Morgunblaðið - 31.05.2003, Blaðsíða 10
FRÉTTIR
10 LAUGARDAGUR 31. MAÍ 2003 MORGUNBLAÐIÐ
NÝ stofnun á vegum Evrópusam-
bandsins, European Aviation Safety
Authority, EASA, tekur við umsjón
með flugöryggismálum í Evrópu-
löndum frá og með 28. september
næstkomandi. Ætlunin er að verkefni
JAA, flugöryggissamtaka Evrópu,
færist til nýju stofnunarinnar og er
stefnt að því að öll flugmál Evrópu-
landa verði samræmd að fullu innan
fimm ára. Þetta kom m.a. fram á
fundi evrópskra og bandarískra flug-
málayfirvalda sem nú stendur í
Reykjavík.
Þorgeir Pálsson, flugmálastjóri,
dró fram í ávarpi sínu við setningu
ráðstefnunnar þýðingu flugsins fyrir
Ísland og minnti á að hér væru skráð-
ar yfir 60 stórar flugvélar og að af
þeim væru um 50 stórar þotur. Hér
væri vel þróaður flugrekstur og væru
flugrekendur og yfirvöld samstiga í
því að leggja fram sinn skerf til auk-
ins flugöryggis. Fundurinn nú er m.a.
haldinn í því skyni að fulltrúar Evr-
ópulanda og Vesturheims skiptist á
upplýsingum og ræði samræmingar-
mál.
Pétur Maack, framkvæmdastjóri
flugörggissviðs, dró fram muninn á
JAA og EASA í erindi sínu á fund-
inum. Hann sagði að líkja mætti JAA
við eins konar klúbb þar sem þeir
sem uppfylltu flugöryggiskröfur
væru meðlimir en aðrir ekki. Hins
vegar sagði hann samtökin ekki hafa
lagalega stöðu. EASA væri hins veg-
ar lögformleg stofnun á vegum ESB
og yrðu aðildarlöndin að haga flug-
málum sínum í samræmi við það sem
EASA ákveður.
Thilo Schmidt, formaður fram-
kvæmdastjórnar EASA, tjáði Morg-
unblaðinu að með stofnun EASA
væri ætlunin að samræma að fullu
flugmál í Evrópu og tæki það til
reglugerða á öllum sviðum, svo sem
skráninga, leyfisveitinga, flugleið-
sögumála og flugumferðarstjórnar.
Hann tók í sama streng og Pétur Ma-
ack og sagði JAA hafa verið eins kon-
ar sjálfboðaliðasamtök en með til-
komu EASA yrði öll málsmeðferð
formlegri og aðildarlönd yrðu að
haga flugmálum sínum í fullu sam-
ræmi við það sem stofnunin ákveður.
Hann sagði að lögð yrði áhersla á að
fá lönd sem nú eru utan ESB með í
stofnunina.
Samræming lykilatriði
Thilo Schmidt sagði samræmingu
og samstarf lykilatriði í því að auka
enn á flugöryggi og sagði einnig
brýnt að líta til annarra heimsálfa í
þessum efnum. „Það gengur ekki að
hver og einn hafi mismunandi reglur
um öryggismál, þau verða að vera
eins hvar sem flugstarfsemin fer
fram,“ sagði hann.
Fram kom í erindum á fundinum
að mörg verkefni JAA flytjast strax
til EASA en sum ekki fyrr en síðar.
Alain Garcia lýsti sjónarmiðum
þeirra sem starfa á sviði þjálfunar,
flugrekenda og framleiðenda og sagði
mikilvægt að samtök þeirra fengju
áheyrnaraðild að EASA til að hafa
formlega leið til að kynna sjónarmið
sín. Fulltrúar Noregs, Sviss og Ís-
lands, sem standa utan ESB, sögðu í
samtali við Morgunblaðið að loka-
áfanginn væri sá að JAA leggist niður
og öll flugmál fari undir hatt EASA.
„Við gerum ráð fyrir að það taki
skemmri tíma en 10 ár, kannski fimm
og jafnvel að það verði ennþá fyrr,“
sagði Per-Arne Skogstad, flugmála-
stjóri Noregs.
Lönd utan ESB
fullgildir meðlimir
Urs Adam, varaflugmálastjóri
Sviss, sagði þýðingarmikið að lönd
sem nú væru utan ESB gætu orðið
fullgildir meðlimir í EASA. Sagði
hann fulltrúa þessara landa leggja á
það áherslu við EASA að flugmál
snerust að mestu um öryggis- og
tæknimál og á þeim sviðum væri e.t.v.
auðveldara að ná samræmdri stefnu
en í t.d. landbúnaðar- eða sjávarút-
vegsmálum. Af þeim sökum hlytu öll
lönd að vera gjaldgeng í EASA þótt
stofnunin væri undir hatti ESB.
