Morgunblaðið - 06.09.2002, Blaðsíða 18

VIÐSKIPTI/ATHAFNALÍF
18 FÖSTUDAGUR 6. SEPTEMBER 2002 MORGUNBLAÐIÐ
Íbúð í lyftublokk á
Reykjavíkursvæðinu óskast
Æskileg stærð 120-160 fm
- góðar greiðslur í boði
Traustur kaupandi hefur beðið okkur að útvega 120-160 fm góða
íbúð í lyftublokk á Reykjavíkursvæðinu. Íbúð á 1. hæð með beinu
aðgengi t.d. sérhæð kemur einnig til greina. Góðar greiðslur í boði.
Allar nánari upplýsingar veitir Sverrir Kristinsson.
KAUP Kaupþings á 55% hlut ísambankaláni Norðurljósaaf þremur erlendum bönk-
um hafa vakið verðskuldaða athygli
og um leið spurningar um áhrif þess
á aðra banka sem standa að sam-
bankaláni. Hvort þeir geti gjaldfellt
afborganir og vexti af sínum hluta
eður ei.
En eins og fram kom í Morgun-
blaðinu á þriðjudag er enn ósamið
við hollenska bankann ABN Amro,
sem á um 1,3 milljarða í láninu, og
Landsbanka Íslands, sem á 880 millj-
ónir.
Ekki eru menn á eitt sáttir hvað
felst í því að Kaupþing eignast
meirihluta í sambankaláninu. Ann-
ars vegar er uppi það sjónarmið að
yfirtaka Kaupþings á 55% lánsins,
eða um 2,5 milljarða króna, nægi til
að ekki sé hægt að gjaldfella afborg-
anir og vexti annarra banka sem
koma að sambankaláninu þar sem í
lánasamningi sambankalánsins sé
kveðið á um að samþykki þeirra sem
eiga 2⁄3 hluta lánsins þurfi til ákvarð-
ana um að gjaldfella lán.
Hinsvegar að þessi yfirtaka Kaup-
þings girði ekki fyrir að ABN Amro
og Landsbankinn geti gjaldfellt af-
borganir og vexti við þær kring-
umstæður að oddaaðili lánasamn-
ingsins gæti ekki skyldu sinnar sem
slíkur að þeirra mati.
Kaupþing er nú samkvæmt skil-
málum lánssamningsins oddaaðili
sambankalánsins og verður leiðandi
í viðræðum við aðra lánardrottna
um endurfjármögnun Norðurljósa.
Þó má telja líklegt að erfitt verði að
ljúka fjárhagslegri endurskipulagn-
ingu Norðurljósa án þess að ABN
Amro og Landsbankinn séu sáttir
við þær leiðir sem verða fyrir valinu.
Forsvarsmenn Kaupþings og
Landsbankans hafa ekki viljað tjá
sig um yfirtöku lánsins eða hver
verði næstu skref. Samkvæmt heim-
ildum blaðsins eru ekki hafnar við-
ræður við ABN Amro og Lands-
bankann en stefnt er að því að þær
hefjist á næstunni þar sem reynt
verður að ná samkomulagi um svip-
aða endurfjármögnun Norðurljósa
og náðst hefur við hina þrjá erlendu
banka. Ekki er ljóst hver niður-
staðan verður í þeim viðræðum og
um hve mikinn afslátt var að ræða
frá upphaflegri lánsfjárhæð í kaup-
um Kaupþings á hlut erlendu bank-
anna þriggja, hollensku bankanna
NIB og Staal Bank og bandaríska
bankans JP Morgan Chase. Eða
hvort ABN Amro og Landsbankinn
hafi áhuga á að ræða við Kaupþing
um kaup með afslætti.
Það verður því fróðlegt að fylgj-
ast með á næstunni hvað verður úr.
Mun Kaupþing eignast allt sam-
bankalánið með afslætti eða verða
ABN Amro og Landsbankinn áfram
aðilar að láninu.
Innherji skrifar
innherji@mbl.is
PHILIP Green, milljarðamæringur
sem efnast hefur á viðskiptum með
verslunarkeðjur, tilkynnti í gær að
hann hefði náð samkomulagi við
Baug um að kaupa 20% hlut Baugs í
Arcadia.
