Lesbók Morgunblaðsins - 08.09.1984, Blaðsíða 2
Giovanni Leombianchb Óður tO Aipablómsins, grafík, 1970.
Di SaJvatore: Grafíkmynd, 1950.
Franoo Grignani: Opait nr. 5.
Oiíumynd, 1965.
Mflanó — Reykjavík
Italskir myndlistarmenn sýna í Reykjavík dag-
ana 8.—16. september. Sýningu sína nefna þeir
Italia in Islanda og verður hún í Listamiðstöð-
inni við Lækjartorg, annarri hæð. Alls eru
myndir eftir 13 listamenn sem eiga það sameig-
inlegt að starfa að mestu leyti í Mílanó.
Þeir eru samt ekki allir ítalskir ríkisborg-
arar. Philip Martin er brezkur, Ho-Kan er
fæddur í Nangking í Kína, Maurice Henry
franskur. Hinir tíu eru ítalir, Giovanni
Leombianchi, Elvio Becheroni, Sergio
Dangelo, Nino di Salvatore, Pietro Gentili,
Franco Grignani, Marco Magrini, Galliano
Mazzon, Carlo Nangeroni og Vanni Vivi-
ani.
Flestar myndirnar eru eftir Giovanni
Leombianchi frá Mílanó. Giovanni hefur
komið hingað til lands um sjö ára skeið á
hverju ári til laxveiða og náttúruskoðunar.
Giovanni hefur og ritað mikið um ísland í
tímarit og blöð á Ítalíu. Fyrir nokkrum
árum gaf hann út myndir frá helztu veiði-
stöðum við Grímsá í Borgarfirði og vakti
sú myndamappa athygli laxverndun-
armanna í Kanada sem buðu honum til
Kanada til þess að mála sams konar
myndamöppur í kanadískum laxveiðiám.
Þá var Giovanni gerður að heiðursfélaga í
Laxaverndunarsamtökum Norður-Atl-
antshafs í New Brunswick. Þær myndir
sem Giovanni sýnir hér eru unnar á mis-
munandi hátt, vatnslitamyndir, silki-
þrykk, grafík, „relievografia“-upphleypt
grafík, ciba — chrome — photogravure og
collage.
Aðalhvatamaður að þessari sýningu er
Friðrik Á. Brekkan. Það er von Friðriks að
hægt verði í framtíðinni að koma á vinnu-
stofusamskiptum milli ítalskra og ís-
lenzkra listamanna og að koma myndum
hvors annars á framfæri í viðkomandi
löndum.
Af þeim hópi sem hér sýna eru 9 þegar
reiðubúnir til slíkra samskipta.
Á sýningunni er myndröð unnin í
relievografíu með tölustafinn sjö sem
tema. Hver listamaður á þar eina mynd.
Myndirnar eru gefnar út árið 1976 af Gall-
eria Rizzard í Mflanó. Hver listamaður
túlkar tölustafinn sjö samkvæmt sinni
stefnu. Alls voru gefin út 77 eintök en að-
eins tvö eru í umferð, þar af það eintak
sem er á sýningunni í Listamiðstöðinni.
Nino Di Salvatore sem á eina mynd á
sýningunni er forstjóri „Polytechnica e
design", virts lista- og hönnunarskóla í
Mílanó og eru verk hans víða um heim.
Galliano Mazzon fæddist 1896, flutti ungur
til Brasilíu og til Ítalíu í fyrri heimsstyrj-
öldinni. Hann er nú látinn. Maurice Henry
er fæddur 1907 í Frakklandi og er einn af
stofnendum Grand Jeu-listastefnunnar,
sem starfaði samhliða súrrealismanum.
Philip Martin er fæddur í Essex á Eng-
landi. Býr nú í Ástralíu. Vanni Vivianni er
fæddur 1937. Býr í Mílanó og fæst aðallega
við grafík. Nangeroni er fæddur í New
York 1922. Býr í Mílanó. Hefur haldið
fjölda sýninga í Evrópu og Bandaríkjunum
og Pietro Gentili er fæddur 1932 og hefur
lært bæði í Bandaríkjunum og í Mílanó, en
starfar á Ítalíu. Elvio Becheroni er fæddur
1934 í Flórens.
Marco Magrini er fæddur í Mílanó 1945
og starfar þar. Hann hefur haldið um 30
sýningar í ýmsum Evrópulöndum.
Töluverð umræða er um þetta framtak
meðal listamanna í Mílanó, enda í fyrsta
skipti sem þeir eiga myndir á sýningu á
íslandi og þar af leiðandi ríkir töluverð
spenna gagnvart hugsanlegum viðtökum
íslendinga á þessum örfáu sýnishornum.
