Morgunblaðið - 30.04.2002, Page 20

STYRKING íslensku krónunnar er enn ekki farin
að hafa teljandi áhrif á starfsemi útflutningsfyr-
irtækja. Talsmenn þeirra segja gengisþróunina
vissulega slæma en telja að gengið muni leita jafn-
vægis á næstu vikum, enda sé ekki grundvöllur
fyrir frekari styrkingu. Lokagengi krónunnar var
í gær 131,1 stig en var 141,88 stig um síðustu ára-
mót og hefur því styrkst um 8,17% frá áramótum.
Kristján Þorsteinsson, framkvæmdastjóri fjár-
málasviðs Marel hf., segir að vissulega hafi styrk-
ing íslensku krónunnar slæm áhrif á útflutnings-
iðnaðinn. Hinsvegar sé ljóst að krónan sé að leita
jafnvægis, því gengi hennar hafi fallið of mikið.
Hann á hinsvegar ekki von á því að krónan styrk-
ist mikið meira en orðið er. „Sjávarútvegurinn hef-
ur að undanförnu flutt mikið út, á sama tíma og
innflutningur á fjárfestingavörum hefur verið í
lágmarki. Þannig hefur innstreymi gjaldeyris ver-
ið langt umfram útstreymi. Það er væntanlega
tímabundið ástand. En auðvitað hefur styrking
krónunnar áhrif á starfsemi móðurfélagsins, enda
um 95–99% af tekjum þess í erlendri mynt. Þessi
Morgunblaðið/Kristinn
Talsmenn útflutningsfyrirtækja telja ekki
grundvöll fyrir frekari styrkingu krónunnar.
þróun er hinsvegar ekki enn farin að valda veru-
legum vanda í rekstrinum en hún er vissulega
slæm,“ segir Kristján.
Góðir markaðir og góð aflabrögð
vega upp styrkinguna
Guðbrandur Sigurðsson, framkvæmdastjóri
Útgerðarfélags Akureyringa hf., segir að geng-
ishækkun krónunnar sé ekki enn farin að hafa
veruleg áhrif á afkomu sjávarútvegsfyrirtækja.
„Við erum vitanlega að fá minna fyrir afurðirnar,
eða sem nemur gengisstyrkingunni, en á móti
kemur að aðstæður á mörkuðum eru góðar og
aflabrögð sömuleiðis. Það er reyndar mismunandi
hversu mikil áhrif gengisbreytingarnar hafa.
Þannig er sjófrystingin tiltölulega ónæm fyrir
gengisbreytingum, á meðan við finnum meira fyr-
ir þeim í landvinnslunni.
Mér reyndar finnst einkennilegt hversu mikið
krónan hefur styrkst að undanförnu, miðað við
hversu mikið hún veiktist á síðast ári þegar rekst-
ur fyrirtækjanna var nokkuð góður. Aðstæður eru
Íslenska krónan hefur styrkst um 8,17% frá síðustu áramótum
Ekki haft teljandi
áhrif á útflutning
nokkuð svipaðar í dag og þær voru í fyrra, nema
markaðir fyrir uppsjávarfisk eru betri. Ytri að-
stæður eru því eins góðar og þær geta orðið. Mað-
ur fer því að velta fyrir sér hvað það er sem í raun
ræður gengi krónunnar,“ segir Guðbrandur.
VIÐSKIPTI/ATHAFNALÍF
20 ÞRIÐJUDAGUR 30. APRÍL 2002 MORGUNBLAÐIÐ
VIÐSKIPTABLÖÐIN Financial
Times og The Wall Street Journal
fjölluðu um helgina um veika stöðu
Bandaríkjadals og líklega lækkun
hans á næstunni. Í hinu fyrrnefnda
er sagt frá því að Bandaríkjadalur
hafi átt í vök að verjast í nokkrar
vikur og að í lok síðustu viku hafi
evran náð yfir 0,90 dali. Þá spái því
margir að dalurinn muni nú falla í
verði.
Arnar Jónsson, sérfræðingur á
alþjóða- og fjármálasviði Lands-
banka Íslands, segir að Bandaríkja-
dalur sé á flesta mælikvarða of hátt
metinn og sé búinn að vera það
lengi. Ýmsar skýringar séu á því að
hann hafi ekki lækkað. Menn hafi
haft mikla trú á bandaríska hag-
kerfinu og fjármagnsstreymi hafi
verið inn í landið sem hafi fjár-
magnað háan viðskiptahalla.
