.04.1976, Blaðsíða 7
DAGBLAÐIÐ. ÞKIfi.IUDAGUR 13. APRÍL 1976.
Erlendar
fréttir
i
REUTER
i
„Sýrlendingar
reiðubúnir
að verja
kúgaða í
Líbanon"
— segir Assad
Sýrlandsforseti
Assad Sýriandsforseti og Suleiman
Franjieh, forseti Libanon — en m.a. um
hann hefur borgarastyrjöldin staöiö undan-
fama mánuöi.
Hafez Al-Assad Sýrlands-
forseti sagði í gærkvöld að
Sýrlendingar væru reiðubúnir
að halda inn í Líbanon til að
verja hina kúguðu þar, burtséð
frá trúarskoðunum þeirra.
i ræðu sem forsetinn flutti
á þingi byltingarsinnaðrar
æsku í höfuðborginni
Damaskus og útvarpað var
beint, sagði forsetinn: ,,Bæði
múhameðstrúarmenn og
kristnir menn í Sýrlandi eru
reiðubúnir til að fara til
Líbanon og verja hina kúguðu
þar.
Ég vil að þeir blóðþyrstu séu
fullkomlega vissir um að
ekkert mun valda okkur
kinnroða,” sagði forsetinn enn
fremur.
„Við erum hlynntir því að
bardögum verði hætt og leggj-
umst gegn öllum tilraunum til
að auka á stríðsreksturinn eða
halda honum áfram.”
Yfírlýsing CIA-forstjórans:
CIA mun halda áfram að
skipta um ríkisstjórnir
ef nauðsyn krefur
George Bush, hinn nýi
yfirmaður bandarísku leyni-
þjónustunnar CIA vill ekki
þvertaka fyrir að CIA muni í
framtíðinni beita sér fyrir að-
gerðum til að skipta um stjórn-
ir í erlendum ríkjum.
Bush flutti í gærkvöld ræðu á
kvöldverðarfundi bandarískra
kaupsýslumanna úr viðskipta-
deild Harvard-háskóla. Þar var
þeirri spurningu beint til hans
hvort CIA m.vndi, undir hans
stjórn, reyna að gera breyting-
ar á erlendum ríkisstjórnum.
Spyrjandinn minnti á fall
Allendes í
marxistastjórnar
Chile 1973.
Bush svaraði því til, að „í
fortíðinni hafi verið ákveðin
óæskileg atriði, sem ég held að
ættu ekki að endurtaka sig."
Hann vildi aftur á móti ekki
útiloka slíkar aðgerðir í fram-
tíðinni, því „hvert tilfelli þyrfti
að skoða í eigin ljósi. Land
okkar þarfnast leyniþjónustu
erlendis og þeirra aðgerða, sem
þörf krefur á hverjum tíma.”
Bush sagði leyniþjónustuna
hafa breytt starfsháttum sínum
töluvert að undanförnu vegna
þeirra miklu fréttaleka, er
orðið hafa. Vegna þessa leka
héldu nú ýmsir aðilar, er til
þessa hefðu veitt CIA ýmsa
aðstoð og fyrirgreiðslu, að sér
höndum.
CIA-forstjórinn sagði einnig
að leyniþjónustan hefði
bjargað lífi að minnsta kosti
eins erlends leiðtoga, en hann
útskýrði ekki nánar við hvern
hann átti.
George Bush, forstöðumaður
bandarisku leyniþjónustunnar,
CIA, hefur lýst því yfir, að þeir
muni halda áfram fyrri starfs-
háttum, en þó á ekki cins áber-
andi hátt.
Filippínsku fíugrœningjarnir:
Fóru frá Karachi í morgun
Orðnir þreyttir og viðutan
Filippseyingarnir þrír, sem
rændu farþegaflugvél á innan-
landsflugi yfir suðurhluta
eyjanna, héldu áfram ferð sinni
frá flugvellinum í Karachi í.
morgun í farþegaþotu af gerðinni
DC-8. Eru þeir enn vopnaðir, en
sagðir þreyttir og viðutan.
Þar miðuðu þeir byssum
sinum að gíslunum tveimur, sem
hafa verið um borð upp á
síðkastið og biðu meðan 300
þúsund dollara lausnargjaldi var
komið fyrir í vélinni.
Að sögn flugvallarstarfsmanna,
þar sem vélin lenti í gærkvöldi til
þess að taka eldsneyti, hefur flug-
stjórinn fengið leyfi til þess að
lenda á flugvellinum við
Benghazi í Lýbiu.
Sögðu þei'r ennfremur, að
flugræningjarnir hefðu virzt
mjög þreyttir og ruglaðir. „Einn
þeirra rétt stóð á fótunum, hálf-
sofandi, með skammbyssu í ól um
úlnliðinn”.
