Morgunblaðið - 21.04.2001, Blaðsíða 14

ÞÆR vinna saman, dagmæð-
urnar sem búa í Króka- og
Löngumýri í Garðabænum. Í
þessum tveimur götum eru
fimm starfandi dagmæður
og hafa þær hver sína að-
stöðu heima fyrir. Samstarf
þeirra felst hins vegar í því
að á hverjum morgni hittast
þær með börnin og fara með
þau á gæsluvöll í Silf-
urtúninu sem hefur ekki ver-
ið starfræktur sem slíkur í
rúmt ár og hafa þær því
fengið afnot af aðstöðunni
fyrir börnin.
Aðstaðan er ágæt, vel búin
leiktæki og skúr þar sem er
rafmagn og hægt að hita
vatn. Þær sögðust þó í gær-
morgun ekki vissar um
hversu lengi þær gætu nýtt
sér þessa góðu aðstöðu þeg-
ar blaðamaður Morg-
unblaðsins leit inn á róló hjá
dagmæðrunum Jónínu
Helgadóttur, Guðnýju Ing-
unni Aradóttur, Helgu Mar-
teinsdóttur, Lindu Guð-
mundsdóttur og Guðbjörgu
Einarsdóttur. Þær voru
mættar með 21 barn sem
voru þegar farin að leika sér
og einhver voru sofandi í
vögnum.
Flestar þeirra hafa starfað
við þetta í átta ár eða lengur.
Þær eru sammála um að
samheldnin sé góð og að hún
skipti máli. Guðný Ingunn
Aradóttir, sem hefur starfað
sem dagmóðir í þrjú ár,
sagði að hún hefði strax ver-
ið tekin inn í hópinn þegar
hún kom til starfa. Hún segir
samheldnina vera mjög
verðmætan stuðning.
„Ég væri sennilega hætt
núna ef ekki væri fyrir þenn-
an góða félagsskap,“ segir
hún. „Það er ómetanlegt að
geta hist og deilt með öðr-
um. Það eru alltaf að koma
upp aðstæður og tilfelli þar
sem gott og nauðsynlegt er
að ráðfæra sig við aðra sem
eru að vinna í sömu málum,“
segir Guðný Ingunn. Á
sumrin halda þær líka pizzu-
veislu fyrir öll börnin.
Samheldnin nær útfyrir
vinnutímann því þær hafa
orðið ágætis vinkonur í
gegnum þetta samstarf og
bjóða sjálfum sér stundum til
veislu og hefð er orðin fyrir
því að þær fari á jólahlað-
borð saman.
„Það sem gefur þessu líka
gildi fyrir börnin er að þau
kynnast hvert öðru. Oft eru
þetta börn úr nánasta um-
hverfi og það getur verið
stuðningur fyrir þau af því
að þekkja hvert annað ef þau
fara í sama leikskólann,“
segja mömmurnar í Mýrinni.
Engin breyting fyrir-
huguð í Silfurtúni
Bæjarstjóri Garðabæjar,
Ásdís Halla Bragadóttir,
sagði enga breytingu vera
fyrirhugaða með gæsluvall-
araðstöðuna í Silfurtúninu, á
meðan eftirspurn væri fyrir
hendi yrði henni mætt. Hún
sagði dagforeldra hafa vant-
að í Garðabæ en með nýjum
leikskóla sem verið er að
taka í notkun í Ásahverfi
kæmust öll tveggja ára börn
í Garðabæ á leikskóla.
„Það ætti að hafa í för
með sér að þau börn sem
bíða eftir plássi hjá dagfor-
eldrum kæmust að,“ segir
Ásdís Halla Bragadóttir,
bæjarstjóri Garðabæjar.
Góð aðstaða til útiveru er
mikilvæg fyrir lítil kríli.
Mömmurnar í Mýrinni
– samhentar dagmæður
Garðabær
Morgunblaðið/Anna Ingólfsdóttir
Dagmömmurnar í Mýrinni í Garðabæ ferðast um eins og ein lest og farþegarnir eru börn.
