Morgunblaðið - 01.12.2002, Blaðsíða 26
Frá starfi leikstofu barnadeildar Landspítala — háskólasjúkrahúss í Fossvogi.
Thorvaldsenskonur byrj-uðu á að styrkja barna-deild Landskots árið1972 og þær eru búnarbeinlínis að tæknivæða
deildina ásamt öðru, þau ár sem liðin
eru síðan,“ segir Auður Ragnarsdótt-
ir, hjúkrunardeildarstjóri á barna-
deild Landspítala – háskólasjúkra-
húss í Fossvogi, en henni er ofarlega í
huga að minnast gjafmildi Thorvald-
sensfélagsins í Reykjavík, nú þegar
umrædd barnadeild er að sameinast
Barnaspítala Hringsins hvað líður.
„Ég útskrifaðist sem hjúkrunar-
fræðingur árið 1975 og fór þá strax
að starfa á barnadeild Landakots.
Það hafa orðið gríðarlega breytingar
í barnahjúkrun á þessum tíma, eink-
um hefur orðið mikil sérhæfing með-
al hjúkrunarfræðinga. Legutími er
alltaf að styttast og sjúklingar eru nú
almennt veikari en áður. Að hluta til
er þessi þróun vegna tilkomu göngu-
og dagdeilda, þannig að það eru veik-
ustu börnin sem eru lögð hér inn.
Foreldrar voru farnir að koma inn
á barnadeildir í ákveðna heimsókn-
artíma þegar ég hóf störf í hjúkrun,
en í upphafi starfs barnadeilda þótti
ekki æskilegt að foreldrar kæmu
mikið inn á sjúkrahús til barna sinna.
Auðvitað voru einstaka undantekn-
ingar þegar um var að ræða mjög
mikið veik börn.
Síðan þróaðist þetta og foreldrarn-
ir fóru að vera æ meira á deildinni.
Starfsfólkið þurfti nokkra aðlögun í
þessum efnum, það voru viðbrigði að
hafa áhorfendur að flestu því sem
verið var að gera. En menn hafa
löngu gert sér grein fyrir að þetta er
langbest fyrir barnið og gerir alla
umönnun þess mun auðveldari.
Thorvaldsensfélagið kom til skjal-
anna þegar þessi þróun var kominn
nokkuð á veg. Þær gáfu húsgögn –
rúm, góða stóla, lampa og fleira til að
betur færi um foreldrana meðan þeir
sinntu barni sínu á sjúkrahúsinu. Áð-
ur höfðu þær gefið margar góðar
gjafir, svo sem tæki til að mæla lífs-
mörk barna inni á stofum, hitakassa
og hitaborð fyrir mikið veik ungbörn.
Þegar systurnar fluttu úr húsnæði
sínu á þriðju hæðinni á Landakoti í
kjölfar þess að ríkið tók við rekstri
sjúkrahússins var innréttuð leikstofa
og foreldraherbergi á barnadeildinni.
Thorvaldsenskonur gáfu útbúnað í
þessa aðstöðu.
Meðan deildin var á Landakoti
voru þrengslin slík að foreldrarnir
urðu að sofa á dýnum á gólfinu. Þegar
barnadeildin flutti í Borgarspítalann í
Fossvogi gáfu þær ný sjúklingarúm
og fjölmargt fleira. Væru ekki fyrir
hendi frá okkur ákveðnar óskir um
hvað þyrfti að kaupa létu þær okkur
gjarna vita að deildinni væri ætluð
ákveðin fjárhæð og óskuðu eftir að yf-
irlæknir og þeir aðrir sem að málinu
kæmu veltu fyrir sér hvað mest lægi á
að kaupa hverju sinni.
Við fluttum einungis með okkur
frá Landakoti gömlu smábarnarúm-
in. Þau eru enn í notkun og hafa stað-
ið sig mjög vel.
