24 stundir - 12.09.2008, Blaðsíða 5

Velkomin á 10. Ljósanótt að ári
Ágætu íbúar og gestir,
Ljósanótt var haldin í 9. sinn í Reykjanesbæ og var þátttaka nú óvenju mikil allt
frá fimmtudegi og fram á sunnudag. Talið er að á milli 40-45 þúsund manns
hafi verið í bænum á hápunkti hátíðarhaldanna. Vel á 5. hundrað manns lögðu
hendur á plóginn við að skapa sýningar, verslun, þjónustu og öryggi svo sem
best varð á kosið.
Á 3. þúsund grunnskóla- og leikskólabörn okkar hófu Ljósanóttina og mörk-
uðu upphaf að fjölmörgum vel unnum sýningum um allan bæ.
Mikill fjöldi íbúa fékk góða gesti til sín og þannig má segja að hver einasti íbúi
hafi haft hlutverki að gegna á þessari mögnuðu hátíð. Þakklæti okkar til þeirra
sem lögðu sig fram um að þjóna öðrum með svo margvíslegum hætti á Ljósa-
nótt er mikið. Án sýninga og skemmtiatriða, áhugamanna og atvinnumanna,
einstaklinga og hópa, heimamanna og aðkomumanna, væri Ljósanótt ekki það
sem hún er orðin.
Unglingarnir okkar voru til fyrirmyndar, eins og jafnan.
Lögregla og öryggissveitir sinntu starfi sínu af sömu alúð og við þekkjum þau
fyrir og leystu verkefni sín frábærlega. Forvarnarhlutverk þeirra var ekki síst
vel leyst.
Okkur tekst að halda sterku yfirbragði og sérstöðu fjölskylduhátíðar
á Ljósanótt. Það gerist eingöngu með mjög samstilltu átaki hundruða að-
standenda og einstakri stjórnun Ljósanæturnefndar og framkvæmdastjóra
hennar.
Allir eru sammála um að þessi ljósanótt hafi farið afar vel fram. Umferðin að
og frá bænum okkar gekk nú snurðulaust.
Hafið öll bestu þakkir fyrir frábæra hátíð og velkomin á Ljósanótt að ári.
Árni Sigfússon
bæjarstjóri
Ljósanótt er menningar- og fjölskylduhátíð Reykjanesbæjar sem haldin er fyrstu
helgina í september ár hvert. Ljósanótt verður haldin í 10. sinn 2009 og verður þeim
áfanga fagnað með eftirminnilegum hætti.