Alþýðublaðið - 16.06.1988, Blaðsíða 3
Fimmtudagur 16. júní 1988
3
FRÉTTIR
Jón Baldvin Hannibalsson fjármálaráðherra
FRAMLEIÐSLURÁÐ OG LANDBUN-
AÐARRÁÐHERRA TÓKU SÉR VALD
Breyttu gjaldskrá niðurgreiðslna þegar
í mars, með þeim afleiðingum að
niðurgreiðslur eru komnar 150
milljónir umfram fjárlög.
Út í hött að um sé að rœða einhverjar
verðhœkkanir á næstunni af völdum
söluskatts á landbúnaðarafurðir.
Jón Baldvin Hannibalsson
fjármálaráðherra segir að Jón
Helgason landbúnaðarráð-
herra hafi ekki staðið við
gefið loforð frá síðustu fjár-
lagagerð um að flýta frum-
varpi til laga um afnám sjálf-
virkra ríkisútgjalda í landbún-
aðarlögum. Þá segir hann að
Framleiðsluráð landbúnaðar-
ins meö tilstilli landbúnaðar-
ráðherra hafi tekið sér það
vald þegar í mars að breyta
gjaldskrá niðurgreiðslna,
sem þýði að niðurgreiðslur
eru komnar 150 milljnir um-
fram fjárlög, nú þegar fyrir 1.
júní. Hann segir út í hött að
um sé að ræða einhverjar
verðhækkanir á næstunni af
völdum söluskatts á landbún-
aöarafurðir.
„Það liggur Ijóst fyrir að
Framleiðsluráð landbúnaðar-
ins með tilstilli landbúnaðar-
ráðherra hefur þegar í mars
tekið sér vald til þess að
breyta gjaldskrá niður-
greiðslna, sem þýðir að
niðurgreiðslur eru komnar
150 milljónir umfram fjárlög
nú þegar fyrir 1. júní. Það er
því algjörlega út í hött að um
sé að ræða einhverjar verð-
hækkanir af völdum sölu-
skatts á landöúnaóarafurðir á
næstunni. Á það reynir í
fyrsta lagi i júlímánuði og fer
þá eftir því hvaða ákvarðanir
verða teknar um niður-
greiðslustig til áramóta,“
sagði Jón Baldvin við Alþýðu-
blaðið.
Hann segir reikninga land-
búnaðarkerfisins í heild vera
1 milljarð og 65 milljónir
króna, eins og þeir liggja fyrir
núna. „Spurningin um niður-
greiðslur er ekki nema litill
þáttur af þessu.“
Alþýðuflokksmenn hafa
óskað eftir að nú þegar verði
teknar ákvarðanir á grundvelli
starfsáætlunar rikisstjórnar-
innar um breytingar á gild-
andi stefnu. Ráð verði fundin
til að draga úr offramleiðsl-
unni hraðar en hingað til og
draga úr aðstreymi bakreikn-
inga samkvæmt sjálfvirkum
lögum, sem engin hafi stjórn
á.
Framsóknarmenn, m.a.
Halldór Ásgrímsson i blaðinu
í gær, segja aðalatriði að
staðið verði við búvörusamn-
inginn og benda á að í bú-
vörulögunum sé kveðið á um
endurskoðun á næsta ári.
Halldór sagði þó sjálfsagt að
hefja undirbúning að þeirri
endurskoðun.
„Þetta verður að gerast
hraðar," segir Jón Baldvin.
„Af þeirri ástæðu að það
verður of seint þegar að
endurskoðuninni kemur.
Lömb verða til og verða til-
efni til kostnaðar löngu áður
en að því kemur. Rétti tíminn
til að taka ákvarðanir er eigi
síðar en núna.“
Eitt af stefnumiðum Al-
þýðuflokksins er að draga úr
sjálfvirkni í ríkisbúskapnum.
Dæmi um það eru nefnd
framlög vegna jarðræktarlaga
og búfjárræktarlögin, þar
sem Jón Baldvin segir reikn-
ingum sé framvisað fyrir
kostnaði sem búið sé að
stofna til.
„Það hafa legið fyrir loforð
vegna samkomulags við fjár-
lagagerð á síðastliðnu hausti
um að landbúnaðarráðherra
flýtti frumvarpi til laga um að
breyta þessu. Við það hefur
ekki verið staðið,“ sagði Jón
Baldvin.
Fram hefur komið að Al-
þýðuflokkurinn leggur til að
ríkisjarðir verði nýttar til úti-
vistar og orlofsdvalar í aukn-
um mæli til að losa þær
undan ábúð. Þannig gætu
t.a.m. verkalýðsfélögin keypt
jaröir undir orlofshúsasvæði.
Jón Baldvin segir þetta
dæmi um tillögur til að draga
úr offramleiðslu strax i upp-
hafi. „Hvers vegna ættu
landsetar á ríkisjörðum,
eins og t.d. prestar, að leggja
í þetta fjall. Auk þess er land-
nýting og gróðurvernd önnur
hlið á landbúnaðarmálum.
Landið er að verða örfoka.
