Morgunblaðið - 24.07.2003, Blaðsíða 6
Óskar Jóhannesson, bóndi í Brekku og einn eigenda hitaveitu Hlíðamanna,
og Alfreð Þorsteinsson, stjórnarformaður Orkuveitu Reykjavíkur, tókust í
hendur eftir að þeir höfðu undirritað samning um sölu hitaveitunnar.
GENGIÐ hefur verið frá kaupum
Orkuveitu Reykjavíkur (OR) á hita-
veitu Hlíðamanna sf. í Biskups-
tungum. Samningurinn felur meðal
annars í sér að OR tekur yfir hita-
veituna og tengdar dreifiveitur
heimamanna, sem reistu hana árið
1989 og hafa rekið í félagi æ síðan.
Veiturnar þjóna um 200 sumarhús-
um á svæðinu, til dæmis í Brekku-
skógi, Miðhúsaskógi og Skyggnis-
skógi, auk sveitabýlanna frá
Brekku að Múla. Vatn til veitunnar
kemur frá borholu í landi Efri-
Reykja.
Á blaðamannafundi í Réttinni
sem haldinn var af þessu tilefni í
gær kom fram að heimamenn hefðu
staðið í ströngu við að finna nægt
vatn til hitaveitu, og loks á 23. bor-
holu hefði nægt vatn fundist.
Ekki lengur úti í sveit
Alfreð Þorsteinsson, stjórnarfor-
maður Orkuveitunnar, fagnaði und-
irritun samningsins og sagðist
vænta góðs af honum fyrir OR og
heimamenn. Benti hann á, að svæð-
ið sem nú hefði bæst í eign Orku-
veitunnar væri í reynd ekki lengur
sveit, heldur væri orðið atvinnu- og
þjónustusvæði í nánum tengslum
við höfuðborgarsvæðið, sérstaklega
vegna mikillar sumarbústaða-
byggðar. Af þeim sökum teldist
ekki óeðlilegt að Orkuveitan ætti
hér hlut að máli. Vonaðist hann til
að gæði þjónustu ykjust á svæðinu,
og veitusvæðið yrði stækkað eins
og hagkvæmt myndi teljast. Verð-
mæti samningsins er um 65 millj-
ónir króna. Tekur Orkuveitan við
rekstrinum hinn 1. september
næstkomandi.
Viljayfirlýsing um samstarf
OR og Bláskógabyggðar
Á sama fundi var undirrituð
viljayfirlýsing OR og Bláskóga-
byggðar um samstarf á sviði orku-
mála. Í yfirlýsingunni kemur meðal
annars fram að aðilar séu sammála
um mikilvægi þess að kanna mögu-
lega sameiningu orkufyrirtækja.
Lögð er áhersla á að samstarfið
leiði til uppbyggingar nýrra hita-
og vatnsveitna í Bláskógabyggð.
Margeir Ingólfsson, formaður
byggðaráðs Bláskógabyggðar, bauð
Orkuveitu Reykjavíkur velkomna
og sagðist telja það mjög gott að fá
svo öflugt fyrirtæki til samstarfs á
svæðinu. Mikil orka væri á þessum
slóðum og í framtíðinni væri fyr-
irséð að möguleikar á nýtingu
hennar ykjust mjög. Alfreð Þor-
steinsson sagði í ávarpi sínu að
samstarf OR og Bláskógabyggðar
skapaði ýmis atvinnutækifæri. Í
viljayfirlýsingunni segir einnig að
ef af samstarfi verður muni OR
kappkosta að veita Bláskógabyggð
trygga og góða þjónustu á hag-
stæðu verði.
Orkuveita Reykjavíkur kaupir hitaveitu í Biskupstungum
Tengja saman sveit og
borg í eitt orkusvæði
FRÉTTIR
6 FIMMTUDAGUR 24. JÚLÍ 2003 MORGUNBLAÐIÐ
ÁSTAND ísbjarnastofna heimsins
hefur batnað mikið undanfarna þrjá
áratugi og í könnun sem gerð var
fyrir fjórum árum var niðurstaðan
sú að staða nærri allra tegunda ís-
bjarna væri góð. Þetta er mikil
framför frá því sem var á sjöunda
og fyrri hluta áttunda áratugarins
þegar ísbirnir voru í útrýmingar-
hættu. Árið 1973 var gerður al-
þjóðasamningur um vernd ísbjarna
og kvótar settar á veiðar þeirra og
fóru stofnarnir í kjölfarið að taka
við sér.
Í Kanada er mikið um ísbirni og
eru um 5–600 birnir felldir ár hvert.
Grænland er einnig meðal þeirra
landa sem leyfa veiðar á ísbjörnum
en þar eru árlega veiddir um 150 ís-
birnir en í báðum löndunum er fjöldi
þeirra dýra sem fella má innan sjálf-
bærnimarka stofnsins. Á Grænlandi
þurfa áhugaveiðimenn að sækja um
leyfi til veiða á ísbjörnum en at-
vinnuveiðimenn hafa frjálsar hend-
ur við veiðarnar.
Eins og fram kom í frétt Morg-
unblaðsins í gær veiddu þrír Íslend-
ingar, þeir Kristján Vídalín Óskars-
son, Jóhann Halldórsson og
Sigurður Pétursson, ísbjörn á
Grænlandi á dögunum en Sigurður,
sem hefur verið búsettur á Græn-
landi um nokkurra ára skeið, er at-
vinnuveiðimaður. Um 1.700 Banda-
ríkjadalir fást fyrir skinnið af ísbirni
og um 700 dalir fyrir kjötið, sam-
kvæmt upplýsingum frá Náttúru-
fræðistofnun Íslands, og er heild-
arverðmæti hvers dýrs sem fellt er
því um 185 þúsund krónur.
