Morgunblaðið - 08.07.2003, Page 1
STOFNAÐ 1913 182. TBL. 91. ÁRG. ÞRIÐJUDAGUR 8. JÚLÍ 2003 PRENTSMIÐJA ÁRVAKURS HF. mbl.is
Erling á
fjalirnar
Elling hinn norski og félagi hans í
Loftkastalanum í haust Listir 20
Femínísk
guðfræði
Arnfríður Guðmundsdóttir er fyrst
kvenna dósent í guðfræðideild 10
Orkurík
upplifun
Líkamlega krefjandi jógaleikhús á
Ísafirði og í Reykjavík Fólk 45
AP
Utanríkisráðherra Bretlands, Jack Straw, ræðir við fréttamenn fyrir
utan Downingstræti 10 í London í gær. Í forgrunni heldur einhver á
eintaki af skýrslu þingnefndarinnar um aðdraganda Íraksstríðsins.
Gissur Pétursson, forstjóri Vinnu-
málastofnunar, segir engar nýjar
reglur koma í veg fyrir að þessir
starfsmenn fái bætur meðan á sum-
arlokun stendur. „Starfmennirnir
hafa skrifað undir ráðningarsamning
sem nær að öllum líkindum að
minnsta kosti út sumarið og þess
vegna uppfylla þeir ekki skilgrein-
ingu á atvinnuleysi samkvæmt lögum,
þar sem bótaþegi þarf að vera at-
vinnulaus, vinnufær og taka þeirri
vinnu sem býðst.“
Gissur segir sambærilega stöðu
hafa komið upp meðal skólaliða hjá
Grunnskólum Reykjavíkur. Þeim hafi
verið sagt upp störfum meðan á sum-
arleyfi standi og séu svo ráðnir að
nýju að hausti. „Með þeim hætti kom-
ust þeir á atvinnuleysisbætur yfir
sumartímann, en í reynd áttu þeir
vinnu vísa um haustið, og voru því
ekki reiðubúnir til að taka þá vinnu
sem bauðst,“ segir Gissur. Telur hann
það frekar í verkahring Reykjavíkur-
borgar, vinnuveitandans, að finna
fólkinu vinnu meðan á lokunum
stendur, en að gera ráð fyrir að það
eigi rétt á atvinnuleysisbótum.
Margir leikskólastarfsmenn án
launa meðan leikskólar eru lokaðir
Eiga ekki
rétt á atvinnu-
leysisbótum
STARFSFÓLK Leikskóla Reykjavíkur sem ekki hefur unnið nægilega lengi
til að eiga inni fullt sumarfrí situr uppi tekjulaust þegar leikskólunum er lok-
að í fjórar vikur í sumar. Að sögn Thelmu Bjarkar Brynjólfsdóttur, trún-
aðarmanns starfsmanna á leikskólanum Múlaborg, kemur þetta illa niður á
mörgum starfsmönnum. Segir hún að samkvæmt fordæmum þætti eðlilegt að
starfsfólkið færi á atvinnuleysisbætur þar sem það er skikkað í launalaust frí.
„Nú hefur komið í ljós að vegna breyttra reglna hjá Vinnumálastofnun fær
starfsfólkið ekki atvinnuleysisbætur. Það er augljóst að leikskólarnir fá ekki
inn námsmenn í vinnu yfir sumartímann meðan ástandið er svona. Það virðist
sem vaðið hafi verið blint í sjóinn með sumarlokunina,“ segir Thelma Björk.
MEXÍKÓSKT fyrirtæki hefur lýst
yfir áhuga á að kaupa sex lifandi
höfrunga frá Íslandi. Fyrirtækið
sendi Útflutningsráði erindi um
málið nýverið. Segist það hafa öll
tilskilin leyfi til innflutnings dýra,
þar á meðal dýra sem nefnd eru á
lista CITES-samningsins um flutn-
ing dýra í útrýmingarhættu.
„Við gátum ekki hjálpað þessum
aðilum að öðru leyti en að setja fyr-
irspurnina á vefinn,“ segir Ingólfur
Sveinsson, verkefnisstjóri hjá Út-
flutningsráði. „Við verðum bara að
vonast til að þetta berist til ein-
hverra sem geta sinnt þessu.“ Hann
segist ekki vita til að Íslendingar
hafi sýnt áhuga, enda sé á vefnum
vísað beint á mexíkóska fyrirtækið.
Höfrungar eru á fyrrnefndum
CITES-lista yfir dýr í útrýming-
arhættu, en Íslendingar settu fyr-
irvara um allar hvala- og smá-
hvelategundir þegar Alþingi
samþykkti samninginn árið 1999.
Samkvæmt upplýsingum Morg-
unblaðsins teljast höfrungar til smá-
hvela og eru því ekki undir eftirliti
Alþjóðahvalveiðiráðsins. Þyrfti að
sækja um leyfi til sjávarútvegsráðu-
neytisins vegna útflutnings þeirra,
sem á sér ekki fordæmi. Háhyrn-
ingar hafa hins vegar verið fangaðir
lifandi til útflutnings, síðast árið
1988. Það mál vakti talsverða at-
hygli og m.a. gagnrýndi þá breska
blaðið Daily Mirror Íslendinga fyrir
„villimennsku“ vegna sölu hvalanna
til Japans.
