Frjáls verslun - 01.04.1992, Blaðsíða 4

yfíH Ráðgjöf í sextíu ár
Hrauneyjarfossvirkjun er ein fjölmargra vatnsaflsvirkjana sem VST hefur
hannað.
VST er leiðandi á sviði virkjana
Hefur hannað 50%
vatnaflsvirkj ana!
Það er óhætt að segja að
Verkfræðistofa Sigurðar Thoroddsen
hafi komið nálægt hönnun virkjana á
íslandi frá fyrstu tíð. Landsmenn hafa
virkjað um 880 MW í vatnsorku og
lætur nærri að VST hafi að öllu eða
nokkru leyti séð um verkfræðiþáttinn
við helming þeirrar orkuöflunar. Að
auki hefur stofan unnið mikið starf við
undirbúning virkjunar í Fljótsdal en þar
er ætlunin að beisla ríflega 210 MW af
orku.
Meðal virkjana, sem Sigurður
Thoroddsen og verkfræðistofa hans
hafa hannað, eru: Fossavatn 1937,
Nónhornsvatn 1946, Gönguskarðsá
1949, Þverá 1953, Laxá I11953,
Rjúkandi 1954, Grímsá 1958,
Reiðhjalli 1958, Smyrlabjargaá 1969,
Laxá II11973, Hrauneyjarfoss 1981 og
nú síðast Blanda 1991. Þá hannaði
verkfræðistofan stíflumannvirki við
Ódáðavötn 1963, Þórisvatn 1971,
Sultartanga 1983 og stíflur og
veituvirki við Kvíslaveitur 1985.
VST er leiðandi á þessu sviði hér á
landi og hefur rutt brautina fyrir
íslenska hönnuði til að takast á við
þessi flóknu verkefni. Nú er svo komið
að hönnun mannvirkja af þessu tagi,
sem framan af var fyrst og fremst í
höndum útlendinga, er nær alfarið hjá
íslenskum aðilum.
VST hefur um langt árabil unnið að
áætlunargerð um vatnsorku á Islandi
og athugunum á þeim möguleikum,
sem þar eru fyrir hendi til hagstæðrar
virkjunar, í samvinnu við Landsvirkjun
og áður Orkustofnun. Þetta segir
meira en mörg orð um það traust sem
opinberir aðilar bera til starfsmanna
VST á þessu sviði. Lykilmaður við
þessa vinnu og helsti forvígismaður
hefur verið Loftur Þorsteinsson ryrrum
forstjóri VST. Sigmundur
Freysteinsson deildarstjóri
virkjunardeildar er einn helsti
sérfræðingur landsins um ísamál,
tengd virkjunum.
Loftur Þorsteinsson, fyrrum forstjóri
VST og sérfræðingur um vatnsafls-
virkjanir.
Hönnun hitaveitna hefur verið
snar þáttur í starfsemi VST.
Ad nýta
jarðvarmann
Hluti af velmegun þjóðarinnar
felst í mikilli nýtingu þess varma
sem hér er að finna í jörðu. Er
óhætt að segja að jarðvarminn
bæti okkur upp kalt loftslag en hús
um 82% landsmanna eru nú hituð
upp með jarðvarma.
VST hefur talsvert starfað að
gerð hitaveitna á síðustu
áratugum. Fyrsta verkefnið á því
sviði var hönnun hitaveitu á
Sauðárkróki árið 1950. Eitt stærsta
verkefnið er hins vegar virkjun
orkunnar frá vatnsmesta hver á
íslandi, Deildartunguhver, til
upphitunar húsa í Borgarnesi og
síðar einnig á Akranesi. Þá var
hitaveita Akureyrar hönnuð af
Akureyrarútibúi VST í samvinnu
við fleiri aðila. Hönnun
Kröfluvirkjunar kom einnig að
verulegu leyti í hlut VST.
Síðustu misserin hefur VST hugað
að nýtingu jarðvarma til hitunar
húsa í löndum í Austur-Evrópu.