Morgunblaðið - 25.09.2001, Blaðsíða 15
SUÐURNES
MORGUNBLAÐIÐ ÞRIÐJUDAGUR 25. SEPTEMBER 2001 15
FLUGSTÖÐ Leifs Eiríkssonar hf.
og Sandgerðisbær hafa kært endur-
mat Fasteignamats ríkisins á flug-
stöðvarbyggingunni. Mat byggingar-
innar og lóðar hækkaði um 44% frá
fyrra mati ársins og er álagningar-
stofn fasteignaskatts þá orðinn svip-
aður og var á síðasta ári, áður en
lækkun varð vegna breytingar á lög-
um um tekjustofna sveitarfélaga.
Að sögn Sigurðar Vals Ásbjarnar-
sonar, bæjarstjóra Sandgerðisbæjar,
ríkir ekki óánægja með úrskurðinn
sem slíkan heldur koma þar fram viss
vafaatriði sem skoða þarf betur.
Hann segir bæjarráð með kærunni
vilja leggja áherslu á og fullvissa
gjaldendur um að bæjarstjórn fari að
lögum hvað varðar álagningu gjalda
og nýtingu tekjustofna í þágu bæj-
arbúa og fyrirtækja innan marka
bæjarfélagsins. „Eina málið sem við
erum að tala um í þessu sambandi er
að þetta sé allt saman rétt og það sé
tekið tillit til allra þátta, það er það
sem við erum að skoða,“ segir Sig-
urður Valur.
Aðspurður hvaða vafaatriði sé um
að ræða í úrskurðinum kýs Sigurður
Valur að tjá sig ekkert um það að svo
stöddu en segir þó bæjarráð vera
ósátt við breytingu upphæðar á fast-
eignasköttunum og vilja því kanna
þau mál betur. Inntur eftir því hverju
nýi úrskurðurinn breyti, peningalega
séð, fyrir bæjarfélagið segir hann að
þegar upp sé staðið muni ekki miklu.
Hann segir umrædda breytingu fela í
sér að fasteignaskattar lóðarinnar
hækka en lækka hins vegar á flug-
stöðvarbyggingunni, þ.e. ef miðað er
við álagningarstofn flugstöðvarinnar
frá árinu 2000.
„Það er yfirfasteignamatsnefnd
sem tekur á þessu máli og við erum
að bíða eftir svari,“ segir Sigurður
Valur og bætir við að aðalatriðið í
þessu máli sé að farið sé að lögum og
þetta gert með þeim hætti að allir
geti vel við unað. „Að öðru leyti höf-
um við afskaplega lítið um þetta mál
að segja.“
Húsamatið hækkar
og nýtt lóðamat
Höskuldur Ásgeirsson, fram-
kvæmdastjóri Flugstöðvar Leifs Ei-
ríkssonar hf., segir tvær ástæður fyr-
ir því afhverju umræddur úrskurður
er kærður. „Í fyrsta lagi er húsamat-
ið hærra í nýja úrskurðinum frá því
sem það var. Eins kemur nú nýtt lóð-
armat,“ segir Höskuldur og bætir við
að álagningarstofn byggingar og lóð-
ar hækki um 44% árið 2001 frá því
sem var fyrr á árinu. Heildarmat
húss og lóðar fór úr 3.083 milljónum
kr. í 4.453 milljónir. Fasteignagjöld
til Sandgerðisbæjar hækka samsvar-
andi, frá því sem orðið hefði að
óbreyttu, miðað við óbreytt álagning-
arhlutfall. Eingöngu er um að ræða
eldri flugstöðvarbygginguna, suður-
byggingin er þarna fyrir utan.
„Ekki er rétt að blanda saman
þessum nýja úrskurði Fasteignamats
ríksins og breytingu á lögum um
tekjustofn sveitarfélaga þar sem
kveðið er á um nýtt fasteignamat.
Þess vegna er eðlilegt að miða þessa
breytingu við árið í ár,“ segir hann.
Inntur eftir því hvenær úrskurðar
sé að vænta segir hann líklegt að það
verði innan þriggja mánaða enda
miklar greinargerðir sem fylgi mál-
inu.
Flugstöð Leifs Eiríkssonar hf. og Sandgerðisbær
kæra endurmat flugstöðvarbyggingarinnar
Álagningarstofn
hækkar um 44%
Sandgerði
HAFNARRÁÐ Sandgerðisbæjar
leggst gegn kvóta á löngu, keilu og
skötusel.
Í yfirlýsingu sem hafnarráðið hef-
ur sent frá sér segir: „Með hliðsjón
af nýjum fiskveiðistjórnunarlögum
og breytingu á reglugerð er gekk í
gildi þann 1. september sl. þá mót-
mælir hafnarráð Sandgerðisbæjar
harðlega kvótasetningu á löngu,
keilu og skötusel.“
Mótmæla
kvótasetningu
Sandgerði
FORELDRAHÚSIÐ mun veita for-
eldrum og fjölskyldum í Reykja-
nesbæ aðstoð, samkvæmt samningi
sem undirritaður hefur verið. Sér-
fræðingar samtakanna og for-
eldrar verða með fasta viðtalstíma í
Reykjanesbæ tvisvar í mánuði.
Fjölskyldu- og félagsþjónusta
Reykjanesbæjar og Foreldrahúsið –
Vímulaus æska hafa gert með sér
samning um aðstoð við foreldra og
fjölskyldur. Fjölskyldu- og fé-
lagsþjónustan lætur í té húsnæði,
að Suðurgötu 12-14 í Keflavík. For-
eldrahúsið verður þar með sérfræð-
inga sína og foreldra sem hafa
reynslu af því að eiga börn í fíkni-
efnaneyslu.
Samkvæmt upplýsingum frá
Hjördísi Árnadóttur, félagsmála-
stjóra Reykjanesbæjar, hafa for-
eldrar af Suðurnesjum sótt mjög til
Foreldrahússins í Reykjavík og er
tilgangur samningsins meðal ann-
ars að gera þeim auðveldara að fá
þjónustuna. „Fjölskyldu- og fé-
lagsþjónusta Reykjanesbæjar hefur
mjög góða reynslu af samstarfi við
Vímulausa æsku og lítur á For-
eldrahúsið sem stuðningsúrræði við
foreldra barna í vímuefnavanda,“
segir í upplýsingum frá Hjördísi.
Þjónustan verður veitt tvisvar í
mánuði, á miðvikudögum frá
klukkan 16 til 19, í fyrsta skipti
miðvikudaginn 3. október næst-
komandi. Á sama tíma er hægt að
hringja í síma 511 6163.
Morgunblaðið/Kristinn
Hjördís Árnadóttir, félagsmálastjóri Reykjanesbæjar t.v., og Elísa Wí-
um, framkvæmdastjóri Foreldrahússins – Vímulausrar æsku, undirrita
samning um þjónustu í Reykjanesbæ. Viðstaddir eru ráðgjafar og for-
eldrar, f.v.: Pétur Gauti Jónsson, Jórunn Magnúsdóttir, forstöðumaður
Foreldrahússins, Rannveig Einarsdóttir, yfirfélagsráðgjafi Reykjanes-
bæjar, Ingileif Emilsdóttir og Snorri Eyjólfsson.
Foreldrahúsið með
fasta viðtalstíma
Reykjanesbær