Morgunblaðið - 14.11.2003, Blaðsíða 27

LISTIR
MORGUNBLAÐIÐ FÖSTUDAGUR 14. NÓVEMBER 2003 27
#27 ESJAN
ICELAND REVIEW
ÁSKRIFTARSÍMI 512-7517
askrift@icelandreview.com
HVERS VEGNA ÍSLAND?
40 ÁSTÆ‹UR
Jólablað Morgunblaðsins
Laugardaginn 29. nóvember 2003
Pantanafrestur fyrir augl‡singar er fyrir kl. 12.00
flri›judaginn 18. nóvember.
Nánari uppl‡singar um augl‡singar og ver› veita
sölu- og fljónustufulltrúar á augl‡singadeild
í síma 569 1111 e›a á augl@mbl.is
Jólabla› fylgir frítt til áskrifenda.
MIK ILVÆG SKILABO‹
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
M
O
R
22
76
3
11
/2
00
3
SÍÐASTA sumar leitaði ÞórStefánsson til Sigurðar Þórislistmálara með sextíu ljóð sín
og fékk þann síðarnefnda til að
myndskreyta þau. Útkoman er ljóða-
bókin Í ljósi þínu. „Þegar ég fékk
ljóðin í hendurnar ákvað ég að gera
teikningunum hátt undir höfði og
teiknaði þrjátíu myndir, þannig að
það væri alltaf ein mynd á hverri
opnu á móti tveimur ljóðum, en
teikningarnar eiga við um annað
hvert ljóð bókarinnar,“ segir Sig-
urður. „En þetta eru náttúrlega ekki
myndskreytingar í þeim skilningi,
því teikningarnar geta staðið alveg
óháð ljóðunum,“ segir Þór. „En þó
myndin geti staðið ein og sér þá er
alltaf að finna ákveðna vísun í ljóð-
ið,“ segir Sigurður. „Mér finnst þessi
uppsetning einmitt koma mjög
skemmtilega út því oft virðist mynd-
in á opnunni geta átt við um bæði
ljóðin á síðunni,“ segir Þór.
Að sögn Þórs og Sigurðar er þetta
í þriðja sinn sem þeir vinna saman
að bók, því árið 1990 gerði Sigurður
kápumynd fyrir bók Þórs Í gróð-
urreit vorsins og árið 1998 gerði
Sigurður um tug mynda og kápu
fyrir bókina Ljóð út í veður og vind.
„Við virðumst ná mjög vel saman og
höfum t.d. oft notað sömu táknin í
ljóðum og myndum okkar í gegnum
tíðina,“ segir Þór. „Ég er líka alltaf
fremur ljóðrænn í mínum myndum.
Raunar hef ég þá kenningu að þegar
maður er að gera myndir við ljóð
eigi maður ekki beint að myndlýsa
ljóðin heldur fremur að bæta ein-
hverju við þau, þannig að myndin
geti orðið viðbót eða framhald á
ljóðinu,“ segir Sigurður. „Og þannig
öðlast algjörlega sjálfstætt líf. Ég
held að það hafi einmitt gengið al-
veg upp hjá þér, enda heldur þú líka
áfram með það sem þú varst að gera
áður myndlistarlega séð,“ segir Þór.
Spurður hvert hann sæki inn-
blástur sinn segist Þór sækja hann
mikið í sálarlífið og tungumálið
sjálft, en einnig til sambands karls
og konu. „Ætli það megi ekki segja
að ljóðin vísi í umhverfið og hvers-
daginn. Í stuttu máli má segja að þau
fjalli um ástina til konunnar, lífsins
og tungumálsins,“ segir Sigurður.
„Það verður þó að taka fram að
þetta er bók um andlega ást, ekki
holdlega sem er svo áberandi í allri
umræðu núna,“ segir Þór. „Ég er nú
ekkert svo viss um að ég vilji endi-
lega gera mikið upp á milli þessa,
því ég held að ástin birtist í hvoru
tveggja,“ segir Sigurður.
Inntir eftir því til hverra þeir
haldi að bókin höfði helst svarar Þór
því til að hún geti höfðað til allra.
