Morgunblaðið - 30.04.2002, Blaðsíða 26

26 C ÞRIÐJUDAGUR 30. APRÍL 2002 MORGUNBLAÐIÐHeimiliFasteignir
B
YGGING Bæjarútgerðar
Reykjavíkur Grandagarði
8 er rammgert hús, sem
byggt var árið 1947 og
stendur við flæðarmálið í Reykjavík-
urhöfn. Þetta hús á sér langa sögu og
margir hafa sótt þar atvinnu í gegn-
um tíðina og eru því húsinu kunn-
ugir.
Nú hafa fasteignasölurnar Foss
og Þingholt fengið í sölu nýendur-
gert húsnæði á annarri hæð í þessu
húsi. Þetta húsnæði er afar óvenju-
legt að allri gerð en hentugt engu að
síður. Lofthæðin er 4–5,5 metrar og
útveggir með miklum útsýnisglugg-
um.
Alls er húsnæðið 1.050 m2 með
sameign en séreignin er 967,8 m2 að
stærð. Húsnæðið er innréttað sem
skrifstofu- og iðnaðarrými, en er á
allan hátt mjög sveigjanlegt, hvað
framtíðarnotkun snertir.
Innanhússhönnunin er óvenju
björt og falleg og mjög nútímaleg.
Það er líkast því, sem gengið er inn í
listasafn, en sérsmíðaðar háar
rennihurðir og innréttingar úr
evrópskum kirsuberjavið eru
áberandi svo og ofanbirta frá
ítölskum ljósabúnaði.
Gluggarnir eru með sérstöku
hljóð- og hitaeinangrandi gleri, er
nær niður að gólfi og auk þess er
hæðin með átta rúmgóðum og
skemmtilega lögðum svölum með
miklu útsýni yfir höfnina og til fjalla.
Á hæðinni eru afar falleg móttaka,
fullbúið eldhús auk tilbúinna lagna
innanveggja fyrir önnur eldhús,
rúmgóð kaffistofa eða matsalur með
sjávarútsýni, sérútbúið
fundarherbergi með smáeldhúsi,
ljósritunarherbergi, geymsla og
tölvuherbergi auk opinna og
sveigjanlegra skrifstofueininga með
nútíma tölvulögnum.
Þrennar snyrtingar eru í
húsnæðinu, þar af ein með gufuklefa
og nuddpotti.
Heillaðist af húsinu
Eigandi þessa húsnæðis er Guðjón
Bjarnason, 43 ára gamall
myndlistamaður og arkitekt, sem
sjálfur hefur hannað allar
innréttingar í húsnæðinu og
stjórnaði framkvæmdum við
endurnýjun þess.
„Ég keypti þetta húsnæði á
vormánuðum fyrir tveimur árum,
sannfærður um að hér væri um að
ræða stórkostlegt tækifæri fyrir
arkitekt,“ segir Guðjón. „Það þurfti
að byrja á því að hreinsa hér út
verksmiðjulagnir í þúsunda tali. En
þetta er vandað hús að upphaflegri
gerð og töluvert í það lagt. Það var
byggt úr innfluttu, erlendu sementi
og veggir eru t.d. mjög þykkir.“
„Ég er alinn upp við Ægisíðu,
innan um trillukarla og við mikla
sjávarstemningu, sem hefur haft
mikið aðdráttarafl fyrir mig æ
síðan,“ heldur Guðjón áfram. „Ég er
líka vanur hafnarsvæðum erlendis
og finnst þau oftast mjög
skemmtileg.
Eitt sinn, þegar ég var ásamt
bróður mínum á hraðbát í höfninni í
Reykjavík, sá ég þetta hús blasa við
og sjóinn alveg upp að því. Mér
fannst þetta koma fyrir sjónir eins
og töfraumhverfi Feneyja og var þá
reyndar nýkominn þaðan. Þá
skynjaði ég hve miklir möguleikar
voru fólgnir í þessu húsi og ákvað að
kaupa hluta af því, ef hægt væri.
Eftir að ég hafði fengið húsnæðið
afhent, tók ég til við að hanna það
upp á nýtt og þá með tilliti til
útsýnisins, birtunnar og
lofthæðarinnar, en húsið er opið og
sveigjanlegt og mikill hreyfanleiki í
því, eins og sagt er á fagmáli.
