Morgunblaðið - 28.03.2003, Blaðsíða 55

ÍÞRÓTTIR
MORGUNBLAÐIÐ FÖSTUDAGUR 28. MARS 2003 55
PETER Storrie, stjórnarformaður
enska 1. deildarliðsins Portsmouth,
segist mjög vonsvikinn yfir þeirri
ákvörðun Hermanns Hreiðarssonar
að ganga í raðir Charlton frekar en
Portsmouth. „Þetta var hans per-
sónulega ákvörðun og hafði ekkert
með peninga að gera. Tilboð okkar
var sambærilegt við það sem Charl-
ton bauð, bæði hvað varðar kaup-
verð og launagreiðslur. Hermann
valdi frekar að fara til Charlton,
sem er vel sett félag í úrvalsdeild-
inni, heldur en til félags sem von-
andi er á leið í deild þeirra bestu.
Þegar við ræddum við Hermann lét
hann í ljós að hann væri mjög
spenntur að leika undir stjórn Harry
Redknapps og fyrir framan stuðn-
ingsmenn Portsmouth, en trygg
staða Charlton í úrvalsdeildinni og
staðsetning félagsins virðist hafa
ráðið mestu um að Charlton varð
fyrir valinu hjá Hermanni,“ segir
Storrie á heimasíðu Portsmouth.
Hermann skrifaði í gær undir
þriggja ára samning við Charlton,
eftir að hann fór í læknisskoðun í
gærmorgun. Charlton borgar Ips-
wich 800 þús. pund fyrir Hermann
og fær liðið 100 þús. pund til við-
bótar, ef það heldur sér uppi í úr-
valsdeild eftir næsta keppnistímabil.
Ipswich keypti Hermann á 4,5 millj.
punda frá Wimbledon, þannig að
hann hefur fallið mikið í verði. Her-
mann má ekki leika með Charlton
fyrr en á næsta keppnistímabili.
„Vonbrigði að fá
ekki Hermann“
Grindvíkingar byrjuðu mjögsterkt í fyrsta leikhluta, sjálf-
sagt minnugir slakrar byrjunar í síð-
asta heimaleik í
Röstinni sem kostaði
þá sigur. Enginn var
þó sprækari en besti
maður vallarins,
Guðmundur Bragason, sem átti sér-
lega góðan fyrsta leikhluta bæði í
vörn og sókn. Þegar tvær mínútur
voru til loka fyrsta leikhluta tóku
gestirnir leikhlé í stöðunni 18:16.
Þetta leikhlé virkaði vel því þaf sem
eftir lifði af leikhlutanum áttu Stól-
arnir góða rispu með Axel Kárason
fremstan í flokki. Gestirnir höfðu því
sex stiga forskot þegar fyrsta leik-
hluta lauk, 27:21.
Jafnræði var með liðunum allan
annan leikhluta en í lok hans komust
heimamenn fram úr gestunum og
náðu naumu forskoti 47:44, ekki síst
fyrir stórleik sem Helgi Jónas átti í
leikhlutanum. Sami barningur var í
þriðja leikhluta, jafnræði með liðun-
um og heimamenn náðu ekki að slíta
sig frá gestunum en höfðu forystu,
66:60. Undirritaður var farinn að
setja sig í stellingar minnugur
spennunar í síðasta leik í Röstinni.
Framan af leikhlutanum magnaðist
spennan og þegar leikhlutinn var
hálfnaður kom Guðmundur Braga-
son inná í stöðunni 74:72. Þar með
settu heimamenn í lás og komust
gestirnir ekkert áfram gegn sterkri
vörn Grindvíkinga. Þegar tvær mín-
útur voru til loka leiks komust heima-
menn í 10 stiga forystu, 84:74 og þá
hreinlega gáfust gestirnir upp svo að
heimamenn gengu á lagið og sigruðu
nokkuð sannfærandi 92:77.
