NT - 19.09.1985, Blaðsíða 12
Fimmtudagur 19. september 1985 12
Ekkert sérstakt
Saga - Behavior
■ Þá er komin út sjötta plata hljóm-
sveitarinnar Sögu. Saga er kanadísk
rokkhljómsveit og hafa menn deilt
um þaö lengi og mikið hvort Saga sé
sönn þungarokkhljómsveit eður ei.
Reyndar skiptir það ekki öllu máli og
verður sú umræða ekki stunduð hér.
Hljómsveitin varð fyrst þekkt hér á
landi fyrir um það bil 5 áruni síðan,
fyrir milligöngu sjónvarpsins. Reynd-
ar var það helber tilviljun. f>að var
verið að sýna þriggja tíma tónleika-
mynd, þar sem fituhlunkurinn Meat
Loaf var aðalúmerið. En landinn
fílaði Sögu og brátt voru plötur
hljómsveitarinnar komnar í verslanir
hér á landi.
Aðdáendahópur Sögu hefur aldrei
verið verulega stór hérlendis, en
tryggur hefur hann verið. Vonandi er
platan Behavior kærkomin aðdáend-
um hljómsveitarinnar.
Hljómsveitinni er best lýst með því
að segja hana spila rokk af amerísku
línunni, ekki mjög hratt en kraftmik-
ið og hlaðið hljóðfæraleik og röddum.
Lögin á Behavior eru hvert öðru líkt.
Hljómsveitarmeðlimirnir semja allir
og eru flest lögin unnin í samvinnu.
Helsti textahöfundur Sögu, er söngv-
ari hljómsveitarinnar Michael Salder
og tekst honum oft ágætlega upp.
Hljómsveitarmeðlimirnir eru ágæt-
ir hljóðfæraleikarar og þeir kunna sitt
fag, enda hafa þeir spilað Svona
tónlist í ein 10 ár. Ian Crichton er
nokkuð góður gítarleikari, Steve
Negus notar rafmagnstrommurnar
skemmtilega og hljómborðsleikarinn
Jim Gilmor á ágætan leik, sérstaklega
er hann skemmtilegur á píanóinu í
rólegu lögunum.
Mér hefur reyndar alltaf þótt Saga
standa sig best í rólegu lögunum, sem
mörg hver eru býsna falleg og það
sama má segja um lögin á Behavior.
Þar eru þaö lögin (Goodbye) Once
Upon A Time, What Do I Know? og
sérstaklega You And The Night sem
standa uppúr.
Það sem gerir rólegu lögin sérstök
er að í þeim er ekki sama krullið í
útsetningunum eins og algengt er hjá
Sögu og sambærilegum hljómsveit-
um. Hljóðfærin yfirgnæfa oft á tíðum
hvert annað, en annað er uppi á
teningnum í rólegu lögunum og það
eru einmitt þau sem maður man eftir
þegar minnst er á hljómsveitina Sögu.
(6af 10)
ÞGG
Orðsending
tíl fyrirtækja
og eínstaklinga í atvinnurekstri
Skattrannsóknarstjóri hefur ákveðið að kanna bókhald þeirra aðila sem eru skyldir til að gefa út reikninga í
viðskiptum slnum við neytendur. Kannað verður hvort farið er eftir þeim reglum sem gilda um skráningu
viðskipta á nótur, reikninga og önnur gögn. Dagana 23. september til 7. október verða 400 fyrirtæki úr 27
atvinnugreinum heimsótt af starfsmönnum Skattrannsóknarstjóra í þessu skyni.