HÖFUÐBORGARSVÆÐIÐ
14 LAUGARDAGUR 21. APRÍL 2001 MORGUNBLAÐIÐ
Félagsmálaráðuneytið úr-
skurðaði 17. apríl sl. í tveimur
stjórnsýslukærum á hendur
bæjarstjórn Mosfellsbæjar
vegna ákvarðana hennar 27.
desember 2000 um lóðaúthlut-
un við Svöluhöfða og Súlu-
höfða. Niðurstaðan er sú að
setning nýrra viðmiðunar-
reglna um lóðaúthlutun stríði í
verulegum atriðum gegn
ákvæðum stjórnsýslulaga nr.
37/1993, einkum 12. og 23. gr.
þeirra laga, og ákvörðunin sé
ekki í samræmi við góða
stjórnsýsluhætti.
Tildrög málsins eru þau að í
ágúst sem leið birtist auglýs-
ing um fyrirhugaða lóðaút-
hlutun. Í auglýsingunni voru
ekki upplýsingar um skilyrði
sem uppfylla þyrfti til að eiga
kost á úthlutun lóðar en á bak-
hlið umsóknareyðublaðsins
voru reglur Mosfellsbæjar um
úthlutanir lóða fyrir íbúðar-
húsnæði. 262 umsóknir bárust
um lóðirnar og voru nýjar við-
miðunarreglur samþykktar á
fyrrnefndum bæjarstjórnar-
fundi. Þar kom m.a. fram að
umsækjandi eða maki hans
varð að hafa átt lögheimili í
Mosfellsbæ 1990, 1995 og
2000. Fjórir umsækjendur,
sem fengu ekki úthlutun, ósk-
uðu eftir að félagsmálaráðu-
neytið skæri úr um lögmæti
fyrrnefndrar ákvörðunar og
hefur verið úrskurðað í tveim-
ur kærum auk þess sem þriðja
erindinu hefur verið svarað,
en einu málinu er ólokið í
ráðuneytinu.
Ekki unnt að ógilda
ákvörðunina
Í fyrrnefndum tveimur úr-
skurðum kemst ráðuneytið að
þeirri niðurstöðu að með
ákvörðuninni um búsetuskil-
yrði hafi bæjarstjórnin „farið
langt út fyrir þær heimildir
sem hún hafði til að ákveða
hvernig staðið skyldi að út-
hlutun lóðanna. Þá telur ráðu-
neytið að umsækjendum, sem
uppfylltu auglýst lágmarks-
skilyrði, hafi ekki mátt vera
ljósar ástæður þess að skil-
yrðið var sett, eins og sést af
þeim fjölda erinda sem borist
hafa ráðuneytinu vegna þessa
máls, og að með því hafi verið
brotið gegn jafnræðisreglu 65.
gr. stjórnarskrárinnar og 11.
gr. stjórnsýslulaga nr. 37/
1993. Verður því að telja
vinnubrögð bæjarstjórnar
Mosfellsbæjar í þessu máli
verulega ámælisverð“. Hins
vegar telur ráðuneytið ekki
unnt að ógilda ákvörðun um
lóðaúthlutun, þrátt fyrir að
framkvæmdir séu ekki hafnar
á þessum umdeildu lóðum
enda séu mistök við málsmeð-
ferð ekki sök þeirra sem fengu
úthlutað lóðum umrætt sinn.
Vill bætur
„Ráðuneytið á ekki úr-
skurðarvald um önnur úrræði
sem kæranda kunna að standa
til boða, svo sem um skaða-
bætur eða efndir in natura, ef
sá möguleiki er fyrir hendi. Í
ljósi þess að alvarlegir hnökr-
ar voru á málsmeðferð bæjar-
stjórnar Mosfellsbæjar um-
rætt sinn beinir ráðuneytið
þeim tilmælum til kærða, með
vísan til 102. gr. sveitarstjórn-
arlaga nr. 45/1998, að hafnar
verði viðræður við kæranda
og aðra umsækjendur sem
uppfylltu skilyrði um lóðaút-
hlutun samkvæmt eldri
reglum en var meinað að taka
þátt í úthlutun umræddra
lóða. Leiði þær viðræður ekki
til þess að fundin verði lausn á
málinu sem báðir aðilar geta
sætt sig við er kæranda bent á
rétt hans til að höfða mál fyrir
dómstólum,“ segir ennfremur
í úrskurði til hvors kæranda.
