Heimilistíminn - 04.12.1975, Blaðsíða 29
Hvernig er veðrið niðri á
götunni?
Stærsta íbúðar- og
skrifstofuhús í heimi er í
Chicago. Það er 100
hæðir og skýin eru venju
lega um 50. hæðina ...
ÞEGAR Glenn Craft fer til vinnu á
morgnana, þarf hann fjórum sinnum að
skipta um samgöngutæki. Samt er hann
aðeins fimm minútur á leiðinni á skrif-
stofuna. Hann þarf nefnilega ekki að fara
út úr húsinum sem hann býr i. Það er
hæstafbúðar-og skrifstofuhús í heimi, 100
hæðir og 369 metrar. Glenn býr á 40. hæð
og skrifstofan er á þeirri 20. En hún er
hinum megin í húsinu og þess vegna þarf
hann að skipta um lyftu. Lyfturnar fjórar
ihúsinu ganga með 36 km/klst hraða, svo
þetta tekur ekki langan tima.
Það búa 1300 manns i þessu húsi og fólk-
ið hefur öll þægindi lifsins innan þessara
fjögurra veggja. Þar eru sex veitinga-
staðir, allar tegundir verzlana, vöruhús,
fæðingardeild, læknar, tannlæknar og
tryggingafélög. Þarna eru rafmagnstæki,
sem nægja myndu 30 þúsund manna bæ. 1
húsið fóru 46 þúsund lestir af stáli, það
sama og þarf i 33 þúsund bila, 11.459 gler-
rúður hleypa birtunni inn, en það er eink-
um á efstu hæðunum, sem birtan er nægi-
leg.
Frú Jane Refakes, ergift vixlara og byr
á 66. hæð. Hún er vön að hringja niður til
dyravarðarins á hverjum morgni til að
athuga hvernig veðrið er svo hún viti,
hverju hún á að klæðast.
Húsið er nefnilega svo hátt að regn- og
snjóský eru fyrir neðan 50. hæð en þar
fyrir ofan eryfirleitt alltaf sólskin. Refak-
es-fjölskyldanhefurfimm herbergja ibúð
og leigan er um það bil 450 þúsund isl.
krónur á mánuði.
Hátt uppi i húsinu er sundlaug með til-
heyrandi trjágarði, þar sem tré og runnar
spegia sig i vatnsfletinum, en vatnið er si-
rennandi og þvi alltaf hreint. Þaö kostar
ekkertfyriribúahússinsaðfara isund. Af
öðru sameiginlegu má nefna billjard-
stofu, keiluspilsbrautir og handknatt-
leiksvöll. Þarna er lika barnagæzla og
barnadaghéimili og yfir húsinu vakir hóp-
ur varða til að aðgæta, hverjir fara út og
inn. Þetta er eitt öruggasta hús i glæpa-
borginni Chicago og það er ein af ástæö-
unum til þess að biðlistar eftir húsnæði
þar eru ógnarlangir. Aldrei hefur verið
framið innbrot i húsið.
29