Vinnustofuskipti um lengri eða skemmri
tíma er eitt af því skemmtilega sem kann
að koma út úr þessari sýningu, en nokkrir
íslenzkir listamenn hafa sótt til Ítalíu í
nám á undanförnum árum og gæti það
orðið góð búbót að flétta vinnustofuskipti
við námið síðar meir.
Sýning þessi hefur verið nokkur ár í
undirbúningi, hún er unnin með jákvæðu
hugarfari og í þeirri von að hún opni áður
ókannaðar leiðir til samskipta milli þjóða
okkar, Ítalíu og íslands.
Þrettán
erlendir
myndlistar-
menn í Lista-
miðstöðinni
Erlendar
bækur
GUÐBRANDUR SIGLAUGSSON
Gerald A. Browne:
19 PURCHASE STREET
Penguin Books 1983.
Þegar Norma
Gainer finnst látin
í hótelherbergi sínu
í Zurich í Sviss
bendir allt til þess
að hún hafi í eitur-
lyfjavímu framið
eitt herlegt sjálfs-
morð. Bróðir henn-
ar vill ekki sam-
þykkja að svo hafi
verið og kemst að
skömmum tíma
liðnum á spor banamanna hennar, eltir þá
uppi og kemur þeim fyrir kattarnef. Ást-
kona hans er í vitorði með honum og í
sameiningu leggja þau út í þá tvísýnu að
fletta ofan af þeim sem fengu morðingja
systurinnar til að fremja ódæðið. Það
tekst eins og í svo ótalmörgum sögum af
þessu tagi, spennan er mikil og endirinn
eftir öllu góður. Það væru svik við verð-
andi lesendur þessarar spennusögu að
rekja atburðarás hennar frekar. Sagan er
prýðislesning, þó gætir málalenginga helst
til mikið og hrapar spennan þá niður úr
öllu valdi en alltaf er eitthvað til að kalla
hana fram aftur.
Höfundurinn, Gerald A. Browne, er
Bandaríkjamaður og hefur áður sent frá
sér nokkrar spennusögur.
Sean O’Faolain:
THE HEAT OF THE SUN
Collected Short Stories
Vol. II.
Penguin Books 1983.
Það er vanda-
samt að skrifa
smásögu svo vel
fari. Margur hefur
reynt sig við það en
ekki öllum tekist.
Hemingway tókst
það, Maupassant og
Joyce og einhverj-
um fleirum og þeim
höfundi núlifandi
sem aldrei fatast er
Sean O’Faolain.
Hann er írskur og hafa menn nefnt hann í
sömu andrá og Chekov og vilja meina að
með þeim sé ýmislegt líkt, um það skal ég
ekkert segja.
Smásagan hefur lengst af verið lítils
metin á Islandi, þó eru til á vorri tungu
meistaraverk á því sviði, Auðunar þáttur
Vestfirska og einhverjar sögur eftir Nó-
belsskáldið svo og margar eftir Jón óskar.
Á meginlandi Evrópu töldu menn lengi að
Maupassant og Chekov hefðu fundið upp
smásöguna en það er í alla staði heldur
aumleg fullyrðing, því sexhundruð árum
áður en þeir kappar komu undir hafði ein-
hver maður íslenskur skrifað þáttinn um
Auðun og máski sá hafi fundið upp þetta
bókmenntaform, en mér er það til efs.
En allt um það.
I þessu hefti, sem er annað af þremur,
sem innihalda smásögur þessa írska
sagnameistara, er þrjátiu og ein saga.
Komu þær fyrir sjónir lesenda á árunum
1949—1966. Þær eru unnar af miklu öryggi
og sjaldgæfri íþrótt og er ekki lygimál það
sem stendur á kápu bókarinnar: Einn besti
núlifandi smásagnahöfundurinn.
Bókin er tæpar 450 síður.
Helen Garner:
MONKEY GRIP.
Penguin Books 1983.
Höfundur þessarar
bókar, en hann er ástr-
alskur kvenmaður, á
hrós skilið fyrir það
eitt að hafa skrifað þá
jafnleiðinlegustu bók
sem undirritaður hef-
ur um langan aldur
lesið. Og, nota bene,
hlotið bókmenntaverð-
laun fyrir pródúktið.
Bókin er tæpar 250
síður, sem allar eru
eins, Nora reykir mar-
íjúana, Javo kemur illa haldinn til hennar,
þau samrekkja, hann fer, hana dreymir.
Svona eru þær allar, en þrátt fyrir að í
lokin örli á einhverju bitastæðu, þá hefur
höfundur ekki aðra kosti, að því er virðist,
en að láta söguna a tarna leysast fyrir rest
upp í algera og megna skítafýlu.
2