Fregnir - 01.03.2004, Blaðsíða 6
Fregnir. Fréttabréf Upplýsingar - Félags bókasafns- og upplýsingafrœða
Einstaklingurinn, tækifæri hans og velferð í samfélaginu eru leiðarljós hinnar nýju
stefnu en í henni segir m.a. að upplýsingatækni veiti einstaklingum, atvinnulífi og
opinberri þjónustu tækifæri til að nýta sér þær auðlindir sem felast í upplýsingum,
þekkingu og nýsköpun. Því ber stefnan yfirskriftina: Auðlindir í allra þágu - Stefna
ríkisstjórnarinnar um upplýsingasamfélagið 2004-2007.
Stefnan byggir á eftirfarandi framtíðarsýn: Einstaklingar búi við fjölbreytt tækifæri
í lýðæðissamfélagi sem er í fararbroddi í nýtingu upplýsinga og þekkingar. Svigrúm
verði fyrir alla til að þroskast, öðlast aukin lífsgæði og axla ábyrgð. Til að ná þessum
markmiðum verður að nýta þau sóknarfæri sem felast í styrkleika og sérkennum lands
og þjóðar. Örugg og öflug upplýsingatækni er verkfæri til þess.
Meginmarkmið stefnunnar eru:
• Tækifæri. Aukin verði tækifæri einstaklinga og fyrirtækja til að miðla og sækja þekk-
ingu, eiga samskipti og stunda viðskipti hvar sem er og hvenær sem er.
• Abyrgð. Forystumenn á öllum sviðum samfélagsins axli ábyrgð og vinni saman að því
að upplýsingatæknin sé nýtt í þágu borgaranna og ólíkir einstaklingar geti fært sér hana
í nyt.
• Öryggi. Tryggður verði aðgangur fólks og íyrirtækja að traustu háhraðaneti á sam-
keppnishæfu verði. Öryggi upplýsinga og friðhelgi einkalífs verði höfð að leiðarljósi í
þróun upplýsingasamfélagsins.
• Lífsgæði. Stuðlað verði að auknum lífsgæðum og auðugra mannlífi með því að nýta
möguleika upplýsingatækninnar í menntun, menningu, heilbrigðismálum og á öðrum
sviðum samfélagsins.
Stefnan nær til áranna 2004-2007 og er verkefnum settur tímarammi og ábyrgð á ein-
stökum verkefnum deilt niður á ráðuneyti eftir því sem hægt er. Áhersla er lögð á
verkefni á sviði rafrænnar stjómsýslu.
Ríkisstjómin hefur ákveðið að skipa sex manna verkefnisstjóm sem verður for-
sætisráðuneytinu innan handar um að tryggja framkvæmd stefnunnar. Hún verður
skipuð fúlltrúum forsætisráðuneytis, íjármálaráðuneytis, samgönguráðuneytis, heil-
brigðis- og tryggingamálaráðuneytis, menntamálaráðuneytis og iðnaðar- og viðskipta-
ráðuneyta. Einnig verður starfandi samráðsnefnd ráðuneyta í málefnum upplýsinga-
samfélagsins sem skipuð verður fulltrúum allra ráðuneyta og haft verður samráð við
hagsmunaaðila í samfélaginu um framkvæmd stefnunnar.
Forsætisráðuneyti skipaði fímm manna stefnumótunarnefnd síðastliðið sumar til
að gera tillögu að nýrri stefnu um notkun upplýsingatækni í íslensku samfélagi. í
nefndinni sátu: Ásdís Halla Bragadóttir, bæjarstjóri, Sigfús Ingi Sigfússon markaðs-
stjóri, Svava Garðarsdóttir kerfisfræðingur, Þór Sigfússon framkvæmdastjóri og Guð-
björg Sigurðardóttir verkefnisstjóri sem jafnframt var fonnaður nefndarinnar.
Með nefndinni vann samráðshópur með fúlltrúum ýmissa hagsmunaaðila í sam-
félaginu og Samráðsnefnd í málefnum upplýsingasamfélagsins sem skipuð er fulltrú-
um allra ráðuneyta. Stefnumótunamefndin leitaði einnig eftir sjónanniðum ijölmargra
annarra aðila.
Heimild: Forsœtisráðuneytið - www. forsaetisradunevti. is
Frétt 11. mars 2004
Fimmtudaginn 25. mars stóð stjóm Upplýsingar í samvinnu við Landsbókasafn íslands - Há-
skólabókasafn fyrir kynningarfundi um stefnu ríkisstjómarinnar um upplýsingasamfélagið
2004-2007. Guðbjörg Sigurðardóttir formaður verkefnisstjómar um upplýsingasamfélagið
kynnti fundargestum upplýsingastefnuna í fyrirlestrasal Þjóðarbókhlöðu.
29. árg. - 1. tbl. 2004 - bls. 6