Alþýðublaðið - 16.05.1974, Blaðsíða 5
Útgefandi: Blað hf. Ritstjóri og ábyrgðar-
maður, Freysteinn Jóhannsson. Stjórn-
málaritstjóri, Sighvatur Björgvinsson.
Aðsetur ritstjórnar, Skipholti 19, simi:
28800. Afgreiðsla: Hverfisgötu 8-10, simi:
14900. Auglýsingar, Hverfisgötu 8-10,
simi: 28660 og 14906. Blaðaprent hf.
Leyfum öðrum að reyna sig
í sérhverjum borgarstjórnarkosningum i
Reykjavik svo langt aftur sem menn muna hef-
ur Sjálfstæðisflokkurinn notað sömu áróðursað-
ferðirnar til þess að reyna að laða til sin fylgi.
Hann hefur haldið þvi fram, að engir aðrir en
Sjálfstæðismenn geti stjórnað Reykjavikur-
borg. Siðasta tilbrigðið i þessari áróðurskantötu
ihaldsins er það, að engir nema Sjálfstæðismenn
hafi vit á ,,bisniss” og þar sem Reykjavikurborg
eigi að reka sem „bisnissfyrirtæki” geti engir
annast þann rekstur nema ihaldið. Liggur þá
sjálfsagt næst við að gera Reykjavikurborg að
hlutafélagi þar sem hlutaf járeign ibúanna ræðst
af þvi hve hátt þeir eru skrifaðir hjá „flokkn-
um”.
Það er auðvitað megnasta f jarstæða að halda
þvi fram, að engir geti stjórnað málefnum höf-
uðborgar íslands nema þeir, sem sýnt geta fé-
lagsskirteini i Sjálfstæðisflokknum. Fjölmörg
sveitarfélög á íslandi lúta stjórn annara aðila,
en Sjálfstæðismanna og ekki er hægt að sjá, að
sú stjórnun fari þeim sveitarstjórnum neitt verr
úr hendi, en Sjálfstæðisflokknum stjórn Reykja-
vikur. Þá eru Sjálfstæðismenn mjög viða i sam-
starfi við aðra flokka um stjórn bæjarmála og
varla myndu þeir Sjálfstæðismenn skrifa undir
það, að sú samvinna gefi nokkuð verri raun, en
stjórn Sjálfstæðisflokksins eins á málefnum
Rey kja vikurborgar.
í stjórn á málefnum sveitarfélaga eins og i
landsmálum verður ávallt að velja og hafna.
Enginn einn stjórnmálaflokkur er þannig úr
garði gerður, að áhugasvið hans nái til allra
þátta samfélagsmála. Það, sem einum flokkn-
um þykir mikils um vert, finnst öðrum að litlu
hafandi og það er einmitt þessi mismunandi af-
staða flokkanna til einstakra samfélagsmála,
sem skilur á milli þeirra.
Þegar einn og sami flokkurinn hefur öll völd i
samfélagi — hvort heldur á sviði landsmála eða
sveitarstjórnarmála — þá mótast auðvitað allar
framkvæmdir og aðgerðir sveitarfélagsins af
þeim áhugasviðum, sem einkennandi eru fyrir
þennan ákveðna stjórnmálaflokk, af þvi að það
er hann einn, sem velur og hafnar. Hafi sami
stjórnmálaflokkur mjög lengi einskorðuð völd i
sliku samfélagi, þá er hætt við, að allar aðgerðir
hans i málefnum þess samfélags verði ákaflega
einhæfar einfaldlega vegna þess, að áhugamál
annarra stjórnmálaafla i samfélaginu fá aldrei
að komast að. Eðlilegt jafnvægi milli nauðsyn-
legra framkvæmdaratriða hlýtur þvi mjög að
raskast og þvi meira, sem lengra liður.
