Morgunblaðið - 17.07.2001, Blaðsíða 52

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 17. JÚLÍ 2001 VERÐ Í LAUSASÖLU 165 KR. MEÐ VSK.
FIMM manna áhöfn Dritvíkur SH
412 frá Ólafsvík var bjargað um
borð í Ingibjörgu SH 174 í gær-
kvöldi. Eldur kom upp í vélarrúmi
bátsins um klukkan hálfátta í gær-
kvöldi er báturinn var að veiðum á
Breiðafirði, um 16 til 17 sjómílur
norður af Rifi á Snæfellsnesi.
Kristján Þórisson, skipstjóri á
Dritvík sem er 50 tonna dragnót-
arbátur, sagði við Morgunblaðið í
gærkvöldi að engum í áhöfninni
hefði orðið meint af. Hann var sjálf-
ur frammi í stafni þegar menn urðu
varir við reykjarlykt.
Allt fullt af
svörtum reyk
„Ég hljóp aftur í og þá var allt
orðið fullt af svörtum reyk og ekk-
ert hægt að gera,“ sagði Kristján.
Hann sagði að þeir hefðu reynt að
dæla vatni á eldinn, en það ekki
tekist þar sem vatnsslöngur hefðu
líklega bráðnað í sundur.
Kristján sagði að þeir hefðu því
beðið á dekkinu eftir Ingibjörgu SH
en að hans sögn slokknaði eldurinn
í smátíma.
„Rétt eftir að við vorum komnir
um borð í Ingibjörgu og báturinn í
tog varð sprenging. Olíutankarnir
hafa þá verið að springa en það
voru um 5.000 lítrar af olíu í bátn-
um,“ sagði Kristján.
Gott veður var á svæðinu og tók
Ingibjörg Dritvíkina í tog. Unnið
var að slökkvistörfum, sem m.a.
varðskipsmenn á Óðni og Slökkvilið
Ólafsvíkur tóku þátt í, framundir
miðnætti en þá var ákveðið að
hætta þar sem dekkið á Dritvíkinni
var að gefa sig og yfirgáfu menn
því bátinn.
Ingibjörg SH var
skammt undan
Tilkynningaskyldunni bárust boð
um eldinn í Dritvík um klukkan
19:35 og var Ingibjörg, sem var að
veiðum skammt frá, látin vita. Hún
var komin að Dritvíkinni um hálf-
tíma síðar.
Varðskipið Óðinn kom að bátun-
um um klukkan 21. Þá lögðu tveir
Sómabátar úr Ólafsvíkurhöfn um
klukkan 21:30, en um borð voru
slökkviliðsmenn frá Ólafsvík með
dælur meðferðis. Unnið var að
slökkvistörfum fram til klukkan
hálftólf í gærkvöldi.
„Dekkið stjórnborðsmegin var að
gefa sig og báturinn mjög illa far-
inn, þannig að ekki var á það hætt-
andi fyrir mannskapinn að halda
áfram lengur,“ sagði Jón Þór Lúð-
víksson, slökkviliðsstjóri í Ólafsvík,
stuttu eftir að ákveðið hafði verið
að hætta slökkvistörfum.
„Báturinn verður dreginn til
Ólafsvíkur, þ.e. ef hann nær því, og
við áætlum að vera um tvo tíma á
leiðinni,“ sagði hann jafnframt.
Mannbjörg er Dritvík SH skemmdist í eldi á Breiðafirði í gærkvöldi
Morgunblaðið/RAX
Varðskipsmenn á Óðni og Slökkvilið Ólafsvíkur við störf um borð í Dritvík á Breiðafirði í gærkvöldi, en stjórnborðsdekkið var þá farið að gefa sig.
Sprenging
rétt eftir
að áhöfnin
yfirgaf
bátinn
*+
,+
-
)
 ))
"'(



 
. )
+&/$(

   