Pétur Maack sagði að EASA yrði
mun meira miðstýrð stofnun en JAA
hefur verið og ljóst að áhrifa- og
ákvörðunarvald yrði hjá stofnuninni
en ekki í heimalöndunum.
Nýrri stofnun ætlað að
samræma flugmál í Evrópu
Morgunblaðið/Árni Torfason
Fulltrúar bandarískra og evrópskra flugmálayfirvalda þinga í Reykjavík
um þessar mundir. Frá vinstri: Salvatore Sciacchitano, John Hikley, Þor-
geir Pálsson, Michel Ayral og Thilo Scmidt.
HÁTT í 300 manns sækja ráð-
stefnu JAA og FAA en hún er
nú haldin í 20. skipti. Fyrir ut-
an kynningu á hinni nýju
stofnun, EASA, og hlutverki
hennar eru á dagskrá ýmis
málefni er varða tæknilegar
hliðar flugmála, svo sem um
fjarskipti og samskipti flug-
stjóra og flugumferðarstjórna,
um flugleiðsögukerfi, um upp-
lýsingasöfnun og skipti á upp-
lýsingum um flugatvik, við-
haldsmál og um samstarf við
rannsóknir.
Fjallað er um efni ráðstefn-
unnar ýmist í fyrirlestrum eða
vinnuhópum. Ráðstefnan
stendur fram á þriðjudag.
Efni kynnt í
vinnuhópum og
fyrirlestrum
STJÓRN Samtaka hjúkrunarfræð-
inga á Norðurlöndum skorar á
stjórnvöld að herða sóknina gegn
tóbaki, að því er kemur fram í
ályktun sem samþykkt var á fundi
stjórnarinnar í Kaupmannahöfn í
maí.
Þar kemur meðal annars fram
að árlega deyja 3,5 til 4 milljónir
manna úr tóbakstengdum sjúk-
dómum, en um það bil þriðjungur
jarðarbúa sem náð hefur 15 ára
aldri reykir. Á Norðurlöndum er
hlutfall þeirra sem reykja litlu
lægra eða um 20 til 30% íbúa eldri
en 15 ára.
Sala tóbaks
takmörkuð
Bent er á að tóbaksnotkun valdi
samfélaginu miklum kostnaði
vegna minnkandi framleiðni og
kostnaðarsamra meðferðarúrræða
og er lagt til að stjórnvöld grípi til
aðgerða til að sporna gegn skað-
semi reykinga með því meðal ann-
ars að takmarka sölu tóbaks og
banna reykingar á opinberum
stöðum. Einnig er mælst til þess
að réttur allra á reyklausu starfs-
umhverfi á vinnutíma verði
tryggður, fjármagni verði veitt til
þess að hjálpa tóbaksneytendum
að losna úr viðjum fíknarinnar og
skipulögð verði átaksverkefni til
að koma í veg fyrir að börn og
ungmenni byrji að reykja eða nota
tóbak.
Bent er á að hjúkrunarfræðing-
ar gegni lykilhlutverki í að fyr-
irbyggja reykingar og við að
hjálpa reykingarfólki að hætta og
er lagt til að ráðstafanir verði
gerðar til að auka færni þeirra í að
vinna að tóbaksvörnum og reyk-
leysismeðferð.
Skorað á
stjórnvöld að
herða sóknina
gegn tóbaki
BETUR fór en á horfðist er eldur
kviknaði í Hrafnagjá í austanverðum
þjóðgarðinum á Þingvöllum á mið-
vikudag. Eldsins varð vart um kvöld-
matarleytið er reykur sást stíga upp
úr gjánni. Lögreglu og slökkviliði
var gert viðvart og kom það fljótt á
staðinn frá Laugarvatni og Selfossi
ásamt starfsmönnum þjóðgarðsins.
Eldurinn kom upp í gjánni sunnan
við hina fornu götu sem liggur yfir
Hrafnagjá. Var hann að mestu í
þurrum mosa en þurrkar undan-
farna daga hafa stóraukið hættu á
sinueldum. Tæplega 1 hektari brann
en aðstæður voru mjög erfiðar fyrir
slökkviliðsmenn þar sem gjáin er
djúp, brött og stórgrýtt eftir hrun.
Um tvo tíma tók að slökkva eldinn en
vatni til slökkvistarfa var dælt um
300-400 metra leið frá þjóðveginum.
Eldsupptök eru ókunn.
Ljósmynd/Einar Á. E. Sæmundsen
Slökkviliðsmenn að störfum í stórgrýttri Hrafnagjánni.