„Ég held að það sé voðalega skrýtin
dilla núna sem hver étur upp eftir
öðrum um að ljóðið sé dautt. Því það
er fullt af fólki sem yrkir ljóð og
margir gera það mjög frambærilega
og sumir bara ágætlega. Mér finnst
ég sífellt reka mig á það að þegar
fólk, sem segist ekkert vera fyrir
ljóð, álpast til að kaupa ljóðabækur
þá verður það oft nánast hissa á því
hve ljóð eru skemmtileg og oft fal-
leg. Þannig að þó búið sé að gefa út
dánarvottorð ljóðsins held ég að
þetta geti enn snúist við, því það er
ekki of seint að vekja ljóðið aftur til
lífsins,“ segir Þór.
„Það er alltaf verið að tala um að
listin sé dauð, þannig er málverkið
náttúrlega löngu dautt og liðin öld
síðan skáldsagan dó. En eins og ég
hef alltaf sagt þá er heimurinn deyj-
andi. Mín kenning er sú að sá sem
heldur því fram að t.d. ljóðið eða
myndlistin séu dauð er sjálfur dauð-
ur,“ segir Sigurður. „Hann finnur
ekki lífið þar sem það andar,“ segir
Þór. „Búið er að drepa í honum hæfi-
leikann til að geta hrifist,“ segir Sig-
urður. „En kannski verður bara erf-
iðara að hrífast með aldrinum,“
segir Þór. „Þar ég er ósammála. Ég
hrífst til dæmis enn ef ég sé fallegt
sólarlag, ský, fugl, málverk eða
ljóð,“ segir Sigurður. „En verður
það að vera fallegt,“ spyr Þór. „Já,“
svarar Sigurður stutt og laggott.
„Mér finnst líka allt í lagi að end-
urvekja þá hugsun að fegurðin fái að
njóta sín. Það þarf ekki alltaf að
vera að eltast við ljótleikann,“ bætir
Sigurður við. „Ég er sammála því.
Þessi raunsæiskrafa um að listin
verði fyrst og fremst að vera spegill
samfélagsins og samtímans, verði að
vera gagnrýnin og hrista upp í fólki,
er að mínu mati of einstrengingsleg
krafa. Auðvitað á listin líka að sinna
þessu hlutverki, en ef þetta er eina
hlutverkið þá er verið að hafna svo
mörgum öðrum möguleikum. Listin
getur verið svo margt annað líka. Ég
er þó ekkert á móti því að listin sé
notuð til að gagnrýna og hrista upp í
fólki og ég held meira að segja að
svona sæt bók eins og okkar geti
hrist upp í sumum,“ segir Þór kím-
inn. „Því fegurðin getur nefnilega
líka hrist upp í fólki, sem mótvægi
við allan þennan ljótleika sem dynur
á okkur. Og takist að hrífa fólk með
listinni ertu búinn að ná einhverju
fram,“ segir Sigurður.
„Fegurðin getur líka
hrist upp í fólki“
silja@mbl.is
Teikning eftir Sigurð Þóri úr ljóða-
bókinni Í ljósi þínu.
Morgunblaðið/Kristinn
Þór Stefánsson og Sigurður Þórir.
Puntila og Matti
Síðasta sýning á leikriti Bertolts
Brecht, Puntila bóndi og Matti
vinnumaður á stóra sviði Borgarleik-
hússins verður á morgun, laugardag.
Puntila bóndi á við það vandamál
að stríða að drukkinn er hann mann-
vinur hinn mesti en ódrukkinn
grimmur og óvæginn.
Með aðalhlutverkin fara Theodór
Júlíusson (Puntila), Bergur Þór Ing-
ólfsson (Matti) og Harpa Arnardótt-
ir (Eva, dóttir Puntila), auk þeirra
eru 11 leikarar og hljóðfæraleikarar
í sýningunni. Leikstjóri er Guðjón
Pedersen.
Plómur í New York
Síðasta sýning á Plómum í New
York verður á morgun, laugardag, í
Gamla Bíói. Leikritið er einleikur
eftir Önnu Rósu Sigurðardóttur og
leikur hún hlutverkið. Leikritið hét
áður Plómur og var sýnt í Tjarnar-
bíói í byrjun sumars. Nú er það sýnt í
nýrri og endurbættri útgáfu. Leik-
stjóri er Hera Ólafsdóttir en hún er
nýútskrifaður leikstjóri frá London.
Leikritið verður sett upp í New
York eftir áramót og mun Anna Rósa
halda áfram að leika öll hlutverk sýn-
ingarinnar. Verkið mun ekki verða
tekið upp að nýju hér á landi því Ís-
lenska sambandið er með önnur
verkefni í höndunum og mun setja
upp nýtt verk á næsta leikhúsári.
Síðustu sýningar