„Þetta var mikil barátta í kvöld og
dálítið upp á sóknina hjá okkur en
vörnin var fín. Við eigum mikið af
vopnum og á meðan við erum óeig-
ingjarnir og gefum okkur tíma í
sókninni er erfitt að eiga við okkur,“
sagði Guðmundur Bragason, besti
maður vallarins eftir leikinn en hann
tók átján af rúmlega fjörtíu fráköst-
um Grindvíkinga. Friðrik Ingi Rún-
arsson þjálfari liðsins tók undir það
og taldi sína menn hafa snúið við
blaðinu eftir tap í síðasta leik, sem
var á Sauðárkróki. „Við lékum miklu
betri varnarleik en síðast þó að sókn-
arleikurinn hjá okkur hafi kannski
ekki verið eins góður. Það var mikil
barátta og við vorum smátíma að
komast í gang en allir leikir þessara
liða hafa verið jafnir í vetur. Ég skil
því ekki þessa umræðu sem mér
finnst vera í gangi að við eigum að
vinna þessa leiki stórt. Þetta Tinda-
stólslið er mjög gott, þeir ógna bæði
inní og fyrir utan. Mestu munaði hér í
kvöld að við vorum ekki eins staðir í
vörninni auk þess að það var miklu
meiri vinnsla í okkar mönnum en í
undanförnum leikjum,“ sagði Friðrik
þjálfari Grindvíkinga að leik loknum.
Leikurinn var gríðarlega skemmti-
legur og nokkuð fast leikinn á köfl-
um. Barátta Guðmundur Bragasonar
og Michalils Andropovs hjá Tinda-
stóli var mikil inn í teig og um tíma
var hún komin talsvert út úr teignum
enda mikið kapp í þeim báðum. Hvor
um sig gerði 15 stig þannig að þeir
stóðu jafnir þar en Guðmundur var
talsvert grimmari í fráköstum og tók
18 slík á meðan Andropov tók sjö.
Hjá heimamönnum léku Guð-
mundur, Helgi Jónas Guðfinnsson,
Páll Axel Vilbergsson og Darrel
Lewis allir mjög vel og hjá Tindastóli
voru Clifton Cook og Axel Kárason
bestir.
ELÍN Jóna Þorsteinsdóttir,
landsliðskona í knattspyrnu úr
KR, er með slitið fremra
krossband í hné og leikur því
væntanlega ekkert með KR í
sumar. Elín Jóna, sem stundar
nám í Bandaríkjunum, varð
fyrir meiðslum þar fyrir
skömmu og útlit var fyrir að
um venjulega liðþófasköddun
væri að ræða. Nú liggur hins
vegar fyrir að krossbandið er
slitið og hún þarf að fara í að-
gerð innan skamms. Elín Jóna
lék lykilhlutverk í varnarleik
Íslandsmeistara KR í fyrra-
sumar og var í byrjunarliði Ís-
lands í öllum leikjum ársins í
undankeppni HM.
Elín Jóna
með slitið
krossband
 EINAR Hólmgeirsson, örvhenta
skyttan úr ÍR lék á ný með liðinu í
gærkvöld en hann hefur verið frá í
nokkra mánuði vegna meiðsla. Einar
fann sig ágætlega og gerði níu mörk í
leiknum þótt það dygði ekki ÍR til
sigurs að þessu sinni.
 BJARNI Skúlason, júdómaður,
tekur þátt á móti í Tallinn í Eistlandi
um helgina. Vernharð Þorleifsson
getur ekki tekið þátt í mótinu vegna
meiðsla. Þeir tóku þátt í opna ítalska
meistaramótinu um sl. helgi. Bjarni
féll úr í annarri umferð, en Vernharð
í þeirri fyrstu.
 HALLDÓR Sigfússon skoraði 2
mörk fyrir Friesenheim þegar liðið
sigraði Dormagen á útivelli, 27:25, í
suðurriðli þýsku 2. deildarinnar í
handknattleik í fyrrakvöld. Friesen-
heim, sem Atli Hilmarson þjálfari,
er í þriðja sæti með 37 stig en á tvo
leiki til góða á Düsseldorf sem er
með 45 stig í öðru sæti en Kronau/
Östringen er í efsta sæti með 47 stig.