01(%)2%(

% %3 -
)%2
($%-
/))-
/+(

% #)-/1
„SAMBAND þingmanns og kjósenda snýst bara
um traust. Árni verður að hugleiða sína stöðu út frá
því. Það er ekki mitt verkefni að reka hann og ég
hef ekki vald til þess. En þingmenn hljóta að skoða
sína stöðu út frá þessu,“ sagði Davíð Oddsson, for-
sætisráðherra og formaður Sjálfstæðisflokksins, í
gær þegar hann var spurður út í störf Árna John-
sen alþingismanns fyrir byggingarnefnd Þjóðleik-
hússins. Árni hefur viðurkennt að hafa notað
hleðslusteina í eigin þágu sem keyptir voru og
greiddir af byggingarnefndinni. Jafnframt viður-
kenndi Árni í gær að hafa sagt ósatt í fjölmiðlum
um málið.
Davíð sagði að byggingarnefnd Þjóðleikhússins
hefði ekki haft umboð til að starfa með þeim hætti
sem hún hefur gert síðustu ár. „Nefndin var end-
urskipuð árið 1996 og þá var mjög dregið úr umboði
hennar, þannig að nefndin hafði ekkert umboð til
að starfa með þessum hætti. Ég er því algjörlega
ósammála því sem kemur fram hjá Framkvæmda-
sýslunni, að hún hafi bara átt að sortera reikninga
frá nefndarformanninum.“
Davíð sagði að þann skamma tíma sem hann
hefði haft til þess að reyna að átta sig á þessu máli,
hefði sér borist til eyrna alls kyns orðrómur um
störf Árna. Sumt hefði hann reynt að kanna og
sumt hefði reynst algjör fjarstæða. „Venjulega ætti
enginn að hlaupa eftir sögusögnum, en Árni hefur
með framgöngu sinni gert það að verkum að ég tel
að það sé nauðsynlegt og óhjákvæmilegt að fara of-
an í alla þá þætti sem snúa að umsýslustörfum hans
á undanförnum árum, í þeirri von að þar sé ekki
neitt gruggugt, og eins og ég segi hef ég engin rök
fyrir því, en sögurnar ganga og þótt maður eigi
ekki að hlaupa eftir söguburði þá, eftir þessa fram-
göngu, er það óhjákvæmilegt og best fyrir hann
sjálfan að farið sé ofan í alla þessa sauma.“
Davíð var spurður hvað hann myndi sjálfur gera
í sporum Árna. „Ef ég mæti það þannig, sem hann
hlýtur núna að meta, að ég risi ekki lengur undir
trausti kjósenda, þá færi ég. En þetta þarf hann að
meta sjálfur og eiga við sína samvisku.“
Orð gegn orði um
efniskaup hjá BYKO
Jón Helgi Guðmundsson, forstjóri BYKO, lýsir
viðskiptum Árna við fyrirtækið í samtali við Morg-
unblaðið á þann veg að Árni hafi í maí óskað eftir að
kaupa byggingarefni í nafni Þjóðleikhússins.
Nokkrum dögum síðar hafi hann haft samband við
fyrirtækið og óskað eftir að greiðslum yrði seinkað
þar sem fjárveitingar hefðu ekki borist. Skuldin
hafi því verið sett á biðreikning og verið þar í rúm-
an mánuð. Starfsmönnum BYKO hafi hins vegar
ofboðið þegar Árni pantaði aftur byggingarefni fyr-
ir rúma milljón í nafni Þjóðleikhússins.
Árni hafnar algerlega þessum skýringum Jóns
Helga. Hann ítrekar að um misskilning sé að ræða
og efnið hafi aldrei átt að fara inn á reikning bygg-
ingarnefndar enda hafi það aldrei gert það.
Viðurkenndi að hafa sagt ósatt um
viðskipti með hleðslusteina
Árni viðurkenndi í gær að hann hefði sagt ósatt í
viðtali við Ríkisútvarpið sl. sunnudag um viðskipti
sín með hleðslusteina frá BM-Vallá. Í viðtalinu hélt
Árni því fram að steinarnir væru „á brettum í húsi
úti í bæ“, en í gær viðurkenndi hann að steinarnir
hefðu verið keyptir í nafni byggingarnefndar Þjóð-
leikhússins og greiddir af nefndinni. Steinarnir
hefðu hins vegar verið lagðir í stétt í garði fyrir ut-
an heimili hans í Reykjavík. Hann sagði í gær í
samtali við Morgunblaðið að þessi vinnubrögð
væru ekki til fyrirmyndar og hann vildi biðjast fyr-
irgefningar á þeim. Hann hefur nú greitt steinana
en þeir kostuðu um 160 þúsund krónur.
Árni tilkynnti jafnframt, að hann hefði tekið
ákvörðun um að segja af sér sem formaður bygg-
ingarnefndar Þjóðleikhússins, en því starfi hefur
hann gegnt í rúm 10 ár.
Ríkisendurskoðun ákvað í gær að gera úttekt á
störfum byggingarnefndar Þjóðleikhússins. Sig-
urður Þórðarson ríkisendurskoðandi tók ákvörðun
um þetta eftir að Halldór Blöndal, forseti Alþingis,
sendi honum til upplýsingar bréf sem Gísli S. Ein-
arsson alþingismaður skrifaði honum, þar sem ósk-
að er eftir úttekt á störfum byggingarnefndarinn-
ar.
Forsætisráðherra um rannsókn Ríkisendurskoðunar á störfum Árna Johnsen
Nauðsynlegt að skoða öll
umsýslustörf þingmannsins
 Biðst afsökunar/10–13 og 26
1.012 fluttu til höfuðborgar-
svæðisins, umfram brottflutta,
á fyrri helmingi ársins, að því er
kemur fram í tölum Hagstof-
unnar. Af þeim fluttu 381 frá
landsbyggðinni og 631 frá út-
löndum. Á sama tímabili í fyrra
fluttu 830 til höfuðborgarsvæð-
isins umfram brottflutta, af
þeim 518 frá landsbyggðinni og
312 frá útlöndum.
Alls voru gerðar 25.860
breytingar á lögheimili einstak-
linga í þjóðskrá á fyrri helmingi
ársins.
Í flestum landshlutum, utan
höfuðborgarsvæðis, voru brott-
fluttir fleiri en aðfluttir, nema á
Suðurnesjum þar sem aðfluttir
voru 121 fleiri og á Suðurlandi
þar sem aðfluttir voru 26 fleiri.
Flestir fluttu frá Norðurlandi
vestra eða 84. Af einstökum
sveitarfélögum fluttu flestir til
Kópavogs, alls 305, og Reykja-
víkur, alls 267, en flestir frá
Vestmannaeyjum, alls 68, og
Húsavík, alls 49.
2.281 einstaklingur flutti til
landsins og 1.400 frá landinu á
tímabilinu, þ.e.a.s. að 881 fleiri
flutti til landsins en frá því. Þar
af voru brottfluttir íslenskir rík-
isborgarar 17 fleiri en aðfluttir,
en aðfluttir erlendir ríkisborg-
arar 898 fleiri en brottfluttir.
Á sama tímabili á síðasta ári
var heildarfjöldi aðfluttra til
landsins umfram brottflutta
504, þar af voru aðfluttir ís-
lenskir ríkisborgarar 13 fleiri
en brottfluttir og aðfluttir er-
lendir ríkisborgarar 491 fleiri
en brottfluttir.
Búferlaflutningar á
fyrri hluta ársins
1.012
fluttu til
höfuð-
borgar-
svæðisins