Morgunblaðið - 10.01.2005, Blaðsíða 16

16 MÁNUDAGUR 10. JANÚAR 2005 MORGUNBLAÐIÐ
MENNING
„ÞETTA eru svona mismunandi
dekurmál mín, sem mig langar til að
koma á framfæri“, segir nýr bæj-
arlistamaður Seltjarnarnesbæjar,
Auður Hafsteinsdóttir fiðluleikari,
um tilnefninguna, en í umsókn sinni
lagði hún áherslu á löngun sína til að
efla enn frekar tónlistarmenningu á
Seltjarnarnesi. Það hyggst hún gera
með því að efna til tónlistartengdra
viðburða fyrir eldri sem yngri ald-
urshópa. Auður, sem var formlega
tilnefnd bæjarlistamaður við hátíð-
lega athöfn í Bókasafni Seltjarn-
arness á laugardag, segir að það sé
svo margt sem tónlistarfólk geti
miðlað á sviði tónlistar með öðrum
hætti en hefðbundinni spilamennsku.
„Samhliða henni hef ég alltaf verið
að kenna mikið. Í kennslunni sér
maður svo glöggt hvað einstakling-
urinn þroskast í gegnum tónlistina
og sjálfsmyndin verður sterkari. Og
það er það sem mig langar til að
leggja mesta áherslu á hérna á Nes-
inu á þessu ári.
Mig langar til að fara inn í skólana
og gera tónlistina snertanlega. Ég
ætla jafnvel að taka nemendur mína
með mér til að spila fyrir krakkana
og láta þau vera þátttakendur með
þeim hætti. Og reyna að láta börnin
koma til móts við okkur – kannski fá
þau sem kunna á hljóðfæri til að
koma fram – eða þá jafnvel að virkja
þau til að koma með einhvers konar
önnur verkefni á móti.“
Tónlistin sem forvörn
Auður segist ekki vera búin að móta
þessar hugmyndir sínar að fullu enn
sem komið er, en það muni hún nú
gera, m.a. í samstarfi við tón-
menntakennara. Því markmið henn-
ar er að fara inn í almenna skólakerf-
ið, en ekki bara inn í tónlistarskóla.
„Sannleikurinn er sá, þótt það
gleymist oft í hringiðunni hérna í
dag, að við þurfum að tala meira um
tónlistina sem forvörn. Mér er mjög
umhugað um að koma því á fram-
færi. Að koma því upp á yfirborðið
hvað tónlistin er mikilvæg forvörn,
hún er uppbyggjandi og þáttur í al-
mennri menntun sem allir ættu að
búa yfir. Í forvörnunum er svo mik-
ilvægt að þroska sjálfsmynd
barnanna. Hver og einn hefur sinn
karakter og getur í rauninni fundið
sjálfan sig í gegnum tónlistina.“
Umhugað um
uppeldishlutverk tónlistar
Auður hlær og viðurkennir að henni
sé mjög umhugað um uppeldis-
hlutverk tónlistarinnar – í víðum
skilningi – ekki einungis fyrir þá sem
ætla sér að verða tónlistarmenn.
„Því þeir þurfa kannski síst á því að
halda,“ segir hún. „Ég vil fara með
tónlistina til allra; út á meðal fólks-
ins, eins og maður segir. Stundum
heldur fólk að tónlistin sé svo ósnert-
anleg og óskiljanleg, og það eru ein-
mitt þeir múrar sem ég vil brjóta
niður.“
Það sama segir hún eiga við um
tónlist fyrir eldra fólkið á Nesinu.
„Hátíðleikinn, sem er hluti af tónlist-
inni, verður auðvitað að vera með, en
tónlistin getur líka verið hluti af dag-
legu lífi. Mig langar til að mynda að
koma fram á sögustundum sem eru
einu sinni í viku á bókasafninu og
spila fyrir börnin. Slíkar ferðir yrðu
líka farnar inn á öldrunarheimili,
markmiðið er að miðla tónlistinni
sem hluta af daglegu lífi, án þess að
fólk þurfi alltaf að setja sig í stell-
ingar til að hlusta og njóta.“
Auður Hafsteinsdóttir lauk ein-
leikaraprófi frá Tónlistarskólanum í
Reykjavík árið 1983, aðeins sautján
ára gömul. Að því loknu stundaði
hún framhaldsnám við New England
Conservatory í Boston og lauk þaðan
Bachelor of Music gráðu með hæstu
einkunn. Meistaranámi í tónlist lauk
hún síðan árið 1991 frá Háskólanum í
Minnesota. Hún hefur hlotið fjölda
viðurkenninga á ferli sínum sem
fiðluleikari og fékk m.a. C.D. Jack-
son verðlaunin sem framúrskarandi
strengjaleikari á alþjóðlegri tónlist-
arhátíð í Tanglewood árið 1995 og
fyrstu verðlaun í Schubert Club
Soloist keppninni í Minneapolis árið
1988. Hún var konsertmeistari Óp-
eruhljómsveitar Minnesota á ár-
unum 1989–91 og borgarlistamaður
Reykjavíkur til þriggja ára frá 1991.