 GUÐFINNUR Kristmannsson og
lærisveinar hans töpuðu fyrir Guif,
33:24, í sænsku 1. deildinni í hand-
knattleik í fyrakvöld. Guðfinnur
skoraði 1 mark en Kristján Andr-
ésson skoraði 3 mörk fyrir Guif.
 RÚNAR Sigtryggsson og félagar
hans í Ciudad Real töpuðu fyrir
Ademar Leon, 26:23, í spænsku 1.
deildinni í handknattleik í fyrra-
kvöld. Rúnar skoraði ekki og lék sem
fyrr aðallega í vörninni. Á sama tíma
sigraði Barcelona lið Galdar, 26:23,
og náði þar með fimm stiga forskoti í
deildinni. Börsungar eru með 43
stig, Ciudad Real 38, Ademar Leon
37 og Portland San Antonio 36.
 BJÖRGVIN Sigurbergsson, kylf-
ingur úr Keili, varð í 10.-12. sæti á
fyrsta móti sínu á keppnistímabilinu.
Keppt var í Kent og lék hann á einu
yfir pari, fyrri daginn á 73 höggum
en þann síðari á 69. Sigurvegarinn
lék á sex höggum undir pari. Björg-
vin er að ljúka við að breyta sveifl-
unni hjá sér og lengjast höggin hjá
honum við það, fyrri daginn var hann
gjarn á að spila yfir flatirnar vegna
þessa, áttaði sig ekki á hversu högg-
langur hann var orðinn.
 ÍSLENSKA landsliðið í snóker hóf
í gær keppni í Álfukeppninni sem
fram fer á Möltu. Liðið vann fyrstu
tvo leikina, Sviss 15-3 og Möltu 4
10:8. Í fyrri leiknum fór Jóhannes B.
Jóhannesson á kostum og vann alla
sína ramma mjög sannfærandi og
átti auk þess hæsta breikið, eða 86.
 SOL Campbell, miðvörður Arsen-
al, fer ekki með landsliði Englands
til Liechtenstein vegna meiðsla.
Gareth Southgate tekur stöðu hans.
Campbell kemur í landsliðshópinn er
hann kemur á ný til Englands og æf-
ir með fyrir leik gegn Tyrkjum í
Sunderland á miðvikudaginn kemur.
FÓLK
Morgunblaðið/Golli
Helgi Jónas Guðfinnsson fór mikinn í liði Grindavíkur í gær og er hér kominn framhjá Óla Barðdal.
Sannfærandi hjá
Grindvíkingum
GRINDVÍKINGAR hafa nú unnið tvo leiki á móti einum í einvíginu við
Tindastól um að komast í úrslit Íslandsmótsins eftir að þeir unnu
92:77 í Grindavík í gærkvöldi. Eftir jafnan fyrri hálfleik tóku heima-
menn við sér með Helga Jónas Guðfinnsson og Darrell Lewis í
broddi fylkingar ásamt Guðmundi Bragasyni í fráköstunum án þess
að gestunum tækist að breyta neinu þar um. Næsta viðureign verð-
ur því á heimavelli Stólanna, sem unnu þar síðast.
Garðar
Vignisson
skrifar
GUÐMUNDUR Hrafnkelsson,
landsliðsmarkvörður í handknatt-
leik, sagði í samtali við Morgun-
blaðið í gær að líklega mundi hann
gera samning við þýska liðið
Kronau/Östringen um helgina.
Morgunblaðið greindi frá því fyrir
nokkru að Guðmundur hefði verið
við æfingar hjá þýska liðinu og átt
fund með forráðamönnum þess og í
vikunni barst honum í hendur til-
boð frá félaginu sem vill semja við
hann til tveggja ára.
Guðmundur leikur með Convers-
ano á Ítalíu og lýkur í vor tveggja
ára samningi sínum við liðið.
Kronau/Östringen er efst í suð-
urriðli 2. deildarinnar og leikur að
öllu óbreyttu í 1. deild á næstu leik-
tíð.
Guðmundur með
tilboð frá Kronau