Vilja kaupa
sex lifandi
höfrunga
SNURÐA hljóp á þráðinn á mikilvægu
stigi hættulegrar skurðaðgerðar er miðar
að því að skilja að 29 ára íranskar tvíbura-
systur sem eru samvaxnar á höfði, að því
er talsmaður sjúkrahússins í Singapúr, þar
sem aðgerðin fer fram, greindi fjölmiðlum
frá í gær. Sagði hann að læknar hefðu
komist að raun um að meiri tengingar
væru á milli heila systranna en talið hefði
verið. Þar af leiðandi myndi aðgerðin taka
lengri tíma en áætlað hefði verið. Einnig
olli það erfiðleikum að blóðþrýstingur í
höfðum systranna var óstöðugur.
„Það tekur lengri tíma að aðskilja þær
því að taugaskurðlæknarnir þurfa að skera
vefinn í sundur bókstaflega millimetra fyr-
ir millimetra,“ sagði talsmaður sjúkra-
hússins. Í fyrstu var þess vænst að aðgerð-
in tæki tvo sólarhringa og yrði lokið í
gærkvöldi, en í gær varð ljóst að hún tæki
á þriðja sólarhring hið minnsta, jafnvel
meira. Tuttugu og fjórir læknar og um 100
hjúkrunarliðar gera aðgerðina.
Aðgerðin
stendur
lengur
Singapúr. AFP.
UPPTAKA með Saddam Hussein,
fyrrverandi forseta Íraks, sem send
var út sl. föstudag, er að öllum lík-
indum ósvikin, að því
er bandarískir leyni-
þjónustufulltrúar
sögðu í gær. Sökum
þess hve upptakan er
léleg er þó ekki hægt
að skera endanlega
úr um hvort um
Saddam er að ræða.
Talsmaður bandarísku leyniþjón-
ustunnar sagði að ekki væri hægt að
fullyrða hvenær nákvæmlega upp-
takan hefði verið gerð. Sá sem upp-
takan er af segir hana gerða 14. júní,
en leyniþjónustufulltrúar segja að í
henni séu engar vísanir sem útiloki
algerlega að hún hafi verið gerð fyrr.
Arabíska sjónvarpsstöðin al-Jazeera
sendi upptökuna út á föstudaginn.
Upptaka
með Saddam
talin ósvikin
Washington. AP.
ÍSRAELSK lögregluyfirvöld telja að
sprenging er varð tveimur að bana í húsi í
ísraelsku þorpi skammt frá Tel Aviv í gær-
kvöldi kunni að hafa verið hryðjuverk.
Reynist það rétt er þetta fyrsta sprengju-
tilræðið frá því samtök herskárra Palest-
ínumanna lýstu yfir vopnahléi 29. júní.
Annar hinna látnu var 65 ára kona, en
einnig fannst illa farið karlmannslík sem
gæti verið af tilræðismanninum. „Þetta
kann að vera hryðjuverk, en gæti líka verið
slys. Við verðum að bíða frekari rann-
sókna,“ sagði talsmaður lögreglunnar.
Sprenging í
Ísrael „gæti ver-
ið hryðjuverk“
Jerúsalem. AFP.
JACK Straw, utanríkisráðherra
Bretlands, sagði í gær að niður-
stöður þverpólitískrar þingnefndar
sýndu að stjórnvöld hefðu með
fullum rétti tekið þátt í herförinni
til Íraks. „Vísbendingarnar sem
fyrir lágu þegar við tókum þá
ákvörðun að fara í stríð voru af-
gerandi,“ sagði Straw.
Stjórnin hefur verið sökuð um
að hafa ýkt vísbendingar um þá
ógn er stafaði af meintri gereyð-
ingarvopnaeign Íraka og villt
þannig um fyrir þingmönnum sem
voru efins um réttmæti herfar-
arinnar. Þingnefndin, sem skipuð
var til að rannsaka málið, skilaði
niðurstöðum í gær og taldi
stjórnina ekki hafa gerst seka um
að beita blekkingum.
Breska ríkisútvarpið, BBC,
sagði í maí sl. að stjórnvöld hefðu
bætt inn í gögn um hættuna er
stafaði af Írak málsgrein sem þau
hefðu vitað að væri vafasöm og
breskir leyniþjónustufulltrúar
hefðu talið tæplega geta átt við
rök að styðjast. Straw sagði í gær
að niðurstöður þingnefndarinnar
sýndu að fréttir BBC hefðu verið
úr lausu lofti gripnar, og krafðist
þess að beðist yrði afsökunar á
þeim.
En í yfirlýsingu frá BBC sagði
aftur á móti að niðurstöðurnar
sýndu að fréttaflutningurinn
hefði verið réttmætur. „Í skýrslu
nefndarinnar segir afdráttarlaust
að enn sé mörgum spurningum
ósvarað um réttmæti [umræddr-
ar málsgreinar],“ sagði fulltrúi
BBC.
Straw segir her-
förina réttlætta
London. AP, AFP.
Stjórnvöld ekki/14
Krefst þess
að BBC biðjist
afsökunar