Morgunblaðið - 17.07.2001, Blaðsíða 45
MORGUNBLAÐIÐ ÞRIÐJUDAGUR 17. JÚLÍ 2001 45
DAGBÓK
BRESKI bridspenninn
Martin Hoffman segir
skrítna sögu af þessu spili
sem kom upp í sveita-
keppni í London fyrir
nokkrum árum:
Vestur gefur; enginn á
hættu.
Norður
♠ KD1083
♥ KG9876
♦ Á10
♣ --
Norður
Vestur Austur
♠ 95 ♠ G76
♥ 103 ♥ ÁD54
♦ KD97532 ♦ G
♣ Á2 ♣ G10987
Suður
♠ Á42
♥ 2
♦ 864
♣ KD6543
Hoffman var áhorfandi
við annað borðið og þar
gengu sagnir þannig:
Vestur Norður Austur Suður
1 tígull 2 tíglar * Pass 2 spaðar
3 tíglar 4 hjörtu Dobl 4 spaðar
Pass Pass Dobl Allir pass
Norður sýndi hálitina
með tveimur tíglum og síð-
an góð spil og lengra
hjarta með fjórum hjört-
um.
Út kom tígulkóngur.
Sagnhafi drap með ás, fór
heim á spaðaás og spilaði
hjarta á kónginn, sem
austur dúkkaði án sýni-
legrar umhugsunar! Þessi
vörn ruglaði sagnhafa
rækilega í ríminu. Hann
trompaði hjarta, spilaði
laufkóng og trompaði ás
vesturs. Reyndi svo að
stinga hjarta smátt heima.
En nú var tími varnarinn-
ar runninn upp. Vestur yf-
irtrompaði, tók á tíguld-
rottningu og spilaði enn
tígli. Sagnhafi stakk frá
með drottningu og lagði
niður trompkóng í þeirri
von að ná síðustu tromp-
unum. Ekki gekk það eftir
og þegar austur komst
næst inn á hjarta, tók
hann spaðagosann og spil-
aði laufi. Útkoman varð
tveir niður.
Víkur þá sögunni yfir á
hitt borðið, en þar vakti
vestur á þremur tíglum, en
ekki einum. Norður æstist
mjög við það og gaf ekki
eftir fyrr en í sex spöðum,
sem makker hans spilaði í
suður.
Tígulkóngurinn kom út
og ásinn tók fyrsta slag-
inn. Sagnhafi vildi ekki
bruðla með innkomurnar
og spilaði strax hjartakóng
úr borði. Austur drap og
spilaði laufi á drottningu,
ás og tromp. Hjartagosinn
kom næst. Austur lét lítið
hjarta og suður henti tígli,
en vestur kom með tíuna.
Sagnhafi tók þá tvisvar
spaða og trompsvínaði síð-
an fyrir hjartadrottningu.
Tígull blinds fór niður í
laufkóng og sagnhafi átti
síðan afganginn á hjarta
þegar hann hafði náð
spaðagosanum af austri.
Tólf slagir.
BRIDS
Umsjón Guðmundur Páll
Arnarson
LJÓÐABROT
ÚR VÍGLUNDARSÖGU
Eigi má ek á ægi
ógrátandi líta,
síz er málvinir mínir
fyrir marbakka sukku.
Leiðr er mér sjávar sorti
ok súgandi bára.
Heldr gerði mér harða
harma unnr í barmi...
Trúði málmþingsmeiðir
marglóða þér tróða;
hugða ek sízt, at hefði
hringlestir þik festa.
Eigi tjáðu eiðar
oss né margir kossar;
seint er kvenna geð kanna;
kona sleit við mik heitum...
- - -
STJÖRNUSPÁ
eft ir Frances Drake
KRABBI
Afmælisbarn dagsins:
Þú ert stjórnsamur í meira
lagi, en átt líka til mikla sam-
kennd með öðrum, sem
bjargar þér fyrir horn.
Hrútur
(21. mars - 19. apríl)
Margur verður af aurum api.
Gættu þess jafnan að gera
ekkert það sem er öndvert
samvisku þinni. Leitaðu þér
hjálpar, ef þér finnst út af
bregða.
Naut
(20. apríl - 20. maí)
Sýndu skilning þegar náinn
vinur færist undan að svara
spurningum þínum. Hann
þarf bara að hugsa málið bet-
ur áður en hann deilir því með
þér.
Tvíburar
(21. maí - 20. júní)
Þú færð óvænt tilboð og þarft
ekki að verða hissa, þótt þeir
sem það gera, þekki ýmislegt
til þín.
Krabbi
(21. júní - 22. júlí)
Þótt þú sért orðinn leiður á
svo mörgu er ekki ástæða til
þess að örvænta. Það þarf
ekki nema smáhugmyndaflug
til þess að krydda tilveruna.
Ljón
(23. júlí - 22. ágúst)
Þótt þig langi ekki til að deila
sviðsljósinu með neinum,
skaltu hugsa málið og minn-
ast þeirra, sem hjálpuðu þér
að komast þangað sem þú
stendur nú.
Meyja
(23. ágúst - 22. sept.)
Þú ert óþarflega hnýsinn um
hagi annarra og ættir að
hætta því hið fyrsta. Hlutir
sem koma þér ekki við - koma
þér alls ekki við. Hættu að
hlera.
Vog
(23. sept. - 22. okt.)
Þú eignast nýjan vin sem
hjálpar þér við verkefni, sem
þig hefur lengi dreymt um að
framkvæma, en hefur ekki
haft burði til einn.
Sporðdreki
(23. okt. - 21. nóv.)
