Dagblaðið - 20.08.1976, Blaðsíða 13
DAGBLAÐIÐ. FÖSTUDAGUR 20. AGUST 1976.
13
IsgeirEliasson iiggja vid fætur Inga en þeir Símon og Jón Pétursson komu ekki vörnum við. Ingi fagnar á síðari m.vndinni en Arni og Ásgeir að rísa á fætur, Símon, Jón og
Æ á mM
I Æ M ■" ÉRr
L.
rinn nú ó þröskuldi Hlíðarendo!
legri ákveðni stökk Sigurbergur
Sigsteinsson hærra en varnarmaður
og skallaði knöttinn glæsilega í
markið, 1-1 alls óverjandi fyrir
Sigurð Dagsson.
Við markið tvíefldust Framarar
og pressuðu þungt að marki Vals.
Aðeins tveimur mínútum eftir
jöfnunarmarkið sendi Símon
Kristjánsson mjög góða sendingu
fyrir mark Vals, Éggert Steingríms-
son var einn á markteig og klippti
knöttinn, en yfir. Enn slapp mark
Vals naumlega.
Þvi var staðan í hálfleik 1-1.
Síðari hálfleikur var ekki eins vel
leikinn og hinn fvrri. Ef til vill ekki
nema von — Valur lék undan
vindinum og virtust Valsmenn
ánægðir með málin eins og þau
stóðu, nefnilega jafnteflið. Hvorugu
liðinu tókst að ná frumkvæðinu,
leikurinn harður og hvergi gefið
eftir.
Eftir því sem á leikinn leið náðu
leikmenn Fram þó betri tökum á
leiknum og sköpuðu sér nokkur
tækifæri og á 26. mínútu slapp
mark Vals ótrúlega, já ótrúlega er
ekki of fast að orði kveðið.
Eftir þvögu í vítateig Vals féll
knötturinn fyrir fætur Péturs
Ormslev, sem skaut föstu skoti. En
knötturinn fór í leikmann, já af
öllum leikmönnum þá fór hann í
læri Ásgeirs Elíassonar, sem „bjarg-
aði“ marki fyrir Val. En ekki var
þar með allt búið. — Valsmönnum
tókst ekki að hreinsa, aftur féll
knötturinn fyrir fætur Framara, að
þessu sinni Rúnars Gíslasonar og
hann skaut góðu skoti. Knötturinn
hafnaði neðst í stöng Valsmarksins,
rúllaði síðan eftir endilangri
línunni, snerti stöngina hinum
megin og Valsmenn náðu að
hreinsa.
„Það var agalegt," sagði Ásgeir
Elíasson eftir leikinn. „Fyrst skor-
uðu Valsmenn eftir að knötturinn
fór af mér fyrir fætur Inga, síðan
„bjargaði" ég marki fyrir Val —
þegar knötturinn stefndi í markið.
Skot Péturs Ormslev hefði
áreiðanlega þanið netmöskva
Valsmarksins.1'
Já, það er oft skammt milli sigurs
og ósigurs í knattspyrnu, velgengni
og mistaka, meistaratitils og annars
sætis.
Fram gerði örvæntingarfullar
tilraunir til að knýja fram sigurinn,
sigur sem liðið varð að ná. Á síðustu
mínútunni kom föst sending inn í
vítateig Vals. Kristinn Jörundsson
var hársbreidd frá að ná til knattar-
ins en varnarmenn náðu að hreinsa.
Jafntefli Vals var í höfn —
ómetanlegt stig, sem felur í sér
lykillinn að íslandsmeistaratign
eftir níu mögur ár í 1. deild.
Þrátt fyrir að Valur hafi sannar-
lega sloppið með skrekkinn í
gærkvöldi verður ekki annað sagt
en liðið sé vel að meistaratillinum
komið, auðvitað að því gefnu að
liðið sigri Þrótt í síðasta leik sínum.
í allt sumar hefur Valur skipað
efsta sæti 1. deildar og því hefði
verið sárt að missa sætið nú. Því var
Valur í þeirri erfiðu stöðu að þurfa
að verjast — ekkert mátti út af
bregða og þá var afrakstur sumars-
ins glataður. En Val tókst að halda
út — leikmenn liðsins sýndu mikla
baráttu, aldrei var gefið eftir. Liðið
barðist sem heild — enginn skar sig
úr, það var styrkleiki Vals i gær-
kvöldi.