Eitt brýnasta hagsmunamál
þjóðarinnar er að hrinda í
framkvæmd þessum fjórum
orðum: Lausaganga búfjár
verði bönnuð.“
Hver eru þá hin óumflýjan-
legu útgjöld? „Ef menn gefa
sér að niðurgreiðslur eigi að
hækka til þess að mæta
verðhækkunum af ýmsum til-
fellum, þá eru það 300 mill-
jónir. Síðan er spurningin um
bætur á fé sem þegar er búið
að flytja út m.a. vegna skulda
frá fyrri árum, þá eru það 420
milljónir,“ sagði Jón Baldvin
Hannibalsson.
Listahátíð í dag
HÁTÍÐARROKK
I gærmorgun komu
færeysku lög-
mannshjónin, Atli
Dam og Sólvá Dam,
i heimsókn til ís-
lands í boði For-
seta íslands. Að
loknum hádegis-
verði á Bessastöð-
um héldu gestirnir
að Stofnun Árna
Magnússonar þar
sem Dr. Jónas
Kristjánsson, for-
stöðumaður, sýndi
lögmannshjónun-
um stofnunina.
A-mynd/Þorlákur.
BÚID AÐ
ÁKVEÐA KOMU-
TÍMA PÁFANS
Jóhannes Páll II páfi heim-
sækir íslands 3. og 4. júni á
næsta ári. Páfinn kemur
hingað á heimsóknarferð um
Norðurlönd og er það í fyrsta
sinn í sögu kristinnar kirkju
sem páfi heimsækir Norður-
löndin. Búist er við að yfir
100 manns, fyigdarmenn,
starfsmenn og fjölmiðla-
menn, komi með i þotu páfa.
Reiknað er með að um 60
fjölmiðlamenn verði með í
þotu páfa. Fyrirhugað er aö
koma upp fjölmiðlastöð i
Hagaskóla svipaðri þeirri og
var vegna leiðtogafundarins
1986.
Það verður mikið um að
vera á Listahátið i dag. Mynd-
listarsýningar úti um allan
bæ og í kvöld: Kammertón-
leikar í íslensku óperunni,
Black Ballet Jazz í Þjóðleik-
húsinu, mynlistarfyrirlestur í
Listasafninu og popptónleik-
ar í Laugardalshöll.
Á Kammertónleikunum í
íslensku óperunni í kvöld
verða ungir íslenskir tónlist-
armenn alls ráðandi. Þá
stjórnar Hákon Leifsosn
frumflutingi á tveimur ís-
lenskum verkum: Klarinettu-
konsert eftir Hauk Tómasson
og Capriccio fyrir píanó og
hljómsveit eftir Leif Þórarins-
son. Einleikarar í þessum
verkum eru Guðni Franzson
klarinettuleikari og Þorsteinn
Gauti Sigurðsson pianóleik-
ari. Á þessum tónleikum
verðureinnig flutt Kammer-
sinfónía op. 9 fyrir 15 hljóð-
færi eftir Arnold Schönberg.
Tónleikarnir hefjast kl. 20.30.
í Listasafni íslands flytur
Folke Lalander fyrirlestur um
konkretlist í Svíþjóð og hefst
hann kl. 20.30.
Kl. 21.00 hefjast popptón-
leikar ( Laugardalshöll. Þar
leikur breska hljómsveitin
The Christians ásamt is-
lensku hljómsveitunum
Strax, Siðan skein sól og
Kátum piltum.
Hin stórgóða hljómsveit
The Christians er ættuð frá
bítlabænum Liverpool. Tón-
list þeirra er undir sterkum
sól-áhrifum, eins konar sam-
runi popps, souls og blues
tónlistar. Hljómsveitina skipa
bræðurnir Garry og Rusel
Christian, sem sjá um söng
og saxófónleik og Henry
Priestman, sem leikur á
hljómborð og gítar og syngur
líka, og hafa þeir nokkra
hljóðfæraleikara sér til full-
tingis á tónleikunum í Laug-
ardalshöll í kvöld. Sem sagt:
Góða skemmtun í Höllinni í
kvöld!
The Christians verða í Höllinni í
kvöld. Sveitin leikur bræðing
rokks, sól- og blústónlistar.
Friðrik Sophusson iðnaðarráðherra
TEL ADIL0 MUNI
EKKEfíT AÐHAFAST
Friörik Sophusson iðnaðar-
ráðherra telur að Alþjóða-
vinnumálastofnunin muni
ekki aðhafast neitt í kæru
ASÍ til hennar vegna bráða-
birgðalaganna. Hann segist
hvetja forseta ASÍ til að gera
alvöru úr því að stefna ríkis-
stjórninni fyrir stjórnarskrár-
brot til að fá úr þvi skorið
hvort svo sé.
I samtali við Alþýðublaðið
segir Friörik að ef Alþýðu-
vinnumálastofnunin (ILO) taki
málið að sér, muni hún leita
upplýsinga hjá rikisstjórn-
inni. „Við erum þeirrar skoð-
unar eftir að hafa skoðað
málið, að ILO muni ekki að-
hafast neitt frekar í málinu."
Hann segir að Ásmundur
Stefánsson forseti ASÍ hafi
nefnt að til greina komi að
stefna ríkisstjórninni fyrir
stjórnarskrárbrot. „Ég hef
kvatt hann eindregið til að
fylgja þeirri hugmynd sinni
eftir, þó ekki væri nema til að
fá úr því skorið. Það er auð-
vitað mjög afleitt fyrir stjórn-
völd að liggja undir þeim
ámælum.