Veiðar bannaðar á Íslandi
Veiðar á ísbjörnum eru bannaðar
á Íslandi nema mönnum eða búfén-
aði stafi af þeim hætta, samkvæmt
lögum um vernd, friðun og veiðar á
villtum fuglum og villtum spendýr-
um. Ísbjörn var síðast felldur við Ís-
land árið 1993 þegar áhöfnin á Dag-
nýju frá Bolungarvík ætlaði að
fanga ísbjörn sem hún hafði séð á
sundi og færa til lands en varð á
endanum að aflífa björninn.
Ástand ísbjarnastofna hefur
batnað síðastliðin 30 ár
Morgunblaðið/Árni Sæberg
Ísbjarnafeldir á Grænlandi eru seldir á rúmlega 130 þúsund kr. og með
hverjum feldi fylgir stimplað skírteini frá yfirvöldum. Þessi björn var 2,35
metrar, jafnlangur dýrinu sem Íslendingarnir þrír veiddu á dögunum.
Greiðslumark
mjólkur minnkar
Tekjurnar
lækka um 80
milljónir
„TEKJURNAR lækka um tæplega
80 milljónir,“ segir Þórólfur Sveins-
son, formaður Landssambands kúa-
bænda, um þá ákvörðun landbúnað-
arráðherra að lækka greiðslumark
mjólkur um eina milljón lítra á næsta
verðlagsári, sem hefst 1. september
næstkomandi.
Þórólfur bendir á að aukning
mjólkurframleiðslu samkvæmt
reglugerð hafi aldrei verið meiri en í
fyrra, en heildargreiðslumark til
framleiðslu mjólkur verðlagsárið
2002-2003 hafi verið 106 milljónir
lítra í stað 104 milljóna lítra fram-
leiðsluárið áður.
Greiðslumarkið er bein afleiðing
af sölu tiltekins tímabils, frá maí til
apríl, áður en næsta greiðslumark er
ákveðið. „Salan þessa viðmiðunar-
mánuði var aðeins minni heldur en
fyrir ári og þess vegna varð að færa
greiðslumarkið niður um milljón
lítra,“ segir Þórólfur og bætir við að
samdrátturinn sé innan við 1%.
Þórólfur segir að eðlilega líki
bændum síður að greiðslumarkið
dragist saman en ekki sé um stór-
alvarlegt mál að ræða. Greiðslu-
markið hafi verið svipað frá því kerf-
ið hafi verið tekið upp, „en þetta er
sveifla sem við þurfum að reyna að
vinna til baka. Auðvitað stefnum við
að því að halda greiðslumarkinu eða
auka það en ekki að það minnki,“
segir Þórólfur.
Sala Lands-
símans undir-
búin í haust
HAFINN verður undirbúningur að
sölu á hlut ríkisins í Landssíma Ís-
lands hf. í haust. Er það á höndum
framkvæmdanefndar um einkavæð-
ingu að annast hvernig staðið verð-
ur að sölunni og segir Ólafur Dav-
íðsson, formaður einkavæðingar-
nefndar, að sem flestum mögu-
leikum verði haldið opnum varðandi
söluna. Til greina komi erlendir
jafnt sem innlendir kaupendur,
stórir sem smáir. Málið hafi ekki
verið rætt til neinnar hlítar í einka-
væðingarnefnd. „Haustið verður
notað í undirbúning málsins og síð-
an verður vonandi hægt að hefja
sölu á einhverjum hlut ríkisins á
næsta ári ef markaðsaðstæður
leyfa,“ segir Ólafur. Ekkert hefur
gerst varðandi sölu Landssímans
síðan danska fjarskiptafyrirtækið
TDC hætti við að kaupa 25% hlut
ríkisins í Landssímanum í febrúar
2002.
♦ ♦ ♦
BJÖRGUNARÞYRLUR úr 56.
björgunarsveitinni sem staðsett
er í herstöðinni á Miðnesheiði
hafa undanfarna daga verið nýtt-
ar til björgunarstarfa og fólks-
flutninga milli Sierra Leone og
Líberíu. Þyrlurnar flugu nýlega
með 41 sérsveitarmann úr sér-
stakri and-hryðjuverkasveit
bandarískra landgönguliða í
sendiráð Bandaríkjanna í Líberíu
og fluttu brott 23 bandaríska
borgara á leið sinni til baka til
Sierra Leone. Þessar aðgerðir
koma í kjölfar mikilla óeirða og
skærna í Líberíu undanfarnar vik-
ur.
Þegar þyrlurnar komu til að
flytja burt fólkið úr bandaríska
sendiráðinu var tilkynnt um
sprengjuárásir í einungis 300
metra fjarlægð frá sendiráðinu,
en þyrlurnar urðu ekki fyrir
skaða, enda var sprengjunum
ekki beint að sendiráðinu.
Þyrlurnar nýtast mjög vel að
sögn talsmanna hersins, og veita
þær mikinn sveigjanleika til neyð-
arbrottflutninga svonefndra
mannúðarsveita bandaríska hers-
ins sem eru staddar í Líberíu.
Björgunarþyrlur
Varnarliðsins
Nýttar til
fólksflutn-
inga til og
frá Líberíu
Þyrlur Varnarliðsins að störfum í Líberíu.