Morgunblaðið - 21.10.2001, Blaðsíða 4

FRÉTTIR
4 SUNNUDAGUR 21. OKTÓBER 2001 MORGUNBLAÐIÐ
„HÉR er órjúfanleg samstaða og allir
sammála um að samræma aðgerðir
gegn hryðjuverkastarfsemi. Menn
eru líka sammála um að það þurfi að
byggja sterkari brýr til þeirra landa
þar sem íslamstrú er ráðandi. Það
kom fram hjá Tyrkjum að þeir ætla
sérstaklega að beita sér í því og for-
dæma alla þá sem bendla trúmál við
hryðjuverkastarfsemi,“ sagði Halldór
Ásgrímsson utanríkisráðherra sem í
gær sat Evrópuráðstefnu ESB sem
að þessu sinni var helguð baráttunni
gegn alþjóðlegum hryðjuverkum.
„Það hefur líka komið fram mjög
ákveðinn stuðningur við allar þær að-
gerðir sem hefur verið farið í, m.a.
það sem Bandaríkjamenn og banda-
menn þeirra hafa gert í Afganistan.“
Halldór sagði að á fundinum hefði
verið lögð áhersla á að menn yrðu í
þessari baráttu að virða grundvallar-
mannréttindi og almenn lög. Það
hefði t.d. komið fram í máli Spán-
verja, sem mátt hafa þola hryðju-
verkastarfsemi í langan tíma, að þeir
hefðu einu sinni gert þau mistök að
fara í aðgerðir sem ekki samrýmdust
lögum. Þeir hefðu sagt að það hefðu
þeir betur aldrei gert.
Þetta er í fyrsta skipti sem Ísland
og önnur EFTA-ríki sitja Evrópuráð-
stefnu ESB, en þar hefur á liðnum ár-
um m.a. verið fjallað um stækkun
ESB, innri markaðinn og fleira. Hall-
dór sagði mikilvægt að Íslandi skuli
hafa gefist tækifæri til að sitja ráð-
stefnuna en þar hefði á liðnum árum
iðulega verið fjallað um mál sem vörð-
uðu hagsmuni Íslands. Hann kvaðst
vonast eftir að EFTA-löndunum yrði
boðið að sitja þessar ráðstefnur í
framtíðinni.
Halldór heldur um helgina í opin-
berar heimsóknir til Japans, Kína og
Rússlands í boði þarlendra stjórn-
valda. Hann mun eiga viðræður við
starfsbræður sína í þessum löndum.
Utanríkisráðherra á ráðstefnu ESB um hryðjuverk
Vilji til að byggja brú
til íslamskra ríkja
REYNA á til þrautar að ná samn-
ingum milli launanefndar sveitarfé-
laga og tónlistarskólakennara áður
en fyrirhugað verkfall þeirra hefst á
morgun, mánudag. Fundur hjá ríkis-
sáttasemjara í kjaradeilunni á föstu-
dagskvöld skilaði ekki árangri og var
sest að samningaborði að nýju í gær-
morgun. Fréttabann er í gildi af
kjaradeilunni.
Verkfall tónlistarskólakennara
tekur til um það bil 620 félagsmanna
Félags tónlistarskólakennara og Fé-
lags íslenskra hljómlistarmanna.
Undanfarna viku hefur staðið yfir
undirskriftasöfnun meðal foreldra
barna sem stunda nám við tónlistar-
skóla Suzukisambandsins þar sem
lýst er yfir áhyggjum vegna yfirvof-
andi verkfalls tónlistarskólakennara.
Áformað er að foreldrar gangi á fund
borgarstjóra og afhendi honum und-
irskriftarlistana á morgun.
Einnig hefur Ýmir, nemendafélag
Tónlistarskólans í Reykjavík, boðað
kröfugöngu nemenda á morgun
Nemendur hyggjast fjölmenna kl.
14.30 við skólann í Skipholti og
ganga síðan kl. 15 fylktu liði Borg-
artún 21, þar sem formanni launa-
nefndar verður afhent bréf þar sem
nemendur lýsa yfir stuðningi við
kröfur tónlistarskólakennara og
áhyggjum af áhrifum verkfalls
þeirra.
Síðan verður gengið niður Lauga-
veg að Ráðhúsi Reykjavíkur og mót-
mælt þeim kjörum sem tónlistar-
skólakennarar búa við.
Reynt til þrautar í deilu
tónlistarskólakennara
NEMENDUR í forskóla Tónlistar-
skóla Borgarfjarðar eru 15 talsins
og skiptast í tvo hópa. Birna Þor-
steinsdóttir kennir þeim einu sinni í
viku og spannar kennslan takt,
hreyfingu, dans, söng og kynningu
á nótum og flest annað sem við-
kemur tónlist. Nemendurnir eru
þriggja og fjögurra ára og byrja að
kynnast blokkflautunni fyrir jól og
fara að læra á hana eftir áramót.
Birna segir að þeir skili sér síðan
vel inn í tónlistarskólann þegar þeir
verða eldri og hafa þar forskot. Nú
ríkir óvissa um hvenær næsti tími
verður því á mánudag fara tónlist-
arkennarar í verkfall hafi ekki
samist við launanefnd sveitarfé-
laga. Ljósmynd/Guðrún Vala Elísdóttir
Ungviðið
kynnist
tónlistinni
Borgarnesi. Morgunblaðið.
INNAN raða Slysavarnafélagsins
Landsbjargar er til skoðunar að
loka einhverjum neyðarskýlum við
fjallvegi og sjávarstrendur sem
slysavarnadeildir og björgunar-
sveitir í landinu hafa í sinni umsjá.
