Alþýðublaðið - 28.03.1985, Blaðsíða 4
Útgefandi: Blað h.f.
Stjórnmálaritstjóri og ábm.: Guðmundur Árni Stefánsson.
Kitstjórn: Friðrik Þór Guðmundsson og Sigurður Á. Friðþjófsson.
Skrifstofa: Helgi Gunnlaugsson og Halldóra Jónsdóttir.
Auglýsingar: Eva Guömundsdóttir.
Ritstjórn og auglýsingar eru að Ármúla 38, Rvík, 3. hseð.
Simi:81866.
Setning og umbrot: Alprent h.f., Ármúla 38.
Fimmtudagur 28. mars 1985 Prentun: Blaðaprent, Siðumúla 12.
alþýöu
Áskriftarsíminn
er 81866
Karvel Pálmason:
Gífurlegt óöryggi
fiskvinnslufólks
Nú í vikunni var tekið fyrir á Alþingi frumvarp Sighvats
Björgvinssonar og Guðmundar J. Guðmundssonar um
10% skattalækkun fiskvinnslufólks, sem komi þegar til
framkvæmda. Guðmundur J. Guðmundsson hafði
frumsögu með máiinu, þar eð Sighvatur var ekki lengur
á þingi, en Karvel Pálmason tók til máls í þeim umræð-
um sem urðu um málið.
Karvel sagði, að þetta frumvarp
væri vissulega skref í rétta átt, en
spurning væri hvort þetta væri rétt-
asta skrefið eða hvort þetta væri
nógu stórt skref til þess að fá fólk til
þess að vinna í þessari grundvallar-
atvinnugrein landsmanna. Síðan
sagði Karvel:
„Það fer auðvitað ekkert á milli
mála og það er öllum ljóst eins og
hér kom fram hjá framsögumanni,
að kjaraskerðing undangenginna
mánaða hefur bitnað hvað harðast
á sjómönnum og fiskvinnslufólki.
Og nú er svo komið og þarf raunar
ekki og ætti ekki að þurfa að ítreka
það hér í umræðum á Alþingi að
víða í sjávarplássum þar sem fisk-
vinnsla og fiskveiðar eru meginat-
vinnuvegir á hverjum stað, yfir-
gnæfandi meirihluti launafólks
vinnur við þær greinar, flykkist nú
fólk úr þessum undirstöðuatvinnu-
vegi, sjómennirnir fara af bátun-
um, fiskvinnslufólkið yfirgefur
frystihúsin. Og frammi fyrir slíkri
staðreynd er það spurning í mínum
huga, hvort menn eru hér nægilega
róttækir í breytingum til þess að
hægt sé að leiða að því líkur, að við
getum snúið þessu dæmi við.
Trekk í trekk
Ég minni á í þessu sambandi
margfluttar og að hluta til að
nokkru leyti samþykktar tillögur
Alþýðuflokksins hér á Alþingi um
að afnema með öllu tekjuskatt á al-
mennum launatekjum. Það er auð-
vitað hlutur, sem löngu ætti að vera
búið að framkvæma og 10% skatta-
lækkun hjá fiskvinnslufólki er ekki
í mínum huga eina rétta leiðin til
þess að létta byrðum, bæta kjör,
eða auka öryggi þessa fólks. Þar
þurfa trúlega fleiri leiðir að koma
til, ef við ætlum að gera okkur von-
ir um að við höldum þessu hæfa
fólki, sem í gegnum árin og áratug-
ina hefur starfað í þessari atvinnu-
grein, en hefur borið hvað skarðast-
an hlut frá borði.
Það er auðvitað alveg rétt, sem
Guðmundur J. Guðmundsson
sagði hér áðan, það er alltaf verið
að mismuna í þjóðfélaginu. Og
meirihluti Alþingis, ekki bara þess,
sem nú situr heldur og oft áður, hef-
ur ekki vílað fyrir sér að skerða hlut
þessa fólks trekk í trekk, breyta
samningum og kjaraákvæðum hjá
þessu fólki eins og svo mörgum öðr-
um launþegum á þann veg að
skerða verulega áunnin réttindi og
launakjör þessa fólks. Þetta er ekk-
ert að gerast bara í dag, þó að nú
hafi í tíð núverandi ríkisstjórnar
verið gengið miklum mun lengra í
þessum efnum heldur en oft áður.
En fordæmin eru mörg. Og það
verður fróðlegt í ljósi þess að heyra,
þegar forsætisráðherra svarar hér
fyrirspurnum væntanlega á næstu
dögum um það, hversu stjórnvöld
hafi oft og með hvaða hætti gripið
inn í gerða kjarasamninga á undan-
gengnum 15 árum. Það hygg ég að
kunni að verða fróðleg lesning, ekki
bara fyrir fiskvinnslufólk, heldur
og almennt fyrir launafólk í land-
inu og kannski fleiri.
Fleira þarf til
Að sjálfsögðu tek ég undir það
frumvarp sem hér er nú til umræðu.
