Morgunblaðið - 13.01.2001, Blaðsíða 15

HÖFUÐBORGARSVÆÐIÐ
MORGUNBLAÐIÐ LAUGARDAGUR 13. JANÚAR 2001 15
AKUREYRI
HAFNARFJARÐARBÆR hyggst
hætta afskiptum af sorphirðu fyrir-
tækja. Á fundi bæjarráðs var bæj-
arverkfræðingi falið að segja upp
samningi bæjarins við Gámaþjón-
ustuna um sorphirðu.
Að sögn Kristins Magnússon,
bæjarverkfræðings, hefur verið í
gildi samningur bæjarins og Gáma-
þjónustunnar um sorphirðu fyrir-
tækja en á hinn bóginn hefur borið á
því í vaxandi mæli að fyrirtæki hafi
snúið sér beint til ýmissa fyrirtækja
og samið við þau um sorphirðumál
sín. Ástandið er því orðið ruglings-
legt, að sögn Kristins. „Það er eðli-
legt að menn fái að semja beint við
þessi fyrirtæki, “ sagði Kristinn og
sagði stefnt að nýju fyrirkomulagi
þessara mála í vor.
Vegna þessa mun bærinn fella
niður sorphirðugjald af fyrirtækj-
um, en það hefur skilað 6,5 m.kr.
tekjum í bæjarsjóð á ári. Kristinn
segir að ekki sé auðvelt að sjá hver
afkoma hafi verið af sorphirðu fyr-
irtækja á vegum bæjarins en al-
mennt hafi verið tap á sorphirðunni
og hann býst við að það eigi jafnt við
um fyrirtækin og sorphreinsun hjá
almenningi.
Bærinn hættir að sjá um
sorphirðu fyrirtækja
Hafnarfjörður
TILLAGA VA arkitekta ehf. í
Reykjavík bar sigur úr býtum í hug-
myndasamkeppni um merkingar í
Hafnarfirði, sem bæjaryfirvöld þar
efndu til 17. september árið 2000.
Verðlaunaféð nemur 600.000 krón-
um. Í hönnunarhópi arkitektarstof-
unnar voru Indro Candi, María
Dupuis, Karl Magnús Karlsson og
Steinunn Halldórsdóttir. Ennfremur
ákvað dómnefndin að kaupa aðra til-
lögu, sem Árni Tryggvason, Skild-
inganesi 35 í Reykjavík, er höfundur
að. Meginmarkmið samkeppninnar
var að ná fram hugmynd að sem
bestri heildarlausn merkinga í Hafn-
arfirði, sem og að vekja athygli á sér-
stöðu bæjarins og sérkennum. Alls
bárust fimm tillögur.
Aðdragandi
Aðdragandi hugmyndasamkeppn-
innar var sá, að árið 1997 hóf Hafn-
arfjarðarbær vinnu við skipulagn-
ingu merkinga í bænum og
bæjarlandinu og var sérstakur
starfshópur skipaður til að vinna
verkið. Verkfræðistofan Strending-
ur aðstoðaði starfshópinn við grein-
ingu merkinga og undirbúning
markmiðssetningar. Í upphafi var
verkefnið skilgreint og gagna aflað.
Afraksturinn var víðtækur gagna-
grunnur um merkingar bæjarins
með myndum og lýsingum. Gagna-
grunnurinn er m.a. varðveittur í
tölvu bæjarins til hægðarauka við
uppfærslu hans þegar merkingar
breytast. Að því loknu voru sett
markmið fyrir merkingar bæjarins,
verkefnum skipt niður og þeim raðað
í forgang. Fyrsti áfangi verkefnisins
var athugasemdir og ábendingar,
sem starfshópurinn gerði við merk-
ingar Vegagerðarinnar á leiðum til
Hafnarfjarðar og kom bæjarráð
Hafnarfjarðar þeim á framfæri við
Vegagerðina. Annar áfangi var áð-
urnefnd hugmyndasamkeppni. Á
fundi sínum 14. september 2000 sam-
þykkti bæjarráð Hafnarfjarðar til-
lögur starshópsins um samkeppnina
og var henni hrundið af stað skömmu
síðar.
