Morgunblaðið - 21.12.2002, Page 75
Endurreist Iron Maiden, árið 2000.
IRON MAIDEN hafa undanfarin tvö
ár gengið í gegnum endurnýjun líf-
daga. Endurkoma Bruce Dickinson
fyrir þremur árum, þess söngvara
sem hvað mestan svip hefur sett á
sögu sveitarinnar og jafnframt gít-
arleikarans Adrian Smith hefur
blásið öllum meðlimum nýju afli í
brjóst, og Maiden virðist nú til alls
líkleg, 26 árum eftir stofnun! Þetta
árið hefur þó einkennst af upprifj-
ununum, líkt og ætlunin sé að
hreinsa aðeins borðið áður en sköp-
unarermarnar verða brettar upp á
nýjan leik.
Edward the Great: The Greatest
Hits er safnplata sem út kom fyrir
stuttu og eins og nafnið gefur til
kynna, safnar hún saman öllum vin-
sælustu lögum þessarar þekktu
þungarokkssveitar. Þó lög Maiden
hafi kannski ekki verið þaulsetin á
vinsældalistum allajafna búa þeir yf-
ir gnægð slagara og er safnið hugs-
að sem skotheld kynning á því besta
sem sveitin hefur upp á að bjóða.
Þannig er ekkert verið að flækja
hlutina neitt að óþörfu og er opn-
unarlagið t.d. „Run to the Hills“, eitt
allra langlífasta og um leið eitt mest
grípandi lag sveitarinnar frá upp-
hafi. Síðan rekur hvert lagið annað:
„The Number of the Beast “, „2 Min-
utes to Midnight“, „Can I Play With
Madness“, „Bring Your Daught-
er...to the Slaughter“ o.s.frv. Já, þau
eru öll hérna. Heil fjögur lög eru
þannig af einni best heppnuðustu
plötu Maiden, Seventh Son of a Sev-
enth Son frá 1988 (auk „Can I Play
With Madness“ eru hér „The Evil
That Men Do“, „The Clairvoyant“ og
hið magnaða „Infinite Dreams“). Við
lok disksins getur svo að heyra tvö
lög sem Blaze Bailey syngur, en
hann tók við af söngspíru sveit-
arinnar, Bruce Dickinson, þegar
hann hætti störfum árið 1993. Bruce
er hins vegar kominn aftur í raðir
sveitarinnar og heyra má hann
kyrja hið ágæta „Wicker Man“ af
síðustu hljóðversplötu sveitarinnar,
Brave New World (2000). Lokalagið
er hið epíska „Fear of the Dark“ af
samnefndri plötu, tekið upp á tón-
leikum í Rio de Janeiro, „Rock in Rio
III“, þar sem sveitin lék fyrir ríflega
250.000 manns! Tónleikaplata með
þessum tónleikum kom út í mars á
þessu ári.
Ný plata 2003
Samhliða safnplötunni kom einnig
út kassinn Eddie’s Archive, forláta
stálkassi með þremur tvöföldum
hljómdiskum í og ýmiss konar
glingri aukreitis. Þar er t.d. að finna
kristals-skotglas, mótað eftir höfði
Eddie’s, lukkuskrímsli sveitarinnar
og númerað plagg sem hefur að
geyma fjölskyldutré Iron Maiden,
þ.e. útlistun á skipan sveitarinnar í
gegnum árin. Plaggið er upprúllað
og utan um það er sérstakur hring-
ur, sem ber tákn Eddie. Með hverj-
um diski fylgir 24 síðna bæklingur,
þar sem er að finna sjaldgæfar
myndir auk ýmissa fróðlegra upp-
lýsinga.
Diskarnir sjálfir innihalda sjald-
heyrðar tónleikaupptökur, allt frá
1979, er Paul Di’Anno þandi radd-
böndin. Mikið af upptökunum voru
hljóðritaðar sérstaklega fyrir BBC.
Þá er einn diskurinn undirlagður af
tónleikum Maiden í Hammersmith
árið 1982, er hljómsveitin var að
kynna plötu sína, Number of the
Beast. Sú plata er talin ein af tíma-
mótaverkum þungarokkssögunnar
og eru téðir tónleikar sveipaðir goð-
sögulegum hjúp. Einnig er þarna
safn bestu b-hliða.
Nýjustu fréttir herma að Iron
Maiden sé að undirbúa nýja hljóð-
versplötu sem út kemur á næsta ári.
Þetta yrði þrettánda plata sveit-
arinnar (fín tala!) og er nú búið að
upplýsa um fyrstu tónleikana sem
farnir verða í kjölfarið. Opn-
unartónleikarnir verða 25. júní í
Bercy-höllinni í París, sömu höllinni
og nýpússuð Maiden hóf Evróputúr
sinn haustið 1999. Þá mun sveitin
leika á Hróarskelduhátíðinni 27.
júní.
Maiden hafa aldrei verið þekktir
fyrir að spara eitthvað við sig þegar
kemur að tónleikum, frekar en öðru.
