Morgunblaðið - 04.03.2003, Blaðsíða 22

LANDIÐ
22 ÞRIÐJUDAGUR 4. MARS 2003 MORGUNBLAÐIÐ
HANN var ekki góður fnykurinn
sem mætti fréttaritara Morg-
unblaðsins þegar hann kom að þar
sem þeir Þorvaldur Björnsson, Jón
Ásberg Salómonsson og Ásbjörn
Björgvinsson voru að taka tvo
sundurhlutaða hvali af pallbílum
sínum við Saltvík.
Þarna var um að ræða háhyrning
og grindhval sem báða rak á fjörur
við Suðausturland, nálægt Stokks-
nesi, annan þeirra fyrir rúmu ári en
hinn fyrir nokkrum mánuðum. Þor-
valdur og Jón Ásberg voru að koma
með þá frá Hornafirði og vöktu víst
athygli þar sem þeir höfðu viðdvöl
á leiðinni, þóttu illa þefjandi.
Þarna við Saltvík hafa verið
verkuð og hreinsuð þau bein og
beinagrindur sem hengdar hafa
verið upp á Hvalamiðstöðinni á
Húsavík en þar eru alls fimm hval-
beinagrindur. Nú eru í verkun sex
tegundir, auk þeirra tveggja fyrr-
nefndu eru það andarnefja, skugg-
anefja, hnúfubakur og hluti af búr-
hval.
Þó fnykurinn af þessum hræjum
sé skelfilegur þá er ljóst að beina-
grindurnar koma til með að gleðja
augu gesta Hvalasafnsins í framtíð-
inni þegar Þorvaldur hefur farið
höndum um þær. Þorvaldur sem er
hvalbeinasérfræðingur Nátt-
úrufræðistofnunar Íslands hefur
verið Hvalamiðstöðinni stoð og
stytta þegar kemur að verkun,
hreinsun og uppsetningu á beina-
grindum þessara stóru sjávarspen-
dýra.
Hvalabein hreinsuð
við Saltvík
Morgunblaðið/Hafþór Hreiðarsson
Við hvalbeinahauginn, f.v. Þorvaldur Björnsson, Jón Ásberg Salómonsson
og Ásbjörn Björgvinsson.
Húsavík
KIRKJUKÓR Hrunaprestakalls
hefur frá árinu 1983 selt rjómabollur
til fjáröflunar fyrir kórstarfið daginn
fyrir bolludaginn. Upphafið að þess-
ari sölu kórfélaganna byrjaði þegar
verið var að safna fyrir nýju orgeli í
Hrunakirkju og hefur verið árlega
síðan.
Það var handagangur í öskjunni
og líflegt þegar fréttaritari leit inn til
kórfélaganna sl. sunnudag, um 30
manns voru á fullu við rjómabollu-
gerðina og fyrstu bílarnir voru að
aka úr hlaði frá mötuneyti barna-
skólans á Flúðum. Að sögn Helga
Jóhannessonar, formanns kórsins,
liggur nú nokkru meira við en endra-
nær því kirkjukórinn er að fara til
Ungverjalands í lok október í haust.
Helgi sagði að fólkið í sveitinni tæki
við bollunum með mikill ánægju,
bæði fyrirtæki sem einstaklingar en
þær eru seldar á sanngjörnu verði.
Þá hélt kórinn kvöldskemmtun
hinn 28. mars þar sem m.a. var spilað
bingó. Einnig er fyrirhuguð söng-
skemmtun í vor þar sem þekktir
söngvarar munu koma fram auk
kórsins sjálfs.
Stjórnandi kórsins er Edit Moln-
ár, búsett á Flúðum, en hún er frá
Ungverjalandi.
Seldu rjómabollur
um alla sveit
Hrunamannahreppur
Morgunblaðið/Siggi Sigmunds
Kórfélagarnir Sigríður Guðmundsdóttir, Ágúst Sigurðsson og Guðríður
Þórarinsdóttir vinna við bollugerðina.