Keppnislýsingin byggðist á grein-
argerð starfshóps um merkingar í
Hafnarfirði og var hún hluti af
keppnisgögnum. Í keppnislýsingu
var meðal annars tekið fram, að
verkefnið tæki til a) merkinga á bæj-
armörkum, b) bæjarkorta á inn-
komuleiðum og í miðbæ, og c) merk-
inga á opinberum byggingum,
mannvirkjum og þjónustu, sem og
merkinga aðkomuleiða þar sem þess
væri þörf. Ennfremur að samkeppn-
in tæki ekki til annarra þátta í grein-
argerð starfshópsins, en niðurstöður
úr samkeppninni yrðu hafðar til hlið-
sjónar við áframhaldandi merkingar,
svo sem tilkynningarstanda, þjón-
ustumerkingar, áhugaverða staði,
gönguleiðir, reiðleiðir, hjólaleiðir og
„sjer-hafnfirzkar“ merkingar, eftir
því sem efni og ástæður gæfu tilefni
til.
Einnig voru í keppnislýsingunni
talin upp atriði, sem vega áttu þungt
við mat dómnefndar á úrlausnum,
s.s. hugkvæmni, notagildi og ný-
sköpun, tengingar við sérstöðu bæj-
arins og sérkenni, eftirtektarverð og
aðlaðandi hönnun, heildaryfirbragð
og aðlögun að staðháttum, bygging-
ar-, rekstrar- og viðhaldskostnaður,
og umhverfissjónarmið.
Samkeppnin var auglýst 17. sept-
ember 2000 og rann frestur til að
senda inn fyrirspurnir út 1. nóvem-
ber 2000. Sjálfur skilafresturinn var
til 1. desember 2000. Engar fyrir-
spurnir bárust. Átta aðilar sóttu út-
boðsgögn og sendu fimm inn tillögur
sínar. Dómnefnd skipuðu Helga
Stefánsdóttir verkfræðingur, sem
jafnframt var formaður nefndarinn-
ar, Erlendur Á Hjálmarsson bygg-
ingafulltrúi, Jón Halldór Jónasson
ferðamálafulltrúi, Lilja Grétarsdótt-
ir arkitekt og Már Sveinbjörnsson
framkvæmdastjóri. Trúnaðarmaður
var skipuð Guðlaug Þorsteinsdóttir
ritari.
Tillögurnar
Dómnefnd hélt fyrsta fund sinn
þriðjudaginn 5. desember 2000 og
komst einróma að þeirri niðurstöðu,
að tillaga VA arkitekta hlyti 1. verð-
laun, að upphæð kr. 600.000, og
mælti með að hún yrði valin til frek-
ari úrvinnslu og útfærslu. Ennfrem-
ur ákvað dómnefndin að kaupa til-
lögu Árna Tryggvasonar í Reykjavík
fyrir 200.000 krónur, með þeim fyr-
irvara að lita- og efnisval yrði aðlag-
að frekari hönnun.
Dómnefndin var sammála um að
allar tillögurnar væru vel unnar og
að höfundar hefðu lagt sitt af mörk-
um til að uppfylla skilyrði sam-
keppninnar. Tillögurnar náðu misvel
að uppfylla markmið dómnefndar en
voru allar sagðar eiga sínar góðu
hliðar.
Dómnefndin komst svo að orði um
vinningstillöguna: „Tillagan sýnir
hugkvæmni, notagildi og nýsköpun.
Hún tengist auðveldlega sérstöðu og
sérkennum bæjarins (hrauninu).
Efnisval og form tillögunnar fellur
mjög vel í hraunlandslag bæjarins.
Tillagan er mjög einföld og hönnun
stílhrein. Heildaryfirbragð tillög-
unnar er gott og hún fellur vel að
ólíkum staðháttum. Byggingar-
kostnaður er eflaust nokkuð hár, en
ætla má að rekstrar- og viðhalds-
kostnaður verði lágur. Tillagan fell-
ur vel að umhverfissjónarmiðum,
hægt er að raða einingum upp þann-
ig að þær falli vel að umhverfi, bygg-
ingum og mannvirkjum.“
Morgunblaðið/Kristinn
Hér má líta brot úr vinningstillögu VA arkitekta. Við hönnun skiltanna er leitast við að sýna og styrkja ímynd
Hafnarfjarðar sem nútímabæjarfélags. Efnið sem er notað í skiltin er galvaníserað stál. Ytri klæðning þeirra er
pólýhúðuð í dökkleitum gráum lit. Þau eru að öllu leyti smíðuð á verkstæði og flutt tilbúin á staðinn, þar sem
þau eru felld yfir grind og boltuð föst.