Thorvaldsenskonur hafa löngum
verið stórgjöfular. Þær keyptu m.a.
nokkra svokallaða „Lazyboy-stóla“
fyrir foreldra sem þurfa að sitja lengi
við sjúkrarúm barna sinna og þótti
mikil bragarbót, þær sáu og um að
sjónvarpsvæða stofurnar, svo eitt-
hvað sé nefnt í viðbót af öllu sem þær
hafa látið af hendi rakna til barna-
deildarinnar hér. Hefði þessara gjafa
ekki notið við hefði deildin verið mun
snauðari að tækjum og húsgögnum,
það er alveg víst að aðbúnaður hefði
þá verið allur af skornari skammti.
Góður aðbúnaður auðveldar mjög
alla hjúkrun, ekki síst þegar þróunin
er í þá átt að börnin sem inni liggja
eru mjög veik. Hér hefur í reynd ver-
ið rekin barna- og fjölskylduhjúkrun.
Það þarf að hlúa að foreldrum í þess-
um aðstæðum – sjá um að leysa þá af
svo þeir komist í mat og geti hvílt sig.
Ekki aðeins hafa foreldrar dvalið
hér langdvölum með börnum sínum
heldur hafa systkini sjúklinganna
líka verið hér af og til.
Heimahjúkrun hefur verið komið á
í áranna rás og nú er í umræðunni að
koma á sjúkrahústengdri heima-
hjúkrun fyrir börn.
Gert er ráð fyrir að hinn nýi
Barnaspítali Hringsins taki til starfa
snemma á næsta ári. Það er mikið
undirbúningsstarf búið að standa yf-
ir; hvernig best megi standa að sam-
einingu barnadeilda Landspítalans. Í
hinu nýja og glæsilega húsi Barna-
spítalans við Hringbraut er gert ráð
fyrir tveimur lyfjadeildum, einni
handlækningadeild og á fyrstu hæð
verða dag- og göngudeild og bráða-
móttaka barna.
Flestir starfsmenn fara til starfa á
barnasviði Barnaspítala Hringsins
Á barnadeildinni í Fossvogi hefur
verið starfrækt mjög blönduð 23
rúma deild fyrir börn á öllum aldri,
nánast frá fæðingu og upp í 18 ár.
Meirihluti starfsmanna hér fer til
starfa á barnasviði hins nýja barna-
spítala.
Áfram verða þó ákveðnar sér-
greinar barnalækninga í Fossvogi,
þ.e. heila- og taugaskurðlækningar,
háls-, nef- og eyrnalækningar og
bæklunarlækningar og áfram verður
einnig tekið á móti slösuðum börn-
um.
Starfsfólkið héðan mun sækja um
vinnu við ákveðnar einingar á hinum
nýja stað eftir sérhæfingu sinni.
Þetta leiðir af sér að hópurinn hér
mun sundrast. Þau börn sem þurfa
að dvelja í Fossvogi njóta þjónustu
frá Barnaspítala Hringsins. Mikil
eining hefur verið hér meðal starfs-
fólks sem margt hefur unnið saman í
áraraðir. Við erum því að fara, ef svo
má segja, í gegnum ákveðið „sorg-
arferli“. En um leið og við kveðjum
með söknuði það nána samstarf sem
hér hefur ríkt hlökkum við auðvitað
til að taka til starfa á nýjum vett-
vangi. Við erum vongóð um að það
takist að færa saman það besta úr
„menningarheimum“ barnadeild-
anna sem nú eru að sameinast.
Við þessi tímamót vonumst við
einnig til að geta á einhvern hátt
minnst sem vert er þeirrar miklu vel-
vildar og aðstoðar sem barnadeildin
hér hefur notið frá hendi Thorvald-
sensfélagsins í Reykjavík.“
Thorvaldsenskonur
hafa verið stórgjöfular
Gömul mynd frá því að barnadeildin var á Landakoti þar sem þrengsli voru oftmikil.
26 SUNNUDAGUR 1. DESEMBER 2002 MORGUNBLAÐIÐ
Meðlagsgreiðendur!
Vinsamlegast gerið skil hið fyrsta
og forðist vexti og kostnað
Lágmúla 9 - 108 Reykjavík - Kt. 530372 0229 - www.medlag.is
Banki 0139-26-4700 - Sími 590 7100 - Fax 590 7101
THORVALDSENSFÉLAGIÐ hefur
verið æði duglegt að styðjað við
bakið á barnadeild Landakotsspít-
ala sem síðar var svo flutt á
Borgarspítala, en er nú að sam-
einast Barnaspítala Hringsins í
nýju húsi.
