Pressan - 12.12.1991, Blaðsíða 7
FIMMTUDAGUR PRESSAN 12. DESEMBER 1991
7
*
Iþróttasamband lögreglumanna
SAFNMFETIL
EKIN ÞARFA
NAFNI
FORVARNA
Ómar Smári
Armannsson
yfirlogreqluþjonn
forvarnadeild og
Böðvar Bragason
baðir að blaðið se
logreglunnar.
íþróttasamband lögreglumanna
hefur nýlega dreift auglýsingablaði í
nafni Forvarna í 20.000 eintökum.
Blaðið er að stórum hluta auglýsing-
ar og verða tekjur af þeim eingöngu
notaðar fyrir íþróttafélagið. Ekkert
af því sem kemur inn vegna útgáfu
blaðsins mun renna til forvarna-
deildar lögreglunnar. Starfsemi
íþróttasambandsins byggist meðal
annars á íþróttakeppnum og ferða-
lögum íþróttamanna í lögreglunni
til annarra landa. Þrátt fyrir að lög-
regluyfirvöld hafi tekið skýrt fram
að engin tengsl maettu vera á milli
blaðaútgáfunnar og starfsemi lög-
reglunnar virðist sem auglýsinga-
kaupendum hafi verið tjáð að útgáf-
an væri í þágu forvarnastarfs lög-
reglunnar.
í maí síðastliðnum greindi PRESS-
AN frá því að efasemdir væru um
hina miklu útgáfustarfsemi á vegum
íþróttasambandsins. Með reglulegu
millibili er gefið út blað um forvarn-
ir og síðan blaðið Ferðafélaginn
einu sinni á ári. Þessum blöðum er
dreift ókeypis og kostuð með aug-
lýsingasöfnun. 'Það eru ekki lög-
reglumennirnir sjálfir sem safna
auglýsingum í blaðið heldur fyrir-
tækið Þjóðráð hf., sem sérhæfir sig
einmitt í slíkri útgáfustarfsemi.
Vanalega semur það einnig um
prentun og dreifingu.
Þjóðráðjekur 27% af ágóðanum
til sín en íþróttasambandið afgang-
inn. Blaðið sem hér um ræðir er 20
síður með 784 styrktarlínur. Ef gert
er ráð fyrir 3.000 króna meðalverði
gefur það 2.352.000 krónur. Því til
viðbótar ertr tvær stórar auglýsing-
ar í blaðinu sem lyfta væntanlegal
auglýsingatekjunum upp í 2,5 millj-
ónir króna.
BÖÐVAR VILDI ENGIN TENGSL
VIÐ ÚTGÁFUNA
í kjölfar skrifa PRESSUNNAR í vor
var málið tekið fyrir af Böövari
Bragasyni, lögreglustjóra í Reykja-
vík, og einnig gerði dómsmálaráðu-
neytið athugasemdir við söfnunina.
,,í mínum huga er þetta mál alger-
lega óviðkomandi lögreglunni í
Reykjavík," sagði Böðvar Bragason
og bætti við: „Formleg tengsl lög-
reglunnar við blaðaútgáfu annarra
aðila eru engin. í framhaldi af mál-
inu í vor tók ég þetta til meðferðar
og niðurstaðan varð þessi, að ég tel
ekki rétt að lögreglan í Reykjavík sé
í neinum tengslum við útgáfustarf-
semi félagasamtaka þó að á vegum
lögreglumanna sé“
— En nú sést enginn munur á út-
gáfunni nú og þá?
„Það er hlutur sem ég get ekki
haft áhrif á, þó að lögreglumenn
sem einstaklingar taki þátt í þessu
starfi. Það eina sem ég get sagt, og
undirstrikaði mjög rækilega þegar
þetta mál var til umræðu, er að við
erum ekki á neinn hátt tengdir þess-
ari útgáfu."
— Finnst þér það hafa tekist?
„Eg hef ekki séð þetta blað sem er
nýkomið út.“
FORVARNADEILDIN HAFNAÐI
ÞVÍ AÐ FÁ ÁGÓÐAHLUT
Eftir umræðuna í vor komu for-
svarsmenn íþróttasambandsins að
máli við fuíltrúa forvarnadeildar
lögreglunnar. Buðu þeir deildinni
að fá hluta af ágóðanum af útgáf-
unni. Að sögn Ómars Smára Ár-
mannssonar hjá forvarnadeildinni
var því hafnað vegna þess að ekki
þótti rétt að hafa nein formleg
tengsl við blaðið.
„Við höfum engan fjárhagslegan
ávinning af þessu blaði annan en
þann að við komum efni á framfæri
endurgjaldslaust sem við hefðum
kannski þurft að borga fyrir birtingu
á annars staðar," sagði Omar Smári.
Hann sagði að það efni sem væri í
blaðinu frá starfsmönnum forvarna-
deildarinnar væri frá þeim sem ein-
staklingum en ekki í nafni deildar-
innar.
