Lesbók Morgunblaðsins - 25.11.2000, Blaðsíða 19

Kynslóðirnar mætast 200C
í dag verður uppskeruhá-
tíð verkefnisins Kynslóðir
mætast 2000 haldin í
fjórtán félags- og þjón-
ustumiðstöðvum eldra
fólks í Reykjavík. GUD-
RÚN GUDLAUGSDÓTTIR
ræddi við Ásdísi Skúla-
dóttur, sem stjórnað hefur
verkefninu, og að hennar
sögn mun allt iða af fjöri
og fjölbreyttum menning-
arviðburðum sem hinir
eldri og yngri hafa skap-
að í sameiningu.
Krakkarnir í Melaskóla lögðu bútana sína fram til kynslóóaormsins.
Morgunblaðið/Ásdís
MorgunblaSið/Ásdís Ásdís Skúladóttir
í féiagsmiðstöðinni við Aflagranda bættu þær Lára Árnadóttir, Kristín Jóhannsdóttir og Margrét
Hallgrímsdóttir í kynslóðaorminn.
✓
IDAG verður uppskeruhátíð verkefnis-
ins Kynslóðir mætast 2000 haldin í fjór-
tán félags- og þjónustumiðstöðvum
eldra fólks í Reykjavík. Allit' eru boðnir
velkomnir og að sögn Ásdísar Skúla-
dóttur, sem stjórnað hefur verkefninu,
mun allt iða af fjöri og fjölbreyttum
menningarviðburðum sem hinir eldri
og yngri hafa skapað í sameiningu.
„Verkefnið Kynslóðir mætast 2000 er á dag-
skrá Reykjavíkur menningarborg Evrópu
2000 og hefur að markmiði að leiða saman
eldri og yngri kynslóðina á nýjum tímum og
lykilorðin eru: Samvera, samvinna, samtal."
- Hvernighafiðþið unnið aðþessu?
„Byi'jað var á að velja úr félagsmiðstöðvar
eldra fólks sem eru með opið hús eins og kall-
að er, og voru þær 14 talsins er verkefnið
hófst. Allir forstöðumenn félagsmiðstöðvanna
hrifust af verkefninu og vildu vera með. Til að
gera langa sögu stutta þá var haft samband
við 14 skóla í nágrenni félagsmiðstöðvanna og
spurt hvort þar væri áhugi á að vera með í
verkefninu og var afar vel undir þá málaleitan
tekið. Síðan var strax byrjað að undirbúa
verkefnið á haustönn árið 1999 og í janúarlok
2000 var verkefnið sérstaklega kynnt almenn-
ingi í félagsmiðstöðinni á Vesturgötu 7.“
- í hverju felst þetta verkefni?
„T.d. var farið var í gagnkvæmar heimsókn-
ir, þær fólust í því að eldra fólkið kynntist
vinnustað barnanna og þau kynntust aftur
vinnustað eldra fólksins. Farið var t.d. í heim-
sókn á bolludag og borðar saman bollur, eldra
fólkið fór á skólasýningar hjá börnunum, farið
í gönguferð eða spjallað bara saman um menn
og málefni og sameiginleg áhugamál. Það sem
gert var í samverustundum var t.d. að steikja
saman laufabrauð, teikna á jólakortin fyrir jól-
in 2000, stofnaðir hafa verið allt að fimm kórar
ungra og aldraðra og danshópur var stofnað-
ur. Búin var til heimasíða í einni félagsmið-
stöðinni. Keppt var boccia og „krílað“ saman
(kríla er sérstök handavinnuaðferð). Unnið
var verkefnið: Leikir barna á tuttugustu öld.