Vilji menn tryggja jafnar og alhliða framfarir
i málefnum sins byggðarlags næst það aðeins
með þvi, að af og til sé skipt um stjórn i þvi
byggðarlagi þannig, að sérhverjum stjórnmála-
flokki veitist færi á þvi að láta gott af sér leiða i
þeim málaflokkum, sem hann ber einkum og sér
i lagi fyrir brjósti. Slik stjórnarskipti þurfa að
fara fram i Reykjavik eins og i öðrum sveitarfé-
lögum og þótt Sjálfstæðisflokkurinn hafi sumt
vel gert i þeim málum borgarinnar, sem hann
hefur haft sérstakan áhuga á, þá þarf ekki siður
aðgerðir i hinum, sem hann hefur látið sitja á
hakanum. Slikar aðgerðir verða ekki unnar
nema aðrir stjórnmálaflokkar fái lika á stund-
um að spreyta sig.
alþýðu|
Skólinn - Borgin - Samfélagið II.
HEITT VATN. SUNDNÁM
Einhver dýrmætasta eign, sem Reyk-
vikingar eiga, er heita vatnið i iðrum
jarðar, og möguleikarnir til þess að
nýta hana nánast ótæmandi.
Það hefur því vakið furðu margra
borgarbúa, hve tregur Sjálfstæðis-
flokkurinn hefur verið til þess að reisa
litlar kennslusundlaugar við stærstu
skóla borgarinnar, sérstaklega í hinum
nýju hverfum borgarinnar. Þar hafa
þau furðulegu vinnubrögð tíðkast, öll-
um til óhagræðis, að verja milljónum í
akstur milli borgarhverf a til að koma 9-
13 ára nemendum á 2-3 vikna sund-
námsskeið. Og til þess að geta gert
þetta hefur orðið að fella niður lög-
boðna kennslu í öðrum greinum. Senni-
lega er erfitt úr að bæta í fullbyggðum
skólum, en það ætti tvímælalaust að
taka þetta atriði til gagngerðrar endur-
skoðunar í hinum ófullgerðu og óbyggðu
skólum borgarinnar, svo sem í Breið-
holti II.
Það er samdóma álit þeirra skóla-
manna, sem hafa kennslulaugar i skól-
um sínum, að þær séu ómissandi og
óborganlegur þáttur í skólastarfinu.
Þær tryggja það, að barnið verður
flugsynt á unga aldri, börnin venjast
vatninu strax við upphaf sskólagöngu og
mjög auðvelt er að fylgjast með því, að
allir, sem getu hafa til þess, læri að
synda.
Það er líka komið á daginn, og þótti
engum mikið, að einhvern geig hefur
sett að borgaryf irvöldum i þessum efn-
um. Skal lítillega vikið að því í næsta
þætti.
Guðmundur Magnússon.
A-listinn á Eyrarbakka
1. Vigfús Jónsson, fyrv. odd- 10. Guðmann Valdimarsson,
viti, Garðbæ. smiöur, Ægissiðu.
2. Jón Bjarni Stefánsson, út- 11. Þórður Markússon. sjó-
gerðarm, Ásheimum. maður, Asgarði.
3. Sigurður Eiriksson. bif- Jónatan Jónsson, vélstjóri,
reiðarstjóri, Garðafelli. Heiömörk.
4. Gisli Gislason, varðstjóri, 13. Einar Þórarinsson, skipstj..
Austurvelli. Stigprýði.
5. Bj arney Agústsdóttir, frú, 14. Ólafur Guöjónsson, bifreiða-
Sæfelli. stjóri, Mundakoti.
6 . H i 1 m a r A n d r é s s o n ,
verkam., Smiðshúsum.
FRAMBODSUSTl
til sveitarstjórnarkosninga i
Eyrarbakkahreppi scm fram
eiga að fara 26. mai 1974. Borinn
fram af Alþýðuflokksmönnum,
Framsóknarmönnum og
óháðum.
7. Sverrir Bjarnfinnsson,
skipstj., Búðarsstig.
8. Reynir Böðvarsson,
garðyrkjubóndi, Sætuni.
9. Margrét Ölafsdóttir, frú,
Silfurtúni.
Framboð til
Sýslunefndar
Árnessýslu.
1. Vigfús Jónsson, Garðbæ.
2. Gisli Gislason, Austurvelli.
Fimmtudagur 16. maí 1974.