Miklar vaxtalækkanir seðlabanka
Bandaríkjanna í fyrra hafi einnig
aukið bjartsýni á efnahagslífið og
þannig stutt við Bandaríkjadal, þó
að dalurinn hefði átt að lækka við
vaxtalækkun samkvæmt hefð-
bundnum kenningum.
Arnar segist sammála því að
Bandaríkjadalur muni lækka meira
á árinu en hann hafi gert þegar.
„Ég held hann muni lækka mikið
og skarpt á árinu,“ segir hann, og
bætir því við að það sem muni lík-
lega ýta þeirri þróun af stað verði
fyrsta vaxtahækkunin í Bandaríkj-
unum, en hún verði sennilega í
ágúst, en ef til vill fyrr, jafnvel í
júní.
Lækkun á hlutabréfamarkaði nú
segir Arnar að grafi einnig undan
gengi dalsins vegna þess að hún
dragi úr trú erlendra fjárfesta og
þar með úr fjármagnsstreymi er-
lendis frá. Þá segir Arnar að til
lengri tíma litið kyndi hinir lágu
vextir sem nú eru í Bandaríkjunum
undir verðbólgu, en aukin verð-
bólga í Bandaríkjunum ætti að
veikja Bandaríkjadal. Hann bætir
því hins vegar við að ekki sé hægt
að segja nákvæmlega til um hve-
nær lækkunin verði.
Spurður um áhrifin á Ísland seg-
ir Arnar að almenn lækkun dalsins
þýði að krónan eins og aðrar mynt-
ir muni styrkjast gagnvart dalnum.
Gagnvart krónunni geti þessi áhrif
magnast upp haldi krónan áfram að
styrkjast um leið og dalurinn lækki.
Áhrifin á sjávarútveg telur Arnar
að muni líklega jafnast út því salan
fari ekki aðeins fram í Bandaríkja-
dölum heldur sé einnig mikið selt í
breskum pundum og evrum.
Lækkun dalsins hafi hins vegar
slæm áhrif á þá sem hafi fjárfest
erlendis, en þær fjárfestingar séu
mikið í Bandaríkjadölum. Þetta eigi
til dæmis við um lífeyrissjóðina,
ávöxtun erlendra fjárfestinga
þeirra fari ekki vel út úr lækkandi
Bandaríkjadal og lækkunin frá ára-
mótum hafi til dæmis haft neikvæð
áhrif á ávöxtun þeirra.
Spáð er lækkun
Bandaríkjadals
Styrkir krónuna en hefur slæm áhrif á
erlenda fjárfestingu Íslendinga
OZ og bandaríska fyr-
irtækið Atlas Telecom
Mobile, ATM, hafa und-
irritað samning um kaup
ATM á OZ MCS sam-
skiptahugbúnaði. Hugbún-
aðurinn gerir fjarskipta-
fyrirtækjum kleift að auka
við samskiptamöguleika
hópa og einstaklinga, við-
skiptavina og þjónustuað-
ila í gegnum farsíma og
Netið.
Fram kemur í frétta-
tilkynningu frá OZ að
ATM hafi í hyggju að nýta
sér OZ MCS samskipta-
hugbúnaðinn í tengslum
við Heimsmeistarakeppn-
ina í knattspyrnu. Við-
skiptavinum fyrirtækisins verði
sendar upplýsingar um gang mála í
keppninni, úrslit leikja, stöðu í riðl-
um og svo framvegis. Þeir greiði
ATM fyrir þjónustuna með fyr-
irframgreiddum HM símakortum
sem verði seld í Bandaríkjunum og
Evrópu af fjölda fjarskiptafyr-
irtækja auk íþróttavöruverslana.
Von á fleiri samningum
„Við erum afar ánægðir með að
Atlas Telecom Mobile hafi kosið OZ
MCS samskiptahugbúnaðinn til að
leyfa viðskiptavinum sínum að fylgj-
ast með og taka þátt í HM 2002,“
segir Skúli Mogensen, for-
stjóri OZ. “Samningurinn
sýnir okkur að við erum á
réttri leið og að markaður-
inn hafi trú á því sem við
höfum fram að færa.“
Skúli segir þetta vera
þriðja samninginn sem OZ
greini frá á skömmum
síma. Von sé að því að fyr-
irtækið muni gera fjölda
samninga við fjarskipta-
félög og samstarfsaðila
víðs vegar um heiminn á
næstunni. Vörur OZ séu til-
búnar og verið sé að selja
þær í Norðu-Ameríku og
Evrópu.