Egill Helgason viðskipta-
fræðingur sótti um lóð en fékk
ekki og taldi á sér brotið.
Hann leggur áherslu á að íbú-
um í Mosfellsbæ hafi verið
mismunað innbyrðis en það
hafi ekki komið skýrt fram.
„Það kemur í ljós það sem ég
átti von á,“ segir hann um úr-
skurð félagsmálaráðuneytis-
ins.
„Þetta brýtur í bága við
stjórnarskrá, stjórnsýslulög
og samþykktir sem Ísland er
aðili að í gegnum ESB, en það
kemur á óvart að þetta skuli
ekki vera látið ganga til baka,
að sveitarfélagið komist upp
með svona ólöglega ákvarð-
anatöku.“
Vill sitja við sama borð
Eftir að hafa fengið nánari
skýringar hjá félagsmála-
ráðuneytinu um hugsanlegar
viðræður segist Egill ætla að
kanna hvort hann fái bætur
frá bænum.
„Ég vil helst að bærinn
finni handa mér lóð,“ segir
hann og bætir við að náist ekki
viðunandi niðurstaða fari
Ákvörðun bæjarstjórnar Mosfellsbæjar um að setja nýjar viðmiðunarreglur um lóðaúthlutun
Stríðir gegn ákvæð-
um stjórnsýslulaga
Í ársbyrjun var greint frá óánægju
vegna úthlutunar 40 lóða í Mos-
fellsbæ. Í kjölfarið bárust félags-
málaráðuneytinu stjórnsýslukærur
og liggur úrskurður nú fyrir. Stein-
þór Guðbjartsson kynnti sér málið.
Mosfellsbær
FUGLASKOÐUN, ljósmynd-
anámskeið, hörputónleikar og
fróðleikur um plöntur vikunn-
ar er meðal þess sem boðið
verður upp á í Grasagarðinum
í Laugardal í sumar. Er þetta
hluti viðamikillar dagskrár í
tilefni 40 ára afmælis hans.
Dagskráin hefst í dag og munu
starfsmenn veita gestum leið-
sögn um plöntur í sjálfum
garðskálanum, en þar er vorið
komið fyrir löngu.
Í honum eru 100–
130 plöntuteg-
undir, sem eiga
það sameiginlegt
að þola ekki ís-
lenskan vetur.
Formlegur
lokadagur þessar-
ar afmælisdag-
skrár er 1. sept-
ember
næstkomandi og
þá er ætlunin að
halda uppskeru-
hátíð, þar sem
tekið verður upp
úr ársgömlum
matjurtagarði
staðarins og gest-
um leyft að
bragða á góðgæt-
inu.
Grasagarður-
inn var stofnaður
18. ágúst árið 1961, á 175 ára
afmæli Reykjavíkurborgar.
Hann byrjaði sem lítill 400 m²
blettur en er núna 25.000 m².
Grasagarðurinn starfar á
fræðilegum grunni og þar
stjórnar Dóra Jakobsdóttir
grasafræðingur, en garð-
yrkjuuppeldi stýrir Jóhanna
Þormar garðyrkjufræðingur.
Núverandi forstöðumaður
Grasagarðsins er Eva G. Þor-
valdsdóttir.
„Grasagarðar eru hluti af
menningu flestra eða allra
borga, og börn eru alin upp við
að fara í grasagarð og hlíta
þeim reglum sem þar ríkja.