Hugmyndasamkeppni um
merkingar í Hafnarfirði
Hafnarfjörður
Hönnunarhópur VA arkitekta tekur á móti verðlaununum úr hendi bæj-
arstjóra. Talið frá vinstri: María Dupuis, Indro Candi, Steinunn Hall-
dórsdóttir, Karl Magnús Karlsson og Magnús Gunnarsson bæjarstjóri.
HRÍSEYINGAR hafa flokkað sorp í
áraraðir og hefur gengið vel að virkja
eyjaskeggja til að taka þátt í sorp-
flokkun, að því er fram kom í máli
Péturs Bolla Jóhannessonar, sveitar-
stjóra, við undirritun samnings um
Staðardagskrá 21 í vikunni, en þar
greindi hann frá ýmsum staðreynd-
um um sjálfbæra þróun í Hrísey sem
mark sitt setur á mannlíf og náttúru.
Sorphaugar voru aflagðir í eynni
árið 1994 og er allt sorp flutt í land.
Sorpið er flokkað og segir sveitar-
stjóri íbúana afar samviskusama við
flokkunina. Hann sagði þróunina því
miður ekki hafa verið með sama
hraða hjá viðtakanda á meginland-
inu, en það standi til bóta. Þá var
hrundið af stað átaki og öll eyjan
hreinsuð af brotajárni og það flutt í
land.
Engar sorptunnur
við íbúðarhúsin
Á síðasta ári var svo lokaskrefið í
áætlun Hríseyinga varðandi sorpmál
stigið þegar hreppurinn keypti sorp-
tunnur til moltugerðar. Tunnum var
dreift til íbúa þeim að kostnaðarlausu
og verkefnið kynnt. Nú er málum
þannig háttað að pappír fer í sér-
staka græna gáma og almennt sorp í
blá gáma sem staðsettir eru á völdum
stöðum í þorpinu. Engar sorptunnur
eru við hús eins og almennt tíðkast
og sparar það sveitarfélaginu mikinn
Fá lægri fasteigna-
skatta fyrir flokkun
lífræns úrgangs
kostnað við sorphirðu. Sagði Pétur
Bolli að mjög vel hefði gengið að
virkja íbúa til að flokka lífrænan úr-
gang og eru þeir verðlaunaðir í gegn-
um fasteignaskatta, en gjaldið lækk-
ar hjá þeim sem þátt taka í átakinu.
„Þessi aðferð er ekki einungis
þáttur í að skila því sem tekið hefur
verið frá umhverfinu, heldur er þetta
hagkvæmt fyrir sveitarfélagið, því
með moltugerðinni minnkum við það
sorpmagn sem annars þyrfti að fara í
land,“ sagði Pétur Bolli.
Fráveitumál í
góðum farvegi
Hann gat þess einnig að fráveitu-
málin væru í góðum farvegi og nefndi
að nánast öll hús í jaðarbyggðum
væru tengd rotþró þar sem nútíma-
tækni er notuð, þannig að nú er öllu
ekki lengur steypt í hafið eins og áð-
ur var. Sagði sveitarstjóri að íbúarnir
hefðu sjálfir þrýst á þessa þróun sem
beri vitni um áhuga sem og vitund
um umhverfismál. Stefnt er að því að
reisa byggingu undir hreinsibúnað
við holræsalögn í sjó. Jafnframt sagði
hann að magnið væri takmarkað og
miklir straumar kringum eyjuna.
Pétur Bolli sagði mengun í eyjunni
litla, þar væru fáir bílar, en íbúarnir
setja svip sinn á mannlífið þegar þeir
aka með hraða snigilsins á dráttar-
vélum sínum eftir hellulögðum göt-
unum.
UM SÍÐUSTU áramót voru 155
manns á atvinnuleysisskrá á Akur-
eyri, samkvæmt yfirliti frá Svæðis-
vinnumiðlun Norðurlands eystra, 77
konur og 78 karlar. Að sögn Helenu
Karlsdóttur, forstöðumanns Svæðis-
vinnumiðlunar, er þetta í fyrsta
skipti í nokkuð langan tíma sem fleiri
karlar en konur eru á atvinnuleys-
isskrá í bænum. Um áramótin í fyrra
voru 223 á skrá á Akureyri, 123 kon-
ur og 100 karlar.
