Morgunblaðið - 06.05.2003, Qupperneq 22

HÖFUÐBORGARSVÆÐIÐ
22 ÞRIÐJUDAGUR 6. MAÍ 2003 MORGUNBLAÐIÐ
„ÞAÐ heilsuðust allir með kossi og
þetta var bara eins og fjöl-
skyldumót,“ segir Sigríður Sæunn
Óskarsdóttir sem ásamt vinkonum
sínum Maríu og Þorgerði stóð fyrir
endurfundum braggabarna úr
Laugarneskampinum um helgina.
Um var að ræða hóp fólks sem bjó í
braggahverfinu á árunum 1948–
1958.
Morgunblaðið greindi frá því um
miðjan mars sl. þegar þær vinkon-
ur, sem haldið hafa hópinn frá því
þær kynntust í Laugarnesinu forð-
um, auglýstu eftir jafnöldrum sín-
um úr kampinum og var hug-
myndin að stefna þeim saman með
vorinu. Sú hugmynd varð síðan að
veruleika á laugardag þegar um 50
fyrrverandi braggabörn komu sam-
an til að heiðra lífið í bröggunum.
„Við hittumst í Laugarnesi, við
safn Sigurjóns Ólafssonar, og fór-
um svo út að borða á Hótel Sögu,“
segir Sigríður. „Reyndar mættu
ekki allir sem höfðu samband en
þetta var geysilega gaman.“
Ekki sést í yfir 40 ár
Hún segir sérstaklega gaman
hvað góð stemning var meðal
braggabarnanna og greinilegt að
enginn skammaðist sín fyrir það
tímabil lífs síns sem tilheyrir kamp-
inum. „Það var um nóg að tala þar
sem við vorum að rifja upp gamlar
minningar og reyna að muna hvar
hver braggi stóð því nú er nátt-
úrlega búið að breyta þessu öllu.
Og það kom á óvart hvað þetta var
óþvingað því sumt af þessu fólki
hefur maður ekki séð í yfir 40 ár.“
Braggabörnin ætla ekki að láta
þar við sitja því kosið var í
skemmtinefnd á laugardag sem
mun hafa það verkefni með hönd-
um að skipuleggja frekari sam-
komur á næstunni. Það er því
greinilegt að full þörf var á fram-
taki vinkvennanna þriggja enda var
þeim innilega fagnað af gömlu fé-
lögunum á laugardag.
Morgunblaðið/Jim Smart
Veðrið lék við braggabörnin þar sem þau lituðust um á tanganum þar sem Laugarneskampurinn stóð forðum daga.
Endurfundir
braggabarna
Laugarneshverfi
HAFNARFJARÐARBÆR tók yf-
ir rekstur leikskólans Tjarnaráss
af Íslensku menntasamtökunum
(ÍMS) í gærmorgun og er skóla-
rekstri samtakanna í bæjarfélag-
inu þar með lokið. Að sögn bæj-
arstjóra fór yfirtakan friðsamlega
fram en á næstunni fara fram við-
ræður milli bæjarins og ÍMS um
uppgjör vegna hennar. Í bréfi lög-
manns samtakanna til bæjaryfir-
valda kemur fram að þau áskilja
sér rétt til að leita réttar síns
vegna málsins fyrir dómstólum.
Eins og fram kom í Morgun-
blaðinu í gær samþykkti bæjar-
stjórn Hafnarfjarðar á aukafundi
sínum á sunnudag að segja upp
samningi við ÍMS um rekstur
Tjarnaráss og taka yfir rekstur
leikskólans frá og með gærdegin-
um. Í bréfi lögmanns samtakanna
frá því á sunnudag kemur fram að
ÍMS hugðust mæta með starfsfólk
sitt til skólans í gærmorgun en
voru tilbúin að víkja af vettvangi
með friðsamlegum hætti kæmi
fram formleg beiðni bæjarins um
slíkt.
Að sögn Lúðvíks Geirssonar
bæjarstjóra var sá háttur hafður á
við yfirtökuna að allir aðilar mættu
til skólans í gærmorgun og fund-
uðu sín á milli. „Menn voru sam-
mála um að láta það vera forgangs-
verkefni að tryggja eðlilegt
skólahald og að góður friður mætti
verða um þessi mál. Í framhaldi af
viðræðunum fóru fulltrúar ÍMS af
vettvangi með það starfsfólk sem
samtökin höfðu ráðið nú síðast til
starfa.“
Eðlileg mæting barna
í gærmorgun
Hann segir að skólinn stafi nú
áfram með því starfsfólki sem hef-
ur starfað við skólann hingað,
þ.m.t. leikskólastjóranum en upp-
sögn hans hefði tekið gildi um
næstu mánaðamót að óbreyttu.
Í bréfi lögmanns ÍMS segir að
þó að samtökin víki úr leikskól-
anum með friðsamlegum hætti fel-
ist ekki í því nein viðurkenning á
réttmæti aðgerða bæjarins. Áskilja
þau sér rétt til að sækja rétt sinn
vegna málsins fyrir dómstólum og/
eða umboðsmanni Alþingis.
Lúðvík segir bæinn leggja
áherslu á að viðræður um starfs-
mannamál og uppgjör hefjist sem
fyrst. „Það liggur auðvitað ljóst
fyrir að það er réttur samtakanna
að sækja það mál með eðlilegum
hætti ef ekki nást fullar sáttir um
uppgjör. Hins vegar vænti ég þess
að menn geti lokið þessu máli með
fullkominni sátt – það er enginn
annar vilji af okkar hálfu en að það
sé full sanngirni í þeim efnum.“
Að sögn Magnúsar Baldursson-
ar, fræðslustjóra í Hafnarfirði,
gekk skólastarf í Tjarnarási vel
fyrir sig í gærmorgun. Mæting
barna í skólann hefði verið með
eðlilegum hætti og flestir þeirra
starfsmanna, sem áður hefðu sagt
upp störfum, hygðust halda áfram
sem starfsmenn Hafnarfjarðarbæj-
ar.
Rekstur Tjarnaráss kom-
inn í hendur bæjarins
Hafnarfjörður
Morgunblaðið/Árni Sæberg
Flestir þeir starfsmenn Tjarnaráss, sem höfðu sagt upp störfum, hyggjast
halda áfram að vinna við leikskólann undir stjórn Hafnarfjarðarbæjar.
ÞAÐ má gera því skóna að nokkrar
hitaeiningar hafi horfið í Kópavog-
inum á laugardag þegar íþrótta-
dagur bæjarfélagsins stóð yfir.
Dagurinn var hluti af bæjarhátíð-
inni Kópavogsdögum sem sett var á
föstudag og standa mun til 11. maí
næstkomandi en þá er 48. afmæl-
isdagur bæjarins.
Fjölmargir lista- og menningar-
viðburðir verða í boði á dögunum,
s.s. listasýningar, menningarganga,
tónleikar og hagyrðingakvöld svo
eitthvað sé nefnt.
Á íþróttadeginum um helgina tók
A-hópur sunddeildar Breiðabliks
að sér að leiðbeina gestum í Sund-
laug Kópavogs með sundtökin. Þeir
voru þó fleiri sem létu ekki sitt eftir
liggja við hreyfinguna þennan dag-
inn því boðið var upp á líkamsrækt
um allan bæ í formi jógakennslu,
skólaleikfimi, knattspyrnu, útreiða,
siglinga og svo mætti lengi telja.
Morgunblaðið/Jim Smart
Sundtökin æfð á íþróttadegi
Kópavogur