Alþýðublaðið - 16.06.1988, Blaðsíða 6

6
Fimmtudagur 16. júní 1988
SMÁFRÉTTIR
Kaupsamningurinn undirritaður. Frá vinstri: Þorvaröur Eiiasson skólastjóri Tölvuháskóla Verslunarskólans
og Gunnar M. Hansson forstjóri IBM á íslandi.
Tölvuháskóli
VÍ kaupir
öflugar
einkatölvur
Tölvuháskóli Verslunarskól-
ans hefur fest kaup á 21 net-
tengdum einkatölvum PS/2
gerð 80 frá IBM til nota fyrir
nemendur skólans og marka
þessi tækjakaup timamót í
starfsemi hans. Viö tölvu-
væðingu skólans hefur frá
upphafi veriö haft að leiðar-
Ijósi, að búnaður sá sem val-
inn er, gerði kleift að líkja
sem nákvæmast eftir tölvu-
búnaði í dæmigerðu íslensku
fyrirtæki og þá með þróun
næstu missera og ára í huga.
Kaupin á einkatölvunum nú
eru mikilvægt skref í þessa
átt.
Tölvuháskólinn er um það
bil að Ijúka sínu fyrsta starfs-
ári. „Með kaupunum nú er
Ijóst, að næsta vetur verður
skólinn kominn með búnað
sem gefur honum töluvert
forskot í tölvukennslu. Til að
ná sem mestri breidd í
kennsluna var talið æskilegt
að byggja hana upp í tveimur
þróunarumhverfum, vinnu-
stöðvum (PC/PS vélum)
tengdum í net og miðlungs-
tölvu sem nýta mætti sem
gagnagrunnsvél í netinu,"
segir í fréttatilkynningu.
Erik
Sonderholm
látinn
Erik Sonderholm við Kaup-
mannahafnarháskóla lést í
Kaupmannahöfn þann 13.
júni s.l. Erik Sonderholm var
sendikennari viö Háskóla ís-
lands 1955-62 og forstjóri
Norræna hússins 1976-80.
Síðan var hann prófessor við
Kaupmannahafnarháskóla til
dauðadags. Eftirlifandi kona
hans erTraute Sonderholm.
Stöðu-
breytingar hjá
lögreglunni
Bjarki Eliasson, yfirlög-
regluþjónn almennrar deildar
lætur af störfum við embætt-
ið þann 20. júní n.k. en frá
þeim tlma tekur við starfi
yfirlögregluþjóns Guömund-
ur Guðjónsson. Bjarki tekur
við skólastjórastöðu við Lög-
regluskóla ríkisins.
Frá sama tíma verður sú
breyting á starfsskiptingu
yfirlögregluþjóna að Guð-
mundur Hermannsson, sem
stýrt hefur rannsóknardeild,
mun gegna starfi sem yfir-
lögregluþjónn almennrar
deildar en Guðmundur Guð-
jónsson sem yfirlögreglu-
þjónn rannsóknardeildar jafn-
framt því að fara með yfir-
stjórn skipulagsmála.
Óverulegt
atvinnuleysi
í maímánuði sl. voru
skráðir tæplega 12 þúsund
atvinnuleysisdagar á landinu
öllu. Þetta svarar til þess að
544 hafi að meðaltali verið á
atvinnuleysisskrá í maí eða
0.4% af áætluöum mannafla
á vinnumarkaði samkvæmt
spá Þjóðhagsstofnunar.
Skráðum atvinnuleysisdög-
um fækkaði frá mánuðinum á
undan um 2 þúsund eöa
15%. Mest dró úratvinnu-
leysi hjá körlum eða um 27%
en konum á skrá fækkaði
aðeins um 7% og var 65% af
skráðu atvinnuleysi í maí-
mánuði hjá konum.
Þegar litið er til landsins í
heild voru skráðir atvinnu-
leysisdagar í nýliðnum mán-
uði 3 þúsund fleiri en í sama
mánuði í fyrra. Þessi aukning
atvinnuleysis milli ára átti sér
einkum stað í þremur lands-
hlutum þ.e. Norðurlandi
vestra, Vesturlandi og á Suö-
urlandi, en þessi svæði hafa
öll orðið fyrir því að sauma-
og/eða prjónastofur hafa
hætt starfsemi sinni á um-
ræddu tímabili. Þetta skýrir
m.a. óvenju hátt hlutfall
kvenna í skráðu atvinnuleysi í
maí.
Enda þótt skráðum at-
vinnuleysisdögum hafi fjölg-
að um þriðjung miðað við
sama tíma í fyrra voru þeir
færri nú heldur en í nokkrum
öðrum maímánuði sl. 5 ár, að
árinu i fyrra undanskildu, en
að meðaltali hafa verið skráð-
ir 17 þúsund atvinnuleysis-
dagar í maímánuði sl. 5 ár.
Þetta gefur til kynna að
mun minna hafi dregið úr
þenslu á vinnumarkaði en
vænta mátti. Kemur þetta
reyndar heim og saman við
niðurstöður könnunar Þjóð-
hagsstofnunar og Vinnumála-
skrifstofunnar á horfum á
vinnumarkaöi og þörf fyrir-
tækja fyrir vinnuafl, en niður-
stöður þeirrar könnunar hafa
nýlega birst í fjölmiðlum.
Menntamála-
ráðherra á
fundum
norrænna og
evrópskra
ráðherra
Birgir ísleifur Gunnarsson,
menntamálaráðherra, sat
fund menntamálaráðherra
Norðurlanda í Visby á Got-
landi dagana 12.-13. júní. Þar
var m.a. rætt um norrænt og
evrópskt samstarf um vís-
indaleg málefni.