Hún er kennari í fiðluleik við Tónlist-
arháskólann í Reykjavík og Listahá-
skóla Íslands.
Langar að breyta aðeins til
Auður hefur verið mjög ötul í tónlist-
arlífi landsmanna síðan hún sneri
heim og ljóst er að eitthvað hlýtur að
vera á döfinni hjá henni á þeim vett-
vangi líka. „Þegar maður kemur
heim eftir nám er maður kominn í
fjórar mismunandi kammergrúppur
áður en maður veit af,“ segir hún. Nú
telur hún sig standa á þeim tímamót-
um að mögulegt sé að breyta aðeins
til. „Mig langar til að vinna meira að
verkefnum sem eru mér sjálfri hug-
leikin. Sem dæmi um slíkt má nefna
Tíbrártónleika sem verða í Salnum
núna í byrjun mars; einleikstónleikar
með Steinunni Birnu Ragnarsdóttur
og Huldu Björk Garðarsdóttur. Við
ætlum m.a. að flytja verk eftir Grieg
og Hjálmar H. Ragnarsson. Þetta
verður þá bæði íslenskt og róm-
antískt, þannig að segja má að ólíkir
heimar mætist. Jafnframt verð ég
með í kammertónleikum hér á landi í
sumar og sömuleiðis erlendis. Af
öðrum spennandi verkefnum má
nefna kammertónleika í Berlín, sem
Jóhann Jóhannsson, höfundur tón-
listarinnar í Englabörnum, bað mig
um að taka þátt í. Við munum spila
hans tónlist og í þessu verkefni fæ ég
svolítið að leika mér,“ segir Auður.
„Ég verð þar ásamt félögum úr
Eþos, en þetta er svolítið annar
heimur en sá klassíski. Mér finnst
skemmtilegast að prófa að vinna í
ólíkum heimum. Árið fer sem sagt í
að virkja hinn almenna borgara í list-
inni, stunda mína eigin spila-
mennsku og svo væntanlega að taka
upp geisladisk. En ég vil ekki tala
um hann strax!“ segir Auður Haf-
steinsdóttir, bæjarlistamaður Sel-
tjarnarnesbæjar, hlæjandi að lokum.
Morgunblaðið/Þorkell
„Í kennslunni sér maður svo glöggt hvað einstaklingurinn þroskast í gegnum tónlistina og sjálfsmyndin verður
sterkari,“ segir Auður Hafsteinsdóttir, fiðluleikari og bæjarlistamaður Seltjarnarness árið 2005. Hér er hún ásamt
Sólveigu Pálsdóttur, formanni menningarmálanefndar Seltjarnarnesbæjar.
Hefur ánægju
af mismun-
andi heimum
Tónlist | Auður Hafsteinsdóttir er bæjarlistamaður Seltjarnarness árið 2005
fbi@mbl.is
SIGURVEGARAR í fimm
flokkum Whitbread-bókmennta-
verðlaunanna keppa nú um tit-
ilinn Bók ársins, en verðlaunin
þykja ein hin virtustu á sviði
bókmennta þar í landi. Bæk-
urnar fimm hafa þegar hlotið
verðlaun að upphæð 5.000 pund.
Í úrslitum eru: Skáldsagan
Small Island eftir Andreu Levy,
barnabókin Not the End of the
World eftir Geraldine
McCaughrean, skáldsagan Eve
Green eftir Susan Fletcher sem
er frumraun höfundar, ævisag-
an The Life of Mary Queen of
Scots eftir John Guy og ljóða-
safn Michaels Symmons Ro-
berts.
Dómnefnd verðlaunanna
skipa meðal annars sir Trevor
McDonald, leikarinn Hugh
Grant og rithöfundarnir Joanne
Harris, Jenny Colgan og Am-
anda Craig. Verður tilkynnt um
val á Bók ársins hinn 25. janúar
næstkomandi. Verðlaunaféð fyr-
ir þann titil er 25.000 pund.
Whitbread-bók
ársins valin
Andrea Levy er einn þeirra höf-
unda sem þykja líklegir til að
hreppa Whitbread-verðlaunin
bresku fyrir bók ársins, en verk
hennar varð hlutskarpast í flokki
skáldsagna ársins.
Mikið úrval af
fallegum
rúmfatnaði
Skólavörðustíg 21, Reykjavík, sími 551 4050
LJÓSMYNDIR
mbl.is