Philip Green gerði stjórn Arcadia
í gær tilboð í allt hlutafé félagsins og
miðast tilboðið við staðgreiðslu á öllu
hlutafénu. Í upphaflegu tilboði
Greens, en tilboðin gerir hann í
gegnum Taveta Investments sem er
fyrirtæki í eigu hans og fjölskyldu
hans, var gert ráð fyrir þátttöku
Baugs og að Baugur eignaðist hluta
af verslunarkeðjum Arcadia.
Nýtt tilboð Greens er jafnhátt og
fyrra tilboð hans, 408 pens á hlut, en
hærra en upphafleg verðhugmynd
hans sem var 365 pens. Tilboðið er
háð því skilyrði að stjórn Arcadia
muni mæla með því við hluthafa og
að fjármögnun gangi eftir. Af fregn-
um breskra fjölmiðla má ráða að
óvissa sé um fyrra atriðið vegna
skiptra skoðana stórra hluthafa um
fjárhæð tilboðsins, en að fjármögn-
unin muni ekki verða fyrirstaða.
Söluhagnaður Baugs
9,5 milljarðar króna
Í tilkynningu frá Green í gær seg-
ir að þrátt fyrir ítarlegar samninga-
viðræður milli Taveta og Baugs hafi
aðilar ekki getað náð samkomulagi
um sölu til Baugs á þeim eignum
Arcadia sem Baugur
hefur sýnt áhuga á að
eignast. Vegna þessa
hafi viðræðum milli
Taveta og Baugs um
þessi mál verið slitið
og að tilboðið í Arcadia
sé ekki lengur að
neinu leyti háð skil-
yrðum sem varði
Baug.
„Það er enginn
samningur, samkomu-
lag, eða skilningur,
formlegur eða óform-
legur af neinu tagi
milli Taveta og Baugs
sem hafa að einhverju
leyti með eignir Arc-
adia að gera, að því
undanskildu að Taveta hefur sagt
við Baug að ef félagið gerir tilboð og
það tilboð gengur eftir, muni það
upplýsa Baug þegar búið er að skilja
vörumerkin sem voru tilefni samn-
ingaviðræðna frá öðrum rekstri Arc-
adia Group og að það verði tilbúið á
þeim tíma, án nokkurra skuldbind-
inga eða fyrirfram gerðra gjörninga
að ræða við Baug,“ segir í tilkynn-
ingunni frá Green. Því er bætt við að
Taveta staðfesti auk þess að ef félag-
ið ákveði innan árs að selja einhverja
af umræddum eignum, „muni það
gera það með þeim hætti að aðilum
gefist tækifæri til að bjóða í þær
eignir,“ eins og segir í
tilkynningunni.
Miðað við tilboð
Greens mun hann
greiða rúma 105 millj-
arða króna fyrir Arc-
adia og verð 20% hlutar
Baugs er því um 21,2
milljarðar króna. Í bók-
um Baugs er Arcadia-
hluturinn færður á tæp-
lega 11,7 milljarða
króna og söluhagnaður
félagsins verður því um
9,5 milljarðar króna ef
af viðskiptunum verður.
Ekki samdist um verð á
Top Shop, Top Man og
Miss Selfridge
Í BBC er haft eftir Green að ef
hann ákveði að selja einhver af vöru-
merkjum Arcadia innan árs muni
salan verða á samkeppnisforsend-
um. Haft er eftir talsmanni Baugs að
fyrirtækið hafi enn áhuga á að eign-
ast sum af vörumerkjum Arcadia, en
hafi orðið að sætta sig við að ekki var
hægt að ná um það samningum.
BBC segir að sérfræðingar hafi met-
ið verðmæti þeirra verslunarkeðja
sem talið er að Baugur hafi áhuga á,
Top Shop, Top Man og Miss Self-
ridge, á sem svarar 27 til 34 millj-
örðum króna.
Financial Times segir að nú muni
stjórn Arcadia hittast til að ræða
viðbrögð sín við nýju tilboði Greens.