Allt er gert upp í topp, af elju mikilli
og einlægni. Segir sjarmörinn Dick-
inson:
„Við förum á flakk og gerum alla
þessa hallærislegu hluti nú sem áð-
ur: verðum með risasvið, spreng-
ingar, flota af trukkum og fylkingu
af róturum.“
Eða eins og segir í laginu: „Iron
Maiden’s gonna get you ... no matter
how far!“
Iron Maiden hefur verið
með fremstu þunga-
rokkssveitum heims
allt frá því að hún var
stofnuð fyrir rúmum
aldarfjórðungi.
Arnar Eggert Thor-
oddsen kynnti sér nýja
safnplötu og nýjan safn-
kassa sveitarinnar.
arnart@mbl.is
Járnfrúrnar eilífu
Tvö ólík söfn með Iron Maiden
MORGUNBLAÐIÐ LAUGARDAGUR 21. DESEMBER 2002 75
THE THING
Margir þekkja eflaust hryllings-
myndina The Thing, en leikurinn
sem hér um ræðir er framhald henn-
ar, ef svo má segja,
byggist ekki á atburð-
um í myndinni en hef-
ur þaðan umhverfið;
yfirgefna bækistöð á
Suðurskautslandinu.
Leikurinn gengur út á
baráttu við ófreskju sem getur
breytt sér í þá sem hún étur.
Leikurinn er ágætlega heppnuð
blanda af ævintýraleik og þrautaleik,
því ekki er bara að menn þurfi að
læðast eftir göngum eða brjótast yfir
hjarn, heldur þarf líka að leysa
þrautir. Samskipti við aðrar persón-
ur eru býsna fjölbreytt og breytileg
eftir persónugerð hvers og eins, en
hægt er að sjá stöðuna á þeim á mæl-
um, óttamæli og traustmæli. Hægt
er að senda menn í sendiför, láta þá
elta mann eða bíða og svo má telja,
en mestu skiptir að byggja upp
traust. Snemma lærist manni að
drepa ekki einhvern sem maður hef-
ur grunaðan um að vera ófreskjan
svo aðrir sjái, því þá minnkar traust-
ið hjá hinum eða hverfur sem þýðir
að viðkomandi muni ekki taka þátt í
baráttunni, ekki fylgja skipunum og
svo má telja. Þetta gefur skemmti-
lega vídd í leikinn, því ekki er nóg að
skjóta og skjóta, maður þarf að spá í
hlutina.
Til að komast að því hver er
ófreskja er hægt að fylgjast með
hegðun, en einnig er hægt að taka
blóðprufur. Þegar búið er að finna
óvættinn er síðan nóg af vopnum til
að berjast við hann, sprengjur og
byssur, en það er líka hægt að búa til
vopn úr hlutum sem eru hér og þar.
Ekki bara spennandi leikur heldur
líka ágætar þrautir sem sumar er
hægt að leysa á fleiri en einn veg.
Ekki er þó hlaupið að því að komast
inn í leikinn, en það borgar sig að
vera þolinmóður. Hljóðið er frábært
og grafíkin mjög góð.
Framleiðandi: Computer Artworks
Vélagerð: PC
Aldursmörk: Fyrir fimmtán ára og eldri
Stjörnur: MEDIEVAL: TOTAL WAR
Medieval: Total War er endurgerð
leiksins Shogun Total War. Að þessu
sinni er leiksviðið Evrópa á miðöld-
um og fyrir vikið er
hann ekki eins fram-
andlegur og Shogun
var á köflum. Segja
má að leikurinn sé
einskonar sambland
af Civilisation og
Command and Con-
quer, því leikandinn er að byggja
upp ríki og um leið að berjast fyrir
tilverurétti þess.
Í upphafi stýrir maður smáríki á
miðöldum og markmiðið er að
stækka það – á kostnað nágranna-
ríkja. Ríkið hefur tekjur af skatt-
löndum í útjaðri sínum og getur not-
að þær tekjur til að styrkja innviði
og efla herinn, líkt og í hefðbundnum
skipulagsleikjum. Fara verður spar-
lega með fé, því ef of miklu er eytt í
að bæta efnahaginn verður herinn of
veikburða og öfugt.
Einfalt er að gera innrás í næsta
ríki, maður sendir bara herflokka á
staðinn, en þegar til átaka kemur
breytist leikurinn í rauntíma bar-
dagaleik sem er sérdeilis glæsilegur
þegar grafíkin er annars vegar, ekki
bara með blóði heldur einnig þoku,
snjó, rigningu, sólarbreiskju og
hvassviðri, en landslag er mjög fjöl-
breytt, 400 mismunandi vígvellir.
Alls geta upp undir 10.000 manns
barist á sama tíma en hægt er að
velja sér tólf þjóðir eða þjóðarbrot til
að stýra. Hermenn eru álíka og tíðk-
aðist á miðöldum og vopn eftir því,
sverð, slöngvivaðir, lásbogar og örv-
ar, spjót og svo má telja, en vopnin
ráðast af því hvar er verið að berjast
í heimi sem nær frá Írlandi til Rúss-
lands í norðri og frá Marokkó til
Jórdaníu í suðri.
Framleiðandi: Activision
Vélagerð: PC
Aldursmörk: 10 ára og eldri
Stjörnur: Leikir
Árni Matthíasson
FÓLK Í FRÉTTUM