Skýlið á Öxnadalsheiði hefur þegar
verið tekið niður þannig að í vetur
stefnir í að ekkert neyðarskýli
verði á heiðum á leiðinni milli
Reykjavíkur og Akureyrar. Eins
og kom fram í Morgunblaðinu ný-
lega hefur Vegagerðin sett sælu-
húsið á Holtavörðuheiði á söluskrá
og ætlar ekki að setja nýtt hús þar í
staðinn.
Að sögn Sigrúnar A. Þorsteins-
dóttur, sviðsstjóra slysavarnasviðs
Slysavarnafélagsins Landsbjarg-
ar, er slæm umgengni um skýlin
við þjóðveginn ein ástæða þess að
félagseiningarnar hafa gefist upp á
að halda þeim úti. Hún segir um-
gengnina þó hafa batnað á allra síð-
ustu misserum en breytt þjóðfélag
hafi minnkað þörfina á sumum
þessara skýla þó að mörg þeirra
séu alltaf að sanna gildi sitt.
Slysavarnadeildir og björgunar-
sveitir hafa verið með 77 neyðar-
skýli víðs vegar um landið, lang-
flest við sjávarsíðuna, og segir
Sigrún ljóst að á næstu árum muni
þeim fækka nokkuð. Tímarnir hafi
breyst með bættum samgöngum
og fjarskiptatækjum, en fyrsta
slysavarnaskýlið hér á landi var
sett upp árið 1904 við sjó. Síðar var
svo farið að setja upp skýli á fjall-
vegum með auknum samgöngum á
landi. Þau skýli eru um 20 talsins.
Frá árinu 1998 hefur umsjón og
rekstur skýlanna verið í höndum
slysavarnadeilda eða björgunar-
sveita og er hluti af slysavörnum á
þeirra svæði.
„Reyndar virðist það vera þann-
ig að lauslegir hlutir fá ekki að vera
í friði og hafa sumar félagseiningar
tekið þann pólinn í hæðina að taka
allt lauslegt úr skýlunum á vorin er
ferðamenn fara á stjá í auknum
mæli og setja það aftur inn á vet-
urna þegar þörfin er meiri fyrir
hlýjan fatnað og aðra slíka hluti.
Gestabækur liggja frammi í sum-
um þessara skýla og sést á skrifum
í þær að gestkvæmt er þar á sumr-
in. Umgengni flestra gesta er góð
en alltaf eru einhverjir sem bera
ekki virðingu fyrir þessum skýl-
um,“ segir Sigrún.
Vegagerðin áfram
með fimm sæluhús
Auk sæluhússins á Holtavörðu-
heiði ætlar Vegagerðin sér ekki að
hafa hús á nýrri leið yfir Kerling-
arskarð um Vatnaheiði. Ekki
stendur til að hætta með önnur
sæluhús á vegum Vegagerðarinnar
en þau eru á Fróðárheiði, Þorska-
fjarðarheiði, við Lindarsel á Mýr-
dalsöræfum, á Öxarfjarðarheiði og
í Fagradal á milli Egilsstaða og
Reyðarfjarðar. Vegagerðin hefur
átt í viðræðum við Landsímann um
að bæta GSM-samband á fjallveg-
um og nýjum sendum verið komið
upp nú þegar á sumum þeirra.
Útlit fyrir fækk-
un neyðarskýla
Slysavarnafélagið Landsbjörg
LANDSFUNDI Vinstrihreyfing-
arinnar – græns framboðs lýkur í
dag með afgreiðslu mála og kosn-
ingu forystu flokksins. Í gær störf-
uðu málefnahópar og hringborðs-
umræður voru um þema fundarins
„Byggjum framtíð á fjölbreytni“.
Þá flutti Kristin Halvorsen, for-
maður Sosialistisk Venstreparti i
Noregi, ávarp á fundinum.
Í skýrslu stjórnar og flokksráðs
til landsfundarins, sem rædd var í
gær, kom m.a. fram að fjárhags-
leg staða flokksins væri góð og
unnið væri að því að efla kosn-
ingasjóð hreyfingarinnar vegna
komandi sveitarstjórna- og alþing-
iskosninga. Ennfremur kom fram
að frá því flokkurinn var stofn-
aður væri búið að stofna nálægt
25 félög og kjördæmasambönd
sem mynduðu grunneiningar í
flokksstarfinu.
Vegna breytinga á kjör-
dæmamörkum þyrfti hins vegar
að huga að breytingum á skipu-
lagi kjördæmafélaganna í framtíð-
inni.
Landsfundi
Vinstri
grænna
lýkur í dag
Morgunblaðið/Ásdís
BÍLL valt við Sleitustaði í Skaga-
firði um tíuleytið í gærmorgun. Öku-
maður missti stjórn á bílnum vegna
hálku á brúnni yfir Kolbeinsdalsá og
fór hann nokkrar veltur áður en
hann stöðvaðist.
Einn var fluttur með sjúkrabíl á
sjúkrahúsið á Sauðárkróki og hinir
tveir sem voru í bílnum voru fluttir
með einkabílum á sjúkrahúsið til að-
hlynningar. Nauðsynlegt reyndist að
kalla til tækjabíl svo unnt væri að ná
fólkinu út úr flakinu.
Að sögn lögreglunnar á Sauðár-
króki hefur nokkur hálka verið í
Skagafirði að undanförnu, ekki síst
fyrir hádegi. Er þá hálla á steyptum
vegum, eins og á brúnni þar sem
ökumaðurinn missti stjórn á bílnum í
gærmorgun, heldur en á malbikuð-
um vegum. Einnig hefur nokkur
þoka verið á þessu svæði.
Bílvelta í
Skagafirði