Eldur í Hrafnagjá
INGIBJÖRG Sólrún Gísladóttir,
varaþingmaður Samfylkingarinnar,
sóttist eftir því að setjast í banka-
ráð Seðlabanka Íslands. Nýtt
bankaráð var kosið á síðasta starfs-
degi Alþingis sl. þriðjudag.
„Mig langar að komast nær
stefnumótun í peningamálum,“ seg-
ir Ingibjörg Sólrún. Hún segir að
nýtt bankaráð hafi ekki enn komið
saman og því ekki tímabært að
segja hvernig hún ætli að beita sér
innan bankans. Fyrst kynni hún sér
starfshætti ráðsins.
Morgunblaðið greindi frá því á
þriðjudag að innan forystu Sam-
fylkingarinnar væri rætt um að
Ingibjörg Sólrún tæki að sér for-
mennsku í framkvæmdastjórn
flokksins, sem Stefán Jón Hafstein
gegnir nú. Aðspurð um þetta segir
Ingibjörg ekki tímabært að taka af-
stöðu til embætta sem kosið er um
á landsfundi Samfylkingarinnar.
„Það er landsfundar að ákveða það
hverjir gegna því embætti,“ segir
hún. Það sama eigi við um embætti
formanns og varaformanns.
Samkvæmt lögum Samfylkingar-
innar skal halda landsfund á tíma-
bilinu 15. september til 30. nóv-
ember. Ekki er búið að ákveða
hvenær fundurinn verður. Þangað
til segist Ingibjörg Sólrún ætla að
njóta þess að vera til og hugsa sinn
gang.
Sóttist eftir
setu í bankaráði
Seðlabankans
Landsfundur kýs í embætti
Samfylkingar í haust
LÖGREGLAN í Reykjavík lét til
skarar skríða gegn tveimur svo-
nefndum erótískum nuddstofum í
vikunni. Starfsmenn skattrannsókn-
arstjóra tóku þátt í annarri húsleit-
inni og var þar lagt hald á bókhald.
Þeir sem standa fyrir rekstrinum
og starfsmenn voru yfirheyrðir en
ekki var farið fram á gæsluvarð-
hald.
Sigurbjörn Víðir Eggertsson að-
stoðaryfirlögregluþjónn segir að
grunur leiki á að á stofunum hafi
verið brotið gegn 5. málsgrein 206.
greinar almennra hegningarlaga en
hún hljóðar á þessa leið: Hver sem
stuðlar að því með ginningum,
hvatningum eða milligöngu að aðrir
hafi holdlegt samræði eða önnur
kynferðismök gegn greiðslu eða
gerir sér lauslæti annarra að tekju-
lind, svo sem með útleigu húsnæðis
eða öðru, skal sæta fangelsi allt að
fjórum árum eða sektum. Einnig er
grunur um brot á skattalögum.
Fyrsta húsleitin
af þessum toga
Þetta er í fyrsta skipti sem lög-
reglan í Reykjavík gerir húsleit og
yfirheyrir starfsmenn á erótískum
nuddstofum í borginni. Samkvæmt
heimildum Morgunblaðsins er hér
um að ræða Erosnudd og X-nudd
en báðar þessar stofur halda úti
heimasíðum á Netinu.
Á báðum síðunum er sérstaklega
tekið fram að samfarir og munnmök
séu ekki í boði en „stúlkurnar“ eða
„stelpurnar“ sem veita nuddið séu
naktar meðan á því stendur.
Grunaðir
um að
stuðla að
vændi
NÝJAR og stærri viðvörunarmerk-
ingar eru væntanlegar á tóbak, en
ný reglugerð um viðvörunarmerk-
ingar á tóbaki, í samræmi við reglur
Evrópusambandsins, hefur tekið
gildi. Að sögn Þorsteins Njálssonar,
formanns tóbaksvarnarnefndar,
verður veitt undanþága á notkun
eldri merkinga á sígarettum til árs-
loka og á öðru tóbaki fram á næsta
ár. Á hverjum pakka af tóbaki eiga
að vera tvenns konar viðvaranir, al-
menn viðvörun sem þekja skal 30%
framhliðarinnar og viðbótarviðvör-
un sem þekja á 40% af bakhlið pakk-
ans.
Þorsteinn segir að árið 1985 hafi
komið fram myndrænar merkingar
á tóbaki hér á landi, sem hafi vakið
mikla athygli um allan heim og eru
þessar nýju merkingar afleiðingar
af því. Í sömu reglugerð eru ákvæði
um að sígarettur megi ekki gefa frá
sér meira en 10 milligrömm af tjöru.
Nýjar viðvörunar-
merkingar á tóbaki