Svo nærri en samt svo fjarri, má
með sönnu segja um Framara.
Annað árið í röð hefur Fram staðið í
baráttunni um tslandsmeistara-
Ánœgður með jtrfntefið
Eg ei mjög ánægður með úr-
slitin, sagói Ioury Iljushev
þjálfari Vals eftir jafntefli
Vals og Fram. „Áhorfendum
kann að hafa fnndizt sem Fram
hafi verið betra liðið. Jú, vissu-
lega sóttu Framarar meira en
þeirra var líka að sækja. Fram
varð að leggja allt i sölurnar
fyrir sigur. Þá skipti ekki máli
hvort þeir gerðu jafntefli 1-1
eða töpuðu 0-3.
Þetta er mikilvægt atriði því
í hugum leikmanna Vals og
mínum var vissulega að leggja
megináherzlu á vörnina. Hins
vegar var aðalhugsun hjá Fram
að sækja, því var ekki óeðlilegt
þó Fram hafi sótt meira í leikn-
um.
Við lögðum megináherzlu á
vörnina og stíluðum upp á
skyndisóknir. Þetta tókst okkur
og það er ég mjög ánægður
með. Sigur hefði samt verið
sætur en í huga mínurn var ég
alltaf sáttur við jafnteflið.
Við höfum verið í efsta sæti
1. deildar í allt sumar. Valur
hefur lagt áherzlu á að leika
skemmtilega knattspyrnu, svo-
kallaða meginlandsknatt-
spyrnu. Mörg lið hérna leika
svipað og Englendingar. Þá er
leikurinn allur stífari.
Við byrjuðum mjög vel í
sumar, fengum sannkallaða
óskabyrjun. Síðan kom slæmt
timabil hjá okkur og hámarki
náði það með tapinu í Keflavík.
En síðan náðum við okkur aftur
á strik með sigrum gegn Skaga-
mönnum og FH. Þannig hefur
þetta gengið nokkuð rysjótt,
eins og auðvitað hjá öllum
lióum, þau eiga sína góðu og
slæmu daga.
1 kvöld var okkar að verjast,
okkur nægði jafnteflið. Eg er
ekki í nokkrum vafa að hefði
Fram verið með stigi meira en
við þá hefði leikurinn alveg
snúizt við — við hefðum sótt og
sótt. Svona er knattspyrnan."
tignina og aftur má Fram lúta lægra
haldi. Þar kemur til hin slæma
byrjun liðsins í sumar — Fram
tapaði 2 af fjórum fyrstu leikjum
sínum í vor. Liðið hefur síðan
yerið í stöðugri sókn. 1 gærkvöldi
sýndu ieikmenn Fram skínandi leik,
sem þó nægði ekki til sigurs Gæfan
var ekki þeirra. Af öðrum
ólöstuðum þá skein Ásgeir Elíasson,
hinn skemmtilegi tengiliður og^
„heili" liðsins skærast í gærkvöld.
Ásgeir hafði hins vegar ekki
gæfuna með sér — varð fyrir óláni,
að missa knöttinn fyrir fætur Inga
Björns sem skoraði. Hvort sem hægt
er að kenna dómara leiksins um eða
ekki þá hlýtur Ásgeir að naga sig í
handarbökin fyrir að hafa ekki sent
knöttinn útfyrir.
Vörn Fram var sterk í leiknum,
Sigurbergur Sigsteinsson traustur
og hættulegur við mark and-
stæðingan'na.
Leikinn dæmdi Þorvarður
Björnsson og voru margir dómar
hans umdeilanlegir en þess ber þó
að geta að leikurinn var ákaflega
tordæmdur. Hitt er svo að yfirferð
Þorvarðar er allt of lítil — einkenni
því miður meðal flestra dómara
okkar. Línuverðir voru Óli Ölsen og
Ragnar Magnússon. Áhorfendur
voru á fjórða þúsund á Laugardals-
leikvanginum.
h. halls.
Landsleikur í knattspyrnu
ísland - Luxemborq
á Laugardalsleikvanginum á
morgun, laugardag 21. ágúst
kl. 15(kl. 3)
Sala aðgöngumiða verður við Útvegs-
bankann Austurstrœti ídag og við
Laugardalsvöll á morgun frá kl. 10 f.h.
KOMIÐ OG HVETJIÐ ÍSLENZKA
LANDSLIÐIÐ
Knattspyrnusamband Islands