KJÚKLINGABÚIÐ Vor ehf. á
bænum Vatnsenda í Villingaholts-
hreppi fékk nýverið umhverfis-
stefnu sína vottaða hjá Beluga og
er þar með þriðja íslenska fyrir-
tækið til að fá þessa vottun og
fyrsta fyrirtækið í landbúnaðargeir-
anum.
Fyrir eru fyrirtækin Hótel
Ljósbrá og Guðmundur Tyrfings-
son ehf. búin að fá umhverfisstefnu
sína vottaða en nokkuð mörg fyr-
irtæki til viðbótar hafa sóst eftir
vottun og eru starfsmenn Beluga að
vinna með þeim. Kjúklingabúið Vor
er í eigu hjónanna Ingimundar
Bergmanns og Þórunnar Kristjáns-
dóttur. Þar var fyrst hafist handa
við framleiðslu á kjúklingum árið
1978 en Vor ehf. var formlega
stofnað árið 1993.
Nýverið var tekið í notkun nýtt
og glæsilegt eldishús sem er 400
fermetra stálgrindarhús en fyrir
voru tvö önnur eldishús sem bæði
voru alfarið tekin í gegn og end-
urbætt árið 2000. Grunnflötur þess-
ara þriggja húsa er samtals 1.000
fermetrar og eru þar framleidd um
170 tonn af kjöti árlega.
Umgengni um húsin er hagað
sem þau séu í sóttkví frá því sótt-
hreinsun lýkur áður en fuglarnir
koma í eldi. Sóttkví þessi helst allt
þar til fuglarnir hafa verið fjar-
lægðir úr þeim. Meðan á sóttkví
stendur er m.a. öllum óviðkomandi
bannaður umgangur og þeir sem
hirða um fuglana fara ekki inn eða
út úr eldishúsunum nema fara eftir
umgengnisreglum s.s. skipta um föt
og skó, þvo og sótthreinsa hendur
og forðast alla ónauðsynlega um-
gengni. Kjúklingabúið Vor ehf. er
fyrsta fyrirtækið í landbúnaðargeir-
anum til að fá umhverfisstefnu sína
vottaða. Forsvarsmenn Beluga von-
ast til að fleiri fyrirtæki í þessum
geira muni fylgja í kjölfarið enda er
áhugi neytenda vaxandi á vörum og
þjónustu frá þeim aðilum sem sýna
fram á virka og viðurkennda stefnu
í þessum málaflokki.
Kjúklingabúið Vor með
vottaða umhverfisstefnu
Morgunblaðið/Sig. Jóns.
Þórunn Kristjánsdóttir, Úlfur Björnsson frá Beluga og Ingimundur Berg-
mann sem heldur á viðurkenningarskjalinu.
Selfoss
nýjar innréttinar fyrir kaffihúsið.
Sem dæmi um breytingar var útbú-
in salernisaðstaða fyrir karlmenn í
símaklefunum, fyrir kvenfólk í
geymsluherbergi og póstflokk-
unarherbergið er orðið að eldhúsi.
Þá eru þau að hugsa um að breyta
skrifstofu stöðvarstjórans í koníaks-
stofu.
Að sögn Kristjönu lögðu fjöl-
margir leið sína til þeirra fyrsta
daginn, en þá voru þau með opið
hús til þess að kynna starfsemina
fyrir fólki, en einnig var boðið upp
á kaffi og konfekt. Kvað Kristjana
marga af gestunum hafa lýst
ánægju sinni með þetta framtak
þeirra hjóna og vænta góðs af þess-
ari starfsemi í framtíðinni.