Að hönnuninni lokinni var hafizt
handa um framkvæmdirnar. Þar
naut ég aðstoðar fólks, sem ég þekkti
frá því áður, enda hafði ég starfað
lengi sem arkitekt. Þetta var mjög
vaskt lið og við lukum við það á um
hálfu ári að endurnýja húsnæðið og
innrétta það upp á nýtt.
Fyrirmyndir hafði ég fengið víða
að. Ég var alllengi við nám í
Bandaríkjunum, fyrst í Providence í
Rhode Island, sem er gamalgróin
hafnarborg, skammt frá Boston.
Síðan var ég við nám í New York
samfleytt í fimm ár, fyrst í myndlist,
skúlptúr og síðan arkitektúr og hef
auk þess dvalizt þar talsvert síðan
m.a. við kennslu og sýningarhald.
New York stendur við sjó og þar er
víða mjög skemmtilegur arkitektúr
niðri við höfnina.
Auk þess hef ég ferðast mikið um
hafnarborgir Norðurlanda og kynnt
mér hafnarmannvirki þar sem og
annars staðar í Evrópu. Ég tel mig
því hafa haldgóða reynslu á þessu
sviði.“
Guðjón rekur nú teiknistofuna
Hugsmíð á Mýrargötu 26 í
Reykjavík. „Ég fluttist heim 1992 og
hef tekið að mér verkefni hér sem
annars staðar sem arkitekt síðan
jafnframt því sem ég hef unnið jafnt
að sköpun í myndlist og
höggmyndagerð,“ segir hann.
Léttleiki ríkjandi
Lofthæðin í húsnæðinu er 4–5,5
metrar samkvæmt framansögðu og
burðarvirkið mjög öflugt. „Þetta hús
var upphaflega hannað til þess að
bera stórar vélar og þunga kapla,“
segir Guðjón.
„En þrátt fyrir þungan strúktúr,
er léttleikinn nú ríkjandi í þessu
húsnæði. Það hefur t.d. verið unnið
all ítarlega úr þeim arkitektúr, sem
var hér fyrir, en í húsnæðinu voru 36
súlur og það þurfti að sveigja
innveggi og aðlaga rýmisskipan í
kringum þær. Engu að síður hefur
öll innréttingin mjög laust og
frjálslegt yfirbragð og ólík form,
mjúk og hörð, bein og sveigð, sem
kallast á.
Þetta er því léttur, sveigjanlegur
og svifrænn arkitektúr, sem kallast á
við siglingar hafnarinnar. Hér eru
kýraugu smábátanna, svífandi form
seglanna, þyngdarleysi og
hreyfanleiki sjávarins, en sérvalinn
kirsuberjaviður frá Innviðum
notaður til þess að þilja húsnæðið að
innan.“
Guðjón kveðst hafa fundið fyrir
mjög jákvæðum viðbrögðum
gagnvart þessu húsnæði. „Mörgum
þykir gaman að ganga hér um og
húsnæðið er eftirsótt fyrir
myndatökur og ýmsa atburði,“ segir
hann. „Þetta er mjög óvenjulegt
húsnæði og skemmtilegt að fylgjast
með samspili sólarljóssins og
arkitektúrsins. Húsnæðið er í sjálfu
sér síbreytilegt eftir árstíðum og
birtuskilyrðum. Það er munur á því á
sumri og vetri, morgni og kvöldi og
þessi mikla lofthæð gefur húsnæðinu
virðulegan blæ.“
Útveggirnir eru klæddir að innan
með 10 cm einangrun en búið að
glerja að kalla algerlega tvær hliðar
Morgunblaðið/Golli
Húsið stendur við Grandagarð 8. Þetta er rammgert hús, byggt 1947. Það á sér langa sögu og margir hafa sótt þar atvinnu í gegnum tíðina og eru því húsinu
kunnugir. Húsnæðið sem er til sölu er á annarri hæð.
Vill kalla fram töfraumhverfi
Feneyja við Reykjavíkurhöfn
Kýraugu smábátanna, svífandi form seglanna og
þyngdarleysi og hreyfanleiki sjávarins einkenna
nýendurgert húsnæði í gömlu Bæjarútgerðinni við
Grandagarð. Lofthæðin er mikil og útsýnið einstakt.
Magnús Sigurðsson ræddi við eigandann, Guðjón
Bjarnason arkitekt og myndlistarmann.
Guðjón Bjarnason, arkitekt og eigandi húsnæðisins, og Úlfar Þ. Davíðsson,
sölustjóri hjá Fossi.
Léttleikinn er áberandi.