Morgunblaðið - 03.01.2003, Blaðsíða 24
HÖFUÐBORGARSVÆÐIÐ
24 FÖSTUDAGUR 3. JANÚAR 2003 MORGUNBLAÐIÐ
AKUREYRI
SKJALDARVÍK
TIL SÖLU
Fasteignir Akureyrarbæjar auglýsa til sölu og óska
eftir tilboðum í fasteigninar Ytri og Syðri - Skjaldarvík,
í Hörgárbyggð.
Um er að ræða:
· Íbúðarhús, 182,3 m² á einni hæð.
· Íbúðarhús á tveimur hæðum samtals 242,5 m².
· Áður dvalarheimili, heildarstærð 1.867 m², húsið er á tveimur
hæðum og kjallari.
· Skemma samtals 126 m².
· Vélaskemma og geymsla samtals 364 m².
· Fjós, kálfahús og hlaða samtals 560 m².
Húsunum verður afmörkuð leigulóð og til greina kemur að leigja
væntanlegum kaupendum úthaga og tún.
Áskilin er réttur til að taka hvaða tilboði sem er eða hafna öllum.
Tilboðum ber að skila eigi síðar en 9. janúar 2003, kl. 16.00, á
skrifstofu Fasteigna Akureyrarbæjar.
Fasteignir Akureyrarbæjar
Geislagötu 9, 4 hæð,
sími 460 1000, 460 1128.
ÞRÓUNARFÉLAG miðborgarinn-
ar hefur komist að þeirri niðurstöðu
að Lífstykkjabúðin, Laugavegi 4 í
Reykjavík, sé með fallegasta jóla-
gluggann í ár, en viðurkenning sem
þessi hefur verið veitt á aðventunni
nokkur undanfarin misseri.
Viðurkenningunni er ætlað að
vera hvatning til kaupmanna um að
huga vel að andliti verslana sinna,
gluggunum, og færa um leið hátíð-
arblæ jóla og áramóta yfir miðborg-
ina. Dómnefnd segir í umsögn sinni
að útstillingin sé afar fagmannlega
unnin, skreytingin fínleg en jafn-
framt hátíðleg.
Ásamt eiganda Lífstykkjabúðar-
innar, Guðrúnu Steingrímsdóttur,
tók hönnuður gluggans, Erna Sig-
mundsdóttir, við viðurkenningu frá
þróunarfélaginu en hún útskrifaðist
frá Iðnskólanum í Hafnarfirði í vor
með hæstu einkunn í gluggaútstill-
ingum.
Formaður dómnefndar, Einar
Örn Stefánsson, lét þess getið í
ræðu sinni að Lífstykkjabúðin, sem
hefur verið starfandi í miðborginni
óslitið síðan árið 1916, ætti í raun
verðlaun skilið fyrir það eitt að
halda fast í sitt gamla og góða ís-
lenska nafn. „Hún hefur ekki látið
glepjast til endurskírnar, verslunin
heitir sem betur fer ekki Mómó,
Mímí, Dídí eða Dódó – en eru þetta
ekki dæmigerð nöfn fyrir íslenskar
undirfataverslanir?“ spurði Einar
Örn.
Morgunblaðið/Árni Torfason
Lífstykkjabúðin var með fallegasta jólagluggann í ár. T.v. er eigandi versl-
unarinnar, Guðrún Steingrímsdóttir, og við hlið hennar er hönnuður
gluggaskreytingar, Erna Sigmundsdóttir.
Fallegasti jólaglugginn í Lífstykkjabúðinni
„Heitir sem betur
fer ekki Mómó, Mímí,
Dídí eða Dódó“
Rautt er litur jólanna og hann sómir
sér vel í þessari gluggaskreytingu.
Miðborg
NOKKUR útköll voru hjá
Slökkviliðinu á Akureyri á nýárs-
nótt en ekkert alvarlegt bruna-
útkall. Hins vegar fóru sjúkra-
flutningamenn frá Slökkviliði
Akureyrar í tvö sjúkraflug á
gamlárskvöld og önnur tvö
sjúkraflug á nýársdagsmorgun.
Eldur komst í poka með flug-
eldum í húsi við Þórunnarstræti á
gamlárskvöld en húsráðanda
tókst sjálfum að slökkva eldinn
og varð tjón ekki mikið. Þá ósk-
aði lögreglan eftir aðstoð um kl.
2.30 á nýársnótt vegna rusls sem
var að brenna sunnan við Gler-
árkirkju og var sendur dælubíll á
staðinn. Tæpum tveimur tímum
seinna var óskað eftir sjúkrabíl í
miðbæ Akureyrar vegna slags-
mála. Nokkrir voru fluttir á
slysadeild en enginn þó alvarlega
sár. Hálftíma síðar var tilkynnt
um eld á svölum í raðhúsi við
Furulund. Þegar slökkviliðið kom
á staðinn kom í ljós að húsráð-
andi var að hita upp hátíðarmat-
inn á kolagrilli og eldurinn því af
eðlilegum orsökum, eins og segir
í tilkynningu frá slökkviliðinu.
Sjúkraflutningamenn frá
Akureyri fóru í 186
sjúkraflug árið 2002
Um kl. 6.20 á nýársdags-
morgun var óskað eftir sjúkra-
flugi frá Sauðárkróki til Reykja-
víkur vegna manns sem slasaðist
við fall úr ljósastaur. Tíu mín-
útum síðar var óskað eftir sjúkra-
flugi frá Vopnafirði vegna manns
sem slasaðist í bílveltu. Fór
sjúkraflugvél frá Reykjavík til
Sauðárkróks og önnur vél frá Ak-
ureyri til Vopnafjarðar. Voru
sjúklingarnir komnir á sjúkrahús
í Reykjavík og á Akureyri um kl.
