Morgunblaðið - 29.06.2003, Blaðsíða 47

FRÉTTIR
MORGUNBLAÐIÐ SUNNUDAGUR 29. JÚNÍ 2003 47
Auglýsendur!
Sérstakt blað um miðborgina fylgir Morgunblaðinu
laugardaginn 5. júlí.
Pöntunarfrestur auglýsinga er til kl. 16 þriðjudaginn 1. júlí.
Skilafrestur er til kl. 12 miðvikudaginn 2. júlí.
Hafið samband við auglýsingadeild Morgunblaðsins
í síma 569 1111 eða á augl@mbl.is
Blaðið á að endurspegla sérstöðu miðborgar Reykjavíkur og
hið fjölskrúðuga mannlíf sem í henni er alla daga.
Verslun - kaffihús - heilsurækt - veitingar - listmunir - þjónusta
BMW X5 4,4l árg. 10/00. Ekinn 32 þús. km. Leður. Topplúga. Xe-
non ljós. Regnskynjari. CD magasín, fullkomið hljóðkerfi, hiti í fram-
og aftursætum, 18”tommu felgur, rafmagn í öllu. Verð kr. 6.300.000.
Tilboð kr.
5.900.000
Uppsögn 1. skuldabréfa-
flokks Búnaðarbanka
Íslands hf. árið 1998
Með vísan í ákvæði 1. skuldabréfaflokks Búnaðarbanka Íslands
hf. árið 1998, þá mun útgefandi, nú Kaupþing Búnaðarbanki
hf., nýta sér rétt til að segja skuldabréfaflokknum upp. Uppsögnin
tekur gildi á næsta vaxtagjalddaga, 1. október 2003. Skuldin
verður greidd í samræmi við ákvæði skuldabréfaflokksins.
Greiðslustaður skuldabréfanna er Kaupþing Búnaðarbanki hf.,
Austurstræti 5, 155 Reykjavík, sími 525 6000. Vísað er að öðru
leyti í ákvæði skuldabréfaflokksins.
Reykjavík, 20. júní 2003
SAMBAND íslenskra sveitarfélaga
og Áfengis- og vímuvarnarráð hafa
efnt til samstarfsverkefnis um for-
varnir. Verkefnið er til þriggja ára
og ber heitið „Vertu til!“ en því er
ætlað að efla áfengis- og fíkniefna-
forvarnir sveitarfélaga. Sigríður
Hulda Jónsdóttir, varaformaður
verkefnisins, segir að lögð verði
áhersla á að efla grasrótina og það
sem gert er vel á hverjum stað.
„Við leggjum áherslu á að nota það
sem til er í heimabyggð vegna þess
að á mörgum stöðum er verið að
gera mjög góða hluti. Við viljum
styrkja fólk í því og samræma
kraftana,“ segir Sigríður. Hún seg-
ir að forvarnir komi öllum við,
hvort sem það eru fyrirtæki í
heimabyggð, kirkjan eða skólinn. „
Eins og gott máltæki segir þarf
heilt þorp til að ala upp barn. Á
þessu viljum við byggja því allir eru
ábyrgir og allir þurfa að leggja eitt-
hvað af mörkum. Með því fáum við
heilbrigðari svæði sem verða eftir-
sóknarverðari fyrir fólk að flytja til
og búa á,“ segir Sigríður.
Morgunblaðið/Jim Smart
Svandís Nína Jónsdóttir, Sigríður Hulda Jónsdóttir og Bryndís Arnardóttir
kynntu forvarnarverkefnið Vertu til! í Hinu Húsinu.
Samstarfsverkefni um vímuvarnir
Grasrótin efld
FYRSTA skemmtiferðaskipið af sjö
sem boðað hafa komu sína til
Grundarfjarðar á þessu sumri lagð-
ist að bryggju fyrr í mánuðinum.
Skipið, sem nokkuð er komið til ára
sinna, heitir Funchal og er skráð í
Portúgal. Farþegarnir, rúmlega
400 franskir eldri borgarar, fóru
flestir í skoðunarferð um Snæfells-
nesið um morguninn en voru síðan
á faraldsfæti um Grundarfjörð
fram eftir degi. Undirbúnings-
hópur skipaður fulltrúum frá FAG,
Grundarfjarðarhöfn og DeTours
hafði uppi nokkurn viðbúnað vegna
komu skipsins og bauð farþegum
og áhöfn í samráði við umboðsaðila
hér á landi upp á ýmsa afþreyingu.
Kynningar- og sölubás var við höfn-
ina, leikskólabörn sungu, konur
klæddar íslenska þjóðbúningnum
buðu upp á kleinusmakk, félagar úr
Hestaeigendafélagi Grundar-
fjarðar sýndu íslenska hestinn og
grundfirsk ungmenni á öllum aldri
öttu kappi við áhöfn skipsins í fót-
boltaleik. Þá voru verslanir opnar
lengur en venjulega og þannig
mætti áfram telja. Að sögn skipu-
leggjanda þessarar dagskrár var
almenn ánægja hjá farþegum og
áhöfn með móttökurnar í Grundar-
firði og ekki spillti fyrir að veðrið
var eins og best verður á kosið.
Morgunblaðið/Gunnar Kristjánsson
Hér má sjá föngulegan hóp sem bauð upp á kleinur ásamt einum úr áhöfn
skipsins sem þóttu kleinurnar góðar. Konurnar eru frá vinstri: Selagh
Smith, Olga S. Einarsdóttir, Jóna B. Ragnarsdóttir, Sólrún Guðjónsdóttir,
Jónína Kristjánsdóttir, Pálína Gísladóttir og Hulda Valdimarsdóttir.
Vel tekið á móti fyrsta
skemmtiferðaskipinu
Grundarfirði. Morgunblaðið.
SORPSAMLAG Strandasýslu festi
fyrir nokkru kaup á sorpbifreið sem
mun ein sú alfullkomnasta á land-
inu. Bíllinn er af gerðinni Volvo fm
12 með pressukassa frá Norba og
kostar fullbúinn tæpar 13 milljónir
króna. Að sögn Einars Indriðason-
ar, starfsmanns Sorpsamlagsins, er
mikil munur á að vinna með þennan
bíl því fyrri bifreið samlagsins var
orðin úr sér gengin og kassinn m.a.
ónýtur. Þá hefur Sorpsamlagið
keypt nokkur 1.000 lítra sorpkör til
að staðsetja við helstu fyrirtæki og
stofnanir á svæðinu og mun þá
tunnulyfta sem er hluti af búnaði
bílsins nýtast til að losa þau. Starfs-
svæði sorpsamlagsins nær allt frá
Brú í Hrútafirði í Norðurfjörð og í
Ögur og Reykjanes við Ísafjarðar-
djúp. „Svæði okkar fer jafnvel
stækkandi og ættum við að vera vel
í stakk búin til að þjóna því,“ sagði
Einar að lokum.
Ein full-
komnasta
sorpbifreið
landsins
Ljósmynd/Kristín Sigurrós
Nýi ruslabíllinn.
Hólmavík. Morgunblaðið.
alltaf á föstudögum