Pressan - 12.12.1991, Blaðsíða 9
FIMMTUDAGUR PRESSAN 12. DESEMBER 1991
9
Svavar Egilsson. Hann hefur átt í miklum vandræðum. Úr þeim hefur ekki
dregið, heldur þveröfugt. Til að bjarga Veröld þarf hannað verða sér úti um 15
milljónir króna fyrír helgi.
leigu og eignarhluti Veraldar í því er
lítill.
„Ég hef ekki heyrt um neinn sem
er að kaupa sér hlut í Veröld. Svavar
segir aftur á móti að hann sé að fá
menn til liðs við sig. Ég óska honum
velfarnaðar í þessu,“ sagði Andri
Már Ingólfsson.
Allir sem PRESSAN hefur rætt við
eru á því að Veröld eigi sér skamma
framtíð. „Þetta hefði ekki þurft að
fara svona," sagði Andri Már.
„Það getur vel verið að Svavari
takist að leysa þessi mál um helgina
og senda fólkið til Kanarieyja og
greiða BSP-gjöldin. En það kemur
ekki til með að duga honum. 2.
janúar falla á hann greiðslur vegna
þeirra farseðla sem hann hefur ver-
ið að greiða skuldir með. Það verður
meira en hann þolir. Ég er frekar á
þeirri skoðun að þetta stöðvist hjá
honum um áramót en núna. Það
verður að skoða það að venjan er sú
að 70 til 80 prósent farþega greiði
allar ferðirnar nokkru fyrir brottför,
fólk sem á ekki að fara fyrr en í janú-
ar, febrúar og jafnvel mars sem hef-
ur greitt, og þá peninga getur Svav-
ar hugsanlega notað til að koma
þessum þremur vélum út fyrir jól,“
sagði maður sem starfar við ferða-
mál.
„Þetta hefði ekki þurft að fara
svona," sagði Andri Már Ingólfsson.
SAMÚÐ MEÐ SVAVARI
„Ég hef ákveðna samúð með
Svavari," sagði einn sem þekkir vel
til í þessum viðskiptum. „Það er
grínlaust að vera í samstarfi við
feðgana Ingólf og Andra Má. Það
sýndi sig þegar þeir yfirgáfu Útsýn
eftir að þar fór að ganga illa. Þeir
eru að leika sama leikinn núna. Ég
veit svo sem ekkert um hvað Svavar
átti mikla peninga þegar hann byrj-
aði í þessum ferðabransa, en ég held
að hann hefði ekki getað tapað
meiru en í þessu samstarfi. Ég er
ekki einn um að hafa samúð með
honum," sagði sami maður.
FYRIRSPURNIR TIL
NEYTENDASAMTAKANNA
„Það hafa komið fyrirspurnir til
okkar um hvort óhætt sé að greiða
inn á ferðir hjá Veröld," sagði Jó-
hannes Gunnarsson, formaður
Neytendasamtakanna.
Hann sagði að þar sem samtökin
þekktu ekki fjárhag Veraldar hefðu
svör til fólks verið á þá leið að það
yrði hver að ákveða fyrir sig.
En hafa Neytendasamtökin leitad
svara hjá Veröld?
„Nei, það höfum við ekki gert.
Það er sama hvort fyrirtæki er vel
statt eða illa, svörin eru alltaf eins;
að allt sé í lagi,“ sagði Jóhannes
Gunnarsson.
TILBOÐIÐ STENDUR
EKKI LENGUR
„Það er sá skilningur okkar á
milli, mín og stjórnarformannsins,
að ég sé hættur að vinna hjá Ver-
öld,“ sagði Andri Már Ingólfsson,
fyrrverandi framkvæmdastjóri Ver-
aldar. Andri Már var framkvæmda-
stjóri Veraldar frá upphafi fyrirtæk-
isins.
„Tilboðið sem églagði fram stend-
ur ekki enn, ekki að óbreyttu. Fyrir-
tækið hefur stórskaðast síðan. Þessi
neikvæða umfjöllun hefur skaðað
það. Traust fyrirtækisins hefur rýrn-
að. Það var óþarfi að hleypa þessu
þetta langt. Það var hægt að koma
í veg fyrir þessa umfjöllun."
Var ástœda þess að þú gerðir til-
boö í Veröld sú að þú ert í persónu-
legum ábyrgðum fyrir fyrirtœkið?
„Ég á ekkert í Veröld og hef ekki
tekið á mig ábyrgðir."
Ástœða þess að þú vildir kaupa
var þá ekki sú að þú vildir bjarga
persónulegum ábyrgðum?
„Nei. Ég lít hins vegar þannig á
þetta, að ég sé búinn að leggja á mig
mikla vinnu við að byggja fyrirtæk-
ið upp — það hefur enginn gert
meira í því en ég — og mér þykir
leitt ef öll sú vinna ætlar að verða til
einskis.1'
Ertu að undirbúa stofnun nýrrar
ferðaskrifstofu?
„Nej. Ég er ekki að hugsa um neitt
slíkt. Ég er í fríi, það er ágætt í ein-
hvern tíma. Ég hef ekki átt frí í mörg
ár,“ sagði Andri Már Ingólfsson.