En ég ítreka, að ég hef ekki alltof
mikla trú á því að það nægi eitt og
sér til þess að tryggja það með ein-
hverjum hætti, að þetta hæfa fólk,
sem hefur verið í fiskvinnslunni og
frystihúsunum undangengin ár.
haldi áfram að vera þar eða skili sér
aftur, fólkið sem er búið að yfirgefa
þessa vinnustaði. Ég held að það
þurfi að gera meira. Það þarf að
leita fleiri leiða til þess að bæta að-
stöðuna, tryggja atvinnuöryggi
þessa fólks. Framsögumaður vék
hér áðan að þeim þætti, sem er hið
gífurlega óöryggi fiskvinnslufólks í
þessu landi, sem fær uppsögn næst-
um því svo tugum skiptir kannski á
sama árinu. Slíkt er auðvitað ekki
sæmandi þjóð, sem byggir um eða
yfir 70°/o af útflutningsverðmætum
sínum á sjávarfangi. Það er ekki
sæmandi og það er með ólíkindum
hversu augu og eyru þeirra forystu-
manna þessarar þjóðar, sem leitt
hafa hana undangengin nokkuð
mörg ár eða áratugi, hversu augu og
eyru þessara stjórnmálaforingja
svokölluðu virðast hafa verið lokuð
fyrir þeirri nauðsyn að hlú að þess-
um þætti, sem er meginþátturinn í
okkar atvinnulífi og sem allt annað
byggist á. Það minnkaði fljótt í
buddunum hjá öðrum, ef þetta fólk
skilaði ekki þeim afrakstri og ár-
angri, sem það hefur gert í gegnum
árin. Það tæmdust þá fljótt budd-
urnar hér t. d. á þessu svæði og
menn keyptu ekki mikið frá degi til
dags, ef þetta fólk yrði hrakið úr
Framh. á bls. 2
MOLAR
Heilsufar risanna
Undanfarin ár hefur ómælt blek
farið í að skrifa um heilsufar nú-
tímakeisaranna í Sovét og það svo
sem ekki að ástæðulausu. Þar
hafa nefnilega gamlir og lúnir
menn valist til forystu og endingin
eftir því.
Minna hefur verið fjallað um
heilsufar Bandaríkjaforseta, ef
frá er talin skotárásin á Reagan
1981. En Reagan fór sem sagt í ár-
lega yfirhalningu til lækna sinna
um daginn og viti menn: Ef eitt-
hvað er er hann enn sprækari en
fyrir einu ári. Blóðþrýstingurinn
hefur minnkað og sömuleiðis
kólesterólmagnið í blóðinu og í
heild mætti hver maður 10—15
árum yngri vera hæstánægður
með ástandið.
Þó kom í ljós eitthvert pínulítið
æxli inn af sitjandanum og hefur
krabbi ekki verið útilokaður, en
þó svo væri er ekki um neina
hættu að ræða. Sömuleiðis á
gamli maðurinn eitthvað í erfið-
leikum með vöðva vinstri handar,
en þá aðeins þegar hann „sveiflar
byssu sinni og stingur henni í
hulstrið" eins og haft er eftir
blaðafulltrúa forsetans . . .
• '
Sýrusnjór
Snjórinn, sem fallið hefur á Noreg
í vetur, hefur víða verið grár og
óeðlilegur. Stafar það af æ al-
gengari orsök: Mengun frá suðri,
sýrublönduð úrkoma.
Undir venjulegum kringum-
stæðum ætti svo kallað PH gildi í
úrkomu að vera 6—6 Zi stig, en í
Noregi mældist víða gildið vera
4—4 Vi stig og við bæinn
Drammen var ástandið sýnu verst,
þar mældist sýruinnihaldið 3,4
stig. Náttúruverndarsamtök í
Noregi þrýsta nú á stjórnvöld í
Noregi að þrýsta á Breta og fleiri
um að herða á skilyrðum um
mengunarvarnir fyrirtækja og
bregðast til varnar með öðrum
hætti. Mál þetta kom meðal
annars til umræðu á Norður-
landaráðsþingi lýstu forsætisráð-
herrar Norðurlanda yfir von-
brigðum sínum með afstöðu
Breta, sem ekki hafa brugðist við
vandanum sem skyldi.
• "
Makk
Góðkunningi okkar mola á heima
í götu sem heitir Brúnaland og er
í Fossvogshverfi. Laugardaginn
síðasta varð honum litið út á götu
og sá hann hvar sjálfur utanríkis-
ráðherrann Geir Hallgrímsson
keyrði á sínum fína bíl inn götuna.
„Hann er að fara að heimsækja
arftaka sinný hugsaði okkar mað-
ur með sér, því Þorsteinn Pálsson
á einmitt heima í sömu götu.
„Hvað skyldu þeir nú ætla að fara
að bralla?“
Og viti menn, um kvöldið kem-
ur Þorsteinn fram i sjónvarpi og
lýsir því yfir að Framsóknarmenn
séu leiðinlegir og vilji bara vera í
stjórn til að passa upp á hagsmuni
SIS. Nú er það spurningin, fór
Geir til Þorsteins til að hvetja
hann eða letja í þessu máli???