Síðdegis 13. júní fór
menntamálaráðherra til
Stokkhólms og sótti þar,
ásamt öðrum norrænum ráð-
herrum sem fara með íþrótta-
mál, fund íþróttasambanda
Norðurlanda. Hann flutti þar
ræðu um íþróttir sem þátt í
menningarlífi þjóða.
Dagana 14.-15. júní var
menntamálaráðherra í opin-
berri heimsókn i Svíþjóð í
boði Lennart Bodström,
menntamálaráðherra Sví-
þjóðar. Bodström kom
hingað til lands í opinbera
heimsókn s.l. sumar. I fylgd-
arliði ráðherra eru kona hans
Sonja Backman, Knútur
Hallsson, ráðuneytisstjóri og
kona hans Erna Hjaltalín.
í dag 16. júní fer mennta-
málaráðherra til Kaupmanna-
hafnar, þar sem hann situr
fund evrópskra ráðherra, er
fara með málefni Evreka-
áætlunarinnar. íslendingar
eru þátttakendur í svonefndu
Halios-verkefni, er fjallar um
fiskiskip framtíðarinnar. Auk
ráðherra situr Vilhjálmur Lúð-
víksson, framkvæmdastjóri
Rannsóknarráðs ríkisins,
fundinn.
Jón Sígurðs-
son ráðherra
flytur ræðu
á Hrafnseyri
Hrafnseyrarnefnd gengst
fyrir samkomu að Hrafnseyri,
fæðingarstað Jóns Sigurðs-
sonar, 17. júní eins og mörg
undanfarin ár, þar flytur Jón
Sigurðsson ráðherra hátíðar-
ræðuna. Hann er Arnfirðingur
að ætt og var amma hans
Guðrún Friðriksdóttir fædd
að Hrafnseyri. Guðrún Jóns-
dóttir söngkona syngur með
undirleik Guðna Þ. Guð-
mundssonar. Ennfremur mun
séra Gunnar Hauksson
messa i minningarkapellu
Jóns Sigurðssonar.
Sumarferö Alþýöuflokksins
Alþýðuflokksfélögin í Reykjavík og á Reykjanesi fara i
sameiginlega sumarferð laugardaginn 2. júlí n.k. og að
þessu sinni verður haldið í austur.
Ferðaáætlun:
1. Lagt af stað frá BSÍ kl. 9.30.
2. Komið við í Hveragerði og á Selfossi, þar bætast í hóp-
inn hressir félagar af Suðurlandi.
3. Ekið sem leið liggurí Þjórsárdal, þarverðursnætt nesti.
Við skoðum þjóðveldisbæinn og rústirnar að Stöng.
Farið verður í sund (hafið með ykkur sundföt).
4. Þessu næst verður haldið upp á hálend:ð. Virkjanirnar
við Hrauneyjarfoss og Sigöldu heimsóttar.
5. Næsti áfangastaöurerSkíðaskálinn í Hveradölum með
viðkomu í Hveragerði. Þar verður tekið á móti hópnum
með veglegri víkingaveislu. Ef vel viðrar verður grillað
úti.
Áætlaður komutími til Reykjavíkur er kl. 23.00. Reyndir
fararstjórar og leiðsögumenn verða með hópnum. Verð
fyrir fullorðna kr. 1.800,- og verð fyrir börn yngri en 12 ára
kr. 800.-.
Skráning þátttöku erá skrifstofu Alþýðuflokksins Hverfis-
götu 8-10 frákl. 10-16 allavirkadagasimi 91-29244. Athugið
greiöslukortaþjónusta.
Alþýðuflokkurinn.
BÓKLEGT
ATVINNUFLUGNÁM
Flugmálastjórn mun I samstarfi við Fjölbrautaskóla
Suðurnesja standa fyrir bóklegu atvinnuflugnámi á
næstaskólaári, ef næg þátttakaverður. Námiöskipt-
ist í tvær annir, haust- og vorönn.
Inntökuskilyrói eru einkaflugmannsskírteini og
stúdentspróf meö a.m.k. þremur einingum í eðlis-
fræöi.
Umsóknareyðublöð fást í afgreiöslu Flugmála-
stjórnar í flugturninum á Reykjavíkurflugvelli. Um-
sóknir þurfa að hafa borist þangað fyrir 15. júlí n.k.
Umsóknum skal fylgja:
Staðfest Ijósrit af stúdentsprófi
Ljósrit af einkaflugmannsskírteini
I. flokks læknisvottorð frá trúnaðarlækni flugmála-
stjórnar.
Fiugmálastjórn
1111
<«• **+ a w
UTBOÐ
Innkaupastofnun Reykjavíkurborgar fyrir hönd
Garðyrkjudeildar Borgarverkfræðings óskar eftir
tilboðum í frágang gæsluvallar við Hringbraut.
Útboðsgögn verða afhent á skrifstofu vorri að Frí-
kirkjuvegi 3, Reykjavík gegn kr. 10.000 skila-
tryggingu. Tilboðin verða opnuð á sama stað
fimmtudaginn 30. júní kl. 14.
INNKAUPASTOFNUN REYKJAVIKURBORGAR
Frikirkjuvegi 3 — Simi 25800 — Póstholf 878 — 101 Reykjavik_
Skattskrá Reykjavíkur
ÁRIÐ 1987
Skatta-, útsvars-, launaskatts- og söluskattsskrár
vegna álagðra gjalda vegna 1987 liggja frammi á
Skattstofu Reykjavíkur dagana 16-29 júní 1988 frá kl.
9-16 alla virka daga nema laugardaga.
Athygli er vakin á því að enginn kæruréttur myndast
þótt álögð gjöld séu birt með þessum hætti.
Reykjavík 15. júní 1988
Skattstjórinn í Reykjavík
Gestur Steinþórsson