VAR SAGT AÐ TEKJURNAR
RYNNU TIL FORVARNA
MEÐAL ÆSKU LANDSINS
„Ég var beðinn að styrkja þetta á
þeim forsendum að ágóðinn ætti að
renna til styrktar forvarnastarfi
meðal æsku landsins," sagði Hálf-
dán Jensen hjá Nýju bónstöðinni í
Hafnarfirði við PRESSUNA. Hann
sagði viðmælanda sinn aldrei hafa
minnst á íþróttasamband lögreglu-
manna. Hann hefði keypt þetta í
þeirri góðu trú að þarna væri verið
að stuðla að heilbrigðari æsku.
„Ég stóð í þeirri trú að þetta ætti
að renna til forveirna," sagði annar.
„Ég spurði hvað um ágóðann yrði
og var svarað með því að hönnunar-
og prentkostnaður væri það mikill
að ágóðinn yrði enginn, en hann
neitaði því ekki beint að það litla
sem út úr þessu kæmi mundi renna
til starfs innan lögreglunnar," sagði
sami maður, sem kvaðst ekki hafa
verið sáttur við þetta þar sem til-
gangurinn var ekki „nógu hreinn og
klár".
„Ég styrkti þetta sem gott mál og
það var hvergi minnst á Iþróttasam-
band lögreglunnar," sagði Krist-
mundur Gylfason hjá prentsmiðj-
unni Klóa. Hann kvað sinn skilning
hafa verið þann að hagnaðurinn
ætti að renna til forvarna.
„Ég tók það þannig að þetta færi
í forvarnir gegn eiturlyfjum, en það
var reyndar aldrei rætt nákvæm-
lega,“ sagði framkvæmdastjóri í
Reykjavík sem keypti línu í blaðinu.
Hann sagði einnig að viðkomandi
hefði kynnt sig sem lögreglumann.
„Ég tók þetta þannig að þetta ætti
að renna til forvamastarfs. Ég hefði
aldrei farið að styrkja íþróttasam-
band lögreglumcinna, þeir geta
sparkað sínum bolta fyrir mér,“
sagði Hafsteinn Pétursson, fram-
kvæmdastjóri veitingastaðarins
Staðið á öndinni. Hann sagði mann-
eskju frá Þjóðráði hafa hringt í sig og
kynnt þetta þannig að ómögulegt
hefði verið að skilja það á annan
veg en að þarna væri um að ræða
blað til styrktar forvörnum.
„VAR SAGT AÐ ÞAÐ YRÐI ÞÁ
EKKI KLIPPT AF HJÁ MÉR“
„Það hringdi inn einhver stúlka
og kynnti þetta þannig að þetta
rynni til forvarna," sagði skrifstofu-
maður í Reykjavík. „Hún nefndi síð-
an upphæð í hærri kantinum. Ég
reyndi að bíta hana af mér og nefndi
töiu á milli 2.000 og 3.000 krónur.
Hún tók því, þannig að ég varð að
kaupa þetta. Ég sagði þá í gríni að
það væri kannski eins gott til að
hafa lögregluna góða og hún svar-
aði þá líka, væntanlega í gríni, að þá
yrði ekki klippt af hjá mér á morg-
un. Eftir á að hyggja er það dálítið
skondið svar.“
„Ég hélt ég væri að styrkja for-
varnastarf en ekki íþróttafélag. Þótt
íþróttafélag lögreglunnar sé sjálf-
sagt góðra gjalda vert þá hefði ég
ekki styrkt það frekar en önnur
íþróttafélög," sagði kona sem keypti
styrktarlínu í Forvörnum.
„Þetta átti að renna til forvarna
vegna slysa á bömum,“ sagði kona
er keypti styrktarlínu. Hún kvaðst
ekki hafa getað skilið þann er í sím-
anum var á annan veg en að ágóð-
inn ætti að renna óskiptur til for-
varnastarfs.
Enginn þeirra er PRESSAN talaði
við kvaðst hafa getað skilið erindi
þess sem hringdi á annan veg en
þann að verið væri að leita eftir
styrktargreiðslum vegna forvarna-
starfs á vegum lögreglunnar. Enn-
fremur sögðu allir að margsinnis
hefði verið hringt í þá vegna þessa,
en þar hefði ekki alltaf verið sami
aðili á ferð.
Sigurður Már Jónsson
Haraidur Jónsson
Oskar Bjartmars
ÁGÓÐINN FER TIL ÍÞRÓTTASAMBANDSINS
i — Er þessi útgáfa eitthvaö frá-
brugðin útgáfunni í vor?
„Það er frábrugðið að því leyti að
forvarnadeild lögreglunnar í
Reykjavík á ekki aðild að þessu
blaði núna.“
— Þá sem nú fer allur ágóði af
blaðinu til íþróttasambandsins?
„Ef það verður einhver ágóði af
því já, þá kemur hann hingað."
— Nú voru gerðar athugasemdir'
við útgáfuna í vorafhálfu lögreglu-
stjóra? •
„Ég má bara ekki vera að því að
tala við þig, þú verður bara að
hringja seinna," sagði Óskar Bjart-
marz, formaður Iþróttasambands
lögreglumanna og ábyrgðarmaður
blaðsins, og sleit samtalinu.