Könnunin nær til fyrirtæKia úr eftirtöldum atvinnugreinum:
Númeratvlnnu- grelnar: Heltl atvlnnugreinar:
261 Trésmlði, húsgagnasmlði
262 Bólstrun
332 Gleriönaöur, speglagerð
333 Leirsmíði, postulínsiðnaður
339 Steinsteypugerð, steiniðnaður
350 Málmsmlði, vélaviðgerðir
370 Rafmagnsvörugerð, raftækjaviðgerðir
383 Bifreiðaviðgerðir, smurstöðvar
385 Reiöhjólaviögerðir
395 Smlði og viðgerð hljóðfæra
410 Verktakar, mannvirkiagerð
420 Bygging og viðgerð mannvirkia
491 Húsasmlði
492 Húsamálun
493 Múrun
494 Pípulögn
495 Rafvirkiun
496 Veggfóörun, dúklagning
497 Teppalögn
719 Ferðaskrifstofur
826 Tannlækningar
841 Lögfræðiþjónusta, fasteignasalar
842 Bókhaldsþjónusta, endurskoðun
843 Tæknileg þjónusta
847 Innheimmtustarfsemi
867 Ljósmyndastofur
869 Persónuleg þjónusta ót. a„ t.d. heilsuræktarst.
SKATTRANNSÓKNARSTJÓRI
Steindautt!
Opus: Live Is Life
■ Það eru ömurleg örlög hljóm-
sveitar að koma einu lagi ofarlega á
vinsældarlista og geta síðan ekki
meira. Já, það er verulega fúlt. Ein-
hverjir gætu fengið áhuga á hljóm-
sveitinni, farið að hlusta á hana og
komist að hinu sanna.
Þetta ferli (skyndilegar vinsældir
eins lags og síðan algjör gleymska), er
nokkuð þekkt í sögu poppsins og hér
höfum við nýtt dæmi. Austurríska
hljómsveitin Opus varð fyrir því óláni
að lagið „Live Is Life“ gerði það gott
á vinsældalistum, og platan „Live Is
Life“ er algjört fíasko.
Helsti galli plötunnar er að hún er
tekin upp á hljómleikum. Flestar
hljómsveitir hefðu gert betur í stúdíói
og það sama verður að ætla um Opus.
Upptakan er mjög flöt, hljómsveitin
virðist kraftlaus og ekki er langt frá
því að maður vorkenni þeim sem
stóðu undir berum hirnni og hlýddu á
leik hljómsveitarinnar á áðufnefnd-
um tónleikum. Það er vonandi að
veðrið hafi verið gott og kaldur,
svalandi bjór hafi verið seldur á
staðnum.
Tónlistin sem Opus spilar er þynnt
amerískt rokk, frekar í þyngri kantin-
um. Söngurinn er raddaður á amer-
íska vísu og takturinn er frekar
þungur, þó ekki sé hægt með góðri
samvisku að flokka þetta 12 ára
gamla band undir þungarokkshljóm-
sveit.
Já, Opus hefur verið að í 12 ár og
bendir það ótvírætt til mikilla vin-
sælda heima fyrir, enda heyrist manni
á plötunni að hljómsveitin geti samið
sæmilegustu lög, en þeir ættu að
halda sig við stúdíóið og gefa sér
nægan tíma. Allir textar Öpus eru á
ensku og eru þeir alveg lausir við að
vera bókmenntaverk. Þó fá þeir prik
fyrir jákvæðni og bjartsýni.
Platan „Live Is Life“ er ekki góð,
og hún segir lítið um hljómsveitina
Opus, lögin eru skemmd með upptök-
unni og það má guði fyrir þakka að
albúmið var ekki tvöfalt, því hljóm-
sveitin flutti 21 lag á konsertnum og
12 þeirra' eru á plötunni.
Það er óskandi að liðsmenn hljóm-
sveitarinnar Opus geri ekki ráð fyrir
heimsfrægð, í kjölfar lagsins „Live Is
Life“, því það er alltaf leiðinlegt að
verða fyrir vonbrigðum!
(3af 10)
ÞGG
mmgMmMmiWMmmmmm
OLL ALMENN PRENTUN
LITPRENTUN
TÖLVUEYÐUBLÖÐ
• Hönnun
• Setning
• Filmu- og plötugerð
• Prentun
• Bókband
PRENTSMIDJAN
CclA
Cl H F.
SMIÐJUVEGI 3, 200 KÓPAVOGUR
SIMi 45000
t