Blaðið segir flesta sérfræðinga telja
tilboðið gott, en þar sem Green sé
þekktur fyrir að kaupa mjög ódýrt
muni stjórnin vilja vera alveg viss
um að tilboðið samræmist að fullu
verðmæti fyrirtækisins.
Í Guardian segir að talsmaður
Greens hafi ekki viljað segja neitt
um það hvort rannsókn lögreglu hafi
átt þátt í að Green ákvað að gera til-
boð einn en ekki með Baugi. Þar
kemur einnig fram að álitið sé að
meginskýringin á því að ekki náðust
samningar sé sú að samkomulag hafi
ekki orðið um verð á verslunarkeðj-
unum sem Baugur hefur haft áhuga
á. Guardian segir að Green sé talinn
vilja halda í vörumerki sem höfði
meira til þeirra sem eldri eru, sem
séu Burton, Dorothy Perkins og
Wallis. Það þýði að Evans, Top
Shop, Top Man og Miss Selfridge
verði hugsanlega til sölu og haft er
eftir sérfræðingum að Green muni
ekki verða í vandræðum með að
selja þessi vörumerki.
Skiptar skoðanir hluthafa um fjár-
hæð tilboðsins í Arcadia
Reuter fréttastofan segir að
ákvörðun stjórnar Arcadia kunni að
liggja fyrir í dag. Ef ákveðið verði að
selja muni framkvæmdastjóri fyrir-
tækisins Stuart Rose hagnast um
sem nemur 3,4 milljörðum króna
vegna kaupréttarsamninga, en
rekstur fyrirtækisins hafi færst
mjög til betra horfs á síðustu tveim-
ur árum undir stjórn Rose. Í nóv-
ember árið 2000 hafi verð hlutabréfa
þess farið undir 50 pens en í apríl í
ár hafi verðið komist yfir 400 pens.
Þetta hafi fylgt í kjölfar umfangs-
mikillar endurskipulagningar, sem
hafi meðal annars falið í sér að
hundruðum verslana Arcadia hafi
verið lokað.
Reuter segir skiptar skoðanir
meðal stofnanafjárfesta í Arcadia
um hvort taka eigi tilboði Greens, en
með því verði sem í boði er sé fyr-
irtækið verðlagt undir meðaltali
verslunargeirans í heild sé miðað við
áætlanir um tekjur. Barclays Global
Investors, sem með 10% hlut er
stærsti hluthafinn fyrir utan Baug,
er sagður ekki hafa tekið ákvörðun,
en Standard Life, sem á 9% hluta-
fjárins, er sagður telja verðmæti
bréfanna nær 500 pensum en þeim
408 sem í boði eru. Schroders, sem á
2% hlut, og M&G, sem á 3%, eru að
sögn Reuters sáttir við verðið.
Lokaverð Arcadia í gær var 388
pens á hlut og hækkaði gengi bréfa
félagsins um 2,9% yfir daginn.
Baugur samþykk-
ir sölu á Arcadia
Salan er háð samþykkt stjórnar Arcadia. Engir samningar
náðust um kaup Baugs á hluta af vörumerkjum Arcadia.
REUTERS
Philip Green hyggst
staðgreiða rúma 105
milljarða fyrir Arcadia.
BJÖRN Wolrath, stjórnarformaður
JP Nordiska, er einn þeirra stjórn-
armanna sem Kaupþing óskar ekki
eftir að sitji lengur í stjórninni. Í sam-
tali við Morgunblaðið segir Wolrath
að óeðlilegt sé að Kaupþing fari fram
á hluthafafund í JP Nordiska áður en
yfirtökutilboðsferlinu er lokið.
Að mati Wolraths fara forsvars-
menn Kaupþings of hratt í sakirnar í
þessu máli. Wolrath segir að stöðug-
leiki verði að ríkja þegar banki eigi í
hlut og trúverðugleiki sé í húfi þegar
deilur ríkja innan bankastofnana.
Sigurður Einarsson segir í Morg-
unblaðinu í gær að JP Nordiska þurfi
meiri handleiðslu eigenda. Wolrath
segir að fulltrúar eigenda sitji vissu-
lega í stjórn Nordiska og á milli
þeirra og stjórnarformanns og for-
stjóra ríki sátt. Wolrath segir að
nauðsynlegt sé að óvilhallur aðili geri
athugun á yfirtökutilboði Kaupþings.