ÞETTA ER AÐ KOMA
„Þetta er allt i góðum málum.
Þetta er líka flug sem Flugleiðir eru
með að hluta. Við erum með sæti í
vélunum hjá þeim. Sú hætta hefur
aldrei verið fyrir hendi," sagði Svav-
ar Egilsson þegar hann var spurður
hvort óvissa væri um hvort Veröld
gæti staðið við Kanaríeyjaferðirnar.
„Eina sem hefur gerst er að skrif
um fyrirtækið urðu til þess að menn
hrukku við. Þeir sem hafa skoðað
þetta hafa séð að þetta er ekkert
mál. Það er æskilegt að fá inn aukið
fé, það er það hjá öllum fyrirtækj-
um. Það er betra að reka fyrirtæki
þegar mikið er til af peningum. Við
erum hluti af þessu þjóðfélagi sem á
í miklum erfiðleikum. Ég vil benda
á að hlutabréf í Eimskip og öðrum
stórum fyrirtækjum hafa verið að
falla. Þetta lítur vel út. Þeir sem ég
er að ræða við eru á fullu í eigin
rekstri og verða að sinna honum.
Þetta tekur sinn tíma. Það er ekki
eins og þetta hafi þurft að gerast í
gærkvöldi. Þetta tekur sinn tíma,"
sagði Svavar Egilsson.
Sigurjón Magnús Egilsson
Andri Már Ingólfsson. Hann segir aötilboö þaö sem harm gerði í Veröld standi
ekki lengur. Hann segir einnig aö traust fyrirtækisins hafi rýrnað og það þvi
ekki eins mikils viröi í dag og þaö var fyrir einni viku.
MT að á ekki af Landsbankanum
að ganga. Eins og flestir vita hefur
bankinn átt í vandræðum. Nú virð-
ist hann vera að tapa
um 30 milljónum
króna vegna klúðurs
í viðskiptum við Ól-
af Björnsson í Ósi.
Skuldabréf upp á 35
milljónir á að vera
tryggt að mestum
hluta í fasteigninni Suðurhrauni 2a í
Garðabæ. Aðrir kröfuhafar sam-
þykkja það ekki og segja enga eign
vera til í Suðurhrauni 2a, aðeins
Suðurhrauni 2. Eins og PRESSAN
hefur áður sagt frá skipti Ólafur
Björnsson eigninni upp og veðsetti
tvisvar. Þar sem bankinn tók veð í
„nýju" eigninni getur fátt komið í
veg fyrir að Landsbankinn tapi um
30 milljónum króna, en hafi veð fyr-
ir 7,5 milljónum .. .
Ml að var Bjarni Magnússon,
útibússtjóri Landsbankans í Breið-
holti, sem tók ákvörðun um að lána
Ósi hf. þessar 35
milljónir. Með
ógætni hefur hann
því skaðað vinnu-
veitanda sinn,
Landsbankann,
verulega. Fullvíst er
talið að bankinn hafi
engar varnir í þessu máli og verði að
horfa á eftir láninu. Reyndar eru
tveir sjálfskuldarábyrgðarmenn á
bréfinu, Ólafur Björnsson og eig-
inkona hans, Jónina H. Jónsdótt-
ir, en eins og komið hefur fram í
PRESSUNNI hefur Háteigur hf.
keypt einbýlishús þeirra hjóna og
því væntanlega lítið til þeirra að
sækja ...
ÍVI
lTAannabreytingar hjá Utgerð-
arfélagi Akureyringa hafa vakið at-
hygli heimamanna. Undanfarið
hafa nefnilega
streymt yfir til fyrir-
tækisins gamlir sam-
starfsmenn Gunn-
ars Ragnars frá
Slippstöðinni. Þar
var Gunnar, sem
kunnugt er, yfirmað-
ur um langt skeið og var talað um
„hirð" hans á meðal yfirmanna
Slippstöðvarinnar. Þessar breyting-
ar ganga reyndar svo langt að rætt
er um ÚA sem „flóttamannabúð-
ir“...
Kjvo sannarlega hefðu Islending-
ar orðið fyrir sárum vonbrigðum
hefði henni Raísu Gorbatsjov
láðst að láta okkar
getið í glænýrri við-
talsbók sem kemur
vonum fyrr út á ís-
lensku þessi jólin
undir heitinu Ég
vona. En auðvitað
man hún eftir okkur,
annars hefði bókin kannski ekki
verið þýdd. Hún segir: „Svo kom
október árið 1986 og fundurinn í
Reykjavík á íslandi. Hversu mikið
hefur ekki verið ritað nú þegar um
þennan leiðtogafund Sovétríkjanna
og Bandaríkjanna og spennuna sem
myndaðist í kring um hann! Já, við
urðum öll að þola hana en við mun-
um og skiljum líka mikilvægi fund-
arins — því án fundarins í Reykjavík
hefði ekki komið til fundanna í
Washington 1987 eða í Moskvu
1988." Svo mörg voru þau orð . . .