Þótt meðalhófið sé vandratað
er það oft heppilegast, því ut-
an þess er oft við ramman
reip að draga. Reyndu ekki
að sýnast meiri en þú ert.
Bogmaður
(22. nóv. - 21. des.)
Þú þarft ekki að breyta svo
miklu til þess að hrista aðeins
upp í venjubundnum degi.
Sýndu hóf því breytingar
breytinganna vegna eru til
lítils.
Steingeit
(22. des. - 19. janúar)
Þér verður falin aukin ábyrgð
og það vekur öfund sumra
samstarfsmanna þinna. Láttu
glósur þeirra sem vind um
eyru þjóta. Þú átt upphefðina
skilið.
Vatnsberi
(20. jan. - 18. febr.)
Eftir mikla vinnu sérð þú loks
fram á að geta lokið við verk-
efni, sem skiptir þig miklu
máli.
Fiskar
(19. feb. - 20. mars)
Það er ekki nóg að fá góðar
hugmyndir, ef þeim er hvorki
haldið til haga né látið reyna
á gildi þeirra.
Stjörnuspána á að lesa sem
dægradvöl. Spár af þessu tagi
eru ekki byggðar á traustum
grunni vísindalegra staðreynda.
Snertilinsur
- fyrir göngufólk -
6 linsur í pakka,
prófun, meðferðarkennsla,
vökvi og box.
frá 7.500.- kr.
sólgleraugu fylgja með! sími 551 1945
Tilboð
Barnamyndatökur verð frá
kr. 5.000
Ljósmyndastofan Mynd, sími 565 4207.
Ljósmyndastofa Kópavogs, sími 554 3020.
KIRKJUSTARF
Safnaðarstarf
Hallgrímskirkja. Fyrirbænaguðs-
þjónusta í dag kl. 10.30. Beðið fyrir
sjúkum.
Hjallakirkja. Bæna- og kyrrðar-
stund kl. 18 á neðri hæð kirkjunnar.
Víðistaðakirkja. Aftansöngur og
fyrirbænir kl. 18.30.
Hafnarfjarðarkirkja. Opið hús fyrir
10-12 ára börn í Vonarhöfn, Strand-
bergi, kl. 17-18.30.
Garðasókn. Opið hús á þriðjudögum.
Farið verður í Listasafn Reykjavík-
ur í dag, þriðjudaginn 17. júlí. Sýn-
ing Errós skoðuð, kaffi á eftir. Lagt
af stað frá Kirkjuhvoli kl. 13.30,
komið til baka um kl. 16.
Grindavíkurkirkja. Foreldramorg-
unn kl. 10-12.
Borgarneskirkja. TTT tíu-tólf ára
starf alla þriðjudaga kl. 17-18. Helgi-
stund í kirkjunni sömu daga kl.
18.15-19.
Þorlákskirkja. Mömmumorgnar á
þriðjudögum kl. 10-12.
Krossinn. Almenn samkoma kl.20.30
í Hlíðasmára 5. Allir velkomnir.
Frelsið, kristileg miðstöð. Biblíu-
skóli í kvöld kl. 20.
Árnað heilla
Ljósmyndast. Mynd, Hafnarf.
BRÚÐKAUP. Gefin voru
saman 5. maí sl. í Lágafells-
kirkju, Mosfellsbæ af sr.
Pálma Matthíassyni Sonja
Freydís Ágústsdóttir og
Óskar Kristinsson. Heimili
þeirra er að Njarðarholti 7,
Mosfellsbæ.
Ljósmyndast. Mynd, Hafnarf.
BRÚÐKAUP. Gefin voru
saman 26. maí sl. í Grafar-
vogskirkju af sr. Sveini Val-
geirssyni Sólborg Ósk Val-
geirsdóttir og Sigurður
Gísli Gíslason. Heimili
þeirra er í Reykjavík.
STAÐAN kom upp á EM
einstaklinga sem fór fram í
Ohrid í Makedóníu. Judit
Polgar (2.678) hafði
hvítt gegn þýska stór-
meistaranum Klaus
Bischoff (2.533). 33.
Dxd8! og svartur
lagði niður vopnin
enda verður hann
manni undir eftir
33...Dxd8 34. Hxd7+
Dxd7 35. Hxd7+ Kg8
36. Hd8+. Skákin
tefldist í heild sinni: 1.
e4 c5 2. Rf3 e6 3. d4
cxd4 4. Rxd4 a6 5.
Bd3 Re7 6. O-O Rbc6
7. c3 Re5 8. f4 Rxd3 9.
Dxd3 Dc7 10. Be3 Rc6
11. c4 b6 12. Rc3 Bb7 13. Rf3
Be7 14. Hac1 Hb8 15. Hfd1
Ba8 16. a3 f6 17. b4 Rd8 18.
Ra4 Rf7 19. c5 bxc5 20. Rxc5
Bxc5 21. Bxc5 Db7 22. e5 f5
23. Hd2 Hg8 24. Hcd1 Hd8
25. Rg5 Rxg5 26. fxg5 Kf7
27. g6+ Kxg6 28. Dg3+ Kf7
29. Dg5 h6 30. Dh5+ g6 31.
Dxh6 Hg7 32. Dg5 Dc8
o.s.frv.
SKÁK
Umsjón Helgi Áss
Grétarsson
Hvítur á leik.
Hlutavelta
Morgunblaðið/Jim Smart
Þessar duglegu stúlkur héldu tombólu og söfnuðu 1.360 kr.
til styrktar Rauða krossi Íslands. Þær heita Hulda Margrét
Erlingsdóttir og Nína Kristín Sigurbjörnsdóttir.