Börn tóku viðtöl við eldra fólkið og unnu úr því
verkefni og síðast en ekki síst voru margir
kynslóðaormar prjónaðir. Sá lengsti var þegar
síðast fréttist orðinn yfir 20 metrar. Unnið var
verkefnið „Púpan og fiðrildið“, öskjugerð var
stunduð að hætti H.C. Andersens og sungið
saman: Litlir kassar á lækjarbakka - og allir
eins. Þá má nefna samverudaga sem þetta
unga og eldra fólk átti saman í Elliðaárdal,
þar sem tínt var saman sögulegt efni til þess
að búa til úr álfa og tröll í vinnustofum. Þús-
aldarblómið var og unnið í veggteppi og nýir
og gamlir hlutir skoðaðir í félagi.“
- Hverniggekk þessu fólki á ólíkum aldri að
finna sér sameiginleg áhugamál?
„Það gekk mjög vel vegna þess að í félags-
miðstöðvum aldraðra er blómleg starfsemi á
ýmsa lund og í skólunum eru gífurlega fjöl-
breyttar námsgi'einar. Það reyndist því ótrú-
lega auðvelt að tvinna saman þau verkefni
sem börn og eldra fólk er ella að vinna að
hvort á sínum vettvangi. Það sem hins vegar
reyndist erfitt en var leyst mjög farsællega
var að finna tíma þar sem bæði börnin og
eldra fólkið gat hittst."
- Hafa ekki áður veiið heimsóknir á milli
þessara aldurshópa?
„Jú, jú, það hefur verið nokkuð um það en
dæmi eru um það að jafnvel þótt félagsmið-
stöð og skóli væru nánast hlið við hlið þá væru
engin samskipti. Fram til þessa hafa heim-
sóknir helst verið í fonni þess að börnin hafa
t.d. sungið fyrir eldra fólkið eða það sagt börn-
unum frá gömlum tímum. Þetta er hið besta
mál en þetta verkefni var öðruvísi. Það sem
greinir það í gi'undvallaratriðum frá flestu af
því sem gert hefur verið er að núna var þess
freistað að vinna saman, að sameiginlegu
verkefni og það tókst með ágætum.“
- Geta allir komið og séð árangur sam-
starfsins?
„Já, félagsmiðstöðvarnar eru allar opnaðar
á mínútunni kl. 14 og eru opnar til klukkan 17.
Þar gefst sem sagt kostur á að sjá afrakstur
starfsins núna á haustönn og fá sér síðdegis-
kaffi gegn vægu samræmdu verði. Aðalatriðið
er þó að njóta samverustunda þennan tíma.“
- Var mikið mál að koma þessu samstarfí á
laggirnar?
„Já, en afai- skemmtilegt starf enda hafði ég
góða samstarfsaðila, þær Önnu Þrúði Þor-
kelsdóttur forstöðumann sem var fulltrúi Fé-
lagsþjónustunnar í Reykjavík og Guðrúnu
Þórsdóttur kennsluráðgjafa sem var fulltrúi
Fræðslumiðstöðvai' Reykjavíkur. Draumur
okkar er að þetta verkefni sé einn af þeim
dropum sem holar steinninn og stuðlar að
meiri samveru kynslóðanna, rannsóknir sýna '*
að félagsskapur og samvera gegnir lykilhlut-
verki í betra heilsufari til líkama og sálar.“
LeiSrétting
í VIÐTALI Hólmfríðar Gunnarsdóttur
við William Heinesen sem birtist í Les-
bók 18. nóvember sl. féll niður neðan-
málsgrein sem þó er vísað til í viðtalinu
þegar rætt er um bókina Det gode haab.
Neðanmálsgreinin var á þessa leið:
Skáldsagan hefur komið út í íslenskri
þýðingu undir nafninu Vonin blíð. Viðtal-
inu átti á hinn bóginn að ljúka með svari
Heinesens við spurningu blaðamannsins:
Hver er að yðar áliti besti rithöfundur á
Islandi? - Sá sem skrifaði Njálu.
Beðist er velvirðingar á þessum mis-
tökum.
Það var ekki annað að sjá en vel færi á með þeim sem máluðu Málverk kynslóðanna.
LESBÓK MORGUNBLAÐSINS - MENNING/LISTIR 25. NÓVEMBER 2000 1 9