Ekki hefur verið ákveðið hvaða banki
mun annast hana en Wolrath segir að
það verði sænsk bankastofnun sem
hafi alþjóðleg tengsl.
Gagnrýni á misskilningi byggð
Sænsk samtök hlutabréfaeigenda
(Aktiespararna) gagnrýna Kaupþing
fyrir að fara ekki að sænskum sið-
venjum varðandi hlutabréfaviðskipti,
að því er greint var frá á fréttavef
sænska viðskiptablaðsins Dagens
Industri í gær. Lars Milberg, lög-
maður samtakanna, segir í samtali
við DI að samtökin íhugi nú að skjóta
málinu til hlutabréfamarkaðsnefndar
sem muni úrskurða um hvort krafa
Kaupþings um hluthafafund í JP
Nordiska sé í samræmi við góða sið-
venju á hlutabréfamarkaði. Milberg
segir að erlendir aðilar hafi oft átt í
erfiðleikum með að aðlagast siða-
reglum á sænskum hlutabréfamark-
aði.
Í samtali við Morgunblaðið vísar
Sigurður Einarsson, forstjóri Kaup-
þings, þessari gagnrýni á bug og seg-
ir hana á misskilningi byggða. „Gagn-
rýni okkar kemur tilboði okkar í
hlutabréf í Nordiska ekkert við. Við
teljum að fyrirtækinu sé illa stýrt og
óljóst hvert núverandi stjórnarmeiri-
hluti vill stefna fyrirtækinu. Þar er-
um við að gæta hagsmuna allra hlut-
hafa.“
Sigurður segir að Kaupþing hafi
vissulega kynnt sér siðareglur á
sænskum hlutabréfamarkaði og fé-
lagið hafi einnig mjög hæfa ráðgjafa,
þ.e. Handelsbanken Securities og
Vinge sem lögfræðiráðgjafa. „Siða-
reglur kauphallanna í Stokkhólmi og
í Reykjavík eru eins,“ segir hann.
Sigurður Einarsson er enn sannfærð-
ur um að mikill meirihluti hluthafa
JP Nordiska styðji tillögu Kaup-
þings.
Magnusson lýsir yfir stuðningi
Lars Magnusson er næststærsti
eigandi JP Nordiska með 13% hluta-
fjár í félaginu. Hann hefur lengi viljað
að Christer Bergquist víki úr stjórn,
að því er greint er frá á vef Svenska
Dagbladet í gær. Magnusson er þar á
sama máli og Kaupþing sem lýst hef-
ur því yfir að Christer Bergquist og
Björn Wolrath verði ekki á meðal
þeirra sem tilnefndir verða í stjórn á
hluthafafundinum sem Kaupþing
hefur farið fram á. Magnusson segist
í samtali við Svenska Dagbladet telja
það jákvætt að Kaupþing fái aukin
áhrif í Nordiska, sem ekki hafi verið
nógu vel rekið. Magnusson segist þó
ekki hafa tekið afstöðu til tilboðs
Kaupþings.
Björn Wolrath, stjórnarformaður JP Nordiska, segir trúverðugleika í húfi
Kaupþing fer of hratt í sakirnar
Krónan
hækkar
um 1%
GENGI íslensku krónunnar
hækkaði um 1% í líflegum við-
skiptum á millibankamarkaði í
gær, samkvæmt upplýsingum
frá gjaldeyrisborði Íslands-
banka. Viðskipti námu 12,3
milljörðum króna, en sala á hlut
Baugs í Arcadia hafði mikil
áhrif. Gengisvísitala krónunnar
var 131,45 stig í upphafi dags
en endaði í 130,17 stigum. Vísi-
tala krónunnar mælir verð er-
lendra gjaldmiðla og þess
vegna lækkar hún þegar gengi
krónunnar styrkist.
Krónan hefur styrkst um
0,2% frá mánaðamótum og frá
áramótum hefur hún styrkst
um 8,4%.