SÍÐASTLIÐINN sunnudag opnuðu
hjónin Kristjana Andrésdóttir og
Heiðar I. Jóhannsson kaffistofu og
bar í gamla pósthúsinu á Tálkna-
firði. Veitingastaðurinn mun heita
Pósthúsið og verður aðaláherslan
lögð á kaffidrykki og meðlæti, bjór,
léttvín og sterka drykki. Einnig
verður boðið upp á pitsur. Fram-
tíðin mun síðan leiða í ljós hver
vöruþróunin verður.
Húsið var byggt 1979 og tekið í
notkun 1980. Póstur og sími byggði
húsið og rak þar póstafgreiðslu,
sem Íslandspóstur tók síðan yfir. Í
byrjun árs 2002 var póstafgreiðsl-
unni lokað og Sparisjóður Vestfirð-
inga tók við póstþjónustu á Tálkna-
firði. Síðan þá hefur húsið staðið
ónotað, að undanskildum þeim
hluta sem hýsir símstöð og annan
tækjabúnað Landssímans.
Í nóvember sl. tóku þau hjónin
síðan ákvörðun um að kaupa húsið
og breyta því í kaffihús. Þessi
ákvörðun þeirra á að hluta rætur
að rekja til þess að Kristjana hefur
unnið í húsinu frá byrjun, fyrst í af-
leysingum en síðar í fullu starfi og
árið 1993 tók hún við sem stöðv-
arstjóri Pósts og síma á Tálkna-
firði. Eftir að gengið hafði verið frá
kaupunum á húsinu tóku þau hjón-
in til óspilltra málanna að breyta
húsinu fyrir hið nýja hlutverk.
Hefur smíðavinnan hvílt á
Heiðari en hann er húsasmíða-
meistari að mennt og hefur það
vissulega hjálpað við þessar breyt-
ingar. Þurfti að byrja á því að taka
burt innréttingar, saga göt á veggi
og fylla upp í önnur o.m.fl. Úr inn-
réttingunum voru síðan smíðaðar
Kaffihús
opnað í
gamla
pósthúsinu
Tálknafjörður
Morgunblaðið/Finnur
Kristjana og Heiðar við afgreiðsluborðið í nýja kaffihúsinu, en í framhlið
borðsins eru pósthólfin sem notuð voru við póstafgreiðsluna.
VINNUHÓPUR, skipaður af
menntamálaráðherra í fyrrahaust,
hefur lagt til að háskólanámssetur
verði stofnsett á Egilsstöðum. Það á
að tengjast væntanlegu rannsókna-
og þjónustusetri Skógræktar ríkis-
ins, Héraðsskóga, hreindýrarann-
sókna Umhverfisstofnunar, Land-
græðslu ríkisins, Búnaðarsambands
Austurlands og Landsvirkjunar.
Þannig er ætlunin að mynda öfl-
ugt þekkingarsetur sem styður við
háskólanám og rannsóknir á Austur-
landi og er Fræðslunet Austurlands
talinn heppilegur aðili til að halda ut-
an um starfsemina. Í skýrslu vinnu-
hópsins er einnig lagt til að byggður
verði upp svokallaður netháskóli
sem byggist á samstarfi háskólanna í
landinu um fjarkennslu og dreif-
menntun.
Í skýrslunni er gert ráð fyrir að
stofnkostnaður og rekstur háskóla-
námsseturs verði í upphafi greiddur
af fjárlögum. Ekki er langt um liðið
síðan ráðherrar menntamála og iðn-
aðar- og viðskipta undirrituðu sam-
komulag um átak til uppbyggingar
menntunar og menningar á lands-
byggðinni, en þar féllu 16 milljónir
króna í hlut væntanlegs háskóla-
námsseturs undir liðnum „Efling sí-
menntunarmiðstöðva og uppbygging
háskólanámssetra“.
Stofnun háskólanámsseturs
undirbúin á Egilsstöðum
Egilsstaðir
Morgunblaðið/Steinunn Ásmundsdóttir
Í ágúst er stefnt að því að opna í þessum húsakynnum á Egilsstöðum nýtt háskóla- og rannsóknasetur.