Í Dalvíkurbyggð voru 24 á at-
vinnuleysisskrá nú um áramótin, 11
konur og 13 karlar. Helena sagði að
óvenju margir væru á skrá í Dalvík-
urbyggð um þessar mundir en þar
hefðu verið 5–8 manns á skrá að jafn-
aði. Hún sagðist verða vör við að at-
vinnurekendur þar væru að segja
upp fólki vegna samdráttar. Á sama
tímabili fyrir ári voru 12 manns á at-
vinnuleysisskrá í Dalvíkurbyggð, 5
konur og 7 karlar.
Í Ólafsfirði voru 43 á atvinnuleys-
isskrá nú um áramót, 26 konur og 17
karlar. Fyrir ári voru hins vegar 69 á
skrá, 47 konur og 22 karlar en að
sögn Helenu hafði gjaldþrot Fisk-
verkunar Sæunnar Axels þar mikil
áhrif. Í Hrísey voru 13 manns á at-
vinnuleysisskrá um áramót, 10 kon-
ur og þrír karlar en fyrir ári voru þar
9 á skrá, 8 konur og einn karl.
Á Húsavík voru 31 á atvinnuleys-
isskrá nú um áramót, 19 konur og 12
karlar, en á sama tíma í fyrra voru
þar 39 á skrá, 19 konur og 20 karlar.
Útlit fyrir einhvern
samdrátt á árinu
Helena sagði að almennt séð hefði
atvinnuástand á svæðinu verið nokk-
uð gott í fyrra og betra en árið á und-
an. Hins vegar væri mjög erfitt að
spá fyrir um hlutina á nýbyrjuðu ári
en ýmsar blikur væru á lofti. Sam-
kvæmt vottorðum frá atvinnurek-
endum sem berast Svæðisvinnumiðl-
un virðist um einhvern samdrátt að
ræða. „Við erum hæfilega bjartsýn
fyrir þetta ár en vonum það besta.
Helena sagði að samhliða góðu at-
vinnuástandi í fyrra hefði gengið vel
að vinna í málum atvinnulausra hjá
Svæðisvinnumiðluninni og koma
þeim aftur út á vinnumarkaðinn. Síð-
astliðið sumar hefðu verið mjög fáir
á skrá og þá hefði verið hægt að
vinna mun betur í málum þeirra sem
hafa verið lengi á atvinnuleysis-
skránni, að sögn Helenar.
Atvinnuástand batnaði
á Norðurlandi í fyrra
LÍF og dauði undir frostmarki
var heiti á ráðstefnu sem haldin
var á Fosshótel KEA í gær en
tilefni hennar var að tækjakost-
ur svonefndrar kalstofu á
Möðruvöllum hefur verið end-
urbættur, en stofan var endur-
opnuð af því tilefni í lok ráð-
stefnunnar.
Nýi tækjakosturinn býður
upp á aukna möguleika á að
prófa frostþol gróðurs og má til
að mynda nefna að nú verður
með skjótvirkum hætti hægt að
prófa hvernig innfluttur efni-
viður til skógræktar hentar hér
á landi.
Ráðstefnuna sátu um 50
fræðimenn og kynntu þar
helstu sérfræðingar landsins á
þessu sviði niðurstöður rann-
sókna á þoli tún- og trjágróðurs
og einnig þá möguleika sem
skapast með nýjum tækjakosti
í kalstofunni.
Rannsóknarstofnun land-
búnaðarins og Rannsóknastöð
Skógræktar ríkisins á Mógilsá
stóðu að ráðstefnunni.
Kalstofa
með bættum
tækjakosti
enduropnuð
AGLOW, kristileg samtök kvenna,
efna til fundar í félagsmiðstöðinni í
Víðilundi 22 á Akureyri næstkom-
andi mánudagskvöld kl. 20. Hrefna
Brynja Gísladóttir flytur ræðu
kvöldsins. Þá verður söngur á dag-
skrá, lofgjörð og fyrirbænaþjónusta
auk kaffihlaðborðs. Þátttökugjald er
450 krónur.
Aglow-fundur