Morgunblaðið - 18.07.2002, Blaðsíða 33

LISTIR
MORGUNBLAÐIÐ FIMMTUDAGUR 18. JÚLÍ 2002 33
Milljónaútdráttur
Þar sem einvörðungu er dregið úr seldum miðum þarf miðaeigendi bæði að
hafa rétt númer og bókstaf til að hljóta vinning í þessum útdrætti.
Birt með fyrirvara um prentvillur.
7. flokkur, 17. júlí 2002
Kr. 1.000.000,-
4664E
7120G
10507F
26554G
28151E
29127E
37970B
44289B
52830H
59486B
MENNINGARSAMTÖK Norðlend-
inga, MENOR, eru 20 ára á þessu
vori. Var afmælisins minnst með
veglegri hátíðardagskrá á dögunum í
félagsheimilinu Laugarborg, Eyja-
fjarðarsveit. Þar var boðið upp á
blandaða menningardagskrá í tali og
tónum og flytjendur listafólk víðs
vegar af Norðurlandi.
Menntamálaráðherra, Tómas Ingi
Olrich, ávarpaði samkomuna, en há-
tíðarræðu flutti Kristinn G. Jóhanns-
son, myndlistarmaður, fyrsti for-
maður MENOR. Björn Ingólfsson,
skólastjóri, las frumsamda smásögu
og Erlingur Sigurðarson eigin ljóð.
Þórhildur Örvarsdóttir, söngkona,
söng einsöng við undirleik Helenu
Bjarnadóttur, en geta má þess, að
Þórhildur vann til 1. verðlauna í
norðlenskri einsöngvarakeppni ME-
NOR vorið 1996. Samkórinn Björk í
A-Húnavatnssýslu söng nokkur lög.
Stjórnandi kórsins er Michael J.
Clark. Tveir vinningshafar í ein-
leikarakeppni MENOR spiluðu, en
keppnin fór fram á liðnum vetri í
samvinnu við tónlistarskóla á Norð-
urlandi. Þau sem spiluðu voru: Þur-
íður H. Ingvarsdóttir, fiðla, og Unn-
ur Björnsdóttir, fiðla, báðar
nemendur í Tónlistarskóla Akureyr-
ar. Undirleikari var Helena Bjarna-
dóttir. Félagar í leikdeild UMF Efl-
ingar í Reykjadal sýndu atriði úr
söngleiknum Fiðlaranum á þakinu
undir stjórn Arnórs Benónýssonar,
leikstjóra, en söngleikur þessi hefur
verið sýndur við mjög góðar undir-
tektir í vetur. Tónlistarstjórn var í
höndum Jaan Alavere og Valmar
Valjaots.
Í anddyri hússins voru til sýnis
myndverk eftir Arnfríði Arnardótt-
ur, myndlistarkonu, úr farandsýn-
ingu MENOR í grunnskólum á
Norðurlandi á liðnum vetri. Kynnir á
hátíðardagskránni var Arnór Benón-
ýsson. Samkoman var vel sótt og
undirtektir áheyrenda góðar.
Í tilefni 20 ára afmælisins réðust
samtökin í að gefa út bók, sem kynnt
var á hátíðinni í Laugarborg. Bókin
ber heitið Slóðir mannanna og er 164
bls. Útgefandi er bókaútgáfan
Hólar, Akureyri. Innihald hennar
eru ljóð og smásögur, sem unnið
hafa til verðlauna í ljóða- og smá-
sagnasamkeppnum MENOR og
dagblaðsins Dags á árunum 1989-
2001. Alls eiga 24 höfundar ljóð og
sögur í bókinni, þekktir og minna
þekktir, og búsettir víða um land.
Bókin verður til sölu í bókaverslun-
um.
Aðalfundur MENOR var haldinn
við sama tækifæri. Ólafur Þ. Hall-
grímsson, sóknarprestur á Mælifelli,
var endurkjörinn formaður samtak-
ann til eins árs. Aðrir í stjórn eru
Roar Kvam, Fossbrekku, Svalbarðs-
strönd, Svanhildur Hermannsdóttir,
Akureyri, Helgi Ólafsson, Hvamms-
tanga, og Magnús Óskarsson, Sölva-
nesi. Varastjórn skipa nú Guðmund-
ur Á. Sigurjónsson, Akureyri, Erla
Óskarsdóttir, Ekru í Öxarfirði,
Hjörtur Arnórsson, Akureyri, Arnór
Benónýsson, Laugum, og Lilja Hall-
grímssdóttir, Akureyri. Endurskoð-
andi reikninga er Jóhanna Rögn-
valdsdóttir, Stóru-Völlum í
Bárðardal.
Menningarsamtök
Norðlendinga 20 ára
TVÆR stuttsýningar verða opnaðar
í Gallerí Reykjavík, Skólavörðustíg
16, í dag, og á morgun. Díana
Hrafnsdóttir opnar sýningu á graf-
íkmyndum kl. 16 í dag og Loes Mull-
er opnar sýningu á skúlptúrum á
morgun, föstudag, kl. 17.
Díana nefnir sýningu sína Sýnir og
gefur þar að líta tréristur sem unnar
eru á þessu ári. Díana útskrifaðist
vorið 2000 með BA-gráðu úr mynd-
listardeild Listaháskóla Íslands, með
sérnám í grafík. Þetta er önnur
einkasýning Díönu en hún hefur auk
þess tekið þátt í fjölda samsýninga.
Loes Muller er hollensk að upp-
runa og er mörgum Íslendingum
kunn sökum vináttu hennar við land
og þjóð síðastliðin 20 ár. Loes var
með einkasýningu í Gallerí Reykja-
vík fyrir tveimur árum, einnig hefur
hún haldið fjölmargar einkasýningar
í Hollandi og víðar.
Verkin á sýningunni eru unnin úr
kljá og kalksteini, steintegundir
þessar eru í flokki kalksteina sem
eru árþúsunda gamlir og finnast
meðal annars í hellum í suðurhluta
Hollands.
Sýningin Díönu stendur til 26. júlí
og sýning Loues til mánaðamóta.
Gallerí Reykjavík er opið daglega frá
kl. 12-18, laugardaga kl. 11-16.
Tvær stutt-
sýningar á
Skóla-
vörðustíg