Endanlegar tekjur OZ af
samningnum við ATM
koma ekki í ljós fyrr en að heims-
meistarakeppninni lokinni en fyr-
irtækið fær hlutdeild í notkun sam-
skiptahugbúnaðarins. Skúli segir að
þannig vilji OZ hafa það, þ.e að fyr-
irtækið fái hlutdeild í árangri.
Í fréttatilkynningu OZ er haft eft-
ir Paul Fortowsky, forstjóra ATM,
að HM símakortið sé aðeins það
fyrsta í röð sérhæfðra þjón-
ustukorta sem fyrirtækið muni
senda frá sér á næstu árum. „Mark-
mið okkar er að verða fremstir á
þessu sviði og val okkar á OZ MCS
samskiptahugbúnaðinum skiptir
sköpum í þeirri viðleitni.“
Atlas Telekom
kaupir sam-
skiptalausn OZ
fyrir HM 2002
Femin.is
kaupir
visi.is
FEMIN.IS hefur keypt rekstur
fréttavefjarins visis.is af Frjálsri
fjölmiðlun.
Íris Gunnarsdóttir, fram-
kvæmdastjóri og annar stofnenda
femin.is, segir að visir.is verði áfram
rekinn í nær óbreyttri mynd.
Nokkrar áherslubreytingar verði
gerðar en ekki sé tímabært að út-
lista þær. Eitt af aðalmarkmiðum
nýrra eigenda verði að byggja upp
sterkari fréttavef, með áherslu á öfl-
uga uppfærslu frétta, viðskipta-
frétta og íþrótta og áfram verði
byggt á samningi við Fréttablaðið.
„Kaupin á visi.is fela ennfremur í
sér tækifæri til að bjóða upp á aukna
þjónustu, bæði þeim sem heimsækja
báða vefina og einnig þeim sem aug-
lýsa á þeim,“ segir Íris. „Visir.is er
mjög sterkt vörumerki, ein af mest
heimsóttu vefsíðum landsins, líkt og
femin.is, og tækifærin eru gríð-
armörg. Femin.is er markaðssettur
fyrst og fremst fyrir konur og er
upplýsinga- og afþreyingarvefur
ásamt netvinnslu. Við stofnendurnir
erum mjög stoltar af því hvernig til
hefur tekist með rekstur þess fyr-
irtækis, sem hefur skilað jákvæðum
rekstri um nokkurt skeið.“
Íris vill ekkert segja til um kaup-
verðið á visi.is annað en að verðið
hafi verið sanngjarnt.
Íris og Soffía Steingrímsdóttir
stofnuðu femin.is og eiga tæplega
40% í félaginu. Aðrir eigendur eru
Baugur.net, Norðurljós og Talenta
Internet.
Viðræðum
slitið um
yfirtöku Res-
Med á Flögu
FLAGA hf. hefur slitið viðræðum um
yfirtöku bandaríska fyrirtækisins
ResMed á Flögu. Svanbjörn Thor-
oddsen, forstjóri Flögu, segir að ljóst
hafi verið að ekki hefði náðst sam-
þykki 90% hluthafa félagsins fyrir yf-
irtökunni samkvæmt þeim hugmynd-
um sem ResMed hafði um verð og
endanlega útfærslu tilboðs.
„Þótt viðræðum sé slitið um hugs-
anlega yfirtöku á þessu stigi hefur
það engin neikvæð áhrif á það nána
viðskiptasamstarf sem er á milli fyr-
irtækjanna,“ segir Svanbjörn. „Því
samstarfi verður haldið áfram af full-
um einhug af beggja hálfu, en um 65%
af vörum Flögu fara í gegnum dreifi-
kerfi ResMed á heimsmörkuðum.“
ResMed hefur um þriggja ára
skeið átt 10% eignarhlut í Flögu.
„Við höfum mjög skýra stefnu og
markmið um vöxt fyrirtækisins. Ætl-
unin er að Flaga verði leiðandi fyr-
irtæki á heimsmarkaði í lausnum til
svefnrannsókna. Það kallar á veru-
legan vöxt og aukna markaðshlut-
deild og við munum ótrauð vinna að
því marki áfram, m.a. í samstarfi við
ResMed, þrátt fyrir að eignarhaldið á
Flögu breytist ekki á þessu stigi,“
segir Svanbjörn.
♦ ♦ ♦