Rétt áður en flugræningjarnir
skipuðu flugstjóranum að hefja
velina til flugs, tilkynntu þeir, að
höfð yrði viðkoma á Bahrain og í
Aþenu, á leiðinni til Lýbíu. Ekki
vissu menn gjörla, hvers vegna
horfið hefði verið að því ráði, þar
eða flugvélin hefði nægilegt
eldsneyti til þess að fljúga til
Lýbí u í einum áfanga.
Þessari vél rændu Filippseying-
arnir í innanlandsflugi yfir
suðurhluta eyjanna. A flugvellin-
um í Manila fengu þeir lang-
fleygari flugvél til umráða og nú
eru þeir á leiðinni til Lýbíu í
henni, með 300 milljón dollara
iausnargjald fyrirgísla.
Stórsigur kommúnista og PLO
í kosningunum á Jórdanbökkum
Palenstinskir þjóðernissinnar
og vinstri sinnaðir Arabar unnu
fjölmörg ný þingsæti í bæjar- og
sveitarstjórnarkosningunum, sem
haldnar voru á herteknu svæðum
Geðheilsa Patty
athuguð nánar
— áður en dómur er kveðinn upp
Bandarískur alríkisdómari
ákvað í gær að bíða i þrjá
mánuði með að fella dóm yfir
Patriciu Hearst, svo hægt væri
að kanna geðheilsu hennar
nánar.
Hann lét hins vegar ekki hjá
líða að kalla bankaránið, sem
Patty tók þatt i fyrir tveimur
árum, bæði „grimmdarlegan og
ofbeldiskenndan" glæp.
Dömarinn, Oliver Carter.
úrskurðaði að Patricia skyldi
næstu 90 daga sæta meðferö og
athugunum í „opinberri
stofnun” — sent talin <r vera
geðsjúkrahús i San Diego. Að
þeim tíma liðnum myndi hann
kveða upp dóm sinn.
Af tæknilegum ástæðum
kvað Carter upp 25 ára
fangelsisdóm yfir Patty, en
sagðist örugglega myndi ntilda
dóminn er geðskýrslur bærust.
Ilann gaf i skyn, að hún kynni
að fara frjáls ferða sinna að
þeint tima liðnum.
ísraelsmenna á vesturbakka
Jórdanárinnar í gær.
Niðurstöður talninga sýndu, að
frambjóðendur, sem hliðhollir
eru PLO og frambjóðendur
kommúnistaflokka höfðu unnið
sigur í nokkrum þýðingarmiklum
bæjum og héruðum.
Mestar breytingar urðu á
bæjarráðinu í Hebron í suður-
hluta landsins, þar sem fulltrúar
þessara stjórnmálaflokka fengu
hreinan meirihluta. Því hafði þá
verið stjórnað í 30 ár af Sheiknum
Mohammed el Jaabari, sem bauð
sig ekki fram í þetta sinn. Hinn
vinsæli kristni borgarstjóri í
Bethlehem, Elías Freij, var
endurkjörinn, en þar tóku
kommúnistar og þjóðernissinnar
sæti í borgarráði í fyrsta sinn.
fínn starfsmanna Hughes
sakaður um nafnfölsun
- gat auðkýfingurinn ekki lengur haldið á penna?
Einn framkvæmdastjóra
bandariska stórfyrirtækisins
Summa Corporation. sem var í
eigu Howards heitins Hughes,
hefur verið ákærður í Acapulco í
Mexikó fyrir að falsa undirskrift
Hughes á innflytjendaskilriki.
Framkvæmdastjórinn,
Clarence Albert Waldron, var
formlega ákærður á laugar-
daginn, en þá hafði hann verið í
haldi í rúmlega 72 klukkustundir.
Hann er 41 árs.
Waldron var gripinn ásamt
tveimur öðrum háttsettum starfs-
mönnum Summa Corporation í
Prinsessuhótelinu í Acapulco,
þar sem Hughes hafði búið með
leynd tvo síðustu mánuði lífs síns.
Haft er eftir lögreglunni í
^Acapulco að Waldron muni korna
fyrir rannsóknardómara innan
skamms. Þá verður tekin
ákvörðun um hvort ákæran gefur
tilefni til réttarhalda og í
framhaldi af því, hvort Waldron
verður látinn laus gegn
tr.vggingu.
Waldron er sakaður um að hafa
falsaðundirskrifthúsbónda síns á
ferðamannakort. sem farþegar til
Mexikó f.vlla út skömmu áður en
þeir stíga þar á land. Lögreglan
segir engan vafa leika á því að
Hughes hafi komið til landsins
þennan umrædda dag. 11.
febrúar. en ástæðan fvrir nafna-
fölsunininni er ekki ljós.
Menn láta sér nú helzt detta í
hug. að hann hafi einfaldlega
ekki verið fær um það lengur að
halda á penna.