9. Þá fóru sjúkraflutningamenn
frá Akureyri í tvö sjúkraflug á
gamlárskvöld. Annað flugið var
frá Akureyri til Reykjavíkur með
mann sem slasaðist við fall af
hestbaki en hitt flugið frá Egils-
stöðum með eldri konu sem hafði
beinbrotnað við fall heima fyrir.
Sjúkraflugið til Egilsstaða var
jafnframt það síðasta frá Ak-
ureyri á árinu en alls urðu
sjúkraflugin 186 árið 2002. Lang-
flest voru flugin með vélum Flug-
félags Íslands. Sjúkraflutn-
ingamenn frá Slökkviliði
Akureyrar fóru með í öll flugin,
auk þess sem læknar frá FSA
fóru með í 89 þeirra.
Morgunblaðið/Kristján
Fjöldi fólks lagði leið sína á áramótabrennu við Réttarhvamm á Akureyri á
gamlárskvöld, sem lauk með glæsilegri flugeldasýningu í blíðskaparveðri.
Fjögur sjúkraflug
um áramótin
Ekkert
alvarlegt
bruna-
útkall
ÚTHLUTAÐ hefur verið úr Menn-
ingar- og viðurkenningasjóði Kaup-
félags Eyfirðinga, samtals að upp-
hæð 3,9 milljónir króna.
Styrkþegar voru 26 talsins, þar af
fékk 21 styrk til ýmissa verkefna
en einnig var úthlutað styrkjum til
5 einstaklinga, yngri en 25 ára sem
allir hafa unnið afrek í sínum
íþróttagreinum. Þetta er skíðafólk-
ið Björgvin Björgvinsson, Dagný
Linda Kristjánsdóttir og Kristinn
Ingi Valsson, sem öll hlutu 400
þúsund krónur. Sömu upphæð
hlaut Sigrún Benediktsdóttir sund-
kona og þá hlaut Þorsteinn Ingv-
arsson, frjálsíþróttamaður, 200
þúsund krónur.
Þeir sem hlutu styrki úr sjóðn-
um að þessu sinni voru: Aðalheiður
Eysteinsdóttir, vegna myndlistar-
verkefnis, Aðalsteinn Bergdal
vegna útgáfu Markúsarguðspjalls á
geisladiski, Anna Richards og Arna
Valsdóttir vegna barnadansleik-
húss, Björgvin R. Andersen vegna
útgáfu geisladisks með tónlist eftir
Björgvin Guðmundsson, Björn
Hólmgeirsson og Börkur Emilsson
vegna endurbóta á verslunarhús-
næði Kaupfélags Þingeyinga á
Húsavík, Gallerí Plús fékk rekstr-
arstyrk, Hestamannafélagið Hring-
ur, Dalvíkurbyggð, fékk styrk
vegna varðveislu ljósmynda og
myndbanda, Húsfélagið Hákarla-
Jörundur vegna endurbyggingar
gamla Syðstabæjarhússins í Hrís-
ey, Jazzklúbbur Ólafsfjarðar vegna
blúshátíðar, Kammerkór Norður-
lands vegna tónleika, Knattspyrnu-
félag Siglufjarðar vegna uppbygg-
ingarstarfs í kvennaknattspyrnu,
Laufáshópurinn vegna búninga-
gerðar, Laut, athvarf geðfatlaðra,
vegna utanferðar, Nökkvi, félag
siglingamanna, vegna björgunar-
báts, Samráðshópur um Gásaverk-
efni vegna rannsókna og kynninga
á Gásum, Sunna Guðmundsdóttir
vegna myndlistargallerís á Húsa-
vík, Karlakórinn Hreimur vegna
útgáfu á geisladiski, Tónlistarskóli
Hafralækjarskóla vegna verkefnis
um tónlist frá Afríku, Tölvutónar
vegna sjónvarpsþáttar um django-
djass, Valgarður Stefánsson vegna
sögu myndlistar á Akureyri og
Vinir Wathnehúss vegna björgunar
hússins.
Menningar- og viðurkenningasjóður Kaupfélags Eyfirðinga
Tæpum 4 milljónum
úthlutað til 26 aðila
Fæðingar á FSA 418
á síðasta ári
FÆÐINGAR á FSA voru 418 á
síðasta ári og þar af 7 tvíburafæð-
ingar. Þar fæddust því 425 börn á
árinu, 210 stúlkur og 215 drengir,
sem er svipaður fjöldi og und-
anfarin ár en þó heldur færri en
síðustu tvö ár. Á síðustu tólf árum
hafa fæðingar á FSA verið að
meðaltali 421 á ári, að sögn Ingi-
bjargar Jónsdóttur yfirljósmóð-
ur.
Ekkert barn hafði fæðst á FSA
á nýju ári, þegar haft var sam-
band við Ingibjörgu um hádeg-
isbil í gær en hún sagði að fyrstu
fæðingar ársins væri þó ekki
langt að bíða.
Ingibjörg sagði að það hefði
færst í vöxt að konur frá Húsavík
og Sauðárkróki fæddu börn sín á
FSA en færu svo aftur heim og
lægju sængurleguna þar. Hún
sagði að konur hefðu val og að
sumar vildu fæða börn sín á Ak-
ureyri og eins væru konur fluttar
á hátæknisjúkrahús eins og FSA
ef um einhverja áhættuþætti væri
að ræða. Ingibjörg sagði að síð-
asta ár hefði verið ánægjulegt en
ósköp venjulegt ár. alltaf á föstudögum