24 stundir - 22.07.2008, Blaðsíða 32
24stundir
? Ég á nokkrar eldri vinkonur semkomnar eru á dvalarheimili. Ég heim-sæki þær allt of sjaldan en í hvertsinn verð ég hugsi vegna aðbúnaðaraldraðra. Þessar vinkonur mínar eigaþað sammerkt að vera af kynslóð semvar meira annt um hag annarra ensinn eigin og þær hafa lungann af ævi
sinni séð til þess að enginn færi
svangur eða þyrstur frá þeirra húsum.
Þegar þær fara á stofnun er þeim
snarlega gert að þiggja alla þjónustu
og geta ekkert veitt. Ég held að það
falli þeim ekki vel.
Þær gleðjast við að fá heimsókn en
fara strax að afsaka að því miður eigi
þær ekkert kaffi að bjóða. Þegar byrj-
að er að spjalla er eins og viðræður
komist seint á skrið og með reglulegu
millibili segja þær: „Það er verst að ég
á ekkert kaffi að bjóða þér.“
Af hverju er ekki „kósí-horn“ á
dvalarheimilum, þar sem íbúar geta
sest niður með gestum sínum og
rennt á könnuna? Ég er fullviss um að
ef þessar vinkonur mínar fengju að
snuddast við að leggja bolla á borð og
gætu hellt upp á, þá myndi losna um
málbeinið hjá þeim. Þær yrðu alsælar
að geta boðið upp á „tíu“ og heim-
sóknir yrðu ánægjulegri. Þessi aðstaða
þyrfti ekki að vera opin nema yfir há-
daginn og ég er sannfærð um að ekki
yrði kvartað undan umgengni því þær
myndu sjálfar sjá um að halda öllu
snyrtilegu eins og þær gerðu í tugi ára
á eigin heimili.
Verst að geta ekki boðið kaffi
Þóra Þórarinsdóttir
telur það ekki henta
öllum að vera þiggj-
endur.
YFIR STRIKIÐ
Má ekki breyta
elliheimilum?
24 LÍFIÐ
Nýja Batman-myndin hefur gert
allt vitlaust í Bandaríkjunum. Hún
sló aðsóknarmet og
fær frábæra dóma.
Batman
byrjar vel
»26
Strákarnir í hljómsveitinni Hver er
Mjallhvít? þykja nokkuð lágvaxnir,
en tókst samt að gefa út
nýja plötu.
Dvergarnir í Hver er
Mjallhvít? með disk
»30
Hljómsveitin Sigur Rós var eitt að-
alnúmerið á Latitude-tónlistarhá-
tíðinni á Englandi.
Sveitin þótti rokka feitt.
Sigur Rós kom, sá og
sigraði á Latitude
»27
● Tekið undir
með Bach
„Á tónleikunum
verða flutt þrjú
verk eftir Bach en
Guðmundur var
mikill aðdáandi
hans. Ágúst Ólafs-
son og Marta
Guðrún Halldórsdóttir syngja en
Bachsveitin í Skálholti leikur. Við
hvetjum síðan tónleikagesti til að
taka undir við lok tónleikanna og
mynda þannig kór,“ segir Nathalía
Druzin Halldórsdóttir, fram-
kvæmdastjóri Sumartónleika í
Skálholti, um minningartónleika
um séra Guðmund Óla Ólafsson á
fimmtudagskvöldið.
● Í veiði „Nú er ég
kominn í fríið og
byrja á því að fara
í veiði á fimmtu-
dag,“ sagði Guð-
jón Þórðarson, en
hann hætti í gær
sem þjálfari
Skagamanna.
„Það lítur ágætlega út, rigning og
suddi framundan og ég á von á því
að gamla vinkona mín, Fáskrúð
vestur í Dölum, verði mér gjöful
og góð.“ Guðjón segir óvíst hvað
við taki en hann sé ekki hættur í
boltanum. „Það var nú ekki planið
en maður veit aldrei. Það getur
verið að mér bjóðist eitthvað ann-
að og þá skoða ég það. Fótboltinn
er ekki upphaf og endir lífsins.“
● Gamalt og nýtt
„Lagið er komið í
nýjan og dans-
vænni búning Ör-
lygs Smára, sem
samdi lagið upp-
haflega,“ segir
Erna Hrönn
Ólafsdóttir, söng-
kona Bermuda, en sveitin hefur
endurútgefið lagið Á Bermuda,
með aðstoð Örlygs Smára. „Þessi
útgáfa er ennþá suðræn og seið-
andi. Líklega tökum við þó gömlu
útgáfuna á böllum hjá okkur, enda
hljóðfæraskipanin miðuð við hefð-
bundnari hljóðfæri en fá að njóta
sín í nýju útgáfunni.“
Ritstjórn
Sími: 510 3700
ritstjorn@24stundir.is
Auglýsingar
Sími: 510 3700
auglysingar@24stundir.is
Hvað ætlar þú að
gera í dag?
- kemur þér við