Við sjáum þetta vel þegar út-
lendingar koma í heimsókn, að
þar er fólk sem hefur alist upp
við slíkt og kann að vera í
grasagarði. Okkur langar til
að ala upp kynslóð sem ber
virðingu fyrir gróðri, hvar sem
hann er,“ sagði Eva, þegar
Morgunblaðið hafði samband
við hana í gær.
„Það var lengi áhugi manna
á að stofna grasagarð fyrr á
20. öld. Grasafræðingar skrif-
uðu í tímarit, og Garðyrkju-
félagið og Félag garðyrkju-
manna hvöttu til stofnunar, en
aldrei varð af neinu. Síðan
gerist það að hjónin Jón Sig-
urðsson skólastjóri og Katrín
Viðar píanókennari ákveða að
gefa Reykjavíkurborg um 200
tegundir villtra íslenskra
plantna og segja má að það
hafi orðið til þess að garðurinn
var loks stofnaður. Í dag eru
um 5.000 tegundir plantna í
garðinum, afbrigði og yrki.“
Margt í boði
á afmælisárinu
Eva var spurð að því, hvern-
ig afmælisdagskráin liti út.
„Það er óhætt að segja, að
það verði margt í boði í vor og
sumar og alveg fram á haust.
Aðaláherslan verður þó lögð á
að kynna söfn grasagarðsins,
en einnig viljum við sýna
hvernig hægt er að nota garð-
inn á annan hátt; t.d. verður
boðið upp á fuglaskoðun,
hörputónleika og plöntuljós-
myndanámskeið. Þá má nefna,
að Samtök sveitarfélaga á höf-
uðborgarsvæðinu hafa valið
19. og 20. maí umhverfisdaga
núna í ár, og af því tilefni ætl-
um við 19. maí að bjóða upp á
dagskrárlið sem við köllum
„Umhverfið og vorið“. Þar
munum við sýna fólki fyrstu
plönturnar sem heilsa vorinu
hérna í garðinum og þar ber
hæst lyngrósir, en þær hafa
dafnað mjög vel hérna í garð-
inum og vekja alltaf mikla at-
hygli gesta.
Þó að Grasa-
garðurinn sé ekki
gamall á heims-
vísu langar okkur
að minnast þess-
ara tímamóta
með því að setja
upp einhvern vísi
að ljósmyndasýn-
ingu um sögu
hans, í máli og
myndum, 2. júní.
Það má líka
telja til viðburða
hér, að hér hefur
verið rekið kaffi-
hús í garðskálan-
um á hverju ári,
það er opnað upp
úr miðjum maí og
starfar fram í
september.
Í öllum grasa-
görðum er leitast
við að sýna villtar plöntur í við-
komandi landi, og það reynum
við líka að gera. Sá dagskrár-
liður verður 9. júní,“ sagði
Eva. „Við höfum líka áhuga á
að auðvelda fólki að afla sér
vitneskju um plönturnar í
garðinum. Það gerum við með
því að setja upp stærri skilti
um einstakar plöntur vítt og
breitt um garðinn. Við erum
semsagt að ræða bæði um
fræðslu og leiðsögn, að kynna
fólki garðinn og plönturnar í
honum, en einnig að reyna að
gera fólki kleift að fræðast upp
á eigin spýtur. Á afmælishá-
tíðinni, sunnudaginn 19. ágúst,
ætlum við svo að bjóða al-
menningi upp á leiðsögn þar
sem starfsmenn verða til taks
og leiðbeina fólki um garðinn.“
Morgunblaðið/Ásdís
Til að auðvelda fólki að kynnast því sem í Grasa-
garðinum er að finna verða í hverri viku frá 28. maí
til 27. ágúst valdar þrjár plöntur og þeim gerð ná-
kvæm skil í texta og myndum, auk þess sem þær
verða auðkenndar með rauðum fána, eins og þessi
dröfnulyngrós. Á hverjum mánudegi verður skipt
um og valdar nýjar „plöntur vikunnar“.
Grasagarðar hluti
af menningu
Laugardalur