Frjáls verslun - 01.10.1998, Blaðsíða 71
TÖLVUMÁL
STÓRLAXAR í VIÐSKIPTUM
Tvö af allra stærstu fyrirtækjum Danmerkur, símafélagið Tele Danmark, og DSB,
danska járnbrautarfélagið, nota kerfi Landsteina fyrir verslanir sínar en samtals reka
þau yfir 200 verslanir um alla Danmörku.
verslanir um alla Danmörku og DSB rekur
143 búðir, veitingastaði og söluturna. Um
þessar mundir er verið að setja kerfið upp
fyrir DSB og verður því verki lokið um
miðjan desember. í hverri viku er kerfið
sett upp í 10-15 búðum hjá þeim.
Af öðrum verkefnum má nefna að
Landsteinar hafa gert samning við tvær
stórar verslanakeðjur um uppsetningu á
verslunarkerfinu. Verslanakeðjan Rema
1000, sem rekur 50 verslanir í Danmörku,
og opnar sífellt fleiri, og Jacodan sem rek-
ur 45 verslanir með svipuðu sniði og Bón-
us. Gerður hefur verið samningur við öfl-
ugt heildsölu- og verslunarfyrirtæki í Arós-
um, KEN/Hallum Storkokken A/S, um
heildartölvuvæðingu og í samvinnu við eitt
stærsta tölvufyrirtæki Danmerkur, Dana-
Data A/S, er nú unnið að uppsetningu á
þjónustukerfi Landsteina fyrir einn helsta
keppinaut Marels hf., Scanvægt A/S sem
hefur dótturfyrirtæki í 18 löndum. Að lok-
um má nefna að Landsteinar hafa tekið að
sér að þróa lausn í Navision Financials fyr-
ir innkaupafyrirtæki í eigu sveitarfélag-
anna sem annast kaup og dreifingu á lyfj-
um fyrir sjúkrahús.
En duga þessir samningar til að ná inn
fyrir þeim útgjöldum sem eru samfara
stofnun fyrirtækis? Já, reyndar, og gott
betur, því þessi verkefni skila öll góðri
framlegð og rekstraruppgjör í lok ársins
mun sýna góðan hagnað. Ekki lakur árang-
ur það. En þar verður ekki látið staðar
numið. Frekari landvinningar eru á dag-
skránni. Til dæmis hefur verslunarkerfi
Landsteina verið selt til verslunarkeðju í
Belgíu, sem rekuryfir 400 verslanir, og því
fylgir að Landsteinar munu aðlaga og
breyta kerfinu eftir séróskum viðskiptavin-
arinns, hluti þeirrar vinnu kemur í hlut
Landsteina í Danmörku. Rema 1000 rekur
auk þess verslanir í átta löndum og reikna
má með því að það muni leiða til viðskipta
fyrir Landsteina á komandi árum.
Danir eru öðruvísi í sínum hugsana-
gangi en íslendingar. Gunnar Páll segir að
skipulagningin sé þeim mjög mikilvæg, og
tímaáætlanir verði að standast.
„Það er kannski einkennandi fyrir þá að
þeir undirbúa allt mjög vel áður en þeir
fara af stað með verkefni. Þeir skilgreina
allt niður í kjölinn, ætlast til að hlutirnir séu
eins og um var rætt og enginn óeðlileg frá-
vik séu. Gerðar eru greiðsluáætlanir sem
hægt er að treysta á að standist en ef ekki
er skilað á réttum tíma þá eru dagsektir”.
Jón Garðar segir að Danir virðist ekki
eiga í neinum vandræðum með að skipta
við útlendinga, svo lengi sem þeir fái það
sem þeir vilji.
Astæðan fyrir því að Landsteinar eru í
Arósum er sú að Tele Danmark hefur sín-
ar höfðustöðvar þar. Segja má að samning-
urinn við Tele Danmark hafi verið stökk-
pallur inn á danska markaðinn því um leið
fóru Landsteinar að kanna möguleikann á
frekari útþenslu. „Um leið og við fengum
tækifæri til að sýna okkur og það sem við
höfðum fram að bjóða, tóku menn okkur
opnum örmum.“
Adidas fyrirtækið þýska þarf vart að
kynna fyrir lesendum, en svo vill til að
Landsteinar International, móðurfélag
Landsteina, hefur verið fengið til að að-
stoða við rekstur tölvukerfis þessa risafyr-
irtækis.
Gunnar Páll segir að þetta samstarf hafi
leitt til þess, að Landsteinar voru fengnir
til að aðstoða við framtíðarskipulag á
tölvukerfum fyrirtækisins.
„Fyrir utan ráðgjöf og verkefnisstjórn-
un eru alltaf þrír til fjórir menn frá Land-
steinum sem sitja í höfuðstöðvum Adidas
og forrita þar með tæknimönnum Adidas.“
Meirihluti starsfmanna Landsteina í Ár-
ósum er nú Islendingar. Bæði menntaðir í
Danmörku og á Islandi. Þrátt fyrir gríðar-
legan vöxt í tölvugeiranum undanfarin ár,
og skort á tölvumönnum, hefur fyrirtæk-
inu gengið ágætlega að manna starfsem-
ina. Á næstu vikum hefja 5 nýir starfsmenn
MUNURINN Á ÍSLENDINGUM OG DÖNUM í VINNU
Það er munur á íslendingum og Dönum þegar vinna er annars vegar. Danir eru engu
síðri starfskraftur en íslendingar en þeir vilja helst ekki vinna langt fram á kvöld eða
um helgar. Þeir krefjast ekki endilega geysihárra launa - en vilja sitt frí.
störf hjá fyrirtækinu, einn íslendingur og
fjórir Danir. Mikilvægt er að fá góða
blöndu af íslendingum og Dönum. Jón
Garðar segir að það sé munur á Islending-
um og Dönum þegar vinna sé annars veg-
ar. Danir séu engu síðri starfskraftur en Is-
lendingar, en vilji helst ekki vinna langt
fram á kvöld eða um helgar. Þeir krefjist
ekki endilega geysihárra launa, heldur vilji
sitt fri.
„Munurinn á íslenskum tölvumönnum
og þeim dönsku er einnig sá að þeir ís-
lensku hafa oft meiri víðsýni. Markaðurinn
heima gerir það að verkum að einn og
sami maðurinn verður að vera vel að sér í
nánast öllum hlutum.“ 133
Gæðahirslur á góðu verði.
Fagleg ráðgjöf og þjónusta.
®?Ofnasmiöjan
Verslun Háteigsvegi 7 • Sími 511 1100
Verksmiðja Flatahrauni 13 • Sími 555 6100
71