Þær Thorvaldsenskonur hafa af
mikilli útsjónarsemi safnað pen-
ingum til þessa verkefnis – en
hvernig?
„Fyrst og fremst höfum við
safnað fé með sölu jólamerkja og
jólakorta,“ sagði Guðlaug Jónína
Aðalsteinsdóttir, formaður Thor-
valdsensfélagsins.
„Einnig höfum við gefið út
minningarkort og síðast en ekki
síst hefur rekstur Thorvaldsens-
basars gefið okkur talsvert í aðra
hönd.“
Hafið þið einskorðað ykkar
fjárhagsaðstoð við barnadeild
Landakotsspítala lengi?
„Í 30 ár hefur okkar stærsti
fjárhagsstyrkur runnið til þess-
arar deildar, en við höfum styrkt
önnur verkefni líka, má segja allt
mögulegt en þó fyrst og fremst
það sem lýtur að börnum.“
Hvaða gjöf, sem þið hafið gef-
ið barnadeildinni, er ykkur eft-
irminnilegust?
„Líklega er mér minnisstæðast
þegar barnadeildin flutti í Borg-
arspítala – þá voru gefin sjúkra-
rúm og fleira tilheyrandi fyrir um
5 milljónir króna.“
Hvað kaupir fólk hjá ykkur
sem gefur svo miklar tekjur?
„Fjárhagslega höfum við mest
út úr því að selja jólakort og jóla-
merki, líklega gefur það tvær til
þrjár milljónir króna á ári. Allt er
þetta unnið í sjálfboðastarfi
þannig að kostnaður er lítill nema
hvað prentunin kostar eitthvað.
Thorvaldsensbasar er hins veg-
ar rekinn eins og venjuleg versl-
un, með einum launuðum starfs-
manni og við kaupum inn í
verslunina rétt eins og gerist
annars staðar, en eigi að síður
gefur verslunin okkur talsvert.
Tvær félagskonur starfa í sjálf-
boðavinnu dag hvern í versluninni
með starfmanninum. Verslunin er
félaginu auk þess mikils virði sem
eins konar félagsmiðstöð.“
Ætlið þið að styrkja barna-
deildina frá Landakoti nú þegar
hún verður sameinuð Barnaspít-
ala Hringsins?
„Já, við hættum ekkert að
styrkja veik börn þó að þau fær-
ist til í húsnæði eða milli deilda.
Þetta starf er okkur mikið hjart-
ans mál og við viljum ekki hætta
að styrkja það heldur ætlum að
leggja okkar af mörkum. Einnig
viljum við halda áfram samstarfi
við hið ágæta starfsfólk barna-
deildarinnar sem við höfum skipt
við öll þessi ár. Við höfum einnig
að auki undanfarin ár styrkt
barna- og unglingageðdeildina og
ætlum líka að halda því áfram.“
Hvað er á jólamerkinu ykkar í
ár?
„Nú er á merkinu myndin Jóla-
sveinar eftir Þröst Magnússon.
Hann hefur gefið félaginu sína
vinnu við gerð myndarinnar. Jóla-
kortið okkar í ár heitir Jólaæv-
intýri og er eftir Sigríði Braga-
dóttur, grafískan hönnuð. Hún
hefur einnig gefið sína vinnu.
Aðstoð við börn er
okkar hjartans mál
Morgunblaðið/Jim Smart
Guðlaug Jónína Aðalsteinsdóttir
með jólamerki Thorvaldsens-
félagsins í ár.
Bómullar-satín
og
silki-damask
rúmföt
Skólavörðustíg 21,
sími 551 4050
Mörkinni 3, sími 568 7477
www.virka.is
Opið mán.-fös. frá kl. 10-18 og laugard. frá kl. 10-14
Bútasaumsefni
Bækur og snið
Gífurlegt úrval
Kokkabókastatíf
Verð 3.990 kr.
Klapparstíg 44
Sími 562